TIERCEMENT

adverbe

[T-L : tierztiercement ; GD : tiercement ; FEW (XIII-1, 267b) : tertius]

Troisièmement, en troisième lieu.

...premiérement, elle [Marie] ama son ame ; secondement, l'ame de son prouchain ; et tiercement, son propre corps. (Mir. femme roy Port., c.1342, 151)

Ces Curtres furent premiers Caldiens, secondement il furent crestiens et tiercement il sont devenus Sarrasins, pource que la loy de Mahommet est large et légière ... garder. (Jean Le Long, Voy. Bieul B., 1351, 301)

Tierchement aussi fait a noter es paroles dessus dictes comme dist saint Augustin, que nul adolescent ne peut vraiement estre continent se non par don de Dieu. (Daudin, De la erudition H., c.1360-1380, 285)

Et tiercement est a regarder se il [aucun] a coustume ferme et estable de telles operacions faire et se il est en ce immobile et les fait fermement et perseveralment, senz ce que il puisse estre tourné ou mué au contraire. (Oresme, E.A., c.1370, 156)

Tierchement, il voloient que li rois de France fesist là forgier florins et monoie d'otel pris et aloi, sans nulle exception, que on forgoit à Paris (Froiss., Chron. R., VIII, c.1375-1400, 82)

Tiercement, de Dieu je di que Il est partout et seroit simplement impossible que Il se absentast d'aucun lieu quelcunque qui soit ou qui puisse estre. (Oresme, C.M., c.1377, 720)

Et puis par la grace de Dieu parleray de la nature des chiens qui chascent et prennent bestes, et premierement de la nature des alanz, secondement de la nature des levriers, tiercement de la nature des chiens couranz, quartement de la nature des chiens pour la perdriz et pour la caille, quintement de toute nature de chiens meslez, come sont de mastins et d'alanz, de levriers et de chiens couranz et d'autres semblables. (Gast. Phébus, Livre chasse T., 1387-1389, 52)

...et tiercement [la cour exhorte] que les prelas soient assemblez, comme il a esté ordonné (Baye, I, 1400-1410, 172)

...tiercement obeir a son abeesse ou prieuse. (Chr. Piz., Trois vertus W.H., c.1405, 166)

Secundement, je vous enjoinctz que vous gardez tresbien de jamais courre vostre cheval en la valée. Tiercement, que vous ne prenez jamais femme d'estrange nacion. (C.n.n., c.1456-1467, 330)

...laquelle chose fut faicte, et furent moult honnorablement et habondamment festiez, et premierement par ledit monseigneur le cardinal d'Angers, secondement par le premier president de la court de Parlement, tiercement par maistre Jehan de la Driesche, president en la Chambre des comptes et tresorier de France, quartement par monseigneur de Mery, et quintement, et pour derreniere foiz, par les prevost des marchans, eschevins et bourgois de ladicte ville ; lequel festoy fut moult honnorable. (Roye, Chron. scand., I, 1460-1483, 224)

Et tiercement, nous assierons Deux grans lumieres au firmament, Par quoy nous illuminerons La terre universellement. (Myst. Pass. Troyes B., a.1482, 27)

Pour la troisième fois.

Qant li roiaulmes de France li fu escheus ... li douse ... quissent voie et avis par quoi li rois Carles fu remariés a la fille l'empereour Henri de Lucembourch et serour au gentil roi de Behagne. De la seconde dame de Lucembourc, qui fu moult humle et moult devote, ot li rois un fil, dont tous li roiaulmes fu resjois. Mais il morut jones, et assés tos apriés morut la dame a Issodon en Berri ... Apriés, chils rois Carles fu remariés tiercement a la fille de son oncle de remariage, la fille de monsigneur Lois de France, conte d'Evrues. (Froiss., Chron. D., p.1400, 173)

Et tiercement s'embat en la bataille (Cligès C.T., 1455, 109)