RENOMMÉ.

adjectif

[T-L : renomerrenomé ; DECT : renomer ; FEW (VII, 180b) : nominare ; TLF (XIV, 817b) : renommé]

[D'une pers. ou d'une chose] Réputé, renommé.

A Orliens ot un clerc jadis Qui estoit renommez et dis Nobles clers, vaillans homs et riches, Et si n'estoit avers ne chiches, Sires de lois, et de decrez Maistres (Mach., J. R. Nav., 1349, 213)

Uns homs qui moult est voz amis (...) m'a dit que sy renommez Estes et de si sainte vie Que s'amour est en vous ravie. (Mir. parr., 1356, 40)

Un neveu ot qui Thros nommez Estoit, et moult fu renommez. Troie fonda. Quant l'ot fondee, De son nom l'a Troie nommee. (Mach., F. am., c.1361, 212)

Et [la doctrine d'Aristote] a esté translatee en pluseurs langages et exposee a tresgrant diligence de pluseurs docteurs catholiques et autres, et receüe en toutes lays et sectes renommees et tenue en grant auctorité des devant le advenement Nostre Seigneur Jhesu Crist environ cinq cens ans, et depuis jusques a maintenant par l'espace de mil trois cens soixante et dix ans. (Oresme, E.A., c.1370, 97)

Les Hermignas, qui tenoient aulcune chose du conte d'Armignac, obeissoient assez legierement mais tout ne se povoit pas encliner par eulx, car la greingneur partie et la plus rusé de pilleries, et le plus renommé tant que des cappitaines, estoient de Berne, de la terre du conte de Foiz. (Froiss., Chron. M., XIV, c.1375-1400, 138)

Einsi ti fait seront frique, N'a ce faire ne pues estre faillans, Car tu as Scens, Retorique et Musique. Ti fait seront plus qu'autre renommé, Qu'il n'i ara riens qui face a blasmer, Et si seront de toutes gens amé, Soutis, loyaus, jolis et sans amer. (Mach., Prol., c.1377, 2)

...royne estre vous fera De tel royaume conme est France, Qui est, ce tien je sanz doubtance, Plus renommée qu'autre terre (Mir. Clov., c.1381, 225)

...icellui de Ruilly est homme bien né et renommé, et n'est pas à presumer que un homme de tel estat eust prins par mariage une tele fille si diffamée (Reg. crim. Chât., II, 1389-1392, 321)

... le conte de Moret, ... et messire Guillaume de Douglas, ... estoient chil doi baron li plus poissant et renonmé de toute Escoce. (Froiss., Chron. D., p.1400, 128)

Et avroye trop plus chier que eussiés a faire a un homme renommé que a un josne comme vous (La Sale, J.S., 1456, 81)

Et se Dieu, comme je espoire, est du tout ou en partie pour vous, mon ami et mon cuer, vous serez l'escuier renommé, et Dieu sceit comment Monseigneur et madame la royne et chascun vous amera et prisera (La Sale, J.S., 1456, 82)

Bien renommé. De bonne réputation.

...consideré que ledit Mailly estoit bien renommé en meurs et avoit esté à Orlians de bonne conversation, et si estoit de noble linage (Baye, II, 1411-1417, 8)

...pour ce que lesdis Cotin et Jaier sont bons et sages, bien renommez, sans souspeçon (Fauq., III, 1431-1435, 12)

Semblablement autres grans personnaiges Bien renommez par leurs haulx vasselaiges, Riches d'onneur et de lascheté minces, Parfaitz en bien, vertueux en langaiges Comme seigneurs yssuz de grans lignaiges (La Vigne, V.N., p.1495, 149)

Mal renommé. De mauvaise réputation.

...il est houllier et homme mal renommé (Reg. crim. Chât., I, 1389-1392, 152)

Lequel page estoit mal renommé, et pour punicions d'aucuns maléfices qu'il avoit commis, avoit eu une oreille coppée, (Ch. VI, D., t.2, 1400, 95)

...lequel Jarret estoit mal renommé et avoit esté accusé de forsage de femmes et d'autres mauvais cas (Cartul. Laval B., t.3, 1435, 98)

Car un cuer qui par tout s'espart Et requiert dames de tous lez En doit avoir petite part. Se part en a, c'est meschanment, Et vient de lieux mal renommez (La Sale, J.S., 1456, 16)

Et, en icellui temps, advint à Paris que trois sergens à verge du Chastellet, qui estoient bien mal renommez, furent de nuit prendre ung prestre de l'eglise monseigneur Saint-Pol à Paris, lequel estoit paisiblement couché en sa chambre, en laquelle par force et violence entrerent dedens, et ilec le batirent, et puis l'en amenerent en la rue, et le trainerent au long d'icelle et le navrerent (Roye, Chron. scand., I, 1460-1483, 168)

Elle est si tres mal renommee Que c'est grant pitié de son fait Et, s'a mon grey en estoit fait, Ell'alast querir autres lieux. (Myst. Pass. Troyes B., a.1482, 437)

Renommé de + compl. de cause

Biaus homs seroit, a grant devis, De membres, de corps et de vis Renommez, de grace parfais, Et si bien esprouvez par fais D'armes, comme nuls homs puet estre Qui a mis sa vie et son estre En sieuir joustes et tournois Et tous amoureus esbanois. (Mach., J. R. Nav., 1349, 169)

Que cils clers fust de grant vaillance, Gentils homs, et de grant puissance, Renommez de haute noblesse, Et de temporelle richesse Trés habondanment assasez, Espris d'amours et embrasez (Mach., J. R. Nav., 1349, 217)

Jadis en Babiloinne avoit Un homme qui maint bien savoit. De grans richesses renommés Estoit ; Joachin fu nommez. Une femme ot en mariage Qui fu tres bele, bonne et sage, Douce, courtoise et bien aprise Et duite en la loy de Moyse. (Mach., C. ami, 1357, 4)