PUBLIC

adjectif et substantif masculin

[T-L : publique ; GDC : public ; FEW (IX, 506b,507) : publicus ; TLF (XIV, 9a) : public1, public2]

I. -Adjectif.

A. -Qui concerne tout le monde, qui n'est pas privé, personnel ou limité à quelques-uns.

1.[D'une chose]

a)Qui est accessible à tout le monde.

Lieu public. Endroit où chacun a le droit d'aller.

...le dit Thibaut estant à la fenestre de Guillaume Casse, en la maistre rue de la dicte ville et le plus publique lieu de la dicte ville (Doc. Poitou G., t.4, 1374, 334)

Quoy que maistre Jehan de Poullieu En voulsist [des Frères mendiants] dire et relicqua, Contraint et en publicque lieu Honteusement s'en revocqua. Maistre Jehan de Meun s'en mocqua De leur façon ; si fist Mathieu ; Mais on doit honnorer ce qu'a Honnoré l'Eglise de Dieu. (Villon, Test. R.H., 1461-1462, 98)

Place publique

Si comme l'en voit es gieux que l'en fait es places publiques. (Oresme, E.A., c.1370, 511)

...les gens estoient a toutes heures, comme on diroit a une gueulle baée ou place publicque (C.n.n., c.1456-1467, 521)

J'ay veu de mes yeux à Padue ung puis, lequel puis le vulgal tient que icelui de Ebano fist transporter de lieu en autre et est à present en place publique et est fait en maniere d'une cuve à baigner. (Simon De Phares, Astrol., c.1494-1498, f° 132 r°)

Voie publique

...il prenostica et predist la terrible rumeur, qui fut en la terre des Romains et de Babillonie et les vehementes maladies, qui furent en plusieurs lieux, la paucité du froment et l'oppression de plusieurs par captivité, la multiplicacion des pirratres de mer et insidiateurs des voyes publiques (Simon De Phares, Astrol., c.1494-1498, f° 41 r°)

Et, combien que veu l'enormité des grans et execrables crimes de leze magesté par lui commis, ledit messire Loys de Luxembourg doye estre escartellé, ses quatre membres penduz en voye publicque et le corps au gibet (Le Clerc, Interp. Roye, c.1502, 352)

Locution. Tenir publique escole. Être passé maître dans l'art de.

[Désigne ici l'école publique des prostituées]

Item, a Marïon l'Idolle Et la grant Jehanne de Bretaigne Donne tenir publicque escolle Ou l'escollier le maistre enseigne. Lieu n'est ou ce merchié ne tiengne, Synom a la grisle de Meun ; De quoy je diz : 'Fy de l'enseigne, Puisque l'ouvraige est si commun !' (Villon, Test. R.H., 1461-1462, 126)

b)Qui se fait en présence de tout le monde.

...lors est bon que on se tourne a prier pour les mors, soit en son lit soit ailleurs, en disant Pater noster ou De profundis ; les lieux sont les moustiers et le cimitiere et sa chambre, qui a honte de plourer en publique, combien que David feist penitence publique pour soy humilier et monstrer bon exemple. (Gers., Déf., 1400, 234)

...puis qu'il fault que je meure, au moins (...) que en la ville ou j'ay eu tant de cognoissance et d'accointance, je ne reçoyve trop publicque punicion. (C.n.n., c.1456-1467, 450)

...[les enfants] se vindrent rendre en grand nombre en ung lieu ou les publicques et accoustumez esbatemens de la cité se faisoient communement (C.n.n., c.1456-1467, 555)

Cestui tint lecture publique à Paris de la science de astronomie. (Simon De Phares, Astrol., c.1494-1498, f° 134 v°)

Cri public. Proclamation qui se fait, après avoir amassé les gens (par son de trompe ou autrement) sur la place publique.

Et depuis, pour restraindre et obvier ausdictes prinses, fu deffendu, sur paine de la hart, par cry publique et à son de trompe, que nul ne print ou emportast aucuns biens par la maniere dessusdicte (Fauq., I, 1417-1420, 127)

...ledit de Bar, par cry publique et à son de trompe, fist deffendre telles manieres de roberies, prisons privées (Fauq., I, 1417-1420, 130)

...lesdiz officiers et gens de justice de ladicte ville de Partenay ont fait adjourner par cry publicque fait audit lieu de Partenay ou autrement ledit suppliant, à estre et comparoir en personne, sur peine de bannissement, de confiscacion de corps et de biens, pour occasion des cas et des choses dont dessus est faicte mencion (Doc. Poitou G., t.12, 1475, 20)

...nous avons dés à present, par l'advis que dessus, escript aux bailliz et seneschaulx de nostredict royaume fere notiffier et defendre par les limites de leur juridicion, par cry public (Lettres Ch. VIII, P., t.1, 1484, 49)

...et où apprehender ne les pourroit en leurs personnes, de les adjourner à son de trompe, cry public et autrement deuement à comparoir en personne par devant ledit grant maistre, où qu'il fust, pour respondre au procureur du roy et ester à droit sur lesditz excès. (Le Clerc, Interp. Roye, c.1502, 249)

c)Qui est connu de tout le monde, notoire, reconnu.

Aussi appert elle [Bonneürtez] en science, Et se s'enclot en conscience, Pour garder ceuls aucune fois En cui est pais et bonne fois, Qui n'ont pas par voie autentique Mis leur scens en fourme publique, Eins sont sage secretement. La se tient elle closement ; La li tiennent grant compaingnie Loiaus secrez et bonne vie. (Mach., J. R. Nav., 1349, 273)

...donner publique tesmoignage (Foul., Policrat. B., V, 1372, 414)

Remarque : HENRI FERR., Modus et Ratio T., c.1354-1377, gloss. (puplique).

d)Qui concerne tout le monde, qui touche tout le monde.

...et plus en cause familiaire que en publique office. (Foul., Policrat. B., V, 1372, 296)

...[l'ermite] soubz umbre du doulx manteau d'ypocrisie, faisoit des choses merveilleuses qui pas ne vindrent a congnoissance ne en la voix publicque du peuple (C.n.n., c.1456-1467, 97)

...ung Escossois (...) se maintint et conduisit en l'estat et habillement de femme, sans ce que dedans le dit terme il fust venu a la cognoissance publicque qu'il fust homme (C.n.n., c.1456-1467, 302)

Aide/charge publique. Contribution, imposition que le peuple doit payer pour subvenir aux dépenses de l'État.

Et, pour tant, lez Sains Peres firent certains ediz et constitucions, par lezquelles il se fesoient exemps, et touz lez clers generaulment et, plus fort, aucuns purs lays de toutes charges publiques et toutes aides (Songe verg. S., t.1, 1378, 102)

Car, en verité, selon bone equité et raison, celluy qui prent partie du profit et de la pollicie et ordenance du prince secullier ne doit pas estre exempt dez charges et aides publiques ne de la juridiction seculliere. (Songe verg. S., t.1, 1378, 105)

Bien/utilité publique. Intérêt, avantage de tous.

...Pour tant que la foy catholique Preschons, et c'est le bien publique (Mir. st Sev., 1362, 189)

Mais il a son entencion et sa pensee a grans choses, comme au cultivement divin ou au bien publique. (Oresme, E.A.C., c.1370, 255)

Pour le bien publique et pour avoir plus briefve et seure justice et à obvier à pluseurs inconveniens qui s'en sont ensuis en nostre dit duchié (Cout. bourg. glosé P.M., c.1380-1400, 184)

Leur soit clerement apparu que profitable chose et neccessaire seroit à nous et au bien publique de estaublir et instituer les dictes foires ès lieu et jours dessus diz. (Doc. Poitou G., t.5, 1384, 222)

Toute paine par lui ert mise A garder la foy catholique Et le peuple et le bien publique (Chr. Piz., Chem. estude P., 1402-1403, 183)

...sur la reformation du bien et proufit du Roy et des seigneurs, du bien publique de tout le royaume. (Baye, II, 1411-1417, 115)

...pour le prouffit de la marchandise et du bien publicque de son pays et conté de Flandres (Comptes Etat bourg. M.F., t.3, 1416-1418, 193)

Et pour tant est tout achevé, Pour le bien publique et privé, Le premier traictié de la Somme Qui le Livre second se nomme, Et s'ensuit subséquentement, Comme requiert l'ensaignement, Le derrain traictié de ce Livre (La Haye, P. peste, 1426, 111)

...par consideration au bien et utilité puplique de ce royanme, ly [le duc de Bourgogne] , qui sage et preudomme estoit et avoit tousjours jusques droit cy sagement ouvré en tous ses aultres affaires, encore le jugoit on tresnecessaire et souverainement utille a longue vie (Chastell., Chron. IV, D., c.1461-1472, 144)

SAINCT MARTIN. (...) Il nous fault tous devostement Prier Dieu singulierement Pour l'Eglise et le bien publique. (La Vigne, S.M., 1496, 472)

En particulier. Le Bien public. Voir bien

(Guerre du) bien public. Guerre qui coalisa les grands seigneurs du royaume contre Louis XI.

Très hault et puissant prince, pour vous faire responce touchant l'article de Conflans que vous appelliés le Bien public, et que veritablement doit estre appellé le Mal public, où j'estoie, dont vous dittez que je n'ay point eu moins de fruict, proffit et honneur que de ma vie, estat et chevance, vous entendés bien que à l'advenement du roy à sa couronne il ne tint point à moy que je n'entrasse en son service (Le Clerc, Interp. Roye, c.1502, 261)

[Calque du lat. res publica] Chose publique. Voir choseIntérêts généraux du pays.

Et ainsi appert que a ceuls qui bien font pour la chose publique, se il sont riches, l'en leur doit faire honeur ; et se il sont povres, l'en leur doit faire proffit. (Oresme, E.A.C., c.1370, 450)

Tres doulce Vierge Marie, je vous recommande tous nos grans seigneurs royaulx et tous les aultres et par especial telz et telz et tous les gouverneux et officiers du royaume de France [et de la chose publique de la Crestienté]. (Mézières, Vertu sacr. mar. W., c.1384-1389, 396)

...le cas qui est très-mauvais et regardé crime de leze-magesté, le bien et utilité de la chose publique (Reg. crim. Chât., II, 1389-1392, 6)

...cheux qui par les presidens seront ordenes, et non autres, requelleront les despoulles apres la victoire, sans regart et avarice. Et tout sera requelli a l'utilite de la chose publique de nostre sainte Chevalerie. (Mézières, Sustance H., 1396, 90)

Une terre est temporelle. L'autre terre est espirituelle. La tierce est personnelle. La premiere appartient a la chose publique, la seconde a l'Eglise, la tierce a chascune personne. Quant a la temporalité de la chose publique c'est certain, selon toutes hystoires des rommains qui parlent de ce temps, que paix universele fut donnee par tout le monde qui estoit lors subject a l'empire de Romme (Gers., Noël, p.1404, 300)

...et telles dames font a excuser plus meismes vers Dieu se tant n'employent de temps en longues oroisons que celles qui plus ont loisir, ne elles n'ont pas moins de merite de bien et justement entendre a la chose publique et au bien de tous a leur pouoir que elles aroyent de plus longuement vaquer en oroisons (Chr. Piz., Trois vertus W.H., c.1405, 48)

...et pour ce leur estoit rendu tel loyer que on secouroit a la souffreté de ceulx nobles hommes des biens de la chose publique. (Chr. Piz., Corps policie L., 1406-1407, 36)

...vous lui [au roy] garderez son patrimoine et le prouffit de la chose publique de son royaume à vostre povoir (Baye, II, 1411-1417, 131)

Le VII^me chappiltre parle du VIII^me grain de semence, qui traicte comment l'en doit garder, acroistre et conserver les biens de la chose publicque, tant es seignouries comme es communitez. (La Sale, Salade, c.1442-1444, 18)

...la chose publique de Romme fut menee a tresmiserable neccessité et paour. (La Sale, Salade, c.1442-1444, 48)

...l'interest de la chose publique requiert celerité (Comptes Paris V.L.D., t.1, 1449-1450, 631)

...pourveu toutesvoyes que ce ne porte dommaige ou prejudice à la chose publicque du païs. (Doc. Poitou G., t.10, 1459, 97)

Vela comment mauvais gouvernement A fait et fait de la Chose publicque [Il s'agit ici d'un des personnages de la pièce] (Sots mal., c.1480, 86)

Cayus Falcidius fut en ce temps, homme ayment la chose publicque, et ayma moult la science des estoilles, et pour ce qu'il congneut par les astres, les parens en son temps estre inclinez à faire plus grans legacions que la raison ne estoit, ordonna que nul ne fist testament, que la quarte partie ne fust reservée pour les heritiers. (Simon De Phares, Astrol., c.1494-1498, f° 68 v°)

...et lui monstre et fait apparoir clerement que la science de astrologie estoit la science qui mieulx se devoit garder et entretenir pour le bien de la chose publique et, combien que icellui Baccon fust Englois, si conseilla il au roy d'Angleterre de faire l'ommaige au roy de France, ce qu'il fist. (Simon De Phares, Astrol., c.1494-1498, f° 135 v°)

Et, qui plus est, a icelluy de Nemours pourchassé de nous deheriter de nostre seigneurie et mettre toute la chose publicque de nostre royaulme en trouble et division. (Le Clerc, Interp. Roye, c.1502, 244)

Cité publique. Cité en tant qu'elle est commune à tous les citoyens.

Comment as tu coeur de voloir destruire et depopuler ta cité puplicque ou tu fus netz et nourrys et laquelle tu a puis tant lealment amé et servy ? (La Sale, Sale D., 1451, 105)

Force publique. Agression s'exerçant sur la population d'un endroit.

...il donna ou fist donner à entendre aux officiers de nostre très-cher et amé cousin le conte de Dunois, seigneur dudit Partenay, que ledit suppliant seullement avoit fait violence et force publicque audit lieu du Puys, congneu et fait congnoistre charnellement ladicte Girarde et fait à elle et à sadicte mère plusieurs violences, excès, delitz et mallefices, et pourchaça et fist pourchacer lesdiz officiers de Partenay tellement qu'ilz firent convenir et adjourner ledit suppliant (Doc. Poitou G., t.12, 1475, 19)

Guerre publique. Guerre où tout le monde prend part, guerre civile.

...guerre publicque entre le pays (Comptes Etat bourg. M.F., t.3, 1416-1418, 32)

Paix publique

...aucuns jeunes advocas et procureurs de ceans, et autres pluseurs gens de Paris (...) metoient empeschement ou s'efforçoient de mettre en la paix publique de ce royaume (Baye, II, 1411-1417, 128)

2.[D'une pers.]

a)Qui est au service de tous.

Coment il le Prince Noir fu tut sa vie Prodhomme loialx et catholiqes Et en touz biens faire publiqes (Héraut Chandos, Vie Prince Noir T., c.1385, 161)

Notaire public. Notaire qui est au service de tous (p. oppos. à celui qui est au service d'un seigneur).

...Jehan Besson, notaire publique (Doc. Poitou G., t.3, 1351, 93)

...comme (...) ycellui Jehan Blanc, comme notaire de la court de nostre seel establi aux contraux en la dicte ville de Saint Jehan d'Angely, et comme notaire public de l'auctorité appostolique, eust receu la note ou prothocole d'une certainne donacion perpetuele (Doc. Poitou G., t.6, 1399, 334)

À Oudot Le Bediet, de Dijon, clerc, notaire publique, la somme de deux frans, que messeigneurs des comptes de mondit seigneur à Dijon, lui ont tauxé pour ses peines, salaires et labeurs d'avoir receu, enregistré en son prothocole grossé, signé et fait sceller et expedié III paires de lettres (Comptes Etat bourg. M.F., t.2, 1420, 831)

Nous voulons aussi et ordonnons finablement que ce present escript, signé de nostre seing manuel, soit fait et reputé autentique, comme s'il estoit seellé de nostre grant seel et signé du notaire publicque. (Le Clerc, Interp. Roye, c.1502, 284)

Marchand/marchande publique. Marchand, marchande qui tient boutique ouverte.

...Jehanne, femme de Thevenin Patrouille, marchande publicque (Comptes Paris V.L.D., t.1, 1450-1451, 717)

...Jehanne, femme de Jehan Morant, marchant publique (Comptes Paris V.L.D., t.1, 1450-1451, 717)

Femme publique. Femme de moeurs lègères, prostituée.

...elle avoit esté tout le temps de sa vie femme de petite renommée, et d'avoir esté en plain bordeau comme femme publique (Reg. crim. Chât., I, 1389-1392, 268)

...la femme estoit tant luxurieuse et chaulde sur potage et tant publicque, que a paine estoit elle contente qu'on la cuignast en plaines rues avant qu'elle ne le fust. (C.n.n., c.1456-1467, 518)

...croyant ledit suppliant que ce fust une femme publique, tant par ce qu'elle estoit seulle logée en ladicte taverne que aussi par ce que lui en avoient dit lesdiz cousturiers, la congneut aussi charnellement une foiz. (Doc. Poitou G., t.12, 1477, 190)

Putain publique

Elle morra de mort amere, La faulce vaudoise, sorciere, Truande et putin publicque, Malleuseuse povre bergere Qui a telle folie s'aplique ! (Myst. siège Orléans H., c.1480-1500, 651)

[Du maquereau]

...icellui Perrin estoit un très-grant et fort larron, murdrier, houllier publique, qui tient une fille en Glatigny, nommée Lucete (Reg. crim. Chât., I, 1389-1392, 164)

Remarque : Le mot chieres fait difficulté ds l'ex; suiv.

SECOND BRIGANT. (...) Puis, pour fournyr a mes delices, Corpus Christi, dignes reliques, Aultour paillardes chiennes lices, J'ay tout mys en chieres publiques. (La Vigne, S.M., 1496, 314)

L'éd. donne, s.v. chieres : «mectre en chieres publiques, vendre aux enchères», ce qui suppose sans doute un jeu sur enchiere/en chaiere. On peut se demander si chiere n'est pas à prendre au sens de 'visage', d'où p. méton. 'femme', l'adj. public permettant de désigner une prostituée ; chieres publiques serait alors en parallèle avec chiennes lices.

b)Notoire.

JHESUS. (...) li publique pecheour Ou regne Dieu seront avant Mis que vous (Mir. nat. N.S.J.C., c.1343, 235)

B. -À caractère officiel.

Bien souvent les mesures du blé et du vin et d'autres choses moindres sont enseignées du publicque signe du Roy. (Oresme, Monnoies W., c.1365, XXXVIII)

...le duc d'Orleans (...) estoit en expedition publique en Guienne, et tenoit le siege devant Bourc près de Bordeaux (Baye, I, 1400-1410, 182)

...il [Lucius Reginus, tribun] ne fist pas comme bon officier de laissier le prisonnier qu'il devoit garder et aydier a pugnir, mais il le delivra de la publicque garde par la memoire de l'ancienne amittié qu'il avoit a lui (La Sale, Sale D., 1451, 160)

Instrument public. Acte qui émane d'une personne ayant une fonction officielle, acte officiel.

...par la teneur de cest publice instrument (Doc. Poitou G., t.1, 1333, 427)

Office public. Fonction officielle dans l'administration de l'État.

...combien que aucuns grans hommes ou temps jadis eussent refusé offices publiques (Baye, II, 1411-1417, 131)

[D'une pers.] Qui exerce une fonction officielle.

Et toy quil reçoix les passaigez, Ensuy moy, sy feras que saige. Plux publicque de toy ne vy, Tu as nom Mathé et le c[r]y ; Suy moy, tes pechiers te pardonne. (Pass. Semur D.M., c.1420 [1488], 123)

Personne publique. Personne investie d'une fonction officielle.

C'est a savoir personne publique, une ou pluseurs, qui mectent et establissent loys (Oresme, E.A.C., c.1370, 534)

...et que les noms et seurnoms de touz ceulz qui auront faiz lesdiz seremens soient enregistrez par personne ou personnes publiques, et mis et escriptz soubz seaulx autentiques (Baye, II, 1411-1417, 153)

Et pour avoir juges competens, et aussi que plus vouluntiers ilz y viennent, monseigneur le roy et le roy d'Engleterre, chascun pour son party, y commectra un de ses roys d'armes, qui sont publiques personnes, l'un françois, l'autre anglois. (La Sale, J.S., 1456, 174)

Puissance publique. Puissance politique.

...quant la publique puissance s'estudie a garder la presidence... (Foul., Policrat. B., V, 1372, 317)

II. -Substantif masculin. Les gens, la masse de la population.

Et si font ilz deshonneur et dommaige Aux empereurs et à tout le publique (Myst. st Vincent L., c.1471-1476, 129)

En public. À la vue, en présence d'un grand nombre de personnes, devant tout le monde, publiquement.

De mon pooir te vueil compter, S'un petit me vues escouter. Tuit li ouvrier qui sont eu monde, Tant comme il tient a la rëonde, Et les ouvrieres ensement Sont tuit en mon commandement, Et les set sciences aussi Qui sont nuit et jour en sousci Et ne cessent d'estudier Pour ma dignité publier En audience et en publique. Il y est gramaire, logique, Geometrie, arismetique, Et puis musique et retorique Et la soutive astronomie. (Mach., F. am., c.1361, 217)

De ce se complaint Sapience en publique, disant... (Foul., Policrat. B., V, 1372, 421)

Item, Yppodamus mettoit celle lay afin que nul dez juges ne fust contraint a soy parjurer ; mes nul ne est a ce contraint pour dire son opinion en publique, car se l'acusacion est justement escripte et prouvee, nul ne oseroit juger au contraire. (Oresme, Pol. Arist. M., c.1372-1374, 97)

...les lieux [pour prier] sont les moustiers et le cimitiere et sa chambre, qui a honte de plourer en publique, combien que David feist penitence publique pour soy humilier et monstrer bon exemple. (Gers., Déf., 1400, 234)

...a part et en publique (Chr. Piz., Trois vertus W.H., c.1405, 142)

...et [aumosner et distribuer] en publique aux povres gens en la Court du Palais, le pain de demy muy, en Greve, de demy muy, es Halles, de demi muy (Fauq., I, 1417-1420, 378)

...donnez nous voye que la puissions avoir ; aultrement vous ferons honte et blasme, car en publicque ycy nous l'amerrons, et chacun de nous quatre en fera son bon plaisir. [Des ribauds veulent que l'aubergiste leur livre la jeune fille qu'il héberge] (C.n.n., c.1456-1467, 549)

...point ne les voulrent dire [des paroles] alors en publique (Chastell., Chron. IV, D., c.1461-1472, 52)

...c'estoit le gros et la substance de leur responce donnee en publique. Mes pooient bien avoir secretes parolles a part de leur bouce a la sienne, aveuques son grant chambellan (Chastell., Chron. IV, D., c.1461-1472, 91)

...le bastard luy demanda a part : 'Messire Jehan, vecy ung chevalier de ceans, lequel sans congié et aveu de Monsieur s'est avancié par presumption de porter emprinse en ceste maison ; et Monsieur (...) vouldroit bien que quelq'un venist a la traverse touchier a son congié, sans aveu aussi et congié en publique. Qu'en dictes-vous ?...' (Chastell., Chron. IV, D., c.1461-1472, 135)

JOATHAN .VIe. Pharisïen. Mais encore le plus grant deffault Que g'y saiche, et qui plus picque, C'est qu'i nous reprent en publique Si tost que nous sommes venu ; Et tantost le peuple menu, Qui croit bien de leger et trop, Nous en prise moins de beaucop, Et nostre honneur mendre tenue. (Myst. Pass. Troyes B., a.1482, 414)

Vous devez savoir qu'a l'emblee, En lieu secret et a couvert, En publique et a descouvert, Jhesus, se meschant seducteur, Est de tant grans abus acteur Que, se les gens n'avoient puissance, Les pierres crieroient vengence Contre luy pour le despoincter. (Myst. Pass. Troyes B., a.1482, 529)

...tu parleras Et cleremant luy monstreras Qu'il nous fait tort tout en publique (Oudin, St Genis M.S., c.1490, 75)

...toutefois selon et consernans purement ladicte science d'astrologie, telx qu'il pleut lors à vostre très sacrée Majesté me commander fere, ce que je feiz en publiq en vostre presence et de plusieurs grans clercs et autres seigneurs de vostre sang. (Simon De Phares, Astrol., c.1494-1498, f° 2 v°)