REPENTIR

verbe

[T-L : repentir ; GDC : repentir1 ; DECT : repentir ; FEW (IX, 118b) : poenitere ; TLF (XIV, 860a) : repentir1]

I. -Emploi intransitif ou pronominal. (Se) repentir de qqc.

A. -[Domaine religieux ou moral] Ressentir le regret de qqc. (d'un péché, d'une faute morale commise...), accompagné du désir de ne pas recommencer et de réparer.

...le cuer as enthechié Contre Dieu d'aucun grant pechié Dont tu n'es pas bien repentans (Mir. st J. Cris., c.1344, 279)

...tu ne veulx mie la mort Du pecheur, mais que de son vice Se repente et se convertisse (Mir. prev., 1352, 256)

LE BOURGOIS. (...) E ! Mere Dieu, de voz doulx yex, Qui plain sont de misericorde, Par qui a Dieu treuvent accorde Ceulx qui de cuer sont repentant (Mir. enf. ress., 1353, 4)

En oultrage (...), chier sire dous, Ay vescu, si m'en rens a vous Confès, coulpable et repentant (Mir. parr., 1356, 32)

Touz voz pechiez confesserez De cuer contrict et repentant. (Mir. emper. Romme, 1369, 304)

Et est neccessité que il soit non penitent ou non repentant. (Oresme, E.A., c.1370, 388)

Le desactrempé n'est pas repentant ou taillié a soy repentir de son mal, si comme il est dit avant. (Oresme, E.A., c.1370, 391)

De mesprendre n'est pas merveille, Puis que repentir on s'en veille, Mais merveille est quant on mesprent Et on ne s'amende et repent (Mir. ste Bauth., c.1376, 132)

Desqueles accus[ac]ions il se repentoit m[oult] fort, comme triste et marry d'avoir fait icelles, et que c'estoit le pechié que oncques il eust fait dont il se doubtoit plus encourir en l'indignacion de nostre seigneur Jhesu-Crist. (Reg. crim. Chât., I, 1389-1392, 114)

La contesse et ses enfans font grant dueil, le peuple et tous les barons du pays font grant dueil, et en seurquetout Remondin fait greigneur dueil que tous les autres, et se repentoit tant de son meffait que se ne feust l'esperance du confort qu'il prenoit de sa dame, il ne se peust estre tenus qu'il ne leur eust dit sa mesaventure, pour la grant contrition qu'il avoit de la mort son seigneur. (Arras, c.1392-1393, 29)

Sachiez qu'il n'a si grant pecheur ou monde que Dieu ne soit plus grant pardonneur et plus debonnaire, quant le pecheur se repent et lui crie mercy de bon cuer et de bonne voulenté. (Arras, c.1392-1393, 255)

...après ce que il eust esté prisonnier et eslargi et qu'il se fust repenti pluseurs foiz en pleurant (Baye, I, 1400-1410, 127)

Si prenez exemple a la benoite Marie Egipcienne, qui de fole vie se repenti et a Dieu se converti, qui est glorieuse sainte en Paradis (Chr. Piz., Trois vertus W.H., c.1405, 212)

...à tort et sans cause, il a baillié ladicte requeste, et s'en repent et leur en crie mercy, et supplie qu'ilz lui veullent pardonner. (Fauq., II, 1421-1430, 309)

Helas, ma dame, je n'en sçay que dire, fors que il s'en repent, et le trouverez ainsin ; si vous requier pour lui mercy. (La Sale, J.S., 1456, 13)

Pardonne moy ce grant peché ! Je m'en repens a ta pance [l. presance] . (Pass. Auv., 1477, 232)

Se repentir de + inf.

Jamais jeunesse n'est bien seure ; Maintenant rit, maintenant pleure, Maintenant jure, Puis se repent d'avoir juré. (Pass. Auv., 1477, 117)

Participe présent en emploi substantival.

Premiérement aus repentans elle [la Vierge] donne de leurs pechiez remission et curacion. (Mir. ev. N.D., c.1348, 60)

...se l'en en trouve un vrai repentent, ses tourmens li doivent bien souffire pour avoir pardon. (Foul., Policrat. B., V, 1372, 366)

B. -[Domaine de la vie pratique, des relations sociales, de l'activité intellectuelle...] Regretter (une manière d'agir insatisfaisante, incomplète..., une erreur commise, un mauvais choix...).

Car se tu vues, tu yes garis, Et se ce non, tu yes honnis. Pren le grain et laisse la paille ; De tristece plus ne te chaille, Car cils qui bien voit et mal prent, C'est a bon droit, s'il s'en repent. (Mach., R. Fort., c.1341, 75)

Mais il failloit que j'aprenisse, Car qui n'aprent en sa juenesse, Il s'en repent en sa vieillesse, S'il est tels qu'il le sache entendre : Car trop noble chose est d'aprendre. (Mach., R. Fort., c.1341, 152)

Ainsi de vo tresor avient Qu'il accroist toudis en richesse Quant on en fait plus grant largesse. Et se vous en estes avere, Tresbelle, foi que doi saint Pere, Bien vous en porrés repentir, Car je vous di, et sans mentir : Toutes choses ont leur saison. Je n'i met nulle autre raison, Car vous n'estes pas au raprendre, Si que bien me poez entendre. (Mach., Voir, 1364, 254)

Monseigneur, je vous ay meffait De cuer, de pensée et de fait, De volenté et par escript, Car mal à point vous ay escript. Dont je me repen, sans mentir, Tant com je m'en puis repentir ; Et ce m'a fait faire consaus Mauvais et traïtres et faus ; Et se j'ay meffait ou mesdit, Ma bouche de cuer s'en desdit (Mach., P. Alex., p.1369, 243)

Et pour ce, celui qui ne se repent et qui n'en a pas desplaisance, il semble estre non voulant autrement que n'est celi qui s'en repent ou en a tristece. (Oresme, E.A., c.1370, 179)

Car celui qui se repent a volenté contraire a ce que il a fait. (Oresme, E.A.C., c.1370, 466)

Je trouvay orains compagnie Avec qui me desjunay ; mie Ne m'en repens. (Mir. Rob. Dyable, c.1375, 10)

Le duc ... heoit tant le connestable, que la grant haine qu'il avoit à luy lui brisoit et lui toulloit la cognoissance de raison, et s'en repentoit trop fort de ce, quant il en fut au desus, que il ne l'avoit mis à mort. (Froiss., Chron. M., XIV, c.1375-1400, 18)

Comment qu'il soit de douleur et d'ardure Pleins et espris, chargiés et embrasés, D'un seul regart bien honnir le poués ; Mais ja pour mal ne pour peinne souffrir Ne le verrés nulle fois repentir. (Mach., L. dames, 1377, 54)

Au sixte, de la sainte Escripture qui dist que le soleil tourne et cetera : l'en diroit que elle se conforme en ceste partie a la maniere de commun parler humain aussi comme elle fait en pluseurs lieus, si comme la ou il est escript que Dieu se repenti et que il se courrousa et rapaisa et teles choses qui ne sont pas ainsi du tout comme la lettre sonne. Et meisme pres de nostre propos, lisons nous que Dieu queuvre le ciel de nues : Qui operit celum nubibus, et toutevoies, selon verité le ciel queuvre les nues. (Oresme, C.M., c.1377, 530)

Je me repens De ce qu'onques je l'asservy A faire ce dont m'a servi, Mais je ne le puis amender (Mir. Pierre Changeur, c.1378, 295)

...et lesquieu[lx] leur disoient, et par especial ledit prisonnier, que s'ilz ne jouoient audit jeu, qu'ilz s'en repentiroient. (Reg. crim. Chât., II, 1389-1392, 139)

Quant le conte appercoit son frere qui fu pres que tous forcenez, si yst de la sale, lui et ses gens, et monte a cheval et s'en va grant aleure vers la conté de Forest, forment doulent et repentant de sa folie entreprise, car bien scet que Remond ne l'aimera jamais ne ne le vouldra veoir. (Arras, c.1392-1393, 242)

Ainsi comme vous ouez, se dementoit Remond, et se fiert et debat par telle maniere qu'il n'a si dur cuer ou monde, s'il le veoit et ouoit, a qui il n'en preinst pitié. Et se repent fort de ce qu'il n'a osté au conte, son frere, la vie du corps. (Arras, c.1392-1393, 243)

...souvent l'on mect en terme pluseurs choses dont en la fin on se repent, et a tard (C.n.n., c.1456-1467, 407)

J'en ay bien veu par cy devant Qui ont bien mis le voille au vent, Et je vous jure sans mentir Qu'ilz s'en pourroint bien repentir : Tant va le pot a l'eau qu'il brise, Tant gratte chievre que mal gist. (S. fol, c.1480-1490, 8)

...mais firent leur provision, puis sortirent hors disans qu'ilz se repentiroient de l'injure qu'ilz avoient faict a la representacion du roy. (La Vigne, V.N., p.1495, 300)

[Par brachylogie]

Si que, pour Dieu, haiés regart A Phebus, qui se repenti De Coronis, qui li menti, Quar sa foi li avoit plevie Q'autre n'ameroit en sa vie. (Mach., Voir, 1364, 706)

[En tournure factitive] Faire regretter, faire cesser.

Ne plus qu'on porroit tarir Et tenir La mer sans nul mouvement Ne porroit on repentir N'alentir Mon cuer d'amer loyaument Li qui dessus tous m'agrée. (Mach., Ch. bal., 1377, 611)

À repentir. À regret.

Ne departir N'en vueil mon cuer, pour doubte dou partir, Qui trop demeure en vie, et, sans mentir, Je ne saroie amer a repentir. Et si seroie Faus amoureus, se je m'en departoie ; Car sans nul si li donnay l'amour moie. (Mach., J. R. Beh., c.1340, 100)

Mais ja Dieus ne me laist tant vivre, Ains me toille honneur et mon vivre Quant de li me departirai ; Car quant devers sa part [t]irai, Ce ne fu pas a repentir, Si puis bien dire sans mentir. (Mach., Voir, 1364, 428)

Sans repentir. Sans regret ; d'où sans réserve, sans réticence.

Mais Fine Amour Qui vit que pris estoie par le tour De Plaisance qui m'ot mis en sa tour, En remirant son gracieus atour, Sans menacier Un dous regart riant me fist lancier Par mi le cuer, et moy si enlacier, Qu'il me sousmist en son trés dous dangier, Sans repentir. (Mach., J. R. Beh., c.1340, 73)

Or si duit Mon cuer qu'en riens ne se deduit ; Car, sans repentir, jour et nuit Elle me nuit Et fait anuit, Et si me cuit Que, pour voir, cuit Qu'elle sans cause me destruit. (Mach., Les lays, 1377, 295)

Y a il point icy aucun Qui me voulsist, sans point mentir, Souffler au cul sans repentir Ou passer par bonne maniere Son nez par mon huys de derriere ? (S. fol, c.1480-1490, 8)

[Domaine de l'amour]

Mais repeter Vueil vos raisons, se j'y puis assener. Vous arguëz que j'aimme sans fausser Et ameray, tant com porray durer, Sans repentir ; Et puis que j'aim, il faut qu'aie desir Qui ne se puet deporter ne souffrir D'esperance ; et si ay souvenir Qui esmouvoir Me fait souvent a maint penser avoir. (Mach., J. R. Beh., c.1340, 92)

Sans repentir aimme de cuer entier La plus belle qui vive, a son cuidier ; Et elle foy sans muer, ne changier Li a promis, Et retenus fu de li comme amis Et bien amez ; il en estoit tous fis. (Mach., J. R. Beh., c.1340, 119)

...Tresdoulz amis que j'aim sans repentir... (Mach., Voir, 1364, 284)

Mon cuer y vueil et mon desir Mettre sans retraire Ne ja ne m'en quier departir, Ains vueil toudis faire Son tres dous voloir sans repentir Et li obeir Comme amis, sans meffaire. (Mach., Ch. bal., 1377, 582)

Mais puis qu'à vous, dame, me sui donnés, Fermes, loyaus vous seray et secrés, Et de fin cuer parfait vous ameray, Sans repentir, tant com durer porrai. (Mach., L. dames, 1377, 89)

Se ma dame me mescroit, c'est à tort, Que jamais jour ne vueille departir Ne desservir de li jusqu'à la mort, Einsois la vueil amer sans repentir, Servir, celer, doubter et obeïr, Com cilz qui vueil miex la mort recevoir Que moy partir de son noble pouoir [le ms. (consulté par G. Roques) porte Ne dessevrer de li jusqu'à la mort (et non : desservir)] . (Mach., L. dames, 1377, 90)

Mais de vrai cuer, loiaument, sans retraire, Vous serviray tous jours sans repentir, Ne ja voloir ne me doint de retraire Dieus ne Amours, car plus chier y morir Vorroit mes cuers c'un tout seul souvenir Peüst en moy d'une autre demourer ; Et si m'estuet ensus de vous aler. (Mach., L. dames, 1377, 115)

Se repentir de + inf.

Nostre hoste fist du bon compaignon ; mais il se repentit assez depuis d'avoir fait la question, dont la solucion le fist rougir. (C.n.n., c.1456-1467, 413)

Je l'ay dit, j'ay fait grant folie ! Je m'en repens de l'avoir dit. (Pass. Auv., 1477, 174)

Se repentir que

...je me repens bien que je n'ay dit plus hault, car vous avez forfait une emende (C.n.n., c.1456-1467, 291)

Proverbe.

Et croy que de fin ennuy il [Geoffroy] se feust occiz de l'espee, se ne feust que les X. chevaliers y vindrent, qui bien l'avoient ouy dementer et plaindre. Lors lui dist ly uns : Sire, sire, c'est trop tart a repentir quant la folie est faicte. Le doloser n'y vault desormais rien. (Arras, c.1392-1393, 252)

II. -infinitif substantivé. Fait de se repentir, acte par lequel on se repent.

...Se lors recongnoist son outrage, Il vient trop tart au repentir. (Mach., J. R. Nav., 1349, 267)

...mais trop tart fut le repentir. (La Sale, Salade, c.1442-1444, 110)

III. -Participe passé en emploi substantival. Dédit ?.

Remarque : Peut-être LE FÈVRE, Respit Mort H., 1376-1380, 2934 (passage obscur ; cf. note de l'éd. p.191).