TERRIEN

adjectif et substantif masculin

[T-L : terrïen ; GDC : terrien ; DECT : terrïen ; FEW (XIII-1, 244a) : terra ; TLF (XVI, 136a) : terrien]

A. -De ce monde, terrestre.

1.Emploi adjectival.

Puis vist antour la dame une tres grant candor Nom mie terrïene, mas celestre splendor (Gir. Ross. H., c.1334, 268)

C'est li estos de toute gentillesse, N'il ne vit pas com sers a sa richesse, Eins ne vuet rien Fors que l'onneur de tout le bien terrien, Et s'est plus liés, quant il puet dire : 'Tien' Qu'uns couvoiteus n'est de penre dou sien. (Mach., J. R. Beh., c.1340, 106)

Après non pas a roy terrien, mais celestien, pour sa celestienne conversacion... (Mir. ev. arced., c.1341, 104)

...Quant tout son avoir terrien Veult delaissier ce chevalier Pour devenir moine cloistrier (Mir. nonne, 1345, 350)

Brief des ouevres celestiennes Et aussi des choses terriennes Savoit tant qu'elle estoit experte, D'engin si vive et si aperte, Que nuls ne le porroit despondre (Mach., J. R. Nav., 1349, 180)

La dousisme estoit Souffissance Qui de trés humble pacience Estoit richement aournée Et abondanment saoulée Et pleinne de tous biens terriens. Elle n'avoit besoing de riens, Ne li failloit chose nesune ; Hors estoit des mains de Fortune Et de son perilleus dangier. (Mach., J. R. Nav., 1349, 181)

...car la [dans les cieux] n'a chose qui encline a terre, ny aux biens terriens de ce monde. (Mir. march. larr., c.1349, 92)

Maires, vous fianchiez sur la Sainte figure du precieux corps Jhesu Crist, que ychi vees en present, que vous loyalment garderes et aideres à garder les drois Dieu et de sainte Eglise, les drois et l'onneur du Roy de France, nostre sire, de madame la Royne, et de no droiturier seigneur le conte d'Artoys, leur pais, leur membre et leur honneur terrienne et les drois Saint Vaast et du chastelain d'Arras. (Hist. dr. munic. E., t.1, c.1350, 341)

Si grant seigneur ne si grant dame N'a ou mondain terrien estre Dont l'ame sauvée puist estre Se le corps martire ne sent (Mir. parr., 1356, 3)

...Et sans doubte, je ne croy mie Que tel biauté soit terrienne, Eins croy qu'elle est celestienne. (Mach., F. am., c.1361, 199)

...Qui laist vanité terrienne (Le Fèvre, Respit Mort H., 1376-1380, 120)

Tiercement, user de sort en la seconde maniere puet estre pechié, quant la priere de Dieu est convertie aux choses terrenes. (Songe verg. S., t.1, 1378, 386)

Et la tout chevalier de noble lignie qui y vouldront venir veillier la sourveille et la veille et le jour XXV^e de juing, sans sommeillier, auront un don de toy des choses que on puet avoir temporelment des terriennes choses, sans demander ton corps, ne t'amour, en estat de mariage ou d'autre conjunction naturelle. (Arras, c.1392-1393, 13)

Et sachiez que c'est [Mélusine] ly sourgons de tous mes biens terriens, et aussi croy je [Remondin] que c'est la voye premiere du sauvement de l'ame de moy. (Arras, c.1392-1393, 44)

...saint Pol qui se reputoit le premier entre les pecheurs, qui estoit continuellement en paour et en tremeur, qui mesprisoit toute richesse terrienne, et les reputoit fiens ou boe (Gers., P. Paul, a.1394, 509)

Et car on ne puet avoir seignourie plus pleniere et honnourable sur toute chose terrienne que par tout mesprisier et par eslever son amour au par dessus (Gers., P. Paul, a.1394, 509)

...et en reffu [Judith] Avoit les choses terrïennes. (Chr. Piz., M.F., II, 1400-1403, 221)

...ceulz qui en disant leur patenostre ou autre oroison, ou en oyant la messe ou sermon, ont le cuer tousjours a terre, c'est a dire a pensee terrienne, orde ou charnelle, ont le cuer en la cuisine, comme on seult dire. (Gers., Noël, p.1404, 299)

SATHAN. Par ce moyen, en peu d'espace Acquester pourras de grans biens, Grant bruyct, et honneurs terriens, Maintenue comme une princesse. (Myst. jeune fille L., c.1413-1445 [c.1530], 15)

Et la feste soit bien gardee Entre personnes crestïennes D'euvres serves et terrïennes, Especïaument de pechié. Et s'aucun en est entechié, Sy s'en purge legierement Pour la garder plus saintement. (Mart. st Pierre st Paul R., c.1430-1440, 160)

...et gardèrent la journée de toutes oeuvres terriennes, comme le dimenche. (Chart. J., Chron. Ch. VII, V., t.2, c.1437-1464, 170)

...la pesanteur de ce corps mortel, intriquee et enlassee de cures et sollicitudes terriennes (Cib., p.1451, 198)

...pour ce qu'il estoit jour de dimence, auquel toutes oeuvres mondaines ou terriennes doivent cesser (Echiq. Normandie S., 1454, 126)

Les pouvres simples femmes, qui mieulx cuidoient ces bons freres estre anges que hommes terriens, ne refuserent pas ce disme a paier. (C.n.n., c.1456-1467, 216)

SAINCT MARTIN. (...) Aprés m'en vins devers les Arrïens Qui preschoyent contre Nostre Saulveur Et n'estymoyent sa grant puissance a riens, Car ilz disoyent que les biens terrïens Venoyent de Dieu le Pere seulement Et que, selon les docteurs ancïens, Le Filz n'avoit puissance aulcunement. (La Vigne, S.M., 1496, 357)

[D'un personnage puissant (p. oppos. au Roi du ciel)]

Il ne vuet pas fole largesse, Ne escherseté qui trop blesse L'onneur de tout prince terrien ; Et pour ce, se tient au moien. (Mach., P. Alex., p.1369, 32)

Si me semble que nous devons beneïr et loer le Roy du ciel qui a son pueple pourveü de tel Roy terrien plain de si grant sagesce. (Oresme, E.A., c.1370, 98)

En son tamps il avoit vesqui et resgné en grant prosperité et en grant pais et eu otant de ses deduis que nuls sires terriiens pooit avoir eu (Froiss., Chron. R., IX, c.1375-1400, 159)

...il apertient bien que toute princepce ou dame terrienne selon son degré soit richement aournee, tant de vestemens, d'atours, de paremens, de joyaulx comme de gent et d'estat pour l'onneur de l'office ou Dieu l'a assise (Chr. Piz., Trois vertus W.H., c.1405, 43)

...le Roy est empereur en son royaume, qu'il tient de Dieu seul, sans recongnoistre souverain seigneur terrien (Fauq., I, 1417-1420, 63)

...chascum scet assez et doit savoir que les seigneurs terriens ne sont pas dieux et qu'il ne est aultre Dieu que cellui du ciel (La Sale, Salade, c.1442-1444, 16)

Dieu terrien. Ce qu'on a de plus précieux sur terre.

Après je doubt que ne soie en oubli De mon droit dieu terrien qu'oncques n'oubli, Eins le regret souvent en souspirant. (Mach., Compl., 1340-1377, 252)

Si me moustra la droite voie, Comment ma dame amer devoie, Servir, oubeïr, honnourer, Humblement croire et aourer Et cremir seur toute autre rien Com m'amour et mon dieu terrien, Et que toudis eüsse l'ueil A faire son bon et son vueil, En gardant s'onneur et sa pais (Mach., R. Fort., c.1341, 6)

Regente terrienne. Maîtresse du monde, qui gouverne la terre.

Dame du ciel, regente terïenne, Emperiere des infernaulx paluz, Recevez moy [la mère de Villon], vostre humble crestïenne, Que comprinse soye entre voz esleuz, Ce non obstant qu'oncques riens ne valuz. (Villon, Test. R.H., 1461-1462, 79)

D'inspiration humaine (et non divine).

ADRIEN convertis. Helas ! Helas ! mauldicte loy payenne ! Fontaine de pechié et puys de dampnement, Euvre de diable et raige terrienne, Estrange de vertuz et bon entendement ! Helas ! pourquoy je t'ay tenu si longuement, Sans savoir retourner a Dieu, mon createur ? (Myst. st Adr. P., c.1450-1485, 96)

Chose terrienne. Être mortel.

MORS NATURALIS. Adam, il fault que je te casse Ton corps et ta char fable et vainne, Car tu es chose terrienne. (Pass. Semur D.M., c.1420 [1488], 25)

2.Emploi substantival.

a)Homme.

...et la petite potte de terre si estoit la poour qe la char avoit de turmentz de terriens (Henri Lanc., Seyntz medicines A., 1354, 194)

Car qui voit lez maulx impugnys, et les biens mal guerdonnez entre les terriens... (Chart., L. Esp., c.1429-1430, 49)

Pensons que le povoir de Dieu infini peult donner fin es fraelles puissances dez terriens orgueilleux, et ressoudre la foeblesse dez humiliez. (Chart., L. Esp., c.1429-1430, 146)

Remarque : DESCH., Oeuvres Q., t.3, c.1370-1407, 162.

b)[Valeur de neutre] Ce qui est de ce monde.

Mais lors est le couraige sain, Quant il se depart tout a plain Du terrien, et pense hault Au regne de Dieu qui ne fault, Contemplans les choses divines Hors de pechié, pour estre dignes De la grace Dieu recepvoir. (Desch., M.M., c.1385-1403, 233)

B. -Qui règne sur des terres, qui possède des terres.

...un homme commun qui point n'estoit princes ne sires terriens (Jean Le Long, Voy. Odoric A.M., 1351, 58)

Mais sachiez qu'elle estoit moult riche et moult terroyenne, et avec ce avoit de moult belles vertus. (Messire Gilles de Chin L.-R., c.1400, 173)

Tu es chivallier terrïens, Mes tu seras pour crestïens Baptallier contre pechié (Myst. st Sébast. M., c.1450-1500, 106)

Possession terrienne. Possession de terres.

...ung roy par droit, avant qu'il doye venir à terrene possession, ne gouverner royaulme, doibt avoir vingt et ung ans (Froiss., Chron. M., XIV, c.1375-1400, 80)

Car, comment qu'il soit, Dieu vous a pourveu de tres haulte et noble seigneurie et possession terrienne. (Arras, c.1392-1393, 20)

Et tu, Dante, poete de Florence, se tu vivoyes adés, bien auroys matiere de crier contre Costentim, quant, ou temps de plus observee religion, le osas reprendre, et lui reprouchas en ton livre qu'il avoit getté en l'Eglise le venin et la poison dont elle seroit desolee et destruicte, pour ce qu'il donna premier a l'Eglise les possessions terriennes (Chart., L. Esp., c.1429-1430, 56)

Emploi substantival. Celui qui règne sur des terres, qui est propriétaire de terres.

Messire Jehan de Blois, qui avoit tousjours esté nourris ens es parties de Hollandes et de Zellandes, car il y tenoit bel hiretaige, et qui en amoit la langue, ne oncques ne s'estoit volu marier en France, entendy à ces traittiez voulentiers, et lui fut advis qu'il seroit ung grant sire et grant terrien ens es marches qu'il amoit le mieulx ; (Froiss., Chron. M., XIV, c.1375-1400, 154)

Et se tu [Remondin] me [Mélusine] veulz croire, toutes les paroles que tes sires te dist te seront, a l'aide de Dieu, achevees, et plus qu'il ne t'en dist, car je te feray le plus seignoury et le plus grant qui oncques feust en ton lignaige, et le plus puissant terrien. (Arras, c.1392-1393, 26)

...le seigneur de Raix, qui pour lors estoit mareschal de France, et estoit noble homme et très grand terrien et yssu de très grande et très noble généracion, fut accusé et convaincu de hérésie (Monstrelet, Chron. D.-A., t.5, c.1444-1453, 425)

Le roy Claudin avoit ung serviteur nommé Enguerran de Coucy, chevalier grant terrien, que monlt amoyt (Nouvelles inéd. L., p.1452, 1)

Et puis revyens Aux ducs, contes et puissans terriens, Princes, marquis, aux grans et aux moyens, Generalement à tous bons chrestiens, Pour remembrance Du Createur qui est nostre esperance (La Marche, Mém., II, c.1470, 364)

O mon filz, doulcement vous prie Que ce fait vous ne souffrez mie, De vostre bon roy crestien, Qu'i perde ainsi la seigneurie De France et noble monarchie Qui est si noble terrien. (Myst. siège Orléans H., c.1480-1500, 287)

Seigneurs, par tout court la nouvelle Que Lazaron, le grant terrien De Bethanie et citoyen, Est de ce monde deffiné (Myst. Pass. Troyes B., a.1482, 497)

Remarque : FROISS., Méliad. L., 1373-1388, gloss. ; GRÉBAN, Pass. J., c.1450, gloss. ; MOLINET, Faictz Dictz D., 1467-1506, 168 ; 235 ; Myst. process. Lille K., t.2, a.1485, 14/146...

Au féminin.

Et pour ce que en diverses seigneuries sont demourans pluseurs poissans dammes, si comme baronnesses et grans terriennes... (Chr. Piz., Trois vertus W.H., c.1405, 149)

...duchesse renommée entre les plus grans, habondant en honneurs, puissant en seigneurie, et grant terriene et souffisamment aisiée en richesces (Chr. Piz., P.V.H., 1416-1418, 40)