SURMONTER

verbe

[T-L : sormonter ; GD : sourmonter ; GDC : sourmonter ; DECT : sormonter ; FEW (VI-3, 111b) : *montare ; TLF (XV, 1176a) : surmonter]

I. -Emploi transitif.

A. -Au propre.

1.[Avec une idée de mouvement]

a)[D'une pers.] Franchir (un obstacle).

Le dit duc de Lencastre et le duc de Bretaingne (...) coururent en royaume de France (...) et en sourmontant les rivieres parvinrent jusquez pres de Paris (Chron. Valois L., c.1377-1397, 246)

b)[D'une chose]

Passer par-dessus les bords de qqc..

...orage de temps et elevation de la mer, qui nagueres a tellement surmonté les terres et marois de la dicte ysle, que tant en sel et bestes comme autres choses, les diz habitans à present demourans en icelle ysle ont presque tout perdu le residu de leurs diz biens. (Doc. Poitou G., t.6, 1392, 90)

...les eaues furent sy grandes que le Rin surmonta tous disquages [var. les eaues furent si grandes sur le Rin que elles surmontèrent tous dicquaiges] (Molinet, Chron. D.J., t.1, 1474-1506, 83)

Dépasser (par son mouvement) une certaine hauteur.

...dient oultre que les prifacteurs qui par cy-devant ont prins la charge de tirer et vuider l'eaue de la dicte montaigne n'y ont pas bien fait leurs devoirs, car ilz ont aucunes foiz et bien souvent lessié surmonté l'eaue en si grant habondance qu'il a fallu que les ouvriers de martel et maneuvres aient souventes foiz chommé et cessé de besongner, qui a esté grant dommage, car si les eaues eussent esté bien tirées et vuidées, on eust beaucop plus tiré de mine de la dicte montaigne que on n'a fait, et leur semble qu'il vauldroit mieulx pour le bien de la besongne faire tirer l'eaue par maneuvres louez et en sa main que de les bailler ainsi à pris faiz (Aff. Jacques Coeur M., 1453-1457, 315)

Au .VIIIe. jour (...) S'est le mer orguillie et crute et sourmontee. (Jourd. Blaye alex. M., a.1455, 370)

c)Faire surmonter qqc. Faire remonter qqc..

...se on le mengeue aprés aultre viande [le raifort], il fait digerer et descendre la viande et laiche le ventre, mais se on le mengeue devant la viande, il fait surmonter la viande et provoque le vomir (Rég. santé corps C., 1480, 44)

2.[Sans idée de mouvement] S'élever au-dessus de qqc. (en étant plus haut que qqc. d'autre).

Remondin (...) voit la tour haulte et grosse entre le bourc et le fort, qui les surmonte de haulteur de plus du hault d'une lance... (Arras, c.1392-1393, 77)

Être au-dessus de qqc., couvrir qqc..

Cil qui songe que ses ungles soient acoursiez tant qu'ilz ne seurmontent point la char, signifie qu[e]... (Expos. songes B., 1396, 103)

B. -Par analogie. au figuré.

1.Dépasser, surpasser qqn ou qqc..

a)[D'une pers.] Surmonter qqn (de / en / par qqc.). Surpasser qqn (en qqc.), être au-dessus de qqn (en qqc.).

Celle en valour et en bonté A tout le monde surmonté. (Acart, Prise am. H., 1332, 23)

Si en choisi entre les autres l'une Qui, tout aussi com li solaus la lune Veint de clarté, Avoit elle les autres seurmonté De pris, d'onneur, de grace et de biauté, Et tant estoit humble et simple, a mon gré, Car, a voir dire, On ne porroit en tout le monde eslire Sa pareille (Mach., J. R. Beh., c.1340, 68)

...s'Amours vuet qu'en si haut degré soie, Tous les amans sormonteray de joie, N'en ce monde plus ne souhaideroie Joie n'avoir (Mach., Compl., 1340-1377, 257)

Dame, moult de filles ont esté qui ont assemblé grant richesses, mais tu les as toutes surmontées et passées. (Mir. ev. arced., c.1341, 104)

Car ainsi que par sa conmiseracion en ce monde elle surmonta toutes creatures mortelles, aussi en sa benoite assumpcion, (...) elle surmonta touz les anges. (Mir. march. larr., c.1349, 91)

Et lez barons et les contez Avez de sens touz sourmontez (Vie st Evroul S., c.1350, 52)

Lors li vieus Saturnus parla Bien et honnestement ; car là N'avoit mie dieu ne deesse Qui le seurmontast de vieillesse. (Mach., P. Alex., p.1369, 4)

Pour ce vous pri, dame, qui estes flour De tous les biens et de toute biauté Et qui avés en grace et en valour Et en plaisant maintieng tout sormonté, Que vous daingniés avoir de moy pité, Que ja vers vous ne penseray laidure, Et me fussiés .C. mille fois plus dure. (Mach., Bal., 1377, 542)

Gens corps, cointe, apert et faitis, Maintieng plein de toute honnesté, Se je vous aim, serf, loe et pris, N'est merveilles, qu'en verité Vous avez si tout seurmonté Que vous estes fleur souvereinne Seur toute creature humeinne. (Mach., Bal., 1377, 559)

J'aim sans penser laidure Et ay lonctemps amé Celle où Diex et Nature Ont mis tant de bonté Que toute creature D'onneur a sormonté. (Mach., Ch. bal., 1377, 597)

...chascun tent a vouloir suppediter son prouchain et le surmonter, non mie en vertus, mais en grandeur d'estat, d'onneurs ou d'avoir (Chr. Piz., Trois vertus W.H., c.1405, 135)

...envie qui donne courage aux hommes de suppediter les uns les autres et surmonter en chevance et honneurs (Bouciquaut L., 1406-1409, 210)

[D'un animal] Et, à brief parler, toutes bestes, Maiz que guaires soient parfaictes, Nous sourmontent en quelque chose (La Haye, P. peste, 1426, 68)

Certes, a mon intention, Cest enfant cy surmontera Les docteurs, et escoutez la, Oncques ne vy chose pareille. (Marcadé, Myst. Pass. Arras R., a.1440, 72)

Comment cuidés vous estre quictes D'aler contre ma voulanté ? Me cuidés vous surmonter Pour vous grans simulacions ? (Myst. st Sébast. M., c.1450-1500, 81)

[Dans la Trinité] Item nulle des personnes surmonte l'aultre par puissance, car toutes trois sont toutes puissantes. (Somme abr., c.1477-1481, 127)

C'estoit pitié de leur ouÿr compter [aux Pisains] Les griefz, les tors que par force et puissance Leur preparoient pour les cuyder dompter Et en tout bruyt et honneur surmonter, De jour en jour, les seigneurs de Florence, Tant que chaschun n'avoit autre esperance Que de laisser la ville singuliere, S'a ceste fois le noble roy de France Ne les mettoit hors de telle misere. (La Vigne, V.N., p.1495, 201)

Emploi absolu. Surmonter en qqc. Exceller en qqc..

Mes se ce estoit verité, il s'ensuiroit que selon couleur et selon quantité de corps et selon quelcunque superabundance de bien ceulz qui excederoient ou sourmonteroient en tel bien deussent justement plus participer as princeys politiques. (Oresme, Pol. Arist. M., c.1372-1374, 138)

Participe passé. Qui est au-dessus (de tout).

Vrai Dieux (...), deÿté surmontee... (Jourd. Blaye alex. M., a.1455, 807)

b)[D'une chose]

[Domaine concr.] Dépasser qqc. (en quantité, en intensité...).

Et quant la legiereté de la matiere aveques la forme de le aer seurmonte la pesanteur de elle et autre resistence, adonques ce corps est meu en haut tousjours plus et plus selon ce que plus y a de la forme de le aer et de legiereté. (Oresme, C.M., c.1377, 682)

N'est violete, lis ne rose, (...) N'autre espice que je nommasse, Que ceste odeur [de cresme] toute ne passe Et ne surmonte. (Mir. Clov., c.1381, 274)

[D'un compte] Dépasser (les sommes qui restent effectivement).

...prest est le compte Et drechié, et pas ne surmonte Le papier [le relevé écrit des dépenses] d'une seule piece L'argent [qui reste] (Myst. Incarn. Nat. L., t.2, c.1454-1474, 387)

[Domaine plus abstr.] Surmonter qqc. (en / par qqc.). Surpasser qqc. (en qqc.), être placé au-dessus de qqc..

Cent rimes ay mis dedens ceste rime, Qui bien les conte. Prises les ay en vostre biauté qui me Tient sans dormir dou soir jusques a prime. Mais en mil ans n'en diroie la disme. Toute seurmonte. Chascuns le dit, li duc, li roy, li conte. Or vueille Dieu que ja si ne m'ahonte Qu'en li servant pense outrage ne honte, Car c'est la lime Qui les biautez lime, desteint et donte. (Mach., F. am., c.1361, 179)

Tout ensement que la rose à l'espine Se differe d'odeur et de biauté Et de couleur, la vraie biauté fine De ma dame et sa pure bonté Tout veint, tout passe et tout ha sormonté ; Si que tous ha, sans riens à reprochier, Les biens que Diex et Nature ont plus chier. (Mach., L. dames, 1377, 24)

Saint Jehan Bouche d'or expose toute la vertuz de son hault et cler engin et de son eloquence souveraine a le louer ou le manifier en ung sermon ou omelie, non pourquant confesse il bien que la grandeur de voz louanges, o glorieux saint Pol, surmontoit du tout son eloquence. (Gers., P. Paul, a.1394, 493)

Ceste est une science surmontant les aultres sciences (Somme abr., c.1477-1481, 98)

Pour tant dist ung philosophe apellé Mercucius : en la nature qui surmonte les natures celestiennes est unité. (Somme abr., c.1477-1481, 147)

Excéder qqc..

...se vous trovés que ladite assiete et assignacion soit plus grassement assise que elle ne doit et que elle seurmonte la somme des dites quatre cenz cinquante livrées et douze livres de rente, tout le seurplus prenez et retenez par devers nous et appliquez à noz usages et yceli seurplus signifiez à noz amez et feialz les genz de noz comptes à Paris par voz lettres. (Doc. Poitou G., t.1, 1332, 401)

ARITHMÉTIQUE Être supérieur à.

Et si les denominacions sont prochaines adonc le quociens est nombre ; se ilz ne sont prochaines cest racine de nombre de laquelle sa denominacion est ce de quoy la majeur denominacion surmonte la moindre (Nic. Chuquet, Triparty M., 1484, II, 748)

2.Dominer qqn ou qqc..

a)[D'une pers.] Surmonter qqn. Dominer, vaincre qqn, l'emporter sur qqn.

Que nous vault avoir surmonté Les barbarans se cruauté Nous vaint ? (Mir. st Sev., 1362, 199)

...pour ce qu'il n'appére Que vous les vueilliez [ces enfans ci] conme pére Par orgueil vaincre et surmonter (Mir. ste Bauth., c.1376, 131)

Uns chascuns aujourd'ui si conte Que Antrecrist dou tout seurmonte Par vertuz Dieu le fil Marie. (Jour Jug. R., c.1380-1400, 229)

La sapience de saint Pierre fut telle que a deux foiz il converti huit [huit] mille hommes, et nous laissa deux [deux] belles espitres plaines de haulx misteres et de devote instruction ; sa sagesse apparut aussi en ce qu'il seurmonta Symon le magicien. (Gers., P. Paul, a.1394, 488)

...ce qui n'a pas esté maindre miracle mais trop plus grant, que se ung simple homme feble et nus, sans armeures et sans ayde, seurmontoit et vaincoit ung grant paÿs (Gers., P. Paul, a.1394, 494)

Se cest enfant surmonter ne savez... (CH. D'ORLÉANS, Ret. am. C., 1414, 8)

....se il vous en donne aucun peu d'onneur, ce peu vous sera plus que tout l'onneur d'un autre, et s'il vous surmonte comme un jaiant qu'il est au regart de vous, il ne vous puet tant fouler que le monde ne vous en prise trop plus que se n'aviez eu a faire a lui (La Sale, J.S., 1456, 151)

En la fasson qu'avez oy se combatit ce bon chevalier au dyable, et le surmonta par la vertu du saint sacrement de baptesme. (C.n.n., c.1456-1467, 430)

Accorderent aussi sur la nativité et revolucions d'icelle et sur les faiz de Scipion dont parle Titus Livius, que, environ le XXIIIIe an de son aage, feroit choses dignes de memoire et qu'il surmonteroit Hanibal (Simon De Phares, Astrol., c.1494-1498, f° 62 r°)

Pren en toy reconfort : et ioye Car dieu veult que soyez guary En despit du faulx ennemy Qui te cuidoit bien surmonter (Myst. st Martin K., a.1500, 308)

Emploi absolu. Remporter une victoire, l'emporter, vaincre.

...donques, aussi comme seürmonter et avoir victoire est meilleur chose que n'est soy tenir senz estre vaincu, semblablement il s'ensuit que continence est meilleur et plus eslisible que n'est perseverance. (Oresme, E.A., c.1370, 389)

...car elle espousa XXIJ maris, dont advint que par aventure trouva un homme de la ville qui avoit eu XX femmes espousees, desquelz a grans rys et feste s'en fist le mariaige, dont le peuple de Romme eust grant solas et joye, desirans veoir lequel de eulz deux surmonteroit. (La Sale, J.S., 1456, 5)

b)[D'une pers.] Surmonter qqc. Triompher de qqc., venir à bout de qqc., vaincre (ce qui fait obstacle).

Ci a trop mortel traïson. Aussi diray je de Jason Qui conquist par l'art de Medée En Colcos la toison dorée, Et sormonta, li bourderiaus, L'ardant soufflement des toriaus, S'endormi le serpent veillable, Seur toute beste espouentable, Et desconfist les chevaliers Armez, a cens et a milliers. (Mach., J. R. Nav., 1349, 232)

Car ce que homme surmonte teles temptacions, ce n'est que par l'aide de grace (Mir. st Ign., 1366, 74)

Dieu de cui ne puet raconter Bouche ne langue la bonté, Nous te loons que seurmonté Avons tout le pouoir au deable. (Jour Jug. R., c.1380-1400, 239)

Mon corps quil fust crucifïé Est a present gloriffïé, Dont je randix l'ame a mon Pere, Et depuis mon corps prins arriere, Mes a mon Pere veul monter Pour vous pechïers surmonter. (Pass. Semur D.M., c.1420 [1488], 257)

Mes l'on ne peult surmonter De Dieu la prophete ordonnance Ne contraictier a sa puissance (Pass. Semur D.M., c.1420 [1488], 258)

Fay moy, si te plet, surmonter Tout mal et tout pechié bouter Hors de mon cueur sen nul retour (Myst. st Sébast. M., c.1450-1500, 88)

Et toutesfois en constant corrage, en espoir toudis fondé en Dieu, en diligent perseverer en labeur, en veille et en estudie de sens et en pacience, vertueux pourpos toudis en fortune contraire, [le roi Charles VII] a vaincu tout en fin, a tout surmonté et rompu, et telement que, la ou les dures adventure luittoient journelement encontre ses vertus, ses vertus finablement ont obtenu triumphes sur leurs battailles. (Chastell., Chron. IV, D., c.1461-1472, 320)

...mon Dieu (...) surmontera par compas Les raiges des imperateurs (Molinet, Myst. st Quentin C., c.1482, 208)

Il est vray, vous le sçavez bien, Que l'empereur est crestien, Et qu'il a nostre loy laissee, Dont elle est forment abaissee ; Car il pretend la surmonter Et ainsi la sienne augmenter (Myst. st Laur. S.W., 1499, 172)

Tresdoulx Jesus, je te mercie, Honore, loue et gloriffie De tout mon cueur entierement. Tu m'as donné force et aye De surmonter la felonnie De ceste trescruelle gent. (Myst. st Laur. S.W., 1499, 248)

Surmonter un sentiment négatif que l'on a en soi

...Mon bon vouloir tousjours esvertuant A surmonter ma profonde destresse (Saint-gelais, Séj. honn. J., c.1490-1495, 215)

Chose surmontee. Chose dominée, qui ne fait pas difficulté, qui est évidente.

Mais qui prent en le mer d'iaue une saielee, Yl i pert petit ['on s'en aperçoit bien peu'] , c'est cose surmontee. (Jourd. Blaye alex. M., a.1455, 860)

c)[D'une chose] Surmonter qqn. Dominer qqn.

Car vostre amour si me maistrie Que tout mon sens surmonté a : Faites tout quanqu'il vous plaira, Amis, de moy. (Mir. abbeesse, 1340, 72)

Onc orgueill ne le sourmonta (Vie st Evroul S., c.1350, 41)

...cruauté tant le surmonte Que d'avoir pitié ne fait compte. (Mir. st Sev., 1362, 199)

Mais aucun est qui excede et ist hors de droite raison pour cause de la passion de concupiscence, car tele passion le seürmonte en tant que elle le fait ouvrer non pas selon droite raison mais elle ne le seürmonte pas, en tant que il soit telement disposé que il cuide et croie que il conviengne parsuir teles delectacions senz ce que nulle en doie estre devee ou deffendue. (Oresme, E.A., c.1370, 394)

Je scé bien que ce fait orgueil Qui leur a les cuers seurmonté. (Mir. ste Bauth., c.1376, 119)

Et Lucifert quil fut jadix Ange cy cler re[s]plandissant, Qu'orgueul ala tant surmontant Qu'il ce voult sur Dieu eslever (Pass. Semur D.M., c.1420 [1488], 3)

Et tant fu en ce point que sommeil le surmonta, si s'endormy jusques a l'endemain que le soleil fu levé [leçon le sommeil le surprinst dans Percef. IV, R., c.1450 [c.1340], 355, l. 854] (Percef. Compl. R., c.1450 [c.1340], 222)

Si obtint du roy maintes graces et acquist mains bons amis, ne pour semblant que le roy feist ne pour grace que il obtenist onques d'orgueil ne fut surmonté (La Sale, J.S., 1456, 74)

SECOND BRIGANT. (...) Qu'esse que de plaisance vayne, Qu'esse que vivre meschamment, Qu'esse que de vïe mondayne, Quant on meurt deshonnestement ? Qu'esse d'un maulvais garnement Que maleur et orgueil surmonte, Aussi maulvais gouvernement, Tant qu'il luy fault mourir a honte ? (La Vigne, S.M., 1496, 320)

Vous ne dictes rien de nouveau, Nous ne parlons pas du pellaige, Mais (tant) seullement pource que l'aage Vous surmonte (P. moyne, a.1500, 50)

Au passif. Estre surmonté

Hee Dieux, comme de male heure fut nee personne de religion (,) qui de ce vil pechié est seurmontee (Frère Robert, Chastel perill. B., c.1368, 259)

Et la condicion du magnanime, c'est exceller et exceder en bien et non estre seürmonté. (Oresme, E.A.C., c.1370, 253)

Or voi ge par fallace homme surmonté, Homme ce dit deceu, son cas est miserable, Cy supply ton cueur tendre qu'il leur soit piteable Et que par ma requeste ton salut y adresse. (Pass. Semur D.M., c.1420 [1488], 47)

Surmonter à qqn. Dominer qqn.

Par lesquelles [paroles] l'orgoeul sourmontoit plus fort a Baudinus (La Sale, Sale D., 1451, 113)

d)[D'une chose] Surmonter qqc. Dominer qqc., triompher de qqc..

[Domaine concr.]

Quant diarrie survient en pleuresie, ou pleuriplemonie, et que nature est surmontee, c'est malvaiz signe. (Saint-gille, A.Y., 1362-1365, 91)

Et vous savez que l'effort de deux chevaliers ne puet pas porter le faiz contre bien de LX. a IIII^xx mille Sarrasins ; et ce fu la cause qui nous destourna de y aler, et vous devez savoir que cellui est moult fol qui souffle contre le vent pour le cuider tarir ne surmonter. (Arras, c.1392-1393, 82)

Remarque : Type la nuit surmonte le jour 'l'emporte sur le jour' : Percef. IV, R., c.1450 [c.1340], 644, 690, 914.

[D'une odeur] Couvrir, vaincre.

...que les voltes et murs et aussi les trabs de la tour tous tumberent et y demoura une terrible et fetide odeur que nulle bonne oudeur ne povoit surmonter (Simon De Phares, Astrol., c.1494-1498, f° 114 r°)

[Domaine plus abstr.]

Example comme seroit ceci : concupiscences et mauvais desirriers sont seürmontéz et vaincus par abstinance, et par aventure comme tels : honorer ses parens, amer le bien commun, faire droit a chascun, ne rien vouloir de l'autrui, injurier nulluy, etc. (Oresme, E.A.C., c.1370, 110)

...et ne puet sa noblesse, tant soit elle grande ne puissant, surmonter la mort. (La Sale, J.S., 1456, 22)

...et Jehan de la Roche, escuyer de cuysine (...) qui estoit compaignon de ce malefice avecques l'abbé, comme meurtriers et faulx incidiateurs qui par poisons avoient empoisonné le très debonnaire et jeune prince monseigneur le duc de Guienne, estant extimé de tous medecins de longue vie, - et n'y saroye autre chose que penser sinon que fortune eust envye de ses vertuz, de quoy leur mesfait devoit surmonter toutes paines, - furent prins et chargés par ledit de Lescun sus ung navire et les mena au très bon duc de Bretaigne, hayant tout vice, garny de vertuz et amy parfait de tout honneur et de noblesse. (Le Clerc, Interp. Roye, c.1502, 286)

3.Surmonter qqn. Favoriser, élever qqn, faire monter qqn en rang.

...Fortune par ses conduis Monte l'un, l'autre avale, et puis Rien n'i aconte A roy, a duc, a per, n'a conte : L'un donne honneur, et l'autre honte ; L'un desgrade ; l'autre seurmonte ; C'est ses deduis ; Tout orgueil amolie et donte. (Mach., R. Fort., c.1341, 36)

...semblablement non fait Fortune, souvent avient, ains surmonte et ayde les vicieux et les mauvais (Bouciquaut L., 1408-1409, 344)

II. -Emploi intransitif. [D'une chose]

A. -Augmenter.

Car la ou la multitude des moiens surmonte et est plus puissante que ne est la multitude des .II. extremes, ce est assavoir des riches et des povres ensemble ou que une de cestes seule, illeques est policie legal. (Oresme, Pol. Arist. M., c.1372-1374, 190)

...ma fureur se redouble et surmonte. (Antitus, Poés. P., c.1500, 7)

B. -Se présenter de façon débordante, abonder.

Helas ! qui sçaroit racompter La douleur et griefve destresse Qui me vient au cueur surmonter, En moy causent dueil et tristesse ? (Myst. Pass. Troyes B., a.1482, 65)

Surmonter sur. Dépasser.

...l'ire du couroust qu'il avoit lui surmonta sur la volenté (Bouvet, Arbre bat. R.-B., c.1386-1389, 142)

III. -Emploi pronominal. Se surmoter (en qqc.). S'élever (en qqc.) plus qu'il ne convient.

...mais la félicité de vostre possès, qui trop est ample, vous est matière pour vous surmonter en orgueil (Chastell., Chron. K., t.1, c.1456-1471, 336)

IV. -Participe passé en emploi adjectival. [D'une pers.] Surmonté de vin / de boisson. Qui a bu à l'excès, qui est ivre.

...ainsi qu'il venoit de boire en compaignie et qu'il estoit aucunement surmonté de vin (Ch. VI, D., t.2, 1382, 230)

...en soy demonstrant insensible ou seurmonté de boisson, [ledit du Croq] respondi qu'il feroit le mieulx qu'il pourroit (Chancell. Henri VI, L., t.2, 1432, 179)

Remarque : Existe-t-il un verbe asurmonter ou faut-il lire à surmonter ? La difficulté de l'ex. suiv. est que à surmonter demanderait une constr. surmonter de qqc. 'venir à bout de qqc.' qui ne semble pas non plus attestée ailleurs

Or n'esse mie ung rois qui veulle reposer, Ainchois a le volloir de tout asurmonter [l. a surmonter (?)] [avoir le vouloir (la volonté) à surmonter de tout ; même forme ds l'éd. Lab.] (Hugues Capet L., c.1358, 155)