RIGOUREUSEMENT

adverbe

[GDC : rigoreusement ; FEW (X, 406a) : rigor ; TLF (XIV, 1156a) : rigoureusement]

A. -Avec force, avec âpreté, avec dureté, avec brutalité.

À Messire Jehan Stockes, cappitaine et lieutenant à St Sauveur le Viconte, qui donnez li furent pour une foiz secretement par lez genz du conseil de Monseigneur estanz en Constantin, pour aider à estre gracieux à faire le traitié des restez des raencons ottroiés aus Angloiz pour le temps passé, lesquieulx il demandoient moult riguereusement (Compte Navarre I.P., 1367-1371, 128)

Ceulx aussi qui avoient esté justiciers et souverains au monde estoient moult riguereusement mis en gehaine et a tourment. (Horloge de sapience S., c.1389, 104)

...quatre gros charruyers (...) entrerent baudement en cest hostel, demandans rigoreusement ou estoit la ribauldelle que ung ruffien nagueres avoit amenée (C.n.n., c.1456-1467, 548)

Hé, mon bon filz, Tous mes amis Et mes joyes me laissent bien, Car les Juïfz Vous ont la mis Tresrigoreusement, combien Que jamaiz ne fites que bien Pour l'omme anxien. (Pass. Auv., 1477, 244)

SAINCT MARTIN. Hellas, sire, j'ay esté detenu En quelque lieu trop rigoreusement ; Mais aultre part je me suis maintenu Ung bien petit plus gracïeusement. (La Vigne, S.M., 1496, 355)

B. -Sévèrement, avec une sévérité exemplaire (qui peut être excessive).

...tu as assez cogneu par les cronicques anciennes et en ton temps veu visiblement comment Dieu a rigoreusement flagelle le monde, et par espicial les crestiens scismatiques et catholiques, voire pource qu'ilz ont refuse et mis en nonchaloir les fins besans de l'amoreuse Charite et de sa suer Verite (Mézières, Songe vieil pèl. C., t.1, c.1386-1389, 92)

Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (Arras, c.1392-1393, 167)

Item, lesdiz bailliz, seneschaulx, maieurs, prevostz, eschevins, consulz, capitoulz et communes ayans justice punissent bien et rigoreusement tous les subgez troublans ladicte paix (Baye, II, 1411-1417, 153)

Et lors ledit suppliant, doubtant que ledit prévost voulsist procéder extraordinairement ou aultrement riguoreusement contre la personne d'icelui suppliant (...) [ a ] appelé dudit prévost en nostre court de parlement. Par le moien de laquelle appellacion icellui suppliant est exempt dudit prévost (Ch. VI, D., t.2, 1415, 40)

Pour occasion duquel cas, ledit Cartmartin a esté prins et emprisonné et est en aventure que l'en ne vueille contre lui rigoureusement proceder... (Chancell. Henri VI, L., t.1, 1425, 204)

Et aussi la justice gouvernee trop asprement et rigoreusement pourquerant le pecheur au mal fait se entend et se puelt dire que crudelité et orgueil y sont, que font moult a blasmer. (La Sale, Salade, c.1442-1444, 9)

C. -Strictement.

Et soit deffendu rigoreusement par ta royalle mageste que de la en avant les Crestiens ou royaume ne doient prester a usure sus tresgrant paine inremisable (Mézières, Songe vieil pèl. C., t.2, c.1386-1389, 292)