RECORT

adjectif et substantif masculin

[T-L : recort ; GD : recort1, recort2 ; FEW (X, 160b) : recordari ; TLF (XIV, 540a) : recors]

I. -Adjectif.

A. -Qui se souvient.

Et comme je, aussi vous, estes assez recors, vous avez juré tenir, garder, faire et acomplir les choses dessusdictes (Doc. 1411. In : MONSTRELET, Chron. D.-A., t.2, c.1425-1440, 157)

A vous parle, compains de galle, Mal des ames et bien du corps : Gardez vous tous de ce mau halle Qui noircist les gens quant sont mors ; Eschevez le, c'est ung mal mors. Passez vous au mieulx que pourrez, Et, pour Dieu, soiez tous recors : Une foyz viendra que mourrez. (Villon, Test. R.H., 1461-1462, 132)

Et comme sçay et puis estre recors, Je m'esveillay, plain de joye et sollas (Du Prier, Songe past. D.-M., c.1477-1508, 108)

Estre recors de qqn / de qqc. Garder en mémoire, garder présent à l'esprit, se souvenir de.

Et trestout mon dit sauveray, De mon art qui est fait dès lors, Combien que n'en soyez recors. (Renart contref. R.L., t.1, 1328-1342, 64)

...soit de s'ame recors (Desch., Oeuvres Q., t.2, c.1370-1407, 8)

...j'en sui recors (Le Fèvre, Respit Mort H., 1376-1380, 55)

...et demain en dira tout ce dont il porra estre record. (Reg. crim. Chât., I, 1389-1392, 370)

Soiez chascune heure recors De sa doulce misericorde (Du Prier, Roy Adv. M., 1455, 624)

Pour ce est-il que nous, inclinans favorablement à la supplicacion et requeste dudit suppliant, recors et memoratifz de plusieurs grans services à nous faiz (Doc. Poitou G., t.12, 1479, 267)

Mes sotz, et puis, ou est la voye ? De quel chose estes vous records, Est il point possible qu'on oye Quelque chose de voz rappors ? LE PREMIER. Voullez (vous) qu'on vous die des mors Et de ceulx qui sont trespassez ? (Rapp., c.1480, 61)

Soyez memoratifz et recors des benefices a toy faiz et ne vueilliez avoir en desdaing le petit don de ton amy (Colart Mans., Dial. créat. R., 1482, 255)

Quant du dessus dit suis recors, Je doubte qu'i n'en soit ainsy. (Myst. Pass. Troyes B., a.1482, 115)

...du contenu èsquelles nous sommes encores bien recors et mémoratifs (Doc. 1492. In : B.-A. Pocquet, Bibl. Éc. Chartes 115, 1957, 154)

Bien est il allegué en aucuns livres de medicine dont ne suis recors des acteurs, pour ce qu'ilz ne sont gueres en cours. (Simon De Phares, Astrol., c.1494-1498, f° 37 r°)

SECOND. Mon cueur et mon corps luy ordonne [à Dieu] . PREMIER. Je luy rens mon cueur et mon corps. TIERS. Mes biens du tout luy habandonne, Mais qu'il me soit misericors. SAINCT MARTIN. Soyez tousjours de luy recors Et vous aurez salvacion. (La Vigne, S.M., 1496, 450)

De ses biens faitz ores soyez recors, Père eternel. (La Vigne, Epit. Royne M.R., 1514, 115)

Être au fait de qqc..

PANTHALEON. Sire, les biens que desservir Poons de servir a noz diex Sont moult grans, ce dit on, mais quiex ? Je n'en sui pas ore recors. (Mir. st Panth., 1364, 315)

Être conscient de qqc..

Car les ames suivent les corps ; Le filosophe en est recorps. (La Buigne, Rom. deduis B., 1359-1377, 104)

Ne pas estre recors de qqc. Ne pas se souvenir de qqc..

... [il] trouva en ycellui environ XXV fr. en or (...), un chandelier d'argent rompu, avec plusieurs autres joyaulx, çaintures, fermeillez, et autre menu fretin d'argent dont il n'est recort. (Reg. crim. Chât., I, 1389-1392, 32)

Item, et avec ce, sur icelle Gilete, sa maistresse, avoir prins et emblé un tissu de soye asurée, pesant environ once et demie, lequel tissu elle a vendu, n'est recorde à qui, ne quant ce fu, la somme de XVIIJ s. par., et icelle somme appliquée à son prouffit. (Reg. crim. Chât., I, 1389-1392, 198)

... [il] cogneut que trois ans a ou environ, autrement du temps ne du jour n'est record, il se acointa d'une fille de vie seante au bordeau, en la ville de Senlis, laquelle lors il fiança (Reg. crim. Chât., I, 1389-1392, 208)

...a une journee dont n'estoit recors ['qu'il ne situe plus dans le temps'] , qu'il faisoit mauvais temps et ung froit extreme, il se transporta par devant l'uys de sa dite dame (MART. D'AUV., Arrêts Am. R., c.1460-1466, 206)

Estre recors que. Se souvenir que.

... [il] vendi ycellui marteau deux sols par. à un homme, ne scet son nom, maiz il est bien record que c'est cellui dessus dit nommé Jehannin qui lui fut monstré. (Reg. crim. Chât., I, 1389-1392, 37)

Et dist, sur ce requis, que de present il n'est pas record qu'il ait fait ou commis aucuns autres crimes, mais il s'en advisera, et demain en dira tout ce dont il porra estre record. (Reg. crim. Chât., I, 1389-1392, 370)

Et dit que elle est recorde que à un certain jour paravant ladite feste de Toussains, environ XV jours, sur heure de soleil couchant, ledit feu Thevenin dist à elle qui parle, et pria et requist qu'il feust son ami (Reg. crim. Chât., II, 1389-1392, 57)

Et dit qu'il n'est record que oncques jour de sa vie feist aucuns autres larrecins que dit a cy-dessus. (Reg. crim. Chât., II, 1389-1392, 165)

Et, tu, Adam, soies recors Qu'a tres grant sueur de ton corps Tu laboureras (Chr. Piz., M.F., II, 1400-1403, 137)

...[il] luy declara comment il estoit bien recors qu'il l'avoit troublée pluseurs foiz, et tressouvent, de ce qu'il n'avoit besoigné sur son harnois (C.n.n., c.1456-1467, 516)

...et qu'il n'estoit point recors qu'il eust parlé a elle (MART. D'AUV., Arrêts Am. R., c.1460-1466, 146)

...et soiés tous recors Qu'on n'est pas quicte enfin pour repentir. (Molinet, Faictz Dictz D., 1467-1506, 63)

...nous sommes recors Qu'il a resuscité deux mors (Michel, Myst. Pass. J., 1486, 156)

Estre recors + interr. indir. Se souvenir + interr. indir..

...n'estoit recors ledit Tillart se, par commandement dudit prevost ou son lieutenant, il escript ou signa ladicte cedule, ou se il le fist de son auctorité sans commandement de juge (Fauq., I, 1417-1420, 274)

...par aucunes années j'ay prins deux mil frans de pension en Languedoc et autres années que mil et ne suis pas recors si en icelle j'en estois appoincté de 2.000, par l'estat du trésorier de Languedoc se pourra congnoistre (Aff. Jacques Coeur M., 1453-1457, 108)

Je tien qu'il n'y a celuy de vous qui ne sache bien et soit recors comme ceste année les froidures ont esté longues et aspres (C.n.n., c.1456-1467, 514)

Les dieux, assés records et bien memoratifz comment anchïennement les fors geans avoient accumulé montaignes les unes sus les aultres... (Molinet, Faictz Dictz D., 1467-1506, 233)

Estre recors de + inf. Penser à + inf..

Mes serviteurs, soiés recors De repaistre les indigens (Molinet, Myst. st Quentin C., c.1482, 340)

B. -Estre recors à qqn. Porter témoignage à qqn.

Je vous meneray en la place Ou est la teste et le corps. Et si vous sui ge bien recorps, Car perdre luy ay fait la vie. (Myst. st Christophle R., c.1350-1380, 73)

II. -Substantif masculin.

A. -[Idée dominante de mémoire]

1.Souvenir.

Ramembrer, Ymaginer En dous plaisir Sa dame vëoir, oïr, Son gentil port, Le recort Dou bien qui sort De son parler Et de son dous regarder, Dont l'entrouvrir Puet garir (Mach., R. Fort., c.1341, 17)

Dont le bon recort Que de li recort Fait qu'a ce m'acort Que ja ne soie en acort D'avoir autre amy (Mach., L. plour, 1349, 287)

Et, se pluseurs seigneurs sont mors, De quoy soit memoire et recors... (La Buigne, Rom. deduis B., 1359-1377, 469)

Moult m'ont samblé frices et belles, Gentes de maintien et de corps ; Grans biens m'en fera li recors. (Froiss., Pris. am. F., 1372-1373, 148)

Vela la mervilleuse ystoire Dont a tous jours sera mesmoire De Discorde qu'en son tresor Prist une riche ponme d'or Et le getta, par mon recort ['selon le souvenir que je garde de cette histoire'] , Devant .III. dames, pour discort Et rancune entr'elles avoir. (Livre amour. all. F., c.1398-1430, 14)

LA FILLE. Vierge, voicy piteux recors ['témoignage'] , Record de douloureux discors, Discordant tous joyeulx accords De bon espoir. (Myst. jeune fille L., c.1413-1445 [c.1530], 54)

...pour certain me grieve le record de celui temps ou... (Percef. I, T., c.1450 [c.1340], 96)

...vu que gros poix et outrageux inconvénient en pouvoit avenir, comme il fit, et dont l'amer record n'en sera jamais esteint. (Chastell., Chron. K., t.1, c.1456-1471, 15)

Au pluriel.

Je croy que je fis moult que sages, Car nous fermasmes nos usages Entre li et moy si d'acort Qu'encor m'en plaisent li recort. (Mach., D. Aler., a.1349, 365)

Mais ainssy que me lamentoye Et qu'en mon cueur je regretoye Mon afaire en piteux recors.... (Livre amour. all. F., c.1398-1430, 33)

En recort. Par mémoire (de ce qui existe, p. oppos. à une création ?).

...congié et licence de faire et jouer quelque Misterre que ce soit, soit de ladicte Passion et Résurreccion, ou autre quelconque tant de Saincts comme de Sainctes, que ilz vouldront eslire et mettre sus, toutes et quantefoiz qu'il leur plaira, soit devant Nous, devant nostre commun ou ailleurs, tant en recors comme autrement (Ordonn. rois Fr. S., t.8, 1402, 555)

Le recort de l'escriture / du livre. La mémoire de l'écriture / du livre.

Onques ne fust homme qui feust clerement de la gloire Constantin renommé fors par la vertu du recort de escripture (Foul., Policrat. B., I, 1372, 94)

...leur estat aussy en record de livre. (Chastell., Temple Boc. B., 1463-1464, 49)

Avoir recort (de). Se souvenir (de), avoir souvenance (de), avoir en mémoire.

Prince, en la guerre aiez tousjours recort : ... (Desch., Oeuvres Q., t.3, c.1370-1407, 38)

Mais d'elle [de Fortune] autrement ay recors, Ainsi com la m'orrés descripre (Chr. Piz., M.F., I, 1400-1403, 75)

Sire, ayez recort D'eulx (Myst. Incarn. Nat. L., t.1, c.1454-1474, 116)

...et j'ay record Qu'onc en mal el ne s'accorda (Myst. Incarn. Nat. L., t.1, c.1454-1474, 349)

Avoir qqc. en recort. Garder qqc. en mémoire.

Or aiiés en recort le jour Que, pour alegier ma dolour, Tout disseteus, plains de paour, Je vous priai de vostre amour (Froiss., Espin. amour. F., c.1369, 167)

Faire ses recorts. Se souvenir.

Va, mon amy, fais tes records Que de bref les visiteray. (Michel, Myst. Pass. J., 1486, 184)

Mettre qqc. en recort. Enregistrer qqc. dans sa mémoire.

Cesti souhet mis en recort Et registrai ensi qu'il doit. (Froiss., Joli buiss. F., 1373, 221)

2.Mémoire (commune), réputation.

...Tant que renommée et recors S'en espandent en plusieurs lieus (Froiss., Méliad. L., t.1, 1373-1388, 111)

Matière maintenant, qui digne est de recort, vient droit-cy, c'est du roy Lancelot, roy de Hongrie et de Behaigne (Chastell., Chron. K., t.3, c.1456-1471, 368)

...je les ay notés et mis après en perpétuel record (Chastell., Chron. K., t.4, c.1456-1471, 394)

En bon recort

...dont j'ay traitié jà trois volumes et desquels le contenu, j'espoire, est demoré en bon recort des lisans. (Chastell., Chron. K., t.3, c.1456-1471, 1)

En perpetuel recort

...par ung merveilles me percheus cha et la sur les tombes de pluseurs noms de ceux qui la gisoient et ausquelz, comme se vivre deussent en perpetuel record, on avoit escript en marbre ou en platines d'or leurs tiltres (Chastell., Temple Boc. B., 1463-1464, 11)

B. -[Idée dominante de dire (le dire portant sur de l'accompli, de l'existant, déjà inscrit dans la mémoire)]

1.Rappel de qqc..

'Quel cose a il dit ?' Si com on l'euist en escript, Li uns a l'autre le recorde. A ce record cascuns s'acorde. (Froiss., Méliad. L., t.1, 1373-1388, 86)

Sy ouvry la lettre et y trouvay mots qui ne ont aucun besoing de record fors entre lui et moy (Percef. IV, R., c.1450 [c.1340], 104)

Rappel, enseignement.

...les faitz anticques Ou gouvernemens politicques Qui sont a oÿr delectables. Les recours en sont proffitables (Flamang, Vie Pass. st Didier S., 1482, v.3174)

Et vueil ensuyvre les recors De Jesus tres misericors Qui m'a faict sa misericorde. (Michel, Myst. Pass. J., 1486, 124)

Faire recort de qqc. Rappeler qqc..

Se li soit comptez li secrez Entierement de la besoingne Qui a vous et a moy besoingne. Or soit einsi fait par acort ; Mais vous en ferez le recort Dou prendre tel que vous vorrez. Contredire ne le m'orrez, Eins y sui acordans dès ci A vostre plaisir, sans nul si. (Mach., J. R. Nav., 1349, 174)

Helas ! j'en feusse bien d'accort Et je ne feisse plus recort De celui qui tel dueil me livre ; Mais plus l'aste, plus me fuit fort. (Narcissus, p.1426, 303)

Se faire les recorts de qqc. Rappeler qqc..

SAINCT MARTIN. (...) Mon Dieu, mon benoist Redempteur, A toy je retourne ma face Comme ton povre serviteur, Te suppliant de tresbon cueur Donner vie ad ce povre corps, Sans luy user de ta rigueur ; Ains monstre toy misericors, En te faisant les doulx recors Du ladre que ressuscitas, Qui par tes valeureux acors Du fons d'enffer le degectas. (La Vigne, S.M., 1496, 491)

2.Récit, relation, rapport, évocation, témoignage.

Macrobes dist en son record : ... (Renart contref. R.L., t.1, 1328-1342, 51)

Pour ce de raconter vous cesse Le deul a la gentil contesse, Quar trop y aroit long recors. (Tomb. Chartr. Dix-huit contes K., c.1337-1339, 90)

L'aigle que si forment amoie Que tous oiseaus que je vëoie M'estient nient au regart de li, Tant bien m'avoient abeli Ses fais, ses plumages, ses corps Et les trés gracieus recors Qui si souvent m'estoient fait, Car cil disoient tuit, a fait, Qui en oiseaus se congnoissoient, Qu'onques milleur veü n'avoient, Plus bele de corps, ne plus gente (Mach., D. Aler., a.1349, 368)

...il avoient et avoir pouvoient et devoient esdits cens, rentes et terrages, ainsy comme en ladite justice le recordarent par devant nous, douquel record lidis procureur de ladite eglise, requis, avoit lettres de nostredit eschevinage, à plus grande memoire. (Trés. Reth. S.L., t.2, 1349, 127)

Et cascuns seit que nos ne poions avoire memoire des chouses trespasée, se ce n'est par le recort des anchiens, qui les ont veüwes ou apprises à leurs predecesseurs, ou se che n'est par pointeur ou par escripture, qui est ly plus beauz et profitables experimens qui onkes fuist troveis (Hemricourt, Miroir Hesb. B.B., 1353-1398, 1)

Et avec ce le recors De voz graces c'on recorde Plusieurs a bien faire encorde. (Mir. st Panth., 1364, 370)

Se ma dame ooit tels recors, Mieuls me vaurroit a estre mors (Froiss., Espin. amour. F., c.1369, 101)

...depuis le temps qe Dieux nasqui Ne fuist plus vaillant de son corps, Si come orrez en mes records (Héraut Chandos, Vie Prince Noir T., c.1385, 52)

Ensi feurent, a voir entendre, François celui jour pris et mort, Si come j'ay oi en mon recort. (Héraut Chandos, Vie Prince Noir T., c.1385, 86)

Adonqes feurent ils tut d'accord, Si come je oi en mon record, Qe du Prince s'expelleroient Et qe guerre comenceroient. (Héraut Chandos, Vie Prince Noir T., c.1385, 154)

...si com truis en mains recors, Encïennement ilz ardoient Les corps et les cendres gardoient Des nobles (Chr. Piz., M.F., III, 1400-1403, 96)

Veritables sont nous recors : En nous ne troverois abus. (Jeu Etoile T., c.1400-1500, 109)

LA FILLE. Vierge, voicy piteux recors, Record ['souvenir'] de douloureux discors, Discordant tous joyeulx accords De bon espoir. (Myst. jeune fille L., c.1413-1445 [c.1530], 54)

...mes recors N'y poet valoir (Pastor. B., c.1422-1425, 235)

Et la naissance de Passelion fut telle comme dit est par le record des cronicques (Percef. IV, R., c.1450 [c.1340], 287)

Par ton faulx recort Je fus bien deceu. (Myst. Incarn. Nat. L., t.1, c.1454-1474, 66)

...par mansongiers records Que Male Bouche S'en va semant (Meschin., Lun. princes M.-G., c.1461-1465, 84)

...car elle heurta au front du noble chevallier à telle heure et à tel bruict, que la renommée de ses vertuz et de son sens et de sa chevallerie vivra et demourera en estre et en memoire, non pas seullement par les souvenances des vivans et de leurs recors, mais autant que les escriptures faictes et à renouveler auront cours et durée en ce monde (La Marche, Mém., II, c.1470, 310)

Mon droit recort. Mon vrai témoignage.

D'or en avant, veul prier pour la paix Et Dieu servir, car c'est mon droit recorps. (Grandson, Poés. P., c.1360-1397, 295)

Impossible recors. Témoignage qui ne peut être que faux.

Tu mens, garchon, Ce sont impossibles recors. (Molinet, Myst. st Quentin C., c.1482, 84)

Au recort de qqn. Au témoignage de qqn.

...il avoit fait mourir sa femme, qui moult estoit loyale et bonne dame au record du peuple (Chron. norm. 14e M., c.1369-1372, 179)

Selon le recort de qqn. Selon le témoignage de qqn.

...selon le recort de ma nourrice je suis nommé Benuicq. (Percef. IV, R., c.1450 [c.1340], 730)

Sur le recort de qqc. Sur le témoignage de qqc..

...et sur le recort es lettres que il lui avoit escrites dès Saint-Claude, disposa à envoyer... (Chastell., Chron. K., t.3, c.1456-1471, 199)

Faire (le) recort (de qqc.). Faire le récit, le rapport (de qqc.).

Or diroit aucuns qu'il mesprist, Car en tel maniere en ouvra Que la teste li dessevra Tantost en l'eure de son corps - Einsi m'en fu fais li recors - Et le geta sans nul respit Jus a la terre par despit. (Mach., D. Aler., a.1349, 357)

Qui bien en feroit les recordz ? (Vie st Eust. 2 P., c.1400-1450, 201)

Faites moy de vos fais recort ; Comment vous va en vostre endroit ? (Taillev., Moral. D., 1435, 89)

...et en fit bon et léal recort au roy et bien honorable (Chastell., Chron. K., t.3, c.1456-1471, 29)

...ils firent record de ce que trouvé avoient à Hiselstein (Chastell., Chron. K., t.3, c.1456-1471, 137)

Et puis el [les femmes enceintes] font piteux recorps [de leurs relations sexuelles] Jusque ad ce qu'ayent ung enfant. (Serm. st Jamb. K., c.1460, 54)

Or s'en alla le duc devers son recuelly, le filz du roy de France, ensemble ses ambassaeurs aveuques luy, lesquelz de tout ce que trouvé avoient au roy son pere luy firent record. (Chastell., Chron. IV, D., c.1461-1472, 93)

...et qui [Charles VII] ses jennes jours avoit plains d'angoisse, plains de souffraite et de merancolie, a trait ses vieux jours les plus glorieux, les plus doutéz et cremus, les plus fertiles et plus habondans d'onneur, de fame, de force et de hault regne qui aient esté en maint siecle ne dont on puist faire record en livre (Chastell., Chron. IV, D., c.1461-1472, 314)

Faire (ses) recorts. Raconter, relater, rapporter.

Dy moy, as tu bien proufité Ou pais ou tu as esté A recors faire ? (Mir. chan., c.1361, 164)

Le peuple tres fort s'en argüe Et en font a part leur raccord Que c'est sans cause et a grant tort Que Jhesus a pardu la vie (Gréban, Pass. J., c.1450, 371)

Il fait merveilleuses vertus, Il raddresse tors et tortus ; Paralitiques il medecine, Les aveugles il enlumine, Pluffort, aucuns font leurs recors Qu'il a ressuscité deux mors. (Myst. Pass. Troyes B., a.1482, 418)

Évocation (d'un existant).

Car nous vimes, ce nous sambloit Que moult bien elle resambloit A une dame qui nonmee Est Raison la bien renonmee, Selonc le recort c'on fait d'elle Qui a tout bien faire est ysnelle (Livre amour. all. F., c.1398-1430, 8)

Fortune, dont j'ay fait recorps, Revest le corps d'abis mondains. (Molinet, Myst. st Quentin C., c.1482, 42)

3.Par métonymie.

Rapport, témoignage (comme document).

Maintenant (...) veul réciter ce dont les lettres et vrais recors venus en France et au duc présent font tesmoignage (Chastell., Chron. K., t.3, c.1456-1471, 110)

J'entens donques maintenant a declairer les ruynes et les lieux ou elles se firent oudit royamme [de Naples] , et le temps et l'espace que elles se continuarent et prindrent commencement, selong toutevoyez les recors que j'en vis envoyé du pays meismes et des courtisiens de Romme en l'hostel du duc (Chastell., Chron. IV, D., c.1461-1472, 96)

Faire le recort. Faire le rapport, dresser le procès-verbal.

Et si doivent estre à juger le pasnage et faire le recort devant le vicomte de Caudebec. (Hector De Chartres, Cout. R., 1398-1408, 143)

Enquête testimoniale.

Au recort de le Court venra Puis que li Cours en est kierkie (Bris., Plait Ev. Dr. K., a.1340, 69)

Registre (qui consigne, comme la mémoire).

Commandé fu en general que doresnavant tous sergens qui recevront cauxions de doleances et garnissemens les declairent en leurs rescriptions et recors, pour ce que aucuns desdis sergens les rechoivent trop fiebles (et tant que se ceulz n'ont que poy ou neant) et le plus desdis sergens sont povres, par quoy les parties qui obtiennent n'ont souvent ou recouvrer le contenu de leurs ataintes. (Echiq. Normandie S., 1401, 110)

Remarque : Sur le recort des juges (le témoignage des juges, puis le registre de justice), cf. F. Lot, R. Fawtier, Hist. des instit. fr. au Moy. Âge, t.2, 1958, 388, 401, 414. Cf. aussi J. Gilissen, La Coutume, 1982, 72, 73.

4.Fait de réciter, d'interpréter, exécution, interprétation.

SAINT JEHAN. Ensemble d'un assentement Nous fault d'un motet le recort Chanter : bon fol, a nostre accort Tost vous mettez. LE FOL. Mes amis, de ce ne doubtez : Conmenciez, et je vous suivray. (Mir. parr., 1356, 58)

DIEU. Anges, alez ysnellement La jus et faites un recort D'un rondel chanter par accort (Mir. st Panth., 1364, 368)

Ceuls qui avoient et ont acoustumé de faire en ceste musique naturele serventois de Nostre Dame, chançons royaulx, pastourelles, balades et rondeaulx, portoient chascun ce que fait avoit devant le Prince du puys, et le recordoit par cuer, et ce recort estoit appellé en disant, après qu'ilz avoient chanté leur chançon devant le Prince, pour ce que neant plus que l'en pourroit proferer le chant de musique sanz la bouche ouvrir, neant plus pourroit l'en proferer ceste musique naturele sanz voix et sanz donner son et pause aux dictez qui faiz en sont. (Desch., Art dictier R., 1392, 271)

Texte récité, à réciter.

Li rondelès fu moult plaisans, Et gracieus en fu li cans, Que li chevaliers canta lors. En veci les propres recors. RONDEL. ... (Froiss., Méliad. L., t.1, 1373-1388, 71)

[Interférence avec *accordare]

Chascun se concorde, Et sa voix accorde Faire beau record ! (Gréban, Pass. J., c.1450, 216)

En bons accords concordantz accorda Et maintz plaisans records y recorda (Molinet, Faictz Dictz D., 1467-1506, 439)

5.Par extension.

Exposé, déclaration.

La mort mauldit [Hélène] , qui ne la mort. La faisoit moult piteux recors ! (Chr. Piz., M.F., III, 1400-1403, 140)

De hault homme hautain recors. (Taillev., Prise Luxemb. D., 1443, 167)

...cellui qui se nomme vallet de Jupiter est Jupiter meismes par son recort, et en a fait grans seremens (LEFÈVRE (R.), Hist. Troyes A., c.1464, 200)

Quant vostre mand et vos escrips Vilipende par son recort... (Molinet, Myst. st Quentin C., c.1482, 158)

Proclamation.

Ilz dient que leur Dieu voult naistre D'une vierge ou il se bouta (...) ; Et puis refont un grant recort Que tout par lui monta es cieulx, Et qu'il venra joennes et vieulx Jugier en fin. (Mir. st Ign., 1366, 75)

Au pluriel. Parole, propos.

NOSTRE DAME. Preudomme, entens a mes recors : Saches a toy cy endroit vieng Pour tant qu'a mon ami te tieng. (Mir. abbeesse, 1340, 88)

Filz, entens cy a mes recors : Ne me soiez durs ny estouz, Tu qui debonnaire es a touz (Mir. ev. arced., c.1341, 133)

Dame des cielx, quoyque po vaille Mon povre las chetif de corps, Recevez en gré les recors Que mon cuer de voiz et de bouche Vous represente (Mir. parr., 1356, 51)

...Saintré, qui ja par les tres grans biens et honneurs que Madame lui avoit tant faiz, a laquelle il se tenait sur tous les autres amans du monde le plus eureux, et tant plus quant tous les jours de bien en mieulz renouvelloient les biens, les honneurs et les tresnobles et chevalereux recordz qu'elle lui faisoit (La Sale, J.S., 1456, 96)

Les vins dont j'ay fait mes recordz... (Molinet, Faictz Dictz D., 1467-1506, 30)

CAŸN. Et puis, que faictes vous, mon frere ? Quelz sont vos sermons et records ? ABEL. Je remercye Dieu, nostre pere, Juste juge et misericord. (Myst. Pass. Troyes B., a.1482, 108)

...Jesus, par ses bons records, Les a huy jectés tous dehors (Michel, Myst. Pass. J., 1486, 168)

Sans plus de recort. Sans discuter davantage.

...Si qu'a brief, sanz plus de recors, Ma fille pour li vous accors Et la vous doing. (Mir. st Alexis, 1382, 295)

Ce qui se dit, bruit, rumeur, nouvelle.

...il me sembloit, s'il [mon gendre] estoit mors, Que plus ne courroit li recors De mon diffame. (Mir. femme, 1368, 204)

Déclaration (dans un entretien galant).

Je vous diray que je feray : A la vostre [dame] parler iray Et je mettray j'aray l'accort D'elle a tout le premier recort Que seul a seul li pourray faire. (Mir. Oton, c.1370, 342)

C. -[Idée dominante d'opinion]

1.Avis.

Cestes donnent de leurs joyaux Et de leurs dons riches et beaux As chevaliers, c'est mes recorps, Pour aydier a faire le corps (Dit prunier B., c.1330-1350, 42)

Biau sire, de vostre recort, Que ce soit drois, bien m'i acort. Or prenez cui que vous volez, Par quoy de riens ne vous dolez. (Mach., J. R. Nav., 1349, 191)

Je, Congnoissance, m'i acort ; Et s'en preng aussi le recort De Mesure qui la se siet Lez Raison, et moult bien li siet, Et Raison aussi en dira Ce qui bon li en semblera. (Mach., J. R. Nav., 1349, 257)

Et donc s'en suivra il, pucelle, Que nous tant nous entramerons Que nous deux q'un lit ne ferons : C'est mes recors. (Mir. Theod., 1357, 98)

A po ne me desesperay. Toutes voies fu mes recors Que Dieux est plus misericors Qu'homme ne peut pechier d'assez. (Mir. st J. Paulu, c.1372, 134)

Vous, dame Sagece, qu'en dites ? Vous semblent les raisons petites Que Richece nous a contees ? Les avez vous point escoutees ? Je croy que tost seriez d'accort ; Or en dites vostre recort. (Chr. Piz., Chem. estude P., 1402-1403, 174)

Estre au recort de qqn. Être laissé à la discrétion de qqn.

Je lo, pour oster touz debaz, Qu'il en soit du hault et du bas De deux preudommes au recort, Dont ce chevalier, par l'accort De nous, l'un des deux eslira, Et l'arcediacre prendra L'autre (Mir. ev. arced., c.1341, 123)

2.Sentence, jugement.

Ysydores fait tous sçavoir Que cil qui acroit son avoir D'autruy perte et d'autrui domaige, Il fault a estre preux et saige, Et est, che dist le droit recors, Plus contre nature que mors (Renart contref. R.L., t.1, 1328-1342, 56)

Tel est du juge le recorps (Desch., Oeuvres R., t.8, c.1370-1407, 54)

...a la fin accordé Se sont par communal accort Que ilz s'en mettroient au recort Des princes francois (Chr. Piz., Chem. estude P., 1402-1403, 264)

Prescription (rappelée, à rappeler).

Sur certains poins ordonnez, Dont no loy fait ses recors. (Desch., Oeuvres R., t.7, c.1370-1407, 155)

Et le tres sacré sacrement De son saint et precïeux corps Institua par ses recors Et nous repeut du pain des anges. (Michel, Myst. Pass. J., 1486, 298)

III. -Substantif. DROIT Témoin chargé d'assister un sergent au cours de ses exploits.

...Le juge à la requeste du present qui requiert deffault doit oir le sergent et les deux recors (Cout. instit. Anjou Maine B.-B., t.2, 1437, 73)

...iceulx Jehan Ravyneau et Pasquier, sondit recors, se partirent dudit villaige de la Bretelière et se transpourtèrent au lieu et bourg de Sygournay, pour illec adjourner à ladicte assise de la Buterie le curé dudit lieu, ce qu'ilz firent (Doc. Poitou G., t.11, 1474, 457)

... [il] se partit au bien matin du bourg dudit lieu de Monstereul Bonin pour aller garder et visiter lesdit bois et fourestz et veoir s'il y trouveroit aucuns malfaiteurs en iceulx, et avecques lui mena ung povre homme de labour, nommé Simon Gerbault pour l'acompaigner et estre record des esploiz qu'il feroit. (Doc. Poitou G., t.12, 1483, 596)

Témoin.

En tesmoing de ce avons mis Nostre seel, plaqué et assis En ceste presente quittance, Escripte par nostre ordonnance. Presens mains notables recors, Le jour de la Feste des Mors, L'an mil quatre cent trente et sept, Ou chastel de Plaisant Recept. (CH. D'ORLÉANS, Songe compl. C., 1437, 113)

Par ainsi, sommes nous d'acort : Allons, mon amy, mon mignon, Mon frere, mon joyeulx recort, Mon desir et mon compaignon. (Molinet, Myst. st Quentin C., c.1482, 119)

...Mes freres et loyaux recors (Michel, Myst. Pass. J., 1486, 192)