TEMPESTE

substantif masculin et féminin

[T-L : tempeste ; GDC : tempeste ; DECT : tempeste ; FEW (XIII-1, 177a) : *tempesta ; TLF (XVI, 35b) : tempête]

A. -[Latinisme] Époque.

Et par autel tampeste s'en issi Dyonisius Bacchus, qui fist arer les champs et donna as Griex la maniere de cultiver vingne. (Vignay, Oisiv. emp. Gerner, t.2, a.1330, 35r°b)

Certes la preuve et le vray signe de parfaicte dileccion est, soubz la corrupcion de ceste tempeste, la frequentacion de dons et souvent donner (Foul., Policrat. B., III, 1372, 218)

B. -Violente perturbation atmosphérique, tempête.

Seur james de fer [la statue] est assise, En moustrant que par nulle guise Tempeste, orage, vent de bise, Fait ne parole, Ne crient cils ou elle s'est mise. Mais c'est couverture et feintise, Car les piez a de terre glise Gliant et mole. (Mach., R. Fort., c.1341, 39)

Lors s'en ala sans atargier A Jupiter, et fist forgier Foudres, tonnoirres et tempestes Par jours ouvrables et par festes. Car ceste ouevre tant li tardoit Que jour, ne feste n'i gardoit. (Mach., J. R. Nav., 1349, 146)

Si que ces tempestes cesserent, Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs (Mach., J. R. Nav., 1349, 148)

...c'est signe de tempeste pluyeuse et venteuse (Corbechon, Soleil Lune S., 1372, 348)

Viegne vent, viegne pluie, descende tempeste, riens ne pourra mouvoir ceste maison, qui sera de vous soustenue et fundee. (Gers., Pent., p.1389, 74)

Fu si grant tempeste au lieu du Landict et à S. Deniz que (...) y chut greelle aussi grosse qu'est le poin à un homme et plus ancores. (Baye, I, 1400-1410, 160)

...apprès ce fait se lieve ung tempeste sy grant sur le païs, qui gaste tous les fruis et biens de la contree. (La Sale, Salade, c.1442-1444, 70)

Et la veue sy fort nous troubla Que, tandis qu'il yssit dehors, A terre cheusmes comme mors De paour de fouldre et de tempeste, Et n'eusse bougé pié ne teste, Qui m'eust donné cinq cens besans (Myst. Pass. Troyes B., a.1482, 883)

...prenostica les prodiges qui assez tost après se monstrerent en Ytallie, comme les loups qui au portes ouvrans entrerent en la cité de Senne, et aussi les fouldres, fulminacions et tempestes et grans feux, qui lors eurent cours (Simon De Phares, Astrol., c.1494-1498, f° 58 r°)

PROSERPINE. (...) Brou, brou, ha, ha, puissans deables iniques, De sortir hors maintenant qu'on s'appreste ! Et par noz ars et scïences magiques Faisons lever fouldre, gresle, tempeste ! Vecy le temps qu'il fault que l'on s'apreste De mectre sus noz puissances dampnables. (La Vigne, S.M., 1496, 222)

[En mer]

Alchioines les ont appellés mains, Car vraiement, Les maronniers qui en mer sont empeins, Quant d'eaus voient ces oiselès prochains, D'avoir fortune ou tempeste certeins Les font souvent. (Mach., F. am., c.1361, 168)

Li roys en son païs retourne ; Sa nef se trestourne et bestourne, Car une tempeste leva, Si grant que ci ne là ne va Qu'il ne cuide qu'elle s'affonde Ou fons de haute mer parfonde. (Mach., P. Alex., p.1369, 110)

Mais il sera en tel parti, Einsois qu'il soit prime de jour, Qu'il n'ot onques si grant paour ; Qu'en mer leva une tempeste Qui toute l'esmuet et tempeste, Et qu'il n'i ot voile ne mast Que la tempeste ne tumast. (Mach., P. Alex., p.1369, 113)

Et je ne gars l'eure qu'affonde Par force de tempeste en mer. (Mir. emper. Romme, 1369, 282)

Et telle chose avient aucune fois en tempestes a ceuls qui, pour leur naif alegier, jectent leurs denrees en la mer. (Oresme, E.A., c.1370, 176)

Et quant la mer est quoye, le bon nautonnier et le mauvaiz si scevent gouverner la nef ; mez quant la tempeste est en la mer, le meilleur nautonier a assez a faire et se confunt et se trouble, pour lez undes de la tempeste (Songe verg. S., t.2, 1378, 265)

Quoy qu'il en soit, il fut souffisant astrologien et, lui estant en mer, congnoissant la tempeste et voyant l'influence contre lui, pour son sauver gecta grande somme d'or en la mer (Simon De Phares, Astrol., c.1494-1498, f° 64 r°)

En temps de tempeste

Comme en temps de tempeste jecter de la naif ses biens en la mer. (Oresme, E.A.C., c.1370, 178)

Tempeste du temps

...tandis que la tempeste du tamps duroit (Percef. IV, R., c.1450 [c.1340], 246)

Tempeste de l'air

Ilz commencerent a souffrir les espars, les esclaires avec la tempeste de l'air (Premierfait, Cas nobles hommes G., 1409, 99)

Tempeste des eaux. Déluge.

Ne te plaise, Sire, que je soye noyé en la tempeste des yaues (Gast. Phébus, Livre oraisons T., c.1380-1383, 37)

Feu de tempeste. Éclair.

Sus, Belzebuth ! viens si le lye Devant moy de chaines de fer Emflambees du feu d'enfer, Plus ardant que feu de tempeste, Et le batez par tel moleste Qu'il soit brullé de part en part. (Gréban, Pass. J., c.1450, 101)

Faire tempeste

Car tant a fait tempeste en mer Que nostre nef rompy en deux. (Mir. emper. Romme, 1369, 287)

[Dans une compar.]

Car, quant les lances sont ensamble, Proprement ce samble .I. tempeste. (Froiss., Méliad. L., t.2, 1373-1388, 4)

Il est ferré tout de nouveau Et frappe comme la tempeste. (Au grey d'amours F.-H., c.1400-1500, 195)

...et menant aussi grant bruyt comme une tempeste (Chev. papegau H., c.1400-1500, 14)

...Ma voix Bruyant, tonnant comme tempeste (Gréban, Pass. J., c.1450, 11)

Le chevalier estant sus sa garde ouy par la forest la greigneur noise du monde, comme tempeste qui de plus en plus approchoit la fontaien et qui soudainement avironna le chevalier. (Percef. IV, R., c.1450 [c.1340], 889)

...quand il cogneut que par beau ne par lait il ne la povoit oster de sa mauvaiseté, il la abandonna, et ne se tint plus avec elle, mais la fuyoit comme tempeste [Le mari d'une femme particulièrement luxurieuse] (C.n.n., c.1456-1467, 489)

...qu'il veoit, par grant fureuseté, tost et isnellement, bruyant comme tempeste, contre lui venir ung grant thoreau (RENÉ D'ANJOU, Cuer am. espris W., 1457, 44)

...le chevalier auvergnois luy vint comme tempeste la lance baissée ; sy s'entreférirent eux deux sur les escus (Faits Lalaing K., c.1470, 57)

[Dans un cont. métaph.]

Que quant plus ont, plus leur deffaut, Et quant plus sont puissamment riche, Tant sont il plus aver et chiche ; Qu'avarice ardant qui d'euls vist, Com plus vivent, plus rajonnist. Et de ce la vient la tempeste Qui destruit le monde et tempeste, Les merveilles et les fortunes Qui au jour d'ui sont si communes Qu'on n'oit de nulle part nouvelle Qui soit aggreable ne belle (Mach., J. R. Nav., 1349, 140)

...ceste vierge joieuse : Car faite est puis benoist pour abuvrer Touz ses subgiz d'yaue delicieuse, (...) Arche eulx portans en la tempeste obscure (Mir. Berthe, c.1373, 254)

Droite tempeste. Vraie tempête (qui tourmente).

Face couvrir leur est uns droiz tempestes Pour leur beauté (Desch., Oeuvres Q., t.6, c.1370-1407, 202)

Or, enten, c'est droicte tempeste Qu'amour de femme, par ma teste, Et une unde qui plunge l'omme Es mortelz perilz, et l'assomme, Et le lie en toute saison (Desch., M.M., c.1385-1403, 40)

[Dans une formule d'imprécation] Male tempeste

Mal tempeste vous puist confondre ! (Marcadé, Myst. Pass. Arras R., a.1440, 12)

Sa, ribaudaillie, que mal nuyt Et mal jour et malle tempeste Vous puisse choer dessus la teste. (Myst. st Sébast. M., c.1450-1500, 209)

PRINCE ['Lucifer'] . (...) Sortez dehors, que la malle tempeste, La malle rage et malle mort aussi, Villaynement, ains que partez d'icy, Vous puisse a tous fouldroyer corps et teste ! (Icy sortent les deables de leurs secretz, l'un cy, l'autre la, avecques feu et fouldre orrible...) (La Vigne, S.M., 1496, 137)

Remarque : H. Lewicka, Les Comp., 1968, 59.

Proverbe.

'...Il se dit en proverbe', dist Ysangrin, 'Apres tempeste beau temps, mais le contraire nous est advenu, car apres ce beau temps, la tempeste est venue en place...' (Mézières, Songe vieil pèl. C., t.1, c.1386-1389, 268)

C. -Par analogie.

1.[P. anal. avec l'agitation de la tempête] Agitation, vacarme de la mer.

Car il voit la mer si orrible Que de passer est impossible ; Et de sa tempeste et son bruit Toute la region en bruit. Mais finalment tant l'assailli Amours, que en la mer sailli, Dont briefment le couvint noier ; Car a li ne pot forsoier. (Mach., J. R. Nav., 1349, 249)

2.[P. anal. avec le tonnerre qui accompagne la tempête] Vacarme (et agitation).

Les grans estas, la viande et tempeste Qui la estoit, la noise et le hutin... (Desch., Oeuvres Q., t.2, c.1370-1407, 212)

Il y avoit lors, et on entendoit dedens ledit champ, une si terrible tempeste, et une telle cliqueterie de coulevrines et ribaudequins, que c'estoit une merveilleuse chose à ouyr. (Chart. J., Chron. Ch. VII, V., t.3, c.1437-1464, 6)

De ces povres venans au corps, Qui ne font que noises et discords Dans l'eglise et telle tempeste Que on ne ot que leurs cris et rappors... (Hautev., Conf. Test. am. tresp. B., c.1441-1447, 75)

Et quant Gadiffer vey la maniere de ces mauvais esperis qui menoient en l'aer et environ lui tant horrible noise qu'il n'est homme au monde, tant soit hardi, se il veoit et oyoit telle tempeste, qu'il n'en deust yssir hors du sens et de memoire... (Percef. III, R., t.1, c.1450 [c.1340], 11)

Trois, quatre, cinq, six foiz maintint ceste maniere de faire envers ceste belle fille, sans ce que le chevalier s'en donnast garde, combien qu'il en oyst la tempeste [D'un amant déchaîné] (C.n.n., c.1456-1467, 505)

[Compatible aussi avec l'idée de fête, de joie...]

Lors oïst on a Romme cel jour moult grant tempeste : Trompez, cors et buisinez sonnerent pour la feste (Vie st Eust. 1 P., c.1350-1400, 158)

...Menans sy joyeuse tempeste Que nous eusmes la hardiesse D'entrer bien avant en la feste. (Martin Le Franc, Champion dames I-II, P., 1440-1442, 40)

Faire tempeste

Mais je vi bien a sa samblance Qu'il n'en voloit autre vengence ; Et si faisoient tel tempeste Que j'en eus grant mal en la teste, Et au lion trop desplaisoit ; Car si maise chiere faisoit Que, s'il fust en cent lieus plaiez, Ne fust il pas si esmaiez. (Mach., D. Lyon, 1342, 173)

[Indication scénique, en enfer] Icy doivent fere une bien grande tempeste en leur enfer. (Gréban, Pass. J., c.1450, 21)

...il vey entour de lui tous les mauvais esperis ensamble en samblance de chevaliers armez et montez a cheval, qui faisoient sy terrible bruit et tempeste qu'il sambloit que les cieux et toute la terre deuist fondre en habisme. (Percef. III, R., t.1, c.1450 [c.1340], 14)

Dea ! mon filz [L'ENRAGÉ] , se tu faiz tempeste [par colère] , Ces verges en feront la raison (Flamang, Vie Pass. st Didier S., 1482, v.9403)

Icy font les diables en enfer grans tempestes. (Myst. Pass. Troyes B., a.1482, 373)

Les deables s'en vont, faisant cris, hurlemens et tempeste en enffer ou autre part a leur avantaige. (La Vigne, S.M., 1496, 354)

Mener (grand) tempeste

SECOND DYABLE. Prens contre moy et ne l'espargne [le corps] ; Jette cy dedans ma brouette. De joie menray grant tempeste En la menant. (Mir. ev. arced., c.1341, 142)

...bruyant, menant tempeste. (Pac. Job M., c.1448-1478, 312)

3.[P. anal. avec les dégâts que la tempête peut causer]

a)Destruction, ravage, attaque.

Ras, souris, mouches, males bestes, Qui tant font aux hommes tempestes... (Renart contref. R.L., t.1, 1328-1342, 73)

...je l'ay trouvee tant desolee [la terre détruite par l'invasion] que jusques a present je n'y ay trouvé homme ne femme du tamps de la destruction ne maison en estant. Sy tiens la dame a tant saige que je sçay qu'elle se retraÿ a guarant en aucun lieu apart et hors de ceste tempeste (Percef. IV, R., c.1450 [c.1340], 673)

Nous leur monstrerons telz tempestes Que ja pied n'en eschappera ! (Flamang, Vie Pass. st Didier S., 1482, v.6721)

b)Tourment physique.

Des les piez jusquez a la teste Fust desrompu par grant tempeste Tant qu'il n'avoit ne chair ne ners Que tout ne fust mengé de vers. (Pac. Job M., c.1448-1478, 181)

Sur luy puissance je te donne Et trestout son corps t'abandonne, Des les piez jucquez a la teste, Pour luy fere mal et tempeste. (Pac. Job M., c.1448-1478, 320)

Et a enduré grant tempeste Des les piéz jusquez a la teste (Pac. Job M., c.1448-1478, 373)

La [en enfer] sont les maleureux contraint Porter pardurable tempeste (Gréban, Pass. J., c.1450, 210)

La chascun pecheur est contraint Porter pardurable tempeste : Ou enfer est, la mort est preste. (Michel, Myst. Pass. J., 1486, 204)

c)MÉDECINE Trouble, agitation violente.

Item note que quelconque tempeste qui vienne a la femme ou dehors ou dedens, se les mammelles ne agrelissent on ne se doit point doubter en nulle maniere d'avortir, mais s'elles agrailissent elle avortira. (Gordon, Prat., c.1450-1500, VII, 15)

Crise, douleur violente.

C'est doctrine médicinale D'ouvrir la vaine capitale Quant l'apostume, o sa tempeste, Occupe la gorge ou la teste (La Haye, P. peste, 1426, 119)

D. -Au figuré.

1.[À propos de la situation, à propos des choses]

a)Agitation, tourment, tourmente.

PREMIER DYABLE. (...) mes cuers est joians et liez, Quant leur veu a esté brisiez Dont la mére Dieu faisoit feste. SECOND DYABLE. Il [le seigneur et la dame] sont bien cheuz en tempeste, Puis qu'en noz las mis les avons. (Mir. enf. diable, c.1339, 11)

Mais l'un d'une part me boute et envoie tempeste de plusieurs besoingnes (Foul., Policrat. B., III, 1372, 206)

[DES DIVERS ENGINS ET AGUAIS QUE FEMME APPAREILLE A SON MARI, S' IL NE CONSENT PAS A SA VOULENTÉ] . Pense illec venins et charays, Enchantemens, poisons, agays, De toriaux, d'arays et de bestes, Et diverses autres tempestes Qu'elle puist lors pour soy vengier A son mary faire mangier, Car femme n'a plus grant science Fors voulenté pour conscience (Desch., M.M., c.1385-1403, 64)

Dont eux se sentoient au milieu du danger et estre le gouffle ['le gouffre'] et le droit rassemblement de la tempeste (Chastell., Chron. K., t.1, c.1456-1471, 69)

...les pleurs Et les malheurs du tempeste ou je naige (Molinet, Faictz Dictz D., 1467-1506, 83)

Ce jour versa sus la tres redoubtee Maison d'Austrice ung merveilleux tempeste (Molinet, Faictz Dictz D., 1467-1506, 168)

Avoir mal tempeste de qqc. Subir les conséquences désastreuses de qqc..

Qui bera a che hanepel, Il ara de che mal tempeste. (Henri Ferr., Modus et Ratio, Songe pest. T., c.1354-1377, 42)

b)En particulier. Agitation, trouble politique, soulèvement, désordre.

La vint rios de toutes pars, Et tant que Philippes Giffars Qui pour le prevost se melloit Et qui tresbien armez estoit Et avoit bacinet en teste, Fut occis en celle tempeste. (Desch., M.M., c.1385-1403, 372)

Et estoit en ceste tempeste le plus auctorisé, qui plus hardiement se boutoit en la besoigne, pour ce que le peril avoit esté si grant par la temerité et oultrageuse entreprise de venir devant Paris par lesdis Armighas, que celx qui plus besoignoient et plus avoient honneur. (Baye, II, 1411-1417, 85)

...et sourdirent tant de bandes en ce temps-cy en Londres, et par le royaume et ailleurs, que tout y estoit tempeste et malédiction (Chastell., Chron. K., t.5, c.1456-1471, 494)

2.[À propos d'une pers.] Agitation.

Je tieng que nous la trouverons [Marie] De nous droit conduire si preste, Et que la chaleur et tempeste Du tirant si appaisera Que ja nul mal ne nous fera (Mir. emp. Julien, 1351, 188)

[Dans l'esprit, dans l'âme] Agitation, tourment, ravage.

...delectation de la char, tempeste de luxure (Gast. Phébus, Livre oraisons T., c.1380-1383, 36)

Qui vous a ainsi meu a ire ? Ou avez vous chargé ceste opinion cruelle, plaine de tempeste ? (C.n.n., c.1456-1467, 564)

O Adonaÿ, quel tempeste Et quel meschief vient de luxure ! Le plus saige en devient beste, Layssent raisonnable nature. (Pass. Auv., 1477, 110)

Tempeste de pensée

...quelle chose est ce avoir le gouvernement d'aucun pueple, for labeur et tempeste de pensee. (Songe verg. S., t.2, 1378, 265)

Dire tempeste. Tenir des propos agités, incohérents.

Il est yvre ; sy dit tempeste. (Cycle myst. prem. mart. R., c.1430-1440, 104)

Proverbe.

Fort vin esmoeult grand tempeste. (Molinet, Faictz Dictz D., 1467-1506, 538)