RANGIER

substantif masculin

[T-L : rengier2 ; GD : rangier ; FEW (XVI, 695a) : rendyr]

Renne.

Si devise du rangier et de toute sa nature. Rangier est bien diverse beste, et pour ce vous diray de sa fasson. Premierement, sa teste est bien diverse, quar il a plus grant teste que le cerf et plus chevilliee, quar il porte bien quatre vint cors et aucune foiz moins, selon ce qu'il sera vieill rangier et grant. Il a la teste paumee dessus de tres longue et diverse paumeüre, quar il a toute la chevilleüre de la paumeüre darriere, einsi come le cerf a devant, fors que les antoilliers devant, les quieulx sont paumez aussi, quar il n'a point les antoilliers aguz devant, comme a un cerf. (Gast. Phébus, Livre chasse T., 1387-1389, 66)

Premierement, sa teste est bien diverse, quar il a plus grant teste que le cerf et plus chevilliee, quar il porte bien quatre vint cors et aucune foiz moins, selon ce qu'il sera vieill rangier et grant. (Gast. Phébus, Livre chasse T., 1387-1389, 66)

Si un rangier lieve la teste en arriere, sa teste est plus longue que n'est son corps, et tout son corps entre dedanz sa teste. (Gast. Phébus, Livre chasse T., 1387-1389, 67)

Et dit que icelle vaissele est à sondit maistre, et signée de sa devise, c'est assavoir à une corne de rangier. (Reg. crim. Chât., II, 1389-1392, 134)

Au pays de Danemarch envoyoit querir deux sortes de bestes: les ungs s'appelloient hellez et sont de corsaige de cerf, grandz comme buffles, les cornes courtes et grosses ; les autres s'appelloient rangiers, qui sont de corsaige et de couleur de daim, sauf qu' elles ont les cornes beaucoup plus grandes ; car j'ai vu rangier porter cinquante quatre cors (Comm., II, 1489-1491, 298)

Remarque : Doc. 1380 et 1389 ds GD VI, 593a. GAY II, 287a.

[Représentation de cet animal]

...contre lequel arbre est un rangier drécié sur les deux piez derrières (Ch. VI, D., t.2, 1418, 352)

La place fut prinse d'assault et y entra l'enseigne du sire de Bueil, mon maistre, la première, laquelle porte ung rangier en son estandart, qui est bien congneu d'Anglois et de Françoys. (Tring., c.1477-1483, 274)