SUSCITER

verbe

[T-L : susciter ; GD : susciter ; GDC : susciter ; DECT : susciter ; FEW (XII, 468a) : suscitare ; TLF (XV, 1208a) : susciter]

A. -Faire naître, provoquer.

1.Susciter qqc. Faire naître qqc., provoquer qqc..

Si se pensa que la cité devenoit pareceuse par trop lonc sejour, et pour ce il commença a querre de toutes pars matiere de guerres susciter (Bers., I, 1, c.1354-1359, 22.2, 35)

Suscito (..) : susciter (Aalma R., c.1380, 406)

Je doubte que ceste lettre ne suscite escandle contre le visconte de Turenne à qui sont ceulz de Saint Remi. (Le Fèvre, Journ. M., c.1380-1390, 309)

Certes encores tout a present ne vouldroye je pas que bien quelconque ou quelconque bonne entreprise se feist se je ne avoye l'onneur, le los et toute la gloire ; par quoy je suscite toutes divisions et [les] continue de pis en pis en toutes terres (Gers., Noël, p.1404, 304)

...et souspeçonnoit on vehementement ledit Pelaut d'estre venu à Paris pour susciter aucune sedicion et conspiracion ou prejudice de la ville de Paris et des habitans d'icelle. (Fauq., I, 1417-1420, 265)

...pour ce que lesdictes lettres n'estoient en forme deue et que la publicacion d'icelles pour lors pourroit susciter commocion, esclande ou dommage en la ville de Paris (Fauq., I, 1417-1420, 301)

Pour ce te dy que de la grant planté de biens et des richesses du temps paisible les puissans et les nobles hommes ont usé en gast et dissolution de vie et en ingratitude et descongnoissance de Dieu, qui a suscité contre eulx le murmure du peuple (Chart., Q. inv., 1422, 32)

Qui fait venir susides, empruns, tailles, Mouver guerres et susciter batailles, Et aux povres touldre oves et boves, Fors seulement le peché des mauvais ? (Cene dieux, c.1492, 119)

...il avoit contendu par tous moyens à luy possibles de susciter divisions et mettre sedition ou royaulme (Le Clerc, Interp. Roye, c.1502, 241)

Non obstant tous lesquelz sermens, seuretés et promesses, et en venant directement contre iceulx, ledit de Nemours a de rechief contendu par tous moyens à luy possibles de soubsciter nouvelles divisions et mettre sedition en nostredit royaulme par plusieurs dampnables moyens, comme ce est assez notoire, mesmement de faire eslever plusieurs des seigneurs de nostredit royaulme à l'encontre de nous (Le Clerc, Interp. Roye, c.1502, 243)

Susciter qqc. à qqn

Mis a perdicion, Mis a dampnacion Suis, sainte Genevieve, Se ta protection, Se ta provision Ne me suscite et lieve. (Prières saints R., t.2, c.1440, 237)

....pour occasion de certains procès qu'il a en son privé nom contre les diz supplians, leur a suscité certaine nouvelleté, et incité noz autres officiers à mettre et donner ausdiz supplians aucuns troubles et empeschemens en leurs immunités, franchises et droictures, à tort (Lettres Louis XI, V., t.9, 1481-1482, 272)

Et, par ce qui est cy dessus recité, povez entendre les querelles que le roy suscitoit secrettement audict duc de Bourgongne (Comm., II, 1489-1491, 17)

...les dessusdicts roys, princes, seigneurs, leurs adherens, alliez et consors, noz adversaires, nous ont suscité et suscitent chacun jour nouvelles traffiques, traisons, invasions, guerres et divisions (Lettres Ch. VIII, P., t.3, 1490-1493, 146)

Susciter qqc. contre qqn

Je susciteray contre Hely toutes les choses dont j'ay parlé sur sa maison, pour che qu'il scavoit que ses filz se conduisoient indignement et ne les corriga pas (Daudin, De la erudition H., c.1360-1380, 188)

Susciter un ennemi à qqn

...leur suscita ennemis Thusanthaïm, le roy de Mesopothanie (Chr. Piz., M.F., II, 1400-1403, 158)

Maiz si tost qu'il declina la loy de Dieu pour suyvir ses plaisirs, Dieu lui suscita nouveaux ennemys (Chart., L. Esp., c.1429-1430, 40)

Faire renaître, faire revivre qqc..

Se par jeusnes et veilles elle amaigrist son corps et met en servitude, pour quoy au contraire le feu endormi ou comme extaint veult elle susciter ou esmouvoir par nourrissemens de baings ? (Daudin, De la erudition H., c.1360-1380, 371)

...sans vouloir susciter ne mettre avant, comme on peut sentir par leurs paroles, quelconque querelle du temps passé. (Baye, II, 1411-1417, 122)

2.Susciter qqn. Provoquer l'apparition, l'intervention de qqn.

Dieu vous suscitera un de vos freres (Jean Golein, Rational B.D., c.1370-1372, 293)

Et saichez que le doulz aignel Suscitera un Daniel Contre les faulx et hors du sens, Qui accusent les innocens, Jugent et laissent les coupables (Desch., M.M., c.1385-1403, 160)

3.Emploi pronominal. [D'une chose] Se produire.

...de laquele division, elas, clameurs et turbations se suscitarent par lyens et esbahissemens et desconfors en tous les corraiges des hommes (Chastell., Chron. IV, D., c.1461-1472, 102)

...dont souventesfois se suscitent grans et sumptueux procès et doleances (Echiq. Normandie S., 1462, 128)

B. -Stimuler dans un sens favorable.

1.Susciter qqn/son esprit. Stimuler, influencer favorablement qqn.

Ainsis que l'en l'aloit jugier, Et la mener a son tourment, Estes vous un petit enfent, Dont Dieux l'esperit suscita, De .III. ans, ou corps lui bouta Verité, qui puis fut saint homme (Daniel prophete le nomme L'Escripture saincte et appelle) Et cria : ' Ne touchés a elle !' (Desch., M.M., c.1385-1403, 146)

Or advint, dist la chambriere, que le Pere de ma maistresse, qui tousjours a ayme la gracieuse nef, et a acoustume de chastier souvent ceulx qu'il ayme comme ses propres enfans, en ceste grant fortune et temptacion horrible, selon le dit de saint Paul, fist un gracieux provent, c'est a dire un gracieux remede, car il suscita un jeune prince de la nef, filz de cellui qui fu mors en exil.... (Mézières, Songe vieil pèl. C., t.1, c.1386-1389, 551)

2.Susciter une maladie. Stimuler une maladie dans un sens favorable, la guérir.

...pensez vous qu'en ce monde cy soit medicine qui plus puisse aider et susciter la maladie d'entre nous femmes que la doulce et amoureuse compaignie des hommes ? (C.n.n., c.1456-1467, 516)

C. -Susciter qqn. Ressusciter qqn, un mort.

Marie le suscitera. Donc tantost est resuscité (Mir. N.D. Rosarius K., c.1330, 56)

Suscite moy Samuel (Foul., Policrat. B., II, 1372, 194)

Et donnoient par leur saincté Aux malades toute santé, Et susciterent pluseurs corps De terre, puis qu'ilz furent mors. (Desch., M.M., c.1385-1403, 162)

Pour ce, Jhesus, qui est lumiere Du monde, aporta la maniere De pourchacier son sauvement, La quelle y monstra clerement Par sainte vie et par signacles, Par escripture et par miracles, En suscitant lez trespassez, Et en fesant vertus assez (Mart. st Pierre st Paul R., c.1430-1440, 124)

Et [les disciples] suscitoient de mort a vie Ceulx qu'estoient ja porris en cendre (Myst. st Adr. P., c.1450-1485, 94)

C'estoit devant que a luy vince, Qu'il sussita la filhe morte. (Pass. Auv., 1477, 123)

Item a lui seul apartient par tout estre present, creer les choses de neent, (...) constraindre la voulenté de l'homme, susciter les mors en ung signe et lever ou mouvoir de l'ueil (Somme abr., c.1477-1481, 149)

En la fin aussi [appert la puissance de Dieu], car les mors par merveilleuse hastiveté et soudaineté suscitera. (Somme abr., c.1477-1481, 161)

En cest espoir suis confermé, Jhesus qui les mors suscitas Et tant de miracles fait as, Quant en ce monde pouoys vivre, Que par toy je seray delivre Quant Dieu plaira : g'y ay la foy. (Myst. Pass. Troyes B., a.1482, 867)

Remarque : Myst. st Clément Metz D., p.1439, gloss. ; GRÉBAN, Pass. J., c.1450, gloss.

Emploi intransitif. Ressusciter.

Mes revenu et retourné Es Jésus et a vie suscite, Triumphateur tresglorieux Et champion victorieux (Guill. Digull., Pèler. âme S., c.1355-1358, 338)

On a veu la terre trembler, Les mors des tombeaux susciter (Marcadé, Myst. Pass. Arras R., a.1440, 202)

Jhesus disoit en son vivant Qu'aprés sa mort suscitaroit Le tiers jour, et tout temps vivroit. (Pass. Auv., 1477, 272)

Emploi pronominal. Se ressusciter soi-même.

Car il n'est soubz le firmament (...) Angles de nulles legions, Ne quelque humaine creature (...) Qui ait le pouoir dedans luy De susciter soy ou aultruy, Fors Dieu qui le monde créa (Marcadé, Myst. Pass. Arras R., a.1440, 217)