SERI

adjectif

[T-L : seri2 ; GD : seri ; DECT : seri2 ; FEW (XI, 510b) : serescere]

A. -Paisible, serein.

La souvent les aoureray Et sacrefice leur feray D'encen, de mier, d'oile ou de cire, Et si ferai chanter et lire De maniere serie et coie Que li dieus de dormir ne l'oie, Car vraiement, pechié feroit Qui son repos empeecheroit. (Mach., F. am., c.1361, 235)

Si me feront voz doulz trais, Tous parfais, Vivre en plaisance serie Qui tarie Ja ne sera (Chr. Piz., Cent ball. amant dame C., c.1409-1410, 60)

Ilz ont grande exultacion A veoir leur maniere serie. (Myst. Pass. Troyes B., a.1482, 267)

Je conclus, par voye seure, Que, puis que celle auctorité A eu de fait equacité Et que ce ver doulx et sery Du saint prophette est advery, Avoir nous fault en avant Le ver qui est joignant devant, Moult hault et noble, ou il y a Escript : misericordia Et veritas obviaverunt, Et aprés, obscultate sunt (Myst. Pass. Troyes B., a.1482, 1083)

Emploi adverbial. Doucement.

De sa bouche en m'oreille lors Vint celle flambe et s'i feri Si doulcement et si sery Que je vous di (...) J'oy tresbien (Mir. Pierre Changeur, c.1378, 292)

B. -En particulier.

1.[De la voix] Harmonieux, pur, agréable.

Lors d'une vois douce et serie, Clere, seinne, en tel melodie Commensa son chant dalés mi C'un petitet m'i endormi (Mach., R. Fort., c.1341, 71)

Et elle respondi en l'eure D'une vois serie et seüre Que j'eüsse bonne aventure. Si ne vost qu'einsi demourasse, Eins me dist que sus me levasse, Car elle estoit en son estant. (Mach., D. Lyon, 1342, 185)

...et pour ce veons nous que en esté, de tant comme la lune est plus clere et plus serie, de tant est la rousee plus grant et plus habondant dessuz la terre et dessus les herbes. (Corbechon, Soleil Lune S., 1372, 351)

Quant la vois oy si serie, Son nom li pris à demender. 'J'ai non', dist elle, 'fol s'i fie. Ce n'est mie pour bien user : Longuement y pouez muser...' (Mach., App., 1377, 648)

2.[Du temps, de l'atmosphère] Clair, serein.

Quant la douce saison repaire D'esté qui maint amant esclaire, Que prez et bois sont en verdour Et cil oisillon par baudour Chantent et par envoiseüre Chascuns le chant de sa nature, Pour la douçour dou temps seri, Ou dous mois d'avril le joli, Me levay par un matinet Et entray en un jardinet Ou il avoit arbres pluseurs, Flouris de diverses coleurs. (Mach., D. verg., a.1340, 13)

...Et si voit on qu'un po de pluie Souvent un grant vent chace en fuie, Dont on recorde moult souvent Qu'a pou de pluie chiet grant vent, Et fait qu'atemprez et seris Est li airs, dont tant est chieris Qu'a peinnes est nuls qui n'i queure, Tout einsi, se Dieus me sequeure, Est il dou cuer, quant il souspire : Car li vens des soupirs l'espire Et li rent vigour et alainne Qui moult li alege sa peinne (Mach., D. Lyon, 1342, 195)

Clere fu la nuit et serie. Li jours vint, la gaite s'escrie Dedens un cor sarrasinois : 'Seigneurs, li Alexandrinois Sont tuit mis à desconfiture ; Armez vous tuit grant aleure, Et ociez le remenant, Qui sont en la ville manant.' (Mach., P. Alex., p.1369, 97)

Moult me sambloit jolis li tamps Et au regarder delitans, Li airs seris et atemprés. (Froiss., Joli buiss. F., 1373, 89)

Je souhede qu'il fust toutdis estés (...) Clers et seris, gratieus et soués (Froiss., Joli buiss. F., 1373, 209-210)

Quant au premier point, celle figure ou obscurté ou tache qui appert en la lune et est appellee macula lune, selon ce que aucuns ont regardé et consideré ou temps seri et cler vers les matins environ plainne lune (Oresme, C.M., c.1377, 454)

...quant il fait sanz nue Temps seri et nuit est venue. (Chr. Piz., Chem. estude P., 1402-1403, 83)

Il n'est sepmaine qu'il ne vente Au moins se l'air n'est bien sery. (Rapp., c.1480, 69)

3.[D'un astre] Brillant.

...et pour ce veons nous que en esté, de tant comme la lune est plus clere et plus serie, de tant est la rousee plus grant et plus habondant dessuz la terre et dessus les herbes. (Corbechon, Soleil Lune S., 1372, 351)