TOTALEMENT

adverbe

[GDC : totalement ; FEW (XIII-2, 127b) : totus ; TLF (XVI, 365a) : totalement]

A. -Complètement, entièrement, totalement.

...on argue que la communaulté à laquelle appartient et est la monnoie, se peult despoullier de son droit et icelluy totallement donner au Prince (Oresme, Monnoies W., c.1365, LXXII)

Encores veul et vous commande que totalement vous creez les XIJ articles de la foy (La Sale, J.S., 1456, 37)

...lesdits marchans acheteurs et grossiers de ce royaulme (...) se perforcent par leur donné à entendre par voyes obliques, couvertes et indirectes, venir toutellement contre la volonté dudit seigneur [le roi] (Pol. Louis XI, G., Pièces justif., c.1471, 433)

...le filz totalement est pareil et samblable au pere, laquelle chose pas ne compete aux aultres choses qui procedent l'une de l'aultre. (Somme abr., c.1477-1481, 109)

Je prie a Dieu de paradis Que de luy soient ilz mauldictz Car gastee m'ont totalement. (Sots mal., c.1480, 86)

LE GREFFIER [au juif] . Baillés arres, puis parpayé Sera a vostre bon loisir. (...) Il fault prendre De toutes mains, ou aultrement La pratique totallement Viendroit en ces declinaisons. (Mir. st Nic. juif, c.1480-1500, 122)

Nous fault partir diligamment Car il m'est tart que j'acomplisse Le voyaige totallement (Myst. siège Orléans H., c.1480-1500, 106)

Or approche mon finement Par vielliesse et antiquitté, Car je me sens totallement Estre de corps debilité. (Myst. Pass. Troyes B., a.1482, 134)

Ces choses non considerans, iceulx detracteurs, ignorans totallement la vraye science de astrologie et les fondemens, principes, regles et moïens d'icelle (Simon De Phares, Astrol., c.1494-1498, f° 2 r°)

Messehalac, premier de ce nom, fut en ce temps, grant et souverain astrologien, lequel predist plusieurs choses dont fut moult estimé des princes et se delecta totallement en la partie judicative. (Simon De Phares, Astrol., c.1494-1498, f° 31 r°)

...tost après, la cité de Tyr fut presque toute difinée et Arcques, la forte cité, totallement disruée et Tripoli semblablement et beaucop peuple suffoqué. (Simon De Phares, Astrol., c.1494-1498, f° 120 v°)

PROSERPINE. (...) Dedens sa chambre je me suis devallé, Luy presentant totallement mon corps ; Mais quoy que j'aye broillé ne barboillé, N'a consentu a nulz de mes acors. (La Vigne, S.M., 1496, 482)

Et telle a esté son yssue de ce monde au marché d'Andeli, où il fut decapité par la main du bourreau, sans que nulles larmes de la grant multitude du peuple qui là estoit present luy fussent donnéez. Et fut le pourchas de son execution totalement faict par le cardinal Balue, qui lors gouvernoit. (Le Clerc, Interp. Roye, c.1502, 212)

Totalement + adj.

NOSTRE DAME. O souveraine deïté, Souverain povoir eternel, Une essence en trinité, Moderez ce cas criminel. Sçavez que le cas n'est pas tel. Mais totallement innocente, Secours requiers pour ma servante (Myst. jeune fille L., c.1413-1445 [c.1530], 56)

B. -Absolument, définitivement.

...et en ce concluand totalment la duchié de Normendie estre de droit au roy et du demaine de France. (Juv. Urs., T. crest., c.1446, 100)

...c'est assavoir que, à l'ocasion du recellement de la depposition de Regnauld du Dresnay, chevalier, et autres causes à ce mouvens les seigneurs de ladite court, l'arrest donné l'an mil IIIIcLXIII contre ledit de Chabannes, conte de Dampmartin, seroit de nulle vigueur et totallement adnullé, et que la depposition dudit Regnault de Dresnay seroit mys devers la court (Le Clerc, Interp. Roye, c.1502, 213)