SOUDAIN

adjectif et adverbe

[T-L : sodain ; GDC : soudain ; FEW (XII, 334b) : subitanus ; TLF (XV, 718b) : soudain]

I. -[Empl. adj.]

A. -[D'une chose]

1.Qui se produit de manière brusque et inopinée, subit.

...Je di que tu as tort eü De li laidengier, ne blasmer, Ne de ses ouevres diffamer ; Car se tu yes cheüs en peinne Par sa mutation soudeinne [de la fortune] , Estrange, diverse et sauvage, Qui fist chanseller ton corage, Certes, amis, tu n'ies pas seuls (Mach., R. Fort., c.1341, 93)

Mais a prendre mouvement largement, mutacion soudene est dit mouvement. (Oresme, E.A.C., c.1370, 506)

Et se tel point indivisible n'est rien, si comme je ay autrefoys monstré, il s'ensuit que par ceste voie ce feu sera adnichilé soudainement et, par consequent, le lieu demourera vieu ou l'aer, qui est environ, le reemplira et sera meu soudainement. Et tele soudaine mutacion local semble estre simplement impossible. (Oresme, C.M., c.1377, 600)

...vraysemblable estoit et est que ladicte aventure, cas et pestilence desdiz pons fust avenue en ceste nuit derrienne, en la destruction des corps humains qui ne se peussent avoir garde ne fuir pour le cas soudain. (Baye, I, 1400-1410, 217)

...si me riray de votre destruction et ne tendray compte de vous quant soubdaine misere vous vendra. (Chr. Piz., Paix W., 1412-1413, 121)

...tout a coup, me vint ung soudain appetit de menger une fuille d'oseille (C.n.n., c.1456-1467, 128)

...il commença tresfort et soudainement a plorer (...) dont n'y eut celuy de la table qui ne s'en donnast grand merveille dont ces soudaines larmes procedoient (C.n.n., c.1456-1467, 137)

Doubte ne fais fors en chose certaine, Scïence tiens a soudain accident (Villon, Poèmes variés R.H., c.1456-1463, 46)

Mais la grant bende se tenoit tousjours couverte au plus qu'elle povoit, et incontinent qu'ilz sortirent au decouvert impetueusement, couraigeusement et tres fierement, les ungs sur les autres de tous costez commencerent a choquer et donner dedens, et fut la rencontre merveilleusement soubdaine et aspre. (La Vigne, V.N., p.1495, 287)

[D'un phénomène atmosphérique]

...les seigneurs (...) estoient (...) en fievres et en fraichons par les grandes caleurs que ilz avoient les jours et n'avoient de quoy eulx raffreschir, et les froidures soudaines qui en dormant leur venoient de nuit. (Froiss., Chron. M., XIV, c.1375-1400, 93)

Si com cellui regardoit droit Sur pope monté du navire, En criant que chacun droit vire, A tirer vers prochaine terre, Adonc un soubdain vent grant erre Se lieve (Chr. Piz., M.F., I, 1400-1403, 48)

[Domaine médical]

[D'une maladie]

Ou corps qui est eu de fievre, se suffocacion soudaine vient sans ce qu'il appere aucune tumeur es joes, c'est mortel chose. (Saint-gille, A.Y., 1362-1365, 75)

Onques mais ne vi qu'avenist Que si sodain mal le tenist Conme il fait ore. (Mir. march. juif, c.1377, 202)

Or me couvient cy excuser Un petit, car ne puis muser A rimer, pour fievre soubdaine Qui m'a seurpris, dont suis en peine. (Chr. Piz., M.F., II, 1400-1403, 155)

...douleur de chief soudaine et tresagüe, sans parole, est tresmauvaise, car elle signifie appoplexie (Gordon, Prat., c.1450-1500, II, 10)

Sur vous viendront en brief soudaines pestes Se humains ne font envers Dieu leur acord. (Cene dieux, c.1492, 140)

En particulier. Mort soudaine

J'ameroie miex estre morte De mort soudaine. (Mir. fille roy, c.1379, 45)

Car ou la volunté s'estuert De laisser la cure mondaine, Ou l'en la lait par mort soudaine, L'un par vouloir, l'autre par mort. (Desch., M.M., c.1385-1403, 232)

...Daigne nous, Sire, garder ceste journee de pechié, de mort soubdain, et de toute mauvaise aventure. (Chr. Piz., Trois vertus W.H., c.1405, 47)

...si est grant peril que mort soubdaine s'en ensuive quelque jour en la religion crestienne, c'est assavoir une si mortel de Dieu vengence que à celle heure faille tous crier : 'Miserere mei, Deus' ! (Chr. Piz., Faits meurs Ch. V, S., II, 1404, 155)

Vueillez prier voste [l. vostre] doulx filz, Pour lequel je me suis soubmis A souffrir mort et passion, Qu'il passe une peticion Que je luy vueil cy requerir, Qu'a ceulx qui en affliccion Me prieront par devocion, Il te plaise les secourir Especialmant de morir D'impedimye et mort soubdainne (Myst. st Adr. P., c.1450-1485, 153)

...touteffois petit a petit les vertus se deschillent chescun jour et se disposent a lepre ou a mort soudaine (Gordon, Prat., c.1450-1500, V, 8)

Coquart qui vient demander benefice En court de Romme (...) Pourchasse en vain et se donne g[r]ant paine, Dont il prent fievre ou, espoir, mort soubdainne, Ou il revient plus deschiré qung [l. q'ung] chien. (Coquards P., a.1481, 184)

Teneat sentenciam Et ces choses preconise et desrene En cest escript seant pour tribunal, Diffinissant en ce memorial La plus grant part de toute vie humaine Mourir de peste appellé bosse en l'aine, Fievre incongneue ou aultre mort soudaine. (Cene dieux, c.1492, 122)

2.Éphémère.

Et mesmement selon science Se doit purgier la conscience Des vices parmi les vertus, Dont chascuns doit estre vestus: C'est li cours isneaulx et parfais, Qui est aux jouvencelles fais Et aux vieillars qui la cheminent Et aux vierges que ja ne finent De courre pour la parvenir Par bonnes oeuvres maintenir, En laissant la vie mondaine Et la temptacion soubdaine Des mondaines mondanitez Et des soudaines vanitez De la char, du diable et du monde, Qui font l'ame passer par l'onde Des delis qui sont transitis (Desch., M.M., c.1385-1403, 239)

Ains le vint reconforter Et tant fist par enorter, Quant bien l'ot mis a raison, Que lui monstra par raison Que felicité mondaine, Qui n'est que joie soubdaine Ou n'a nulle seurté, N'est mie beneurté, Et que chose sanz duree N'est mie beneuree (Chr. Piz., Chem. estude P., 1402-1403, 11)

Or m'a la divine ordonnance Mise en divinité haultaine, Et establie la puissance Sur toute chose ycy soudaine. (Chev. dames M., c.1462-1477, 95)

B. -[D'une pers.]

Impulsif, impétueux.

...il manda son cousin le conte de Namur et li remoustra le peril où il en poroit estre dou roy Jehan, qui estoit soudains et hastieulz en son aïr (Froiss., Chron. L., IV, c.1375-1400, 130)

Vindicatif n'est ne soubdain, Mais si atrempé en tous fais Que homs ne puet estre plus parfais. (Chr. Piz., Chem. estude P., 1402-1403, 148)

Le vendredi son ost de grant renom, En faict de guerre soubdain et valeureux, Au giste vint dedens Valemonton, Qui estoit lieu traistre, souspeçonneux, Car la avoit force gens noz hayneux. (La Vigne, V.N., p.1495, 270)

[D'une manifestation de la pers.] Spontané.

...la messe ne se passa pas sans foison de ris soudains, quand il leur souvenoit du giste que monseigneur a fait ou bahu (C.n.n., c.1456-1467, 190)

[D'un animal] Rapide.

D'autre costé sont fossez et herbaiges, La ou que sont les grans bestes saulvaiges, Comme chevreulx a la course soudains, Cerfz hault branchez, grosses biches et dains (La Vigne, V.N., p.1495, 249)

II. -[Empl. adv.]

A. -Adverbe.

Vite.

Il n'est si dur que souldain je n'enpoingne, Je suis Picque picquant de tous coustez. (Berg. agn. France L., 1485, 26)

Moy mesmes je m'en vois le querre Sans en faire par nul requerre Et seray soubdain racourue. (Cene dieux, c.1492, 126)

De façon subite et violente.

ABBÉ [à saint Martin] . (...) Sçavoir debvez qu'incontinant Que fustes en vostre voyage, Tel mal fut si soubdain prenant Vostre novice et telle rage De fievres que cueur et courage Luy faillit, gisant la tout quoy. (La Vigne, S.M., 1496, 380)

Sur le champ, immédiatement.

Quant vous plaira, vostre commandement Sera soubdain de nous excecuté. (La Vigne, S.M., 1496, 168)

Ma parolle sera tost consommee Puisque partir si soubdain vous pencez (La Vigne, S.M., 1496, 192)

De tous costez la large et grosse tonne Cent fois le jour fort retondist et tonne Et de rechief, pour la tonne lÿer, Convient avoir souldain le tonnelyer, Ouvrier parfaict qui soubz et sus la lye Affin que mieulx le bon vin sur la lye Bien seurement si se puisse garder. (La Vigne, S.M., 1496, 333)

Je me voys soubdain mectre en voye, Car le tarder rien ne me vault (La Vigne, S.M., 1496, 389)

B. -Locution adverbiale. En soudain. Promptement, aussitôt.

Vous avez le son entendu Qui s'est fait icy en soubdain (Gréban, Pass. J., c.1450, 447)

Son estoille de grant luysance Avons choisie pour ce train Dés Orïent, dont en soubdain Venons vers sa magnificence. (Myst. Pass. Troyes B., a.1482, 280)

Pour soudain

Le vendredy vingtiesme du dit moys, Vindrent de Napples nobles, marchans, bourgoys, Certifïer que sa partie adverse, Le roy Alphons et son filz par la mer Si s'en estoyent fuÿz en dueil amer, Parquoy eulx tous sa grace requerans, Avant que choir es mains des conquerans, Les clefz de Napples alors luy presenterent, Et en sa garde leurs corps et biens bouterent. Dont pour soudain a celuy fait pourvoir, Le mareschal de Gÿé y fut voir Avec plusieurs des seigneurs dessus dictz Qui dedens Napples, sans aucuns contreditz, Incontinent fort et foible luy mirent, Et grant honneur en y entrant luy firent. (La Vigne, V.N., p.1495, 248)

C. -Locution conjonctive. Si soudain que. Aussitôt que.

LE HERAULT. De vous servir mon cueur ne peult mal estre ; Sur ce poinct, sire, de bon cueur m'y en voys Et si soubdain que viendray en son estre, Je luy diray mon cas a haulte voix. LE SOUBDAN. Brief, nous n'avons ny escu ne pavoys De quoy puissons contre luy faire effort. (La Vigne, S.M., 1496, 251)