SOUEF

adjectif et adverbe

[T-L : söef ; GD : souef1, souef2 ; DECT : söef ; FEW (XII, 325b) : suavis]

I. -Adjectif.

A. -[D'une chose concr., de ses propriétés] Doux, agréable (aux sens, en partic. au toucher, au goût, à l'odorat).

Delié cuirien Blanc et souëf avoit, sus toute rien Resplendissant, si qu'on si mirast bien ; Vice, tache n'i avoit fors que bien. Douce et serrée Avoit la char, tendrette de rousée (Mach., J. R. Beh., c.1340, 72)

Cheulx qui sont vestus de habis molz et souefz quierent choses moles, les eslevéz ou orgueilleus choses presieuses, les delicieux choses belles. (Daudin, De la erudition H., c.1360-1380, 246)

Et en lieu de souef odeur aront punaisie (Daudin, De la erudition H., c.1360-1380, 398)

[Galatée] Corps plus soués et plus traitis De quoquille[s] qui sont en mer ! (Mach., Voir, 1364, 630)

Et ceste cruauté si est contraire a debonaireté prise en la primiere maniere, ainssi que une chose aspre si est contraire a une chose souefve. (Songe verg. S., t.1, 1378, 346)

Pour ce ne se doit desperer Nulle fille de povreté, Car on dit que boneureté N'est pas en souëf nourreture. (Gris., 1395, 40)

Preng ceste fille a ma requeste Et l'envelope en souëfs dras ; En un panier le metteras (Gris., 1395, 55)

Alors fichié s'est entre nous et mis Un ventelez Doulz et plaisant, qui noz cours mantellez Nous soubslevoit souefs et freschelés (Chr. Piz., Dit Poissy R., 1400, 164)

...de souefz lis ne leur doit chaloir (Chr. Piz., Faits meurs Ch. V, S., I, 1404, 197)

En son vergier sont esparz et plantez Arbres et fueilles, fleurs et fruitz de parage, D'odeur souefve, de saveur et goustage (Robertet, Oeuvres Z., c.1450-1500, 106)

...elle [Medee] mist le roy ou baing, ou ses herbes commencerent flourir et rendre souefve senteur (LEFÈVRE (R.), Hist. Jason P., c.1460, 223)

La mort le fait fremir, pallir, Le nez courber, les vaines tendre, Le col enffler, la chair moslir, Joinctes et nerfz croistre et estendre... Corps femenin, qui tant est tendre, Poly, souëf, si precïeulx, Te fauldra il ces maulx attendre ? (Villon, Test. R.H., 1461-1462, 43)

Voicy ung moult notable fruit ; Le goust me rent toute joyeuse, Tant est de souëf appetit. (Myst. Pass. Troyes B., a.1482, 54)

Et, en apprés, plaisir prenons en bledz Qui ne sont poinct desrobez ne enblez, Puisque Jhesus chascun an les envoye Par cy par la, en chemin et en voye, Sur terre, roche et en souefve arayne, Par sa grace begnigne et souverayne Sans laquelle chose ne fut ne n'est. (La Vigne, S.M., 1496, 332)

Doux à l'oreille, harmonieux.

Car comme elle [la consonancie de diapason] ainsy soit premiere en congnoissance, car c'est celle qui plus notablement et plus sensiblement se monstre a nostre oÿe et mieulx se fait congnoistre, sy n'est mie merveille se elle est doulce et souefve et meilleur que les autres, maiz par bonne raison les doit exceder toutes et estre la premiere et la principal en dignité. (Evr. Conty, Harm. sphères H.P.-H., c.1400, 55)

...oïr la doulce melodie de leurs chans louant Dieu incessamment, plus accordable que autre quelconques musique, souefve et delittable sur toute chose (Chr. Piz., P.V.H., 1416-1418, 46)

[Cont. métaph.]

Elle a vestu une chemise Qui est appellée Franchise Pour secrés amans afranchir Et de Sobreté enrichir En la partie de Silence Parmi l'acort de Congnoissance. Car pour tant qu'elle n'est veüe, Sa cause doit estre teüe. Et sa pelice, c'est Simplesse Si souef que point ne la blesse, Car elle est de Beniveillance, Orfroisie de Souffissance, A pelles de douce Plaisance Qui bons cuers en tous biens avance. (Mach., J. R. Nav., 1349, 278)

Car on la peut [Marie] par figure nommer (...) Rose souef et fleur de lis fleurie (Mir. Berthe, c.1373, 254)

...puis tu ly rendras graces, puis le coucheras nettement et purement ou bel lit et linceux souefs(,) flairans de toute chasteté. (Gers., Pent., p.1389, 85)

...c'est la fontaine des vertus, donnant tres nourrissant et tres souef boire. (Chr. Piz., P.V.H., 1416-1418, 32)

Dame serez de mon cueur sans debat, Entierement, jusques mort me consume, Lorrier soüef qui pour mon droit combat, Olivier franc m'otant toute amertume. (Villon, Test. R.H., 1461-1462, 111)

B. -[D'une situation, d'un état (en partic. d'une saison), d'une attitude, du langage...] Doux.

Se des autres ça jus on dit en leur trespassement qu'ils reposent (...), pour la legiére et souéve mort que aucune foiz ont aucuns eu (Mir. march. larr., c.1349, 92)

Car en yver, a cas d'aventure, l'en puet veoir une aronde et en yver puet estre un biau jour et souëf ou deux, etc. (Oresme, E.A.C., c.1370, 121)

Je souhede qu'il fust toutdis estés (...) Clers et seris, gratieus et soués (Froiss., Joli buiss. F., 1373, 209-210)

Li yviers... estoit si courtois que riens de froit n'y faisoit, mais ossi souef que en waïn (Froiss., Chron. R., IX, c.1375-1400, 110)

Et com plus tu te soustrairas de tout soulas des creatures, tant trouveras tu en moy plus souefves et plus puissans consolacions (Internele consol. P., 1447, 104)

...et tellement ennorta icelle suppliante par blandes et souefves parolles, et aussi par force et menace, qu'elle ala avecques elle en la maison dudit Regné (Doc. Poitou G., t.11, 1465-1474, 188)

Qui pourroit choisir Plus souëfz plaisir Que de bergerye, Ou, sans desplaisir, On vit a desir Menant juste vye ? (Myst. Pass. Troyes B., a.1482, 105)

[De la mer] Calme, tranquille.

Et tantost sanz nulz delais la tempeste cessa et devint le temps et la meir aussi quoye et aussi souef comme oncques celluy maronnier le avoit veue (Jean Le Long, Voy. Odoric A.M., 1351, 20)

Doucereux.

...son engin et son souef langaige monstroient clerement que c'estoit une garche et une ribaulde toute faicte et toute frottee. (Rasse Brunh., Flor. Elvide B.N. C., a.1456, 22)

C. -[D'une pers. (ou bien de Dieu, de Jésus)] Doux, bienveillant.

La proprieté de ceste, ce dit Senecque, est que elle fait l'omme paisible, debonnaire, souef, rassis, doulx, et reposé, et desprisier et mectre en non chaloir injures et offences. (Chr. Piz., Paix W., 1412-1413, 103)

Il te convient estre pur et net en ton cuer se tu veulx vaquier et regarder comment Nostre Seigneur est souef (Internele consol. P., 1447, 26)

O quant me sera donné tout a plain que je puisse vacquer et veïr comme tu es souef, mon Seigneur et mon Dieu ? (Internele consol. P., 1447, 131)

Goustez et congnoissez que nostre seigneur est souef et amiable. (Cib., p.1451, 179)

Je suis du tout a ton commandement, Car je t'ayme d'amour tressouverayne ; Princesse suis et tressouefve royne, J'ai des biens prou, ne te chaille de rien (La Vigne, S.M., 1496, 481)

II. -Adverbe.

A. -Doucement, agréablement, délicatement.

Et dist ly ung a l'autre souëf et coyement : ... (Hugues Capet Lab., c.1358, 231)

Ha ! Marie, vierge pucelle, Qui le filz Dieu de ta mamelle Norris souef et alaittas... (Mir. ste Bauth., c.1376, 116)

...tout ainsi tue l'ame et les vertus le cors trop souef nourri et engraissié de viandes lecharresses. (Chr. Piz., Trois vertus W.H., c.1405, 18)

Or sont ilz mors [les gens de bien], Dieu ait leurs ames ! Quant est des corps, ilz sont pourriz, Aient esté seigneurs ou dames, Souëf et tendrement nourriz De cresme, froumentee ou riz, Et les oz declinent en pouldre, Ausquelz ne chault d'esbat ne riz. Plaise au doulx Jhesus les assouldre ! (Villon, Test. R.H., 1461-1462, 134)

Flairer/sentir souef. Avoir une douce odeur, sentir bon (au propre ou p. métaph.).

Et pour ç', amis, je te chastoi Que les vertus tires a toy, Et s'en lay toutes autres choses, Car plus souëf sentent que roses, Et richesses et vices puent, Si qu'ame et corps a un cop tuent. (Mach., C. ami, 1357, 70)

[P. métaph.] ...on raconte et retrait Qu'a bon fait bon avoir a faire, Car qui des bons est souef flaire (Mir. chan., c.1361, 154)

Vez en ci une [nappe] belle et blanche Qui sent souef conme permanche : Estendez la. (Mir. Amis, c.1365, 53)

...la rose flaire souef et est belle entre les espines poingnans (Chr. Piz., Trois vertus W.H., c.1405, 31)

[P. métaph.] ...quantque vient d'elle souëf lui flaire (Chart., D. Fort., 1412-1413, 173)

Souef flairant/odorant/sentant

...il avoit maint arbre et mainte flour Souëf flairant, de diverse colour (Mach., J. R. Beh., c.1340, 58)

[P. métaph.] ...la virginité de la benoite vierge Marie (...) fu moult souef flairant devant Dieu. (Mir. femme roy Port., c.1342, 150)

...de tant conme la fleur si est plus noble, de tant l'odeur qui vient de lui est plus souef flairant (Mir. prev., 1352, 230)

[P. métaph.] Et pour ce l'odeur et la vertu qui yssi de lui, c'est assavoir le benoit fil de Dieu, le doulx Jhesu fu souverainement souef flairant, souverainement vertueux et confortatif contre maladie de pechié (Mir. prev., 1352, 230)

...uncore tout soit l'entree veiee a les portes par devant dites qe le delit de Glotonie ne puisse pas entrer, com a l'oraille ou a l'oil, si vient il si suef fleirant par devant la porte [du nies] qe a peynes s'il n'y entre. (Henri Lanc., Seyntz medicines A., 1354, 49)

...de ce vin friant Et de cez patez la qui vont souez flairant. (Hugues Capet Lab., c.1358, 167)

...en son sain bouter espices souef flairans (Daudin, De la erudition H., c.1360-1380, 35)

[P. métaph.] La verge de discipline ou de correction flourist par la souef flairant recordation ou ramembranche de soy, elle a foeulles par la joieusse et agreable relation ou raport de soy (Daudin, De la erudition H., c.1360-1380, 209)

Li lieus d'entour est odorans, Par tout, est si souef flairans Qu'il samble à tous, n'en doutez mie, Qu'on soit en une espisserie Pour les fruis et pour les jardins, Plantés de mains de Sarrazins (Mach., P. Alex., p.1369, 210)

Et, pour tant, ainsi conme un oingnement soue[f] flerant est ton nom [du roi Charles V] espandu par deça et par dela la mer ; toutes terres et toutes eglises dez Sains si racontent tez dons, tez ausmones et ta gloire. (Songe verg. S., t.1, 1378, 6)

La a estendu son costé, Sent les odeurs souef flairens Et voit les ruisseaulx ressonnens, La douce graine, les flourettes Saillir, la greve et les pierrettes Parmi la duis du fonteniz (Desch., M.M., c.1385-1403, 219)

De ces mandagores mect l'Istoire sur Bible moult d'oppinions: les aucuns dient que ce sont arbres qui portent fruit souef flairant, autel que pommes (Ménagier Paris B.F., c.1392-1394, 70)

...Plus soëf odorant que balme (Prières saints R., t.2, 1400-1500, 133)

...fresches roses et doulces vyolettes colorées de diverse dyapreure et de variant paincture, distinctes, plus souef sentans que les precieuses odeurs d'Arabe thurifere (Robertet, Oeuvres Z., c.1450-1500, 162)

Suavement, harmonieusement.

Quant Phebus oÿ la nouvelle (...), De son chief cheÿ sa couronne, Et sa harpe qui souef sonne De ses mains cheï a ses piés. (Mach., Voir, 1364, 700)

B. -Doucement, sans rien de brusque, avec calme, avec précaution.

Lors fui hors d'esmay et d'effroy, Se montay seur mon palefroy Grisart qui portoit l'ambleüre Moult souëf et de sa nature. S'alay aus chans isnellement Chevauchier par esbatement, Pour moy jouer et soulacier (Mach., J. R. Nav., 1349, 154)

Si te convendra ouvrer par sens en telle maniere que, tantost que tu seraz entrez en la chambre, tu te mettes serré du mur, et t'en va tout souef jusques au lit du roy et te quatis tous coiement dessoubz le lit, car moult bien t'i pourras repondre, et la te tien tous cois jusques a tant que tu aies oÿ comment ti adversaires conteront leur raison (Bérinus, I, c.1350-1370, 70)

Et quant il vist que les autres estoient endormiz, dont se mist tout souef hors de son lit et s'en ala jusques au lit de la damoiselle qui ne dormoit pas, ains attendoit l'aventure ensi que on ly avoit dit. (Bérinus, II, c.1350-1370, 41)

LE CONTRAIT. Vous me bleciez trop malement Luec endroit, maistre. MAISTRE MORIN. La main n'i puis plus souef mettre, Je ne scé de quoy tu te plains (Mir. st Panth., 1364, 331)

Semblablement la vertu d'un cheval fait le cheval bon en soy et aveques ce elle le fait bon pour courir vistement et pour porter souëf un homme et pour actendre seürement en bataille. (Oresme, E.A., c.1370, 159)

Li conctes de Flandres entra en ce solier et se bouta, au plus bellement et souef que il pot, entre la coute et l'estrain de ce povre literon ; et là se quati et fist le petit : faire li convenoit (Froiss., Chron. R., X, c.1375-1400, 232)

Preng ceste fille a ma requeste Et l'envelope en souëfs dras ; En un panier le metteras, Et, sur une mule portant Souëf, tost et secretement Le porte a Bouloigne (Gris., 1395, 55)

Or, le [l'enfant] maine a ma bonne amie Et suer, (...) Si doucement qu'il ne se blesce, Sur un cheval souëf amblant (Gris., 1395, 67)

...et puis se departirent de Buignicourt et cevauchierent tout souef a belle compagnie, tousjours messire Jehan de Hainnau dalés la roine au char, et vinrent a Bouchain et la disnerent. (Froiss., Chron. D., p.1400, 65)

...atout ce fardeau passoit par la chambre de son maistre, marchant le plus soef qu'oncques peust (C.n.n., c.1456-1467, 124)

...ilz trouverent la clef de la chambre aux femmes dedans l'huys ; si l'ouvrirent si tres souef qu'ilz ne furent de ame oïz. (C.n.n., c.1456-1467, 202)

LE CHARTIER [qui va écraser le chrétien endormi] . Hay, bon gré bieu ! SATHAN. Sa patenostre Luy fera bien [au chrétien] de gringoter. LE CHARTIER. Hurre, ho, je vous feray troter Ou le fouët si me fauldra. SATHAN. Souëf, ou il s'esveillera, Et puis mon fait sera perdu. LE CRESTIEN. Au meurtre ! (Mir. st Nic. juif, c.1480-1500, 138)

C. -Doucement, facilement.

Et donques elle [ceste concavité] ne free en rien au ciel d'emprés elle ou desouz elle, mes passe tres souef sanz le ravir ou traire avecques soy. (Oresme, C.M., c.1377, 316)

Voir aussi suave