RESTITUER

verbe

[T-L : restitüer ; GDC : restituer ; FEW (X, 324a) : restituere ; TLF (XIV, 1000b) : restituer]

Emploi transitif.

A. -Restituer qqc. (à qqn)

1.Rendre qqc. (qui revient à qqn, une chose quelconque, un bien, un droit, un office...), restituer.

Vous pry que me vueilliés du fait quite clamer, Et me terre me faites toute restituer (Renaut Mont. B.N. V., c.1350-1400, 853)

Après, pour toy instituer En grace, a tout restituer T'enjoing quanque de l'autruy as. (Mir. prev., 1352, 265)

...et lors elle li restitua la poissance latine et le royaume son aïel et son pere (Bers., I, 1, c.1354-1359, 3.1, 6)

Et ainsi fu restitué aus menestrelz qui chantoient aus sacrifices le droit de mengier en la maison de Jovis. (Bers., I, 9, c.1354-1359, 30.10, 55)

...et l'autre ne veult faire tele chose senz paie ou obligacion de restituer. (Oresme, E.A.C., c.1370, 447)

Si sommes chargiez de vous dire... de par le roy nostre sire et nos seigneurs ... ses oncles, que vous retournerez ariere à messire Olivier de Cliçon, connestable de France, son hiretaige que vous tenez et l'en mettez en possession paisible, ainsi que droitz est et comme il estoit en devant quant ilz vous furent bailliez et delivrez par contrainte, non par nulle action de droit que vous y eustes ; et aussi la mise de l'argent toute entiere lui restituez plainement là où il luy plaira à avoir. (Froiss., Chron. M., XIV, c.1375-1400, 14)

...en après IJ ou IIJ jours ou environ, fu mis hors de prison, parce que sondit maistre, auquel il restitua XXXV frans d'icelle somme, afferma par serement qu'il lui avoit presté icelle somme de XL [fr.] (Reg. crim. Chât., I, 1389-1392, 395)

Et dit que iceulx biens elle print en entencion de les rendre et restituer à ycelle sa maistresse quant Dieux lui donrroit aisement, ou au moins par la peine et salere de son corps que elle gaigneroit à la servir comme sa chamberiere (Reg. crim. Chât., II, 1389-1392, 129)

Tous lesquelx biens prins en ladite ville de Bouleurre ont aujourd'ui, XIXe jour d'aoust mil CCC quatre-vins et onze, esté rendus et restituez à Colin Blanchet (Reg. crim. Chât., II, 1389-1392, 221)

Et quant a ce, dès cy nous vous quictons, quant de nostre partie, mon frere et moy, vostre prison, par my tant que nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer (Arras, c.1392-1393, 168)

GRISELDIS [au marquis qui la répudie] . Voy ci ta robe desvestue ; Et ton annel te restitue O lequel jadiz m'espousas. Autres anneaux que me donnas, Riches joyaux et vestemens, Et les riches aornemens Dont, par ta grace, ere paree En ta chambre sont (Gris., 1395, 82)

A ce trettié entendi messires Carles de Blois volentiers, et lor tint si avant conme il pot, et fist faire un ban et un conmandement : quiconques avoit riens pris ne levé en la ville de Jugon, tout fust restitué et mis arriere sus une painne que on i asist. (Froiss., Chron. D., p.1400, 560)

...mesire Jehan de Hainnau renvoia son honmage au roi d'Engleterre et devint homs au roi de France. Et li rois de France li restitua et donna otretant et plus que sa pension par an montoit, qui li venoit d'Engleterre, et fu asignés sus la terre de Vellis, et la paiiés d'an en an tant que il vesqui. (Froiss., Chron. D., p.1400, 646)

...et envoya Partout restitüer aux hommes Leur biens (Chr. Piz., M.F., IV, 1400-1403, 49)

...par lesquelles [lettres] le Roy restitue tous offices et maladieres à ceulx qui les avoient au temps de la paix faicte à Bourges (Baye, II, 1411-1417, 92)

Ce jour, les recteur et deputez de l'Université de Paris vindrent en la Chambre de Parlement requerir que la Court leur voulsist rendre, restituer et delivrer leurs lettres arrestées et estans par devers la Court, faisans mencion de la confirmacion de leurs privileges (Fauq., I, 1417-1420, 327)

Et tant y fut besongné que finablement iceulx biens, c'est assavoir ceulx qui furent trouvez dedens la cité de Cambray, lui furent rendus et restituez. (Monstrelet, Chron. D.-A., t.2, c.1425-1440, 247)

Car vous vez que tant vous veul plaire Que de sy griefve mort porter Pour vous rendre et restituer Le royaulme qui est lassus Qui par pechiet estoit perdus. (Marcadé, Myst. Pass. Arras R., a.1440, 87)

Et quant Dieu vit sa pascïence [de Job], Tous ses biens luy restitua Et plus hault le constitua Qu'il n'avoit par devant esté. (Pouvre peuple H., c.1450-1492, 204)

Et ledit duc de Bretaigne offrit bailler au roy les villes que lui et ses gens tenoient en Normendie, en lui rendant et restituant les autres villes et places que les gens du roy tenoient en Bretaigne ; laquelle chose le roy lui accorda. (Roye, Chron. scand., I, 1460-1483, 210)

Après lequel pourparlé, le roy envoya à Paris monseigneur le chancellier, messeigneurs les gens des finances et autres pour avoir prest d'argent de ceulx de ladicte ville, ausquelz fut fait promesse et obligacion de leur restituer leur prest dedens le jour de Toussaint. (Roye, Chron. scand., I, 1460-1483, 341)

Aucuns dient qu'il fut filz de celui homme, à qui par accident la main senestre fut ostée et ung an après lui fut restituée et, pour enseigne de ce miracle, ou lieu de la conjunction demoura une cycatrice en semblance d'une ligne de sang. (Simon De Phares, Astrol., c.1494-1498, f° 109 v°)

CHANTRE. Hellas, bien vous volez tuer, Monsieur ; pour Dieu, pencez a vous ! SAINCT MARTIN. Mon ame a Dieu restituer Fault icy ; pour tant, taisez vous, Couchez moy. (La Vigne, S.M., 1496, 560)

2.Restituer un dommage (à qqn). Compenser, réparer un dommage.

...quant le duc de Braibant fut retourné, une taille se fist ens ou pays, grande et grosse, pour restituer aux chevaliers et escuiers aulcuns de leurs dommaiges. (Froiss., Chron. M., XIV, c.1375-1400, 171)

Yllec les damages des peres (...) Sont par lez filz restitués. (Le Fèvre, Respit Mort H., 1376-1380, 84)

B. -Restituer qqn

1.Restituer qqn à qqn. Rendre qqn à qqn.

...et pour ce tramistrent il leur legat a Tybur en mandant et priant que ceulz hommes fussent restituez aus Rommainz. (Bers., I, 9, c.1354-1359, 30.6, 54)

Ruben conseilla a ses freres qu'ilz restituassent Joseph a leur pere. (Fillastre, Traité Conseil H., c.1472-1473, 197)

[Dans une procédure judiciaire]

...vous restablissiez et restituez ou faciez restablir et restituer aus diz religieus de Saint Magloire ou a leurs genz pour eus Jehan le Forestier, vostre sergant, en la juridiction que les diz religieus ont en la ville d'Yssi (Chartes Abb. St-Magl. T.F., t.3, 1330, 16)

... il restituassent et restablissent au religieus de Saint Magloire selon la teneur du dit arrest, encores li commandoient il, d'abondant, par la vertu du povoir a eulz donné et commis de par nous sur ce, que aus diz religieus de Saint Magloire il restablist le dit Jehan le Forestier selon la teneur dou di arrest. (Chartes Abb. St-Magl. T.F., t.3, 1330, 18)

L'an de grace mil CCCXXX, le lundi jour saint Barnabé apostre, a heure de la messe devant prime, restitua et restabli frere Jehan de Courgenay, prevost moine de Saint Germain des Prez, a frere Jehan de Rosay, prevost moine de Saint Magloire de Paris, Jehan le Forestier, sergant de Saint Germain, en la terre, justice et seignorie de Saint Magloire (Chartes Abb. St-Magl. T.F., t.3, 1330, 20)

...se il est detenu prisonnier par la justice seculiere, se elle ne le restitue a son prelat, ce n'est pas merveille se le prelat met le ces ou lieu la ou il est detenuz prisonnier, car c'est le remede de Droit (Songe verg. S., t.2, 1378, 187)

Restituer qqn à Dieu

Celle ce don a desservi Qui de l'ennemy t'a ravi Qui par pechié t'avoit tué Et a Dieu t'a restitué. (Mir. pape, 1346, 393)

2.Restituer qqn de qqc. Dédommager qqn de qqc..

Quant aucun clerc si est pris sayzi, par le juge seculier, de la chose amblee, se celluy a qui la chose amblee appartient vient en jugement et preuve la chose estre seue, se la justice seculiere luy rent et met au delivre, conme il appartient et selon rayson, nientmoins l'Eglyse demande estre restitué par lez gens du Roy de celle chose amblee, pour ce que, ainssi conme ilz dient, leur clerc en fust pris sayzi. (Songe verg. S., t.2, 1378, 183)

Item, que ilz soient par le roy reparés et restitués des dommages et interest que ilz ont eus à la cause de ceste guerre. (Maupoint, Journ. paris. F., p.1465, 75)

De punir et faire punir, selon l'exigence des cas, tous ceulx qu'il trouvera avoir levé sans commission de nous ou empeché noz deniers et de faire recouvrer sur eulx et leurs biens tous les deniers qu'ilz auront ainsi prins et empeschés de lever, en maniere que nous en soions restitués. (Le Clerc, Interp. Roye, c.1502, 230)

3.Réintégrer qqn dans ses droits, dans la possession de qqc., dans une fonction....

...et restitua au sacerdotage Jehan Hyrcan que Aristobolus en avoit boutté hors (Mamerot, Romuleon D., 1466, 123)

[D'une pers.] Estre restitué (à/de/en qqc.)

...vous serez restituez En l'eveschié, et vous rendray Voz joyaux qu'a tort vous ostay (Mir. st J. Cris., c.1344, 303)

...les droiz veulent bien dire Qu'estre doivent restitüé Cilz qui a tort sont desnüé Et despoillié de leur saisine (Myst. Adv. N.D. R., c.1360-1365, 63)

Car, combien que il souffise a celui qui a esté desrobé, se il est restitué, toutesvoies avecques la restitucion doit estre pugny celui qui a desrobé, pour ce que il a fait contre la loy et contre le bien publique. (Oresme, E.A.C., c.1370, 292)

Et, quant as absens, dedens le tamps qui chi après sera ordonné, seront restitués à leurs fiefs, maisons, rentes et hiretages (Froiss., Chron. R., XI, c.1375-1400, 301)

...verité est que, pour paour et doubte qu'il ot que ledit Rotisseur, son maistre, le recogneust ou avisast, et que, afin d'estre restituez, il ne le feist mettre en prison, et que par la justice laye il ne feust dudit cas pugny, il nouvelement fist faire lors le premier signe de tonsure qu'il eust oncques sur sa teste (Reg. crim. Chât., I, 1389-1392, 403)

...et afin de restitucion, et que de ce que dit est il feust restituez, fist icelle fille prendre et admener prisonniere ou Chastellet, pour en savoir par sa bouche, ou si comme il plairoit audit mons. le prevost, la verité. (Reg. crim. Chât., II, 1389-1392, 388)

Restitüez soyez et mis En vostre signeurie, comme Estre souliez (Chr. Piz., M.F., IV, 1400-1403, 49)

Ledit messire Andry Marchant par lettres royaux, ausquelles messeigneurs les presidens ont obtemperé, comme au doz d'icelles a esté escript, a esté et est remis et restitué audit office de prevost de Paris. (Baye, II, 1411-1417, 194)

...maistre Nicolas de l'Espoisse, qui avoit esté restitué en son office de greffier et registreur des presentacions (Fauq., I, 1417-1420, 170)

Quelle admiration peult on prendre ou fait de Marius tant de foys despoillé d'armez et privé de sa franchise, et tantost aprés restitué en liberté et en honneur de puissant duc et redoubté chevetaigne ? (Chart., L. Esp., c.1429-1430, 139)

Rétablir qqn qq. part.

Item... avons ordonné... que tous ceulx qui...ont esté banit de nostres dites bonnes villes... soient remis et restitués francement as villes et lieux desquels il ont esté banis (Froiss., Chron. R., XI, c.1375-1400, 301)

C. -Remettre qqn ou qqc. dans son état initial.

1.DROIT Restituer qqn (à/en). Rétablir qqn (dans l'état où il était, en partic. avant une décision de justice).

Desquelles choses dessus dictes icellui Oudart estoit plaintif, en disant qu'il feust restably et restitué en la maniere que la chose estoit ou temps, jour et heure que ladicte Marguerite bailla ladicte maison, et sicomme il est contenu es lettres dessus dictes faictes sur ledit bail (Chartes Abb. St-Magl. T.F., t.3, 1360, 244)

Sire, tant vous ai sarmonné Que (vous) vëés bien que raison hé ; Si doi estre desprisonnee Et en m'onneur restituee Et rassise aussi hautement Com je soloie ; ou, autrement, Par devant Venus en appelle, La debaterai la querelle Vo dame, et vous ferai demande, Car elle n'a qui la deffande. (Mach., Voir, 1364, 708)

...et les restituons à leur bonne renommée, à leur pais et à leurs biens non confisqués (Trés. Reth. S.L., t.2, 1388, 352)

...en le restituant [le coupable] au pais, à sa bone fame, renommée, et à ses biens (Ch. VI, D., t.2, 1390, 254)

...le restituons et remettons a sa bonne fame et renommee, au pays et a ses biens non confisquez (Berger Fr. K.-G., 1472, 172)

2.Restituer qqc. (à/en). Rendre qqc. à (son état premier), restaurer.

...liquel quant il vit que li autres avoit chevauchié si fierement, il fu indignés que d'ilueques ille couvenist fouir et departir, et pour ce, en priant et en amonnestant ses chevaucheurs, se reenterina il et restitua la bataille (Bers., I, 9, c.1354-1359, 22.6, 40)

Et nous le voions es melodies sacrees ou saintes que quant aucuns ont usé de cestes melodies lors de ce que il estoient courrouciés et aïriéz, les ames sunt restituees aussi comme se elles eussent sorti ou eussent acquise purification par ceste medicine. (Oresme, Pol. Arist. M., c.1372-1374, 355)

...il s'ensieut donques, selon rayson escripte, que saint Charles meismez povet exempter et diviser le royaume de France a l'Empyre, en le restituant a sez primieres franchises et libertés et en faisant de luy Empyre par soy (Songe verg. S., t.1, 1378, 286)

Maiz la justice divine par la force des chevaliers de France restitua Castille en la paix et sceur estat ou elle demeure jusquez a ores. (Chart., L. Esp., c.1429-1430, 142)

Ladres avons grant temps esté, S'il te plest, veulles nous saner Et prendre de no fait pité Pour no santé restituer. (Marcadé, Myst. Pass. Arras R., a.1440, 112)

O sire, roy de paradis, En se brief terme que tu dis, Restitueras tu le regne D'Israel ou ton pouoir regne ? (Marcadé, Myst. Pass. Arras R., a.1440, 276)

...et les aucteurs traveillans que la puissance du tribunage feust restituee, laquelle puissance avoit Silla diminuee. (Mamerot, Romuleon D., 1466, 129)

Restituer qqc. de qqc.

JUSTICE À VIRGINITÉ. Si saches que, së a mon gre N'est li arbres [sur lequel Adam a cueilli la pomme] restitue D'autel pomme ou melleur asses, Adam et tuit si hoir dampnes Sont sens nul rapel a tousjours Et sens avoir jamais secours. (Guill. Digull., Pèler. âme S., c.1355-1358, 194)

En particulier. Rendre (une église au culte).

DIEU. (...) quant cel biens li sera fais Que pour ce deviengne si faiz Que ses temples et ses ydoles Trebuche et arde conme foles, Et mes eglises restitue (Mir. st Sev., 1362, 202)