SADINET

adjectif et substantif masculin

[GD : sadinet ; FEW (XI, 202a) : sapidus]

I. -Adjectif. diminutif de sade, sadin. Gracieux, charmant, gentil.

Mademoiselle Bonnette, Propre, doulce, sadinette, Sage, belle, bonne, nette, Comme gauriere de court, Je cuiday, sans menchonnette, Que deussiés estre nonnette Et demourer virginette (Molinet, Faictz Dictz D., 1467-1506, 810)

J'alloie, je faisoie la voustade, Regardant ces musequinets Esmerillonnez, sadinets, Barbetans de leurs babinettes. (Coquill., Oeuvres F., 1478-p.1494, 363)

Affin de deffendre et purger Noz jeunes dames et trongnettes De ce qu'avoit voulu forger, Pour sur elles se desgorger, Ce prescheur en maintes sornettes, Veu qu'elles sont si sadinectes, Si frisques, si sades, si belles, Il a mal fait de parler d'elles. (Maximien, Avocat dames Paris M.R., c.1485-1490, 17)

[D'un petit enfant] Propret, mignon.

Mon beau petit enfançonnet, Godinet, Sadinet, Godinet, Il est force que je t'acolle ; De ton amour suis toute folle. (Myst. Viel test. R., t.4, c.1450, 282)

Remarque : Cf. H. Lewicka, La Dér., 1960, 323.

Emploi substantival. Personne gracieuse, charmante.

Dessus son chief mirent le chapellet De franc lorier et de nobles fleurettes (...). Et doulcement les plaisantes trongnettes En le posant, humblement le baiserent ; Puis en aprés comme humbles sadinettes, Prenant congié : 'Vive le roy !' crierent. (La Vigne, V.N., p.1495, 172)

II. -Substantif masculin. Sexe de la femme.

[Que sont devenus] Ces gentes espaulles menues [que j'avais moi, la belle Heaumière, dans ma jeunesse] , Ces braz longs et ces mains traictisses, Petiz tetins, hanches charnues, Eslevees, propres et faictisses A tenir amoureuses lices, Ces larges reins, ce sadinet Assiz sur grosses fermes cuisses Dedens son petit jardinet ? (Villon, Test. R.H., 1461-1462, 55)

Le front ridé, les cheveux griz (...) - C'est d'umaine beaulté l'yssue... -, Les braz cours et les mains contraictes, Des espaulles toutes bossues, Mamelles, quoy ? toutes retraictes, Telles les hanches que les tectes, Du sadinet, fy ! Quant des cuisses, Cuisses ne sont plus, mais cuissectes Grivelees comme saulcisses ! (Villon, Test. R.H., 1461-1462, 56)