TARD

adjectif, adverbe et substantif masculin

[T-L : tart ; GD : tard, tart ; DECT : tart ; FEW (XIII-1, 119a) : tardus ; TLF (XV, 1383a) : tard]

I. -Adverbe.

A. -Après le moment attendu ou habituel, à un moment plus tardif qu'on pensait ou qu'il aurait fallu.

1.[P. oppos. à tost]

a)[P. oppos. à tost ou à tempre]

J'ay plus chier estre y tost que tart (Mir. femme, 1368, 189)

...tendroit sa feste en ses chambres, O les dames et tart et tempres. (Chr. Piz., M.F., II, 1400-1403, 262)

Il vaut mieux tost que tard

Or bien force est que je perde ; si vault mieulx tost que tard. (C.n.n., c.1456-1467, 540)

Avant tost que tard. Au plus vite.

Monseigneur vrayment il le fault Mettre a mort avant toust que tart (Oudin, St Genis M.S., c.1490, 95)

Plus tost que plus tard. Au plus tôt.

Mais ne faictes pas longs sejours ; Partés moy plus tost que plus tart. (Gent. moun. T., c.1500, 347)

Tost et tard. À tout instant, tout le temps, constamment.

Vous l'avez ouy en a part Qu'i dit que sont deux compaignons Servant La Hire toust et tart, Et entant qu'i sont Gascons ; Si croy bien que pas y ne sont, Pensez, de grant auctorité ; Ainsi comme deux vaccabons Qui sont plains de leur voulenté. (Myst. siège Orléans H., c.1480-1500, 310)

Et pour monstrer qu'il estoit loyal homme, Devers le roy transmist son filz bastart, Lequel depuis s'est tenu tost et tart Avecques luy ayant de grans audaces : Raison pourquoy, car sans estre sotart, Il luy offroit ses villes et ses places. (La Vigne, V.N., p.1495, 228)

Tempre et tard. À tout instant, toujours.

Pour ce li fault a sa propre besongne Un orlogier avoir, qui tart et tempre Diligamment l'aministre et attempre (Froiss., Orl., 1368, 105)

Ung chevallier doit tempre et tart Tousjours estre prest pour conquerre Proesse, honneur, pris, los et terre (Marcadé, Myst. Pass. Arras R., a.1440, 231)

...en la grant joye de paradis où sont les autres moynes qui tart et tempre m'ont servi et ont relenqui tout le monde pour moy. (Miélot, Mir. N.D. L., 1456, 124)

Tempre, tard. À tout instant, toujours.

...Tempre, tart, main et soir tant qu'il sera en vie (Jourd. Blaye alex. M., a.1455, 11)

Tost ou tard / Ou tard ou tost. À un moment ou à un autre, inévitablement.

Je supply et enhorte que chascune personne crestienne, tant soit entachee de ors pechiez et abhominables, elle s'en confesse, car humaine fragilité est pechier mais perseverer est perversité de deable(s). Pense la personne que tost ou tart faut que elle le die, et elle ne scet quant elle aura temps et heure. (Gers., Concept., 1401, 428)

Pilate (...) le saroit, ou tart ou tost, Et, pour soy venger de l'erreur, En rescriproit a l'empereur Que ses gens avons fait occire (Myst. Pass. Troyes B., a.1482, 890)

SAINCT MARTIN. S'a vous s'amort Le temps passé, soit tost ou tart, Ou si quelque peché vous mort, Ayez en Jhesucrist regart. (La Vigne, S.M., 1496, 441)

Tempre ou tart

J'en seroie si mortelment grevez Que j'en seroie ou mors ou forsenez, Ou tempre ou tart. (Mach., F. am., c.1361, 154)

...Ançois se deduit et solace A rechevoir, soit tart ou tempre, Le rousee (Froiss., Pris. am. F., 1372-1373, 114)

Et par ce pourroit il matter Dieu et conquerre Paradis, Ainçois qu' il fust .VIII. ans ou .X., Et le ciel prendre tempre ou tart (Chr. Piz., M.F., II, 1400-1403, 148)

b)Plus tard

À un moment ultérieur, à une heure plus avancée.

...les glaçons sont descenduz par ledit pont plus tart plus de XIJ heures que par lesdiz petis pons (Baye, I, 1400-1410, 217)

Plus tardivement.

...comme le precteur de Prenestre eust pour paour ses chevaliers menez plus tart que il ne deust des subsides en la premiere bataille... (Bers., I, 9, c.1354-1359, 16.17, 30)

Leurs vies en seroyent plus longues, les malladyes en viendroyent plus tard (Comm., II, 1489-1491, 341)

Plus tard que

...aucun pourroit dire que sus le ciel que nous voions est ou puet estre un autre ciel invisible a nous qui est meu plus tost ou plus tart que le ciel qui est souz luy, et dessus cest ciel est encore un autre et puis un autre, et ainsi sanz fin. (Oresme, C.M., c.1377, 104)

Ainz qu'il soit plus tard. Sur le champ.

Seigneurs, delivrons nous, ainçois Qu'il soit plus tart. (Mir. ev. arced., c.1341, 116)

S'il ne le scet, voise l'apprendre, S'il m'en croit, ains qu'il soit plus tart (Villon, Test. R.H., 1461-1462, 25)

CUIDER. Argent m'y fault ! Argent m'y fault ! Sa, mes enffans, sa, mes minos, Venez achapter dorellos, Sa, venez ! ains qu'il soit plus tart. BRUYT. Et qui est se maistre cornart Qui reveille le guet ainsi ? (Pipée R., c.1470-1480, 160)

Le moment le plus tardif.

Au plus tard

Dy li qu'ains quart jour au plus tart Je seray a lui quelque part Qu'elle sera. (Mir. Berthe, c.1373, 202)

...une année après Au plus tart (Desch., M.M., c.1385-1403, 385)

En potage l'en doit mectre les espices tresbien broyees et non coulees et au plus tart ['au dernier moment'] . (Ménagier Paris B.F., c.1392-1394, 191)

...au fort elle conclud se deceler au plus tard qu'elle pourra. (C.n.n., c.1456-1467, 116)

Du plus tard

...mais, se je me tourne Franchois, il ne gaingnera riens, ce que je feray trop envis et du plus tart comme je pourray. (Froiss., Chron. M., XIV, c.1375-1400, 203)

Le plus tard

Le lendemain, ou, pour le plus tard, deux jours après ladicte place rendue, ledit duc de Bourgongne... (Comm., II, 1489-1491, 134)

...et que les gens d'armes fussent payéz de deux moys en deux moys pour le plus tard. (Comm., II, 1489-1491, 216)

À tout le plus tard

...mais finablement ils consentiront audit XVe d'octobre, et au fort, jusques à la Toussains, à tout le plus tart. (Ch. VI, D., t.1, 1400, 183)

c)Trop tard. Après le moment convenable.

Item, tout ce que il [celui qui a le vice de parvificence] fait en tel matiere, il le fait trop tart. (Oresme, E.A., c.1370, 247)

Ilz compterent leur cas, et on leur respondit : 'Vous venez trop tard : chacun se tienne a ce qu'il a...' (C.n.n., c.1456-1467, 342)

Il est / c'est trop tard

Or avint que, sur la fin des repliques de la cause, un secretaire du Roy apporta la lettre de la Chancellerie pour delaier la cause à XVe, maiz c'estoit trop tart (Baye, I, 1400-1410, 24)

Je suys mesme venu pour y tenir ma place, mais c'est trop tard. (C.n.n., c.1456-1467, 212)

Il est meshuy trop tard, dit il, il est couché passé une heure. (C.n.n., c.1456-1467, 218)

Il est trop tart, par mon serment ; Les princes nous porroyent bien nuyre. (Pass. Auv., 1477, 263)

...et ne le voulurent croire, dont il leur print comme l'on scet. Ne le creurent jusques il fust advenu que fut trop tard. (Simon De Phares, Astrol., c.1494-1498, f° 154 v°)

Le tard venir

...si est en leur chois le tost ou le tart venir, le retour ou la demeure. (Chart., Q. inv., 1422, 56)

2.À un moment trop tardif.

Grant dueil hont et trop se repentent De ce qu'ont fait ; tart apparceu Ont comment ilz furent deceu (Chr. Piz., M.F., III, 1400-1403, 250)

...s'il estoit venu tard, il met peine d'aconsuyvir ceulx qui le mieulx avoient viandé. [En retard pour un repas] (C.n.n., c.1456-1467, 403)

C'est tard, qui aprés froit se coeuvre. (Molinet, Faictz Dictz D., 1467-1506, 773)

3.Proverbe. Mieux vaut tard que jamais

...et meultz vaut tarde qe jammes (Henri Lanc., Seyntz medicines A., 1354, 141)

Ancor vault mieux tart que jamais Soy marier pour avoir hoirs. (Desch., M.M., c.1385-1403, 16)

...Qu'encor vault mieulx tart que jamais Soy repentir de ses meffais (Desch., M.M., c.1385-1403, 232)

...car il vault trop mieulx tost que tard, et tart que jamais. (Chr. Piz., Trois vertus W.H., c.1405, 120)

...comme mieux vaille tart que jamais (Chr. Piz., P.V.H., 1416-1418, 17)

Car il vault mieulx ung peu tart que jamais (Nesson, Lay guerre P.D., c.1424-1429, 60)

Car il vaut mieulx tard que jamais. (Régn., F.A., 1432-c.1465, 66)

Au fort, il vault mieulx tard que jamais. (Robertet, Oeuvres Z., c.1450-1500, 117)

...trop mieulz vault faire bien tard que jamais (La Sale, J.S., 1456, 233)

Toutesfois vault encores myeulx tard que jamais. (Comm., I, 1489-1491, 93)

Il vault trop mieulx tart que jamais. (La Vigne, S.M., 1496, 284)

Remarque : Prov. H, 234 [T13]. MOLINET, Faictz Dictz D., 1467-1506, 596 ; 668 ; Danse macabre femmes H., p.1480, 100...

B. -À la fin d'un certain laps de temps, en partic. à la fin de la journée.

1.(Bien) tard

...il et ladite de Valenciennes se partirent, et, cedit jour, vindrent gesir au soir bien tart et ariverent en la ville de Soissons. (Reg. crim. Chât., I, 1389-1392, 155)

...quand vint sur le soir et tard, elle fit despouiller sa voisine et coucher en sa place (C.n.n., c.1456-1467, 264)

Quand vint sur le soir, bien tart, nostre bouchiere oyt gens deviser en la cuisine. (C.n.n., c.1456-1467, 276)

...il s'en ira a la taverne, et n'en retournera jusques au vespre bien tard (C.n.n., c.1456-1467, 527)

2.Il est tard. L'heure est avancée (dans le laps de temps considéré, en partic. dans la journée).

...pour ce qu'il vit qu'il estoit tart, et qu'il creoit qu'il ne feroit riens à Paris, s'en retourna pour venir en son hostel à Aunoy (Reg. crim. Chât., I, 1389-1392, 221)

...pour ce qu'il estoit tart, et ne se povoient bonnement assembler les seigneurs de Parlement pour l'eure. (Baye, II, 1411-1417, 28)

...et, ce fait, pour ce qu'il estoit tard, la Court ordonna de soy assembler lendemain pour deliberer et faire response ausdis ambassadeurs (Fauq., I, 1417-1420, 293)

...voyant qu'il estoit desja bien tard et heure de soupper, [Madame] abandonna le baing et en son lit se bouta. (C.n.n., c.1456-1467, 44)

Il est tart, frere ; il nous fault Aler vers ce bon Jhesus. (Pass. Auv., 1477, 135)

A Romme donc comme je me remembre (...), Le dernier jour du dit moys de decembre, Le roy entra qu'il estoit ja bien tart, Son ost conduyt et regy de grant art, Auquel fallut devant luy et aprés Force torches, fallotz, flambeaux exprés Bien alumez, qui est evidant signe Que noire nuyt le suyvoit de trop pres (La Vigne, V.N., p.1495, 230)

C. -À un moment qui tarde à venir.

1.Estre tard à qqn que + subj. Tarder à qqn que.

Tart m'est que la bese et acole Et o lui dance a la karole. (Propr. choses Rosarius Z.S., c.1330, 135)

LE PAPE. Seigneurs cardinaux, il m'est tart Que grace puisse recouvrer Que perdu ay par mal ouvrer. (Mir. pape, 1346, 375)

Moult me fu tart Qu'en cel assai Fuisse entrés par aucun art. (Froiss., Espin. amour. F., c.1369, 165)

...il leur est tart Qu'il l'aient veü et trouvé. (Froiss., Méliad. L., t.3, 1373-1388, 229)

...puis s'en part Alixandre, a qui est moult tart Qu'avec sa gent s'en soit tourné. (Chr. Piz., M.F., IV, 1400-1403, 56)

Quant l'apperceu, moult tart m'estoit Que sceusse qu'il vouloit dire (Chr. Piz., Chem. estude P., 1402-1403, 111)

...ou quant il [ton fils] sera en age pour estre sires de tes biens, luy sera tart que tu soyes mort ? (La Sale, Sale D., 1451, 128)

Dame Jehanne, Dieu vous salue Et vous doint aujourd'uy bon jour ! M'estoit tart que vous eusse veue, Que vous estes notre recour. (Myst. siège Orléans H., c.1480-1500, 493)

Il m'est tard que je soye absent De la face de mon seigneur, Car je suis en telle langueur Que je ne puis icy durer. (Myst. Pass. Troyes B., a.1482, 113)

Qqc. est tart à qqn. Qqc. tarde à qqn.

Li Chevaliers au Chief d'Or part Le premier ; car molt li est tart Et quide telle jouste fere Dont as dames doie molt plere. (Dame Lycorne G., c.1349-1350, 285)

Envoyez nous un doulz regart Qui nous conduie jusqu'a Blois, Nous le vous rendrons quelque fois, Quoy que l'atente nous soit tart. (CH. D'ORLÉANS, Rond. C., 1443-1460, 334)

Il est tard de. Il tarde de.

Adont y vint a grant aroi Uns chevaliers de l'autre part A qui du tournoier est tart. (Dame Lycorne G., c.1349-1350, 284)

Sire, dist Pedracus, nous yrons vers Bretaigne, car tart est d'y estre. (Percef. IV, R., c.1450 [c.1340], 932)

Demeurer trop tard à + inf. Trop tarder à.

Mais, ce jour, ne fu aucunement procedé oultre en ladicte besoingne, pour ce que ceulz qui avoient esté appellez attendirent et demourerent trop tard à venir, et fu la chose continuée à lendemain et jours ensuivans. (Fauq., I, 1417-1420, 67)

2.Il sera tard devant que. Il se passera beaucoup de temps avant que.

LA MERE. Celuy, sans plus, ou mon confort avoye, Au partement, pour Dieu, que je vous baise ! (Il la baise.) Bien tart sera devant que vous revoye : Dont je n'ay pas le cueur bien a mon aise. SAINCT MARTIN. Ma chiere mere, ne vivez a malaise (...) ; Adieu vous dis jusqu'a une aultre foys. (La Vigne, S.M., 1496, 194)

3.Difficilement, rarement.

a)Trop tardivement, rarement.

Aussi leur vient roigne de gresse quant ilz demuerent ou chenill sanz chascier, et le chenill est mal nestié et la paille tart remuee et l'yaue mal fresche, et, brief, les chiens mal tenuz et gardez. (Gast. Phébus, Livre chasse T., 1387-1389, 118)

b)Plus tard. Moins facilement.

...trop fet grant bien a chienz quant ilz puent aler dedanz et dehors la ou leur plaist, et plus tart en sont roigneux. (Gast. Phébus, Livre chasse T., 1387-1389, 140)

Les vallez de chienz et les aides et les veneurs doivent tenir chascun son limier en sa chambre pour trop de raysons, quar ilz en sont plus nez et en deviennent plus tard roigneux. (Gast. Phébus, Livre chasse T., 1387-1389, 191)

Je croy plus tart le vray que une fredaine (Robertet, Oeuvres Z., c.1450-1500, 89)

II. -Adjectif.

A. -Tardif.

Lors retournerent devers le Pappe qui de ce fut sy tresdollant (...) mais trop tart fut le repentir. (La Sale, Salade, c.1442-1444, 110)

Heure tarde / tarde heure. Heure avancée, tardive.

Et pour ce que le dit Pierre, pere de la dite femme ne pourroit monstrer ne prouver bonnement l'eure que sa dicte fille vint à son dit hostel et que, pour en chastier et reprendre courtoisement son dit mary, il estoit alez comme courrouciez à lui de ce que à si tarde heure l'avoit getée et menée hors de son dit hostel (Doc. Poitou G., t.5, 1382, 188)

En mon deport aprez souper, heure bien tarde, m'en alay ens le jardin... (Bouvet, Appar. Meun A., 1398, 5)

Et adonc ledit suppliant, courroucé de ce que lui disoit ledit maistre Jehan, lui dist par deux foiz ces parolles : 'Va t'en ! va t'en', et print une juisarme en sa main, laquelle il avoit près de lui pour la garde de ladicte place, et frappa deux coups du plat de ladicte juisarme sur ledit maistre Jehan, pour l'en cuidier envoyer et debouter d'ilec, pour eschever debatz, et aussi qu'il estoit heure tarde et ne voyoit on plus guères (Doc. Poitou G., t.9, 1447, 41)

...et pour ce que l'eure estoit tarde ne y furent gueres qu'il les convint departir. (La Sale, J.S., 1456, 85)

B. -Qui n'arrive que tardivement, difficilement.

Sy les ay mises [ces choses extraordinaires que l'on me dit être arrivées] , non pas par nécesité de ma matière, mais par amiration de la chose qui moult sonne estrangement, laquelle toutevoies, si elle a esté advenue, ne peut faillir de mistère en parfont sens non plus que de tarde créance en la plus part des lisans. Donc et pour raffermer la possibilité de cestui cas par autre cas samblable advenu de mon sçu jà longuement par avant cestui... (Chastell., Chron. K., t.3, c.1456-1471, 361)

III. -Substantif masculin.

A. -À tard. Au tard. En tard

1.Tardivement.

Salomé, pour voir vous creant Que trop a tart vous y venez : Car li enfes si est ja nez (Mir. nat. N.S.J.C., c.1343, 213)

Et si avez telle chose emprise, vous et la gent de ce païs, dont en la fin serez tenu pour fol, et a tart en venrés au repentir, se Dieux adrece mon espoir (Bérinus, I, c.1350-1370, 78)

Je suis grosse de vif enfant, Et si l'ay ja porté sentant Plus de deux mois, se Dieu me gart. Et se je le vous dy a tart, Ne vous en devez merveillier, Car femme doit moult resoingner De dire qu'elle ait conceü, Jusqu'a tant qu'elle l'ait sceü Estre de vray. (Mir. enf. ress., 1353, 10)

Je me sui a tart de ce fait repentie (Ami Amile A., c.1400-1500, 63)

Si tu t'en cuidez respentir, Par mon serment, c'est trop a tard. (Pac. Job M., c.1448-1478, 214)

A tart je m'en suis aparceue (Pac. Job M., c.1448-1478, 361)

Comme souvent l'on mect en terme pluseurs choses dont en la fin on se repent, et a tard, advint nagueres que ung gentil compaignon... (C.n.n., c.1456-1467, 407)

...trop a tard tu es venue au remede (Chastell., Temple Boc. B., 1463-1464, 159)

Trop tardivement.

...gardés que pas n'attendés jusques ad ce qu'il [l'ennemi] soit entrés en voz terres ne seignouryes, car a tart y porriés venir. (Hist. seign. Gavre S., c.1456, 103)

2.À une heure avancée du jour, à la tombée de la nuit.

Tout le dymenche, dernier jour de novembre, Pour regarder et pourgecter son fait, Pas grandement ne partit de sa chambre ; Mais le lundy premier jour de decembre Sans plus attendre et pour se despescher, Il fist a tart son armee marcher Au long d'un boys qui pres de la respond ; Puis disposa de s'en aller coucher Aprés disner au lieu dit Pongipond. (La Vigne, V.N., p.1495, 221)

Au tard

...sur lettres recheues le nuit devant, au tart (Actes Etats gén. Pays-Bas C., t.1, 1464, 78)

3.En tardant (parce que cela déplaît, parce que c'est difficile...) ; à contre-coeur ; difficilement ; rarement.

a)En tardant (parce que cela déplaît, parce que c'est difficile...) ; à contre-coeur.

Quant aucuns si reprenoient Scipion l'Affrican que il guerroioit pou et a tart, il respondi : 'Ma mere m'enfanta empereour et non pas guerroieur.' (Foul., Policrat. B., III, 1372, 243)

...qu'il soit donné franchement à lie chiere joyeuse et liberale, non mie en rechignant à regrait, ne à tart par force de poursuite, car si que dit Senecque, don longuement actendu part son merite pour ce que point n'est la promesse si doulce que l'atente ne soit trop plus amere. (Chr. Piz., Paix W., 1412-1413, 150)

Ceste yre, si que devant est touchié, contraint le cuer de commun cours à faire parler la bouche oultrageusement, soit en menaces ou en villenant autrui, et dont souvent ensuit mal et repentance, quoy que aucune fois soit à tart. (Chr. Piz., Paix W., 1412-1413, 173)

Car se vous [estes] manié à force, à tart vendrez au don. (Chr. Piz., J. d'Arc, 1429, 39)

Qqc. est à tard. Qqc. tarde.

Quant la dame a amy a sa plaisance et ilz se pouent trouver ensemble, et est a tart, ilz se font tant de joies que nul ne le pourroit dire, tant que le fait du mary n'est rien prisé. (Quinze joies mar. R., c.1390-1410, 36)

Estre à tard à qqn de + inf. Tarder à qqn de.

...trop lui estoit atart De trouver et vin et viende (La Buigne, Rom. deduis B., 1359-1377, 159)

Estre à tard à qqn que + subj. Tarder à qqn que.

...Auquieux il sera monlt atart Que chascun d'eux en ait sa part (La Buigne, Rom. deduis B., 1359-1377, 165)

...car il m'est a tart Que soie hors de ceste terre. (Mir. emper. Romme, 1369, 251)

Proverbe.

Or doint Dieus que jamais ne face Chose de quoi perdre la puisse, Et qu'amie et dame la truisse, Einsi com je li suis amis, Qui a li sui donnez et mis, Sans partir en, n'a mort, n'a vie : Car qui bien aimme, a tart oublie. (Mach., R. Fort., c.1341, 156)

Et on dit, je n'en doubt mie, Qui bien aimme à tart oublie. (Mach., Motés, 1377, 488)

b)Difficilement, rarement.

Difficilement.

A tart l'aras a ton bezoing (Renart contref. R.L., t.1, 1328-1342, 25)

Qui bien aimme a tart oublie, Et cuers qui oublie a tart Ressamble le feu qui art, Qui de legier n'esteint mie. (Mach., L. plour, 1349, 283)

Et se un homme d'armez chiet, A tart relevera son chief (Bouvet, Appar. Meun A., 1398, 27)

Rarement.

...et se ceulz acorder ne se pooient, laquele chose se fesoit a tart, on demandoit a ceulz de la seconde classe, et aussi par ordre tout ensevant. (Bers., I, 1, c.1354-1359, 43.11, 73)

...c'est si a tart Qu'a grant peine nen trouverroit Un oysel qui tel mal auroit. (La Buigne, Rom. deduis B., 1359-1377, 334)

Et aucunefois, Sire, si me vient, mes c'est a tart, que selon l'estimation des hommes apert bien que je m'enourgueillis (Gast. Phébus, Livre oraisons T., c.1380-1383, 36)

Pour ce fierent ilz de leurs testes contre la roche et en cela se garentissent et soustienent, mes ilz y faillent bien aucune foiz, quar ilz se rompent le coul, mes c'est bien a tart. (Gast. Phébus, Livre chasse T., 1387-1389, 71)

Et aucunne fois un grant sangler a bien un autre sangler aveques luy, mais c'est a tart. (Gast. Phébus, Livre chasse T., 1387-1389, 89)

Adonc Vienne luy ala moustrer une petite garderobe qui estoit daryere sa chambre, ont il avoit ung petit huis qui venoit en une grant maison du palays, ou nul n'aloit, si non bien a tart. (La Cépède, Paris Vienne K., 1432, 142)

4.En tard. En retard.

...et se mist en tart [tar[t]] pour les grans gelées (Actes Etats gén. Pays-Bas C., t.1, 1464, 93)

B. -Sur le tard

1.Tardivement.

Car chil qui viennent a une bataille sus le tart, reconfortent les lassés. (Froiss., Chron. D., p.1400, 618)

Si nous souvient de Dieu, c'est sur le tard : Point n'avisons nostre piteux depart Et comme aprés en terre pourrissons. (Meschin., Lun. princes M.-G., c.1461-1465, 2)

Proverbe.

Car il vault mieux sus le tard que jamés. (Molinet, Faictz Dictz D., 1467-1506, 204)

...mes C'est sus le tard, si vault mieux que jamés. (Molinet, Faictz Dictz D., 1467-1506, 435)

2.Sur le soir, à la tombée de la nuit.

...Pierre d'Aunay, le dimanche ensuiant sur le tart, en la cohue du dit lieu de Fontenay, commença à tancer et rioter aus diz exposans (Doc. Poitou G., t.4, 1375, 378)

ROBERT. Et scés tu se le duc y est ? (...) LE VALLET. Il n'y est pas (...). Il s'en est alez en riviére ; Mais il y revenra arriére Ja sur le tart. (Mir. Rob. Dyable, c.1375, 25)

...à l'endemain ilz passerent la Tamise au pont à Staves, et s'en vindrent disner à Chenes, hostel du roy, et se tindrent là jusques sus la vespre, et sus le tart ilz se departirent et s'en vindrent à ung hostel du roy à III. lieues de là en aprochant Londres que on dist Quinetonne (Froiss., Chron. M., XIV, c.1375-1400, 64)

Or li fault dire l'euvangille Saint Jehan, au couchier sur le tart (Desch., M.M., c.1385-1403, 126)

Et, ce fait, commanda icellui mons. le prevost et dist audit maistre Dreux que en ce jour d'ui mesmes, sur le tart, il alast oudit lieu de la porte Saint-Anthoine, et à bonne et seure garde feist ledit Merigot Marchez admener tout prisonnier ès prisons du roy nostre sire estans oudit Chastellet de Paris. (Reg. crim. Chât., II, 1389-1392, 182)

...et quant les bestes rentrerent en la cité sur le tart, lesdiz Freres, qui estoient affublez d iceulx cuirs de bestes et meslés entre elles, entrerent en icelle forte cité (Voy. Jérus., c.1395, 92)

...ung canart Prins sur les murs, comme on souloit, Envers les fossés, sur le tart (Villon, Lais R.H., c.1456-1457, 22)

...sur le jour sommeil les print, qui les fist lever sur le tard. (C.n.n., c.1456-1467, 203)

...le Jouvencel ala au devant d'eulx, les recueillist et fit logier au mieulx qu'il peust et, pour ce que ilz arriverent sur le tart, leur voullut donner à soupper. (Bueil, II, 1461-1466, 85)

Remarque : Sent. Chât. Paris M., II, 1396, 505.

Il est / il approche / ce vient sur le tard

Et quant vient suz le tart que les bestes... (Henri Ferr., Modus et Ratio, Livre deduis T., c.1354-1377, 110)

Il aproche ja sus le tart. (Mir. st Nic. juif, c.1480-1500, 128)

Il estoit jà sur le tard (Comm., I, 1489-1491, 96)

Aprés disner, haultement hebergé, Il fut a Luques quant se vint sur le tart. (La Vigne, V.N., p.1495, 276)

Sur un tard. Un soir.

...et la passerent la mer et vinrent sus un tart a Calais. (Froiss., Chron. D., p.1400, 863)

C. -Avoir grand tard de qqc / de qqn. Avoir hâte de disposer de qqc. ou qqn (qui tarde à venir).

Messire Robert Bomcbourc a choysy d'aultre part A trente compaingnons dont il avoit grant tart (Bat. Angl. Bret. B., a.1355, 46)