TOURMENT

substantif masculin

[T-L : torment ; GD : torment ; GDC : tourment ; DECT : torment ; FEW (XIII-2, 44b) : tormentum ; TLF (XVI, 394b) : tourment]

A. -Tourmente.

1.Tourmente des éléments, tempête, orage.

Tu vois la mer quoie et paisible Aucune fois, et puis horrible La vois et pleinne de tourment, Pour ce que le vent si forment Y fiert, que ce sont mons et vaus, Plus tost courans que nuls chevaus, Ne tous li mondes contrester Ne porroit pas pour l'arrester. (Mach., R. Fort., c.1341, 98)

Maiz ung grand tourment de vent les sourprit sur mer (Le Bel, Chron. V.D., t.1, 1358, 305)

I. petit avant ce que mesires Robers d'Artois et la contesse de Montfort se departesissent dou havene de Plumude, uns grans tourmens se mist sus mer, qui espardi tous ou en partie les vassiaus a mesire Lois d'Espagne et a Othon Doriie et a Toudou, et furent plus de .XV. jours waucrant sus la mer et prendans terre de isle en isle, avant que il se peuissent tout remetre ensamble. (Froiss., Chron. D., p.1400, 567)

...veu l'orage et tempesteux tourment qui tant de nobles cuers a troubléz par divers meschiefs (Chr. Piz., Paix W., 1412-1413, 90)

Terre trambler, L'aer deust toner - et l'eau corant Et la dorment deussent falhir [;] Le feu ardent Par grief torment - deust tout morir. Les elemens deussent perir, A neant venir, Sentent la mort de leur createur. (Pass. Auv., 1477, 247)

2.Tourmente, agitation, vacarme.

Quant Phelippes ot parlé, ce fut grant pités de veoir hommes, femmes et enffans plorer et tordre leurs poins... Après ce tourment de noisse, Phelippes reprist la parolle et dist : 'Or, paix ! paix !' Et on se teut tout (Froiss., Chron. R., X, c.1375-1400, 216)

ASTAROTH. (...) Ce paillardeau, filz de putain, Martin, Ainsi c'un fol si s'est faict baptiser ; La loy Jhesus tient en son advertin. Que feu d'enffer le nous puisse embraser ! (Pause cris, hurlemens et tourmens orribles.) (La Vigne, S.M., 1496, 224)

Tourment d'assaut

'C'est impossible', ce distrent le mareschal messire Richart Burlé et messire Thomas Moriaulx, 'de prendre ce fort chastel de Noye, ce se n'est par trop loing siege et par grant sens et advis et par force d'angiens et grans fuissons de tourmens d'assaulx.' (Froiss., Chron. M., XIV, c.1375-1400, 83)

B. -Supplice ; p. méton., instrument ou lieu de supplice ; p. ext., très vive souffrance imposée à qqn.

1.Supplice, torture, martyre.

L'EMPEREUR. (...) Ou tu noz diex aoureras, Ou par divers tourmens mourras, Je te promet. (Mir. st Val., c.1367, 160)

Et requist que, pour Dieu et en aumosne, l'en ne lui volsist faire ou donner pour ce aucun destourbier, tourment ou empeschement de son corps. Et, pour ce, fu fait remettre en la prison dont il estoit partiz, sanz faire autre chose. (Reg. crim. Chât., I, 1389-1392, 446)

Helas, helas, le grant tourmant Que vous souffrés, Jhesus mon filz ! (Pass. Auv., 1477, 198)

Maulditz Juïfz, pleins de maleur, Vostre seigneur Advés tüé en vil torment. (Pass. Auv., 1477, 247)

[À propos de l'enfer]

Alez : es tourmens vilz et ors D'enfer menez et ame et corps Entre vous deux. (Mir. ev. arced., c.1341, 139)

Car le grant pechié que fait a (...) Requiert peine et torment sanz fin (Mir. ev. arced., c.1341, 139)

Sa harpe acorda sans delay Et joua son dolereus lay Et chanta de vois douce et seinne, De si grant melodie pleinne, Qu'a sa vois, qu'a ses instrumens, Fist cesser d'enfer les tourmens ; Car les infernaus s'esjoïrent De la douceur, quant il l'oïrent. (Mach., C. ami, 1357, 82)

...et pria a Dieu qu'il envoyast ung mort a eulz pour les ammonester et advertir que ilz se gardassent de venir en ce lieu de tourmens. (Gers., Déf., 1400, 241)

...il apertient que elle aime son mary et vive en paix avec lui, ou autrement elle a ja trouvéz les tourmens d'enfer, ou n'a fors toute tempeste. (Chr. Piz., Trois vertus W.H., c.1405, 52)

La souffrirés paine et torment [en enfer] . (Mart. st Pierre st Paul, fragm. Anholt R., c.1480-1500, 185)

SATHAN. (...) Ains que jamais eschappent de mes mains, Semblablement je n'en feray pas mains A ces bigotz et ses faulces bigotes ; Aux corps feray des tourmens inhumains Et, au surplus, des testes, soirs et mains, J'en joueré ainsi que de pelotes (La Vigne, S.M., 1496, 220)

Les sept tourments infernaux

Que tous les menistres d'enfer vous puissent convoier et martirer de VII. tourmens infernaulx. (Arras, c.1392-1393, 242)

[À propos de la maladie et de la mort]

...tant qu'il [le sort] seroit sur le feu, le mary de celle, ou celui, ou ceulx en quel entente elle feroit ces choses, soufferroient autant et teilz ou samblables, et pieurs tourmens de maladie, et leur esmouveroit tout le corps et les membres. (Reg. crim. Chât., II, 1389-1392, 325)

...et pour laissier joyes et plaisances, honneurs et delices acoustumez, et venir a labeur, a tourmens et a mort, et tout cecy aucunes fois soudainement et comme en ung moment (Gers., P. Paul, a.1394, 496)

Le roy l'avoit par sa vertu hault mis Et eslevé sur tous les chefz de guerre Pour pugnatif de tous ses ennemis, Comme ung lyon de force et de vaillance. Joyeulx estoit de sa convalescence ; Mais tost après, comme en ung mouvement, La mort luy fit grand courroux et torment. (Le Clerc, Interp. Roye, c.1502, 396)

[Comme procédure de justice]

Proceder aux tourments. Appliquer des peines corporelles.

...ou il est vehemente presumpcion contre le deffendeur et, adonques, selon l'ordre de Droit et selon rayson, l'en doit proceder aux tormens (Songe verg. S., t.1, 1378, 351)

[D'un condamné] Estre mené à son dernier tourment. Être conduit à son dernier supplice.

Et, ce fait, ledit prisonnier fu mené à son derrenier tourmant, et illec persevera et continua ès confessions dessus escriptes (Reg. crim. Chât., I, 1389-1392, 119)

Cedit IIIJe jour de decembre, fu ledit Robinet de Gournay mené à son derrenier tournement, et ne confessa autre chose que dessus est escript (Reg. crim. Chât., I, 1389-1392, 136)

Estre mis à son dernier tourment. Être exécuté.

Pour lequel fait et pour autres cas confessez par ledit Jaquemin, il ait esté mis à son derrenier tourment. (Ch. VI, D., t.2, 1382, 235)

2.Par métonymie.

a)Instrument de torture.

DEUS. Vous [les anges] irez à present deffaire (...) Le lien où Vincent ilz ont mis : (...) Desrompez luy tous ses travaulx, Sept et herse et toutz les tourments Qui luy ont fait empeschemens (Myst. st Vincent L., c.1471-1476, 410)

MALENGRONGNÉ, en monstrant les tourmens l'ung après l'autre. Seigneurs, veez cy tourmens assez : Voicy courgees bien trenchans Et plommees grasses et pesans, Cloups de fer et bonnes tenailles Et crocs pour tirer les entrailles (Myst. st Laur. S.W., 1499, 222)

b)Lieu où l'on subit des supplices, l'Enfer.

Mais ceulz qui en ly ne croiront Ou qui son vouloir ne feront Yront en tourment pardurable. (Mart. st Pierre st Paul R., c.1430-1440, 125)

3.Par extension. Très vive souffrance imposée à qqn.

Vray Dieu, vous soiez aourez Et vous, doulce vierge poissans, Des grans tourmens et des ahans Que j'ay souffert en ceste voie. (Mir. enf. diable, c.1339, 35)

Einsi souvent avoie pour amer Joie et tourment. Si demouray en ce point longuement, Une heure liez et l'autre heure dolent, Qu'onques n'osay requerre aligement De ma dolour. (Mach., J. R. Beh., c.1340, 75)

Mais par servir, Par honnourer, par celer, par cremir, Par endurer liement et souffrir, Par bien amer de cuer et obeïr Trés humblement Pouez encore avoir aligement, Joie et l'amour de celle ou vos cuers tent. Si que je di que j'ay plus de tourment. Et moult visible Est la raison, ce m'est vis, et sensible : Car de ravoir vo dame, c'est possible ; Mais mon ami ravoir, c'est impossible Selonc nature. (Mach., J. R. Beh., c.1340, 92)

Car ensement Vueil liement, Joliement Et gaiement, En ma dame amer loyaumen User toute ma vie Si franchement, Que vraiement, Se j'ay tourment, Aligement N'en vueil, fors souffrir humblement Ma douce maladie. (Mach., R. Fort., c.1341, 23)

Mais tout aussi com la clarté De ceste dame l'obscurté De mon cuer avoit esclarci Qu'Amours avoit teint et nercy, Et que sa douceur doucement Avoit adouci mon tourment, Tout einsi le trés dous parler De li, quant je l'oy parler, Me remist en cuer la parole, Dont ci presentement parole, Car de tous poins perdu l'avoie. (Mach., R. Fort., c.1341, 77)

Si que, Guillaume, vraiement, Il me samble tout autrement, Veües et considerées Mes raisons devant devisées. Car on puet vëoir clerement Que grieté, peinne, ne tourment Ne se porroient comparer Ad ce que celle comparer Volt pour le grief de son amy. (Mach., J. R. Nav., 1349, 210)

LA DAME. (...) La douleur, que sa mort sentir Me fait, m'est grief tourment et rage. (Mir. enf. ress., 1353, 37)

Nuit et jour en tel traveil Est le povre cuer de moi, Car onques tourment pareil Ne senti, si com je croi, Car sans cesser, en recoi, De celli cui sui amie Regrette la compagnie. (Mach., Voir, 1364, 512)

Si puis prouver, et par bonnes raisons, Qu'il n'est si grant doleur ne tel torment Com le meschief que d'avoir pou d'argent. (Mach., App., 1377, 646)

Ma chiere dame, à vous mon cuer envoy Qui vous dira les maus que je reçoy, La grant doleur, la tristesse, l'anoy Et le tourment Que liement et humblement conjoy Pour vo gent corps cointe et de bel aroy Que j'aim cent fois plus qu'autre ne que moy, Tres loyaument. (Mach., Bal., 1377, 564)

Et je li vueil descouvrir ma dolour, Honte m'assaut, paour me fait trambler, Amour m'esprent, biauté et grant douçour Me font perdre sens, maniere et vigour ; Si que je sui en .J. transissement, Ne je ne sens ne joie ne tourment. (Mach., L. dames, 1377, 19)

...en mon dolent Cuer souvent Morte m'esperence truis, Quant souvenirs ne me rent Nul aligement Fors grief torment Qui m'aprent Haïr mes jours et mes nuis (Mach., Les lays, 1377, 354)

Et lors lui qui deppose demanda à ycelle Jehennete se elle savoit bien qui estoit la femme qui lui faisoit souffrir tel tourment (Reg. crim. Chât., II, 1389-1392, 287)

Et se tu es dessevree de ton mary, saiches que tu retourneras ou tourment [être transformée en serpente] de devant, sans fin, tant que le Hault Juge tendra son siege. (Arras, c.1392-1393, 13)

Las ! Tant mal le firent, car ilz les mirent tous deux [Remond et Mélusine] en grief tourment et en grief misere. (Arras, c.1392-1393, 254)

Las ! Mon amy, se tu ne m'eusses faussee, je estoye gettee et exemptee de paine et de tourment, et eusse vescu le cours naturel comme femme naturelle, et feusse morte naturelement, et eu tous mes sacremens, et eusse esté ensevelie et enterree en l'eglise de Nostre Dame de Lusegnen, et eust on fait mon unniversaire bien et deuement. (Arras, c.1392-1393, 256)

...ce tourment ou nous sommes (Gers., Déf., 1400, 241)

...ne il n'est povreté, tribulacion, ne quelconques tourment, de quoy autre creature puist estre grevee, qui au cuer droit contemplatif puist estre empeschement ne de quoy il feist compte. (Chr. Piz., Trois vertus W.H., c.1405, 23)

Ja Dieu ne veille que pour le ventre d'une femme je prende si estroicte cure ne soing dont aultre loyer ne salaire ne recevroye que tourment de corps et de ame ! (C.n.n., c.1456-1467, 560)

Plus ne porroye cy demeurer Ne souffrir le tarrible torment Lequel me fait mon pouvre enfant, Quant le diable ainsi le tormente. (Pass. Auv., 1477, 157)

Si ay, de vray, j'en ay eu ung [un enfant] , Le pire de tout le commun Que j'ay portay fort longuement, Lequel m'a donné du tourment, De l'ennuy et douleur amere Et ne faisoit rien pour sa mere, Tant est mauvais et detestable. (Sots mal., c.1480, 88)

Amoureux tourment

Car vraiement Loing et pres plus aaise en serons Et meins assez en doubterons Des mesdisans faus et felons Le parlement. Et par ce l'amoureus tourment Et les pensees qui forment Puelent grever, legierement Oublierons, Et s'en vivrons plus liement Et assez plus joliement, Et trop plus amoureusement En amerons. (Mach., F. am., c.1361, 224)

...Pour qui je vueil liement Souffrir la maladie Qui en amoureus tourment Nuit et jour mouteplie, Pour ce que sans finement L'aim et tres finement La serf humblement, Sans penser folie. (Mach., Ch. bal., 1377, 589)

Eins vous sert en loyal entente, Ma dame gente, Qu'Amours l'en tente En longue attente De veoir vo viaire gent, À qui mes las cuers se demente, Sans ce qu'il mente, Qui le tourmente Souvent de l'amoureus tourment. (Mach., Les lays, 1377, 281)