SUR

adjectif

[T-L : sur2 ; GDC : sur ; FEW (XVII, 288b) : *sûr ; TLF (XV, 1147a) : sur, sure]

A. -Qui a un goût acide, légèrement aigre.

...car telz trop replés se esjoïssent et delitent en choses agües, sures et ameres, desquelles nulle n'est delitable ne simplement ne selon nature. (Oresme, E.A., c.1370, 402)

Emploi substantival.

Car a voir dire Trop bien vous puis comparer sans mesdire A la mousche qui porte miel et cyre : Le miel est doulz et le sur a li tyre Et s'adoucist, homs nel puet contredire ; Tout ensement vos doulz cuers, Dieus li mire, De tous mes maulz est tousdis mon doulz mire Et en mon plour m'a fait liement rire [Pour ce qu'adés vers lui toudis le tire] (Mach., Voir, 1364, 548)

B. -Au figuré. Amer.

Si sentoie maintes pointures, Une heure douces, l'autre sures, L'autre plaisant, l'autre enuieuse, L'autre triste, l'autre joieuse. (Mach., R. Fort., c.1341, 14)

Et, selonc mon oppinion, Des biens qu'elle [Fortune] donne et envoie, De l'un pren ne de l'autre joie. Si qu'einsi vois par sa figure La douce fortune et la sure. Car tele fourme li donnoient Li ancien qui la figuroient. (Mach., R. Fort., c.1341, 88)

Las ! et on vëoit a la fin Tout le contraire d'amour fine Qui mainte dame eins ses jours fine ; Car pluseurs dames la mort sure Ont receü par la morsure Dou grant deffaut qu'elles trouvoient En ceaus que fins loiaus cuidoient. (Mach., D. Lyon, 1342, 199)

LA DAME. (...) Si que ce que souloie amer M'est maintenant sur et amer. (Mir. enf. ress., 1353, 6)

LA DAME. (...) Si seront deux mors assez dures, Assez miserables et sures. (Mir. enf. ress., 1353, 32)

Mais tu yès trop fort arrudis De ces pointures que tu dis, Qui tant sont ameres et sures Et a ton cuer pesmes et dures, Et s'en as plus de cinc cens muis Ou qu'il n'a d'eaue en cinc cens puis. (Mach., C. ami, 1357, 79)

Dame que j'aim, par vous sont recreé Et par le fruit de vostre porteure Cil qui dampné furent par fruit veé. Fruiz fu pour fruit, mors sure pour morsure (Mir. chan., c.1361, 184)

Et s'il est nulz qui me reprengne Ou qui mal apaiez se tiengne De mettre cy nos escriptures, Autant les douces que les sures, Que l'en doit appeller epistres - C'est leurs drois noms et leurs drois titres, - Je respond a tous telement Que c'est au doulz commandement De ma dame, qui le commande : C'est bien raison qu'au faire entende Et que son doulz plaisir je face Pour l'amour de sa douce face (Mach., Voir, 1364, 74)

Mais ce m'asseüre Que raisons, mesure, Loyauté, droiture Sont en la figure Qui me fait pointure Souvent douce et sure. (Mach., Les lays, 1377, 342)

Mais sa mort crueuse et sure Nous ha tous ressuscité. (Mach., Les lays, 1377, 399)

Car c'est tous vens, ne riens qu'elle figure Ne puet estre fors de fausse figure ; Et li siens sont toudis en aventure De trebuchier ; car, par droite nature, La desloyal renoïe, parjure, Fausse, traïtre, perverse et mere sure Oint et puis point de si mortel pointure Que ceaus qui sont fait de sa norriture En traïson met à desconfiture. Ha ! Fortune, trop sui mis loing de port, Quant en la mer m'as mis sans aviron (Mach., Motés, 1377, 497)

Car ce que je soloie amer M'est maintenant sur et amer (Mir. fille roy, c.1379, 9)

Aveugle Fortune, dure, sure et amere, bien m'as mis du hault siege de ta roe ou plus bas et ou plus boueux et ort lieu de ta maison ou Jupiter abeure les laz, chetifs, doulereux et maleureux. (Arras, c.1392-1393, 243)

[Par le mors de la pomme, Adam] En pechiet dont vient la mort sure, Mort dampnable esperituelle (,) Commist aveuc mort corporelle. (Mors de la pomme, a.1465 [éd. M. Colombo Timelli, Romania t.130, 2012, 55])

[De l'expression du visage]

...il faindit, comme bien le savoit faire, une sure et matte chere, et monstra semblant de courroux. (C.n.n., c.1456-1467, 231)

Estre sur à qqn

Or m'estes sure Par amessure, Ne n'avés cure De moy qui à vous me rens pris. (Mach., Les lays, 1377, 281)

Comment ose creature Dire qu'amour pure Li est si tres sure Qu'à desconfiture Ou en desespoir sera, S'elle ne le prent en cure ? (Mach., Les lays, 1377, 453)