TOURNOIS

adjectif et substantif masculin

[T-L : tornois ; GDC : tournois ; FEW (XIII-2, 131a) : Tours ; TLF (XVI, 410a) : tournois]

I. -Adjectif. [D'une monnaie] Frappé à Tours.

Demandé mil livres en a Parisis, tournoys les ara (Mir. pape, 1346, 391)

Certes, ne le donrray pour mains De vint livres petiz tournois (Mir. Pierre Changeur, c.1378, 259)

Cogneut aussi que, ou jour mesmes qu'il fu à prendre les deux frans en gros tournoiz dont mencion est faite plus à plain ès confessions cy-dessus escriptes (Reg. crim. Chât., II, 1389-1392, 273)

...exepté les gens demourans ou banc de la dicte ville qui ne poient ne pasnage ne herbage, mais en sont frans par poiant cinq soulz tournois de bourgage par an (Hector De Chartres, Cout. R.B., 1398-1402, 120)

...item [lezdis habitans sont tenus rendre et païer au roy] IIII livres tournois ; avec autres menus droiz acoustumés. (Hector De Chartres, Cout. R., 1398-1408, 16)

Et pour ce, sont tenuz païer au roy en la ferme de la prévosté de Lions XL s. t., et un pain à Noël qui fournie, et qui ne fournie un denier tournois, trois oefs à Pasques, et chacun doit trois deniers tournois à la saint Jehan pour feu et closture, et pour chacune vache obole tournois ; et chacun hostel qui gaignage, trois garbe de tel gaignage comme il a (Hector De Chartres, Cout. R., 1398-1408, 22)

Ce jour, la Court (...) a delivré aux Carmes de Paris par requeste la somme de CCCC libvres tournois (Baye, I, 1400-1410, 136)

Ce jour, la Court a tauxé le salaire de Thomas Duquesne, messagier, à la somme de neuf livres tournois pour avoir esté à Tournay devers maistre Henry de Monstereul (Fauq., I, 1417-1420, 364)

...item, 18178 escus monnoye royal de 22 solz 6 deniers tournois la piece ramenez à tournois valent 20430 livres 5 solz tournois (Comptes Etat bourg. M.F., t.1, 1419, 16)

...une obligacion (...) par laquelle il confesse devoir à Pierre de La Garmoise, changeur et bourgois de Troyes ou au porteur, la somme de trois cens livres tournois (Comptes Etat bourg. M.F., t.1, 1419, 202)

Oudit temps, le roy fist ordonnance sur le fait de ses monnoyes et ordonna ses grans blans courir pour XI tournois, qui par avant n'en valoient que dix ; les targes XI tournois, qui en valoient XII (Roye, Chron. scand., I, 1460-1483, 306)

...l'escu XXX sous IIII deniers tournois, et ainsi de toutes les autres especes de monnoies, tout fu changé. (Roye, Chron. scand., I, 1460-1483, 307)

Et fut ordonné que les escuz d'or du roy, qui par avant avoient eu cours pour XXIIII sous parisis et trois tournois, auroient cours pour trente-cinq unzains, valans XXV sous VIII deniers parisis, et que on feroit des autres escuz d'or qui auroient ung croissant ou lieu de la couronne qui estoit es autres escuz, qui vauldroient XXXVI unzains du pris de XXVI sous et VI deniers tournois, et des douzains neufz de XII tournois piece. (Roye, Chron. scand., II, 1460-1483, 1)

Et aussi, d'autre part, ung religieux hostelier, nommé frere Raymon Gautier, pour usures manifestes deffendues de droict, exactions indeues et illicites, voyes de faict et crimes par luy commis, fut par ledit grant maistre condempné en mil livres tournois d'amende envers le roy, et toutes ses debtes despendans d'usure declairés confisquées au roy, et fut dict par la sentence que tous les heritaigez par luy acquis par tel tiltre seroient rendus à ceulx à qui ilz appartenoient de droit, et seroit contrainct faire absouldre à ses despens tous ses debteurs (Le Clerc, Interp. Roye, c.1502, 250)

[Par abrév.]

...et en ycellui coffre print lX sols t. en menue monnoye (Reg. crim. Chât., I, 1389-1392, 5)

...print en la chambre d'icellui son maistre unes vielles chauces de brunette et une dague, sanz aucune estoffe d'argent, et povoit ce valoir environ X sols tour. (Reg. crim. Chât., I, 1389-1392, 499)

II. -Substantif masculin. MONNAIE Monnaie frappée à Tours (sou, denier, livre).

Je les aime bien [ces escharboucles] mille livres, Et s'en voulsisse estre delivres, Ains que les eussiez veu, J'en eusse bien tant eu De bons tournoys. (Mir. pape, 1346, 391)

Et tenoit la lemelle de son coutel par sa pointe que il n'en y avoit pas hors de ses dois la longueur de l'espesseur d'un gros tournois (Froiss., Chron. M., XII, c.1375-1400, 88)

PREMIER POVRE. Nous yrons chiez Robert de Ruffes (...). A trois tournois y arons vin Et bon et gent. (Mir. march. juif, c.1377, 179)

...et en ycellui lieu copa une bourse de cuir à usage de femme, en laquelle avoit en blans de IIIJ d. piece, IIIJ s., et en tournois et parisis, autres IIIJ s. (Reg. crim. Chât., I, 1389-1392, 79)

...et burent vin vermail à quatre tournois la pinte, et despendi chascun quatre deniers parisis. (Reg. crim. Chât., I, 1389-1392, 427)

...item, 18178 escus monnoye royal de 22 solz 6 deniers tournois la piece ramenez à tournois valent 20430 livres 5 solz tournois (Comptes Etat bourg. M.F., t.1, 1419, 16)

Oudit temps, le roy fist ordonnance sur le fait de ses monnoyes et ordonna ses grans blans courir pour XI tournois, qui par avant n'en valoient que dix (Roye, Chron. scand., I, 1460-1483, 306)

Ceste bourgoise est cy venue Qui de parler est dissolue, [A] qui pour ses souliers reffaire [Qu'il] ne vous vueille [point] desplaire [...] seize tournois Pour cuir et peine (lui) demandoy[s] (Sav. serg. D.L., c.1480-1490, 33)

[Comme valeur minimale]

... i s'en pourront aller [les Anglais vaincus] A tout leurs chevaux et harnois, Et sans autre chose emporter De leurs biens qui vaille ung tournois. (Myst. siège Orléans H., c.1480-1500, 624)

HANNEQUIN LE HASARDEUR. (...) Pour le retour, en chasteau et tour në En aultre lieu n'ay vaillant ung tournois. Conclusion : personne ne congnois Plus maleureuse que la myenne sur terre : Pour quoy ma vie je ne prise une noix. Pendre me vois et estrangler grant erre. (La Vigne, S.M., 1496, 374)