PROFITER

verbe

[T-L : porfit(i)er ; GD : profiter ; GDC : profiter ; FEW (IX, 427b) : profectus ; TLF (XIII, 1274b) : profiter]

I. -[Idée de progression, de développement, de réussite]

A. -[D'une pers.]

1.Évoluer, faire des progrès, se développer (moralement).

Mais auxi nous qui icy sommes a parler et oÿr aucune chose qui soit a vostre loenge et a nostre ediffication, qui scavons que sans grace nous ne pouons proffiter se nous ne recourons devotement a vous, qui estes plaine de grace (Gers., Annonc., a.1400, 228)

...elle [la vierge Marie] desiroit tousjours d'estre dans le temple, et elle demouroit et estudioit les saintes escriptures, et en lisant et relisant elle prouffitoit. (Miélot, Spec. hum. salv. L.P., 1448, 126)

Profiter de bien en mieux

Et ses moines mont amoneste Que leur vie soit bien honeste Et que [de] bien en mieux profitent. (Vie st Evroul S., c.1350, 80)

Item les repentans rechoivent le Saint Esperit pour prouffiter de bien en mieulz. (Somme abr., c.1477-1481, 121)

Profiter en mieux

J'ay sceu que aussi faictes vous en vostre endroit, dont je suis très joieux, et mesmement de deux rencontres que l'on dit avoir esté faittes à vostre avantaige. Dieu vous y doint continuer et tousjours prouffiter en mieulx. (Le Clerc, Interp. Roye, c.1502, 310)

Profiter (à/en qqc.). Faire des progrès dans tel domaine.

...je cuide qu'onques homme, se Adam non, n'ot parfaicte congnoissance des euvres invisibles de Dieu, pour quoy il ne puist de jour en jour prouffiter en science et oïr ou veoir chose qu'il ne puist croire estre veritables, lesquelles le sont. (Arras, c.1392-1393, 3)

Entendez quel miracle se fait par humilité selon charité : car la personne quant plus proffitera en bien et en l'amour de Dieu, tant plus se reputera coulpable et indigne de estre amee de Dieu (Gers., P. Paul, a.1394, 504)

Et se tu me dis que tu es persecutez par les mauvais à tort et sans cause, qui trop est chose à souffrir dure, je dis que tu es folz en tant que tu t'en troubles, car mal ne te pevent faire nulz ennemis se tu meismes ne veulz, ains grandement prouffiter par bien endurer, et si en es plus sage. (Chr. Piz., P.V.H., 1416-1418, 32)

Car l'offence est si damnable qu'elle forclot toute grace de bien faire, et tout eur de prouffiter en vertu. (Chart., L. Esp., c.1429-1430, 61)

Car le parfait comptent du monde, le fervent desir de prouffiter en vertus, amour de discipline, labeur de penitance, prompteté d'obedience, abnegacion de soy et supportacion de quelconcque adversité pour l'amour de Jhesucrist ; ces choses donnent grant fiance de morir eureusement. (Internele consol. P., 1447, 340)

Et puis quant on prouffite plus en la congnoissance de soy de tant proffite len [l. l'en] plus a la congnoissance de Dieu et de toutes les autres creatures tant angeliques que matérielles. (Cib., p.1451, 184)

Certes les inclinacions des personnes sont moult diuerses, et a vne ame qui veult prouffiter a vertu il est moult vtile sauoir a quoy on est enclin par complexion affin que on se conuertisse a user de raison au contraire (Cib., p.1451, 218)

Lequel Malaël, pour plus facillement speculler le discours des estoilles, demoura plusieurs ans dedans les caves, et tant y veilla et tant y prouffita, que il fut estimé le plus expert qui fust lors (Simon De Phares, Astrol., c.1494-1498, f° 12 v°)

Il ne se trouve pas qu'il aye riens escript en son astrologie, mais il a eu des disciples qui y ont grandement prouffité. (Simon De Phares, Astrol., c.1494-1498, f° 67 r°)

Faire évoluer (une situation).

...l'un des dictz marchans, voyant que ou demené de la matere on n'y prouffitoit en riens, il dist qu'il luy sembloit qu'il avoit advisé ung aultre expedient (C.n.n., c.1456-1467, 393)

Participe présent en emploi substantival. [Désigne une personne qui a atteint le deuxième degré de la vie spirituelle (la personne en état de continence et de veuvage)]

Premiérement aus repentans elle [Marie] donne de leurs pechiez remission et curacion. Secondement aux prouffitans de vertuz et de graces refeccion. Tiercement aux parfaiz elle donne de la lumiére de gloire la largesce et l'amplificacion. (Mir. ev. N.D., c.1348, 60)

2.Réussir (dans une entreprise, une quête).

Aimme son maistre et son mestier Seur tout ; et ce li est mestier Qu'il l'onneure, oubeïsse et serve ; Et ne cuide pas qu'il s'asserve, Car s'il les aimme, il l'ameront, Et s'il les het, il le harront : Pourfiter ne puet autrement. (Mach., R. Fort., c.1341, 2)

Et li bons roys qui bien veoit Que là [à Lajazzo, où le roi a vainement essayé d'enlever le château] profiter ne pooit À un autre port s'en ala Qui estoit assez près de là. (Mach., P. Alex., p.1369, 216)

...pour exhorter chascun en droit soy de tenir la main et labourer et de poursuir et de solliciter par tout où ilz pourront prouffiter, afin que ledit concil general soit entretenu et ne soit dissolu (Fauq., III, 1431-1435, 33)

Pilate, veant lors qu'il ne prouffitoit riens, et que de plus en plus se engendroit noise entre le pueple, lava ses mains (Miélot, Spec. hum. salv. L.P., 1448, 140)

Mais pour ce que ce seroit honte se tant de chevalliers demouroient illec pour sy pou de chose, ilz se departent et voisent en la queste qu'ilz ont emprinse, et qu'en celle nuit ilz pourront aucunement prouffiter (Percef. III, R., t.1, c.1450 [c.1340], 80)

B. -[D'une chose]

1.Se développer, prospérer.

...celle, dit il, est tres grande la vertu de charitable misericorde que sans elle les autres vertus ne peuent profiter (Chr. Piz., Trois vertus W.H., c.1405, 187)

2.Avoir un heureux résultat.

...pour avoir advis et deliberacion ensemble sur le paiement de leurs gaiges, dont avoient fait pluiseurs diligences et poursuites qui n'avoient gaires pourfité. (Fauq., III, 1431-1435, 69)

II. -Procurer ou retirer un avantage matériel ou moral.

A. -Procurer un avantage.

1.[D'une chose]

Rendre service, être utile, être profitable.

...mais encor [Amours] t'a elle Fait une moult grant courtoisie Laquele tu ne congnois mie, Qu'elle li a par sa puissance Donné certeinne congnoissance Par maniere sage et soutive De l'amour qui en toy s'avive, En approuvant par son decret Que cuer as loial et secret, Par la maniere dessus ditte Qui est celle qui plus profite Et qui doit estre receüe Plus en gré et plus chier tenue (Mach., R. Fort., c.1341, 65)

Et la nacelette petite, Qui aus loiaus amans pourfite Et au port de salu les meinne, Sans mal, sans peril et sans peine, Firent faire sans delay, Tout einsi com devisé l'ay. (Mach., D. Lyon, 1342, 221)

Mais je suppose Qu'elle en dormant voie que je ne fin De li amer et servir de cuer fin Et qu'en servant tous me mine et affin. S'elle s'oppose, Que me porra profiter ceste chose ? (Mach., F. am., c.1361, 170)

Et ceste amuse les legiers en crainte a esperer leurs secours, et attendre leur bien, de chose qui ne peult prouffiter ne aider. (Chart., L. Esp., c.1429-1430, 113)

Oultre disoit, que s'il plaisoit à la Court de envoier aucuns ses ambassadeurs oudit concil, que ce pourroit estre grant bien et pourroit moult prouffiter (Fauq., III, 1431-1435, 47)

Les parolles cy proposees, Et notablement exposees, Peuent grandement proffiter (Myst. Pass. Troyes B., a.1482, 755)

Les parolles cy proposees, Et notablement exposees, Peuent grandement proffiter (Myst. Pass. Troyes B., a.1482, 755)

Item, fera ledit prevost crier par tous les lieux où la criée pourra proffiter, que les bonnes gens des marches où lesditez compaignies seront logées portent toutes manieres de vivres esditz villages où les gens d'armes seront logés, pour iceulx leur livrer et vendre au pris et taux faict par ledit prevost. (Le Clerc, Interp. Roye, c.1502, 342)

[De tel aliment, de tel médicament] Faire du bien, agir bénéfiquement.

...elles [les médecines aromatiques] proffitent tres grandement a la marris (Saint-gille, Comment. A.Y. L., 1362-1365, 324)

Car telz fruiz font grant allégance En temps de boce ou pestillence Espécialement en esté Par leur bonne propriété, Si comme font pommes granades Et cytrons, avec lymons ades Et semblables en qualité Proffitent moult, en vérité (La Haye, P. peste, 1426, 96)

[De l'argent] Rapporter.

LA FEMME [au chrétien] . Se ne luy voulez renvoyer [ au juif] [l'argent prêté] , Despeschons de le mettre en euvre Affin que le usure on recueuvre Pour le payer comme sçavez. LE CRESTIEN. Quel conscience vous avez ! LA FEMME. C'est raison s'i prouffite bien. (Mir. st Nic. juif, c.1480-1500, 97)

[D'une terre] Être fertile, productif.

...lors n'estoient pas si grans Les terres ne si pourfitans Comme elles sont presentement, Et vivoit on plus rudement (Froiss., Méliad. L., t.1, 1373-1388, 2)

Participe présent en emploi adjectival. Profitable.

Et les plusours pillent la proie D'un dent agu qui fort asproie, Et trop sont tenans les bergeres, Dont les profitans lanigeres -Ce sont les bestes portans laine - Soeffrent et souffriront grief paine (Pastor. B., c.1422-1425, 117)

Proverbe. Jamais mal acquest ne profite

S'argent avez, il n'est quicté, Mais le despendez tost et viste ; Qui en voyez vous herité ? Jamaiz mal acquest ne proufficte (Villon, Test. M., 1461-1462, 130)

Le sejour ne profite mie. On n'a rien à gagner à attendre trop longtemps.

Le sejour ne prouffite mye, Durant la prosperité N'ayons point la chiere endormye (Myst. siège Orléans H., c.1480-1500, 118)

Le tarder ne profite mie

Quant il vous plaisa, partirons ; Le tarder ne prouffite mie. (Myst. siège Orléans H., c.1480-1500, 389)

Profiter à qqn/qqc.

Être profitable, utile à qqn.

Et voulons, ottroions et consentons que toutes les libertés, chaces, usages, drois et aisances quelcunques (...)soient gardéz et tenus et demeurent dou tout en leur estat et en leur vertut, et en puissent joyr et user paisiblement et faire en et de leur bois et possessions, en tous cas et en toutes manieres, tout ce qui leur pourroit valoir et proufiter, et à leur plaine volenteit (Trés. Reth. S.L., t.2, 1345, 49)

Mais je suppose Qu'elle en dormant voie que je ne fin De li amer et servir de cuer fin Et qu'en servant tous me mine et affin. S'elle s'oppose, Que me porra profiter ceste chose ? (Mach., F. am., c.1361, 170)

Et avecques ce, pour ce que il [le prodig(u)e] proffite a pluseurs, et celui qui est illiberal ne proffite a nul, non pas a lui mesmes. (Oresme, E.A., c.1370, 237)

Et le jour precedent, avoit esté dit et relaté communement à Paris que l'election dudit de l'Aitre avoit esté confermée par le Pape, qui lui a plus cousté que proufité. (Fauq., I, 1417-1420, 373)

...et la cure et soing que devez avoir le plus, c'est de acroistre vostre nom et vostre renommee, car ce vous peut plus prouffiter que nul tresor. (Juv. Urs., Loquar, 1440, 374)

Et depuis l'a ainsi confessé quant il fut executé par justice, en faisant son procès ; laquelle confession ne lui prouffita à ses corps ne biens. (Le Clerc, Interp. Roye, c.1502, 196)

Servir à, être utile à qqc..

...et ne prouffiteroit gaires l'emolument desdiz admortissemens au paiement pour lequel lesdictes lettres avoient esté ordonnées et octroiées. (Fauq., III, 1431-1435, 113)

LE CONTE. Chascun de nous vaillamment s'est submys De se vouloir a la guerre exiter. A noz maisons ne pouons proffiter : Le temps perdons et si ne faisons rien. (La Vigne, S.M., 1496, 186)

[Le compl. est un pronom, le mot chose, rien et souvent dans une propos. interr.]

Profiter qqc. Servir à qqc..

Neanmains comme dist saint Augustin ou livre de la Doctrine christienne ou .IIIIe. chapitre : 'Que proufite entiereté ou integrité de parole laquele l'entendement de l'escoutant ne puet sievir ?' (Daudin, De la erudition H., c.1360-1380, 26)

Premiers le opposant doit eschiever qu'il ne propose questions inutiles, dont saint Jerome sur l'Epistre a Tite dist : 'Quel chose me proufite scavoir combien de ans vesqui Mathusalen, ne en quel eage Salomon prist fenme ?' (Daudin, De la erudition H., c.1360-1380, 150)

Et comme dist Valere le Grant ou second livre : 'Quel chose proufite il estre noble par dehors se mauvaisement on vit en la maison ?' (Daudin, De la erudition H., c.1360-1380, 314)

Mais que proufite diligente garde, veü que fenme non chaste ne peut estre gardee et, sur la chaste, on ne doit avoir regart ? (Daudin, De la erudition H., c.1360-1380, 321)

...je ne vouldray pas avoir Tous les biens qu'on pourroit nombrer (...). Que me pourroit il prouffiter ? (Garenc., Poésies N., 1390-1400, 82)

Que t'ont prouffité tes beaux ornemens ? Que t'a prouffité ta fiereté ne ton orgueil... (Macho, Esope R., c.1480, 114)

Quelle chose prouffite le plourer pour une chose qui ne se peut eviter ne ravoir ? (Colart Mans., Dial. créat. R., 1482, 274)

Et quelle chose te prouffitera il, se autre que toy me fait et aministre justice ? (Colart Mans., Dial. créat. R., 1482, 189)

Ne rien profiter (à qqn)

...que tu es folz, quant par ton impacience, qui riens ne te puet prouffiter, ains assez nuire, tu pers l'eritage qui t'est promis, car Dieu a commandé les paciens et paisibles avoir possession en sa maison afin que ilz habitent en paix avec leur pere Jhesu-Crist, au quel bien ne pevent avenir fors par vaincre les tribulacions en souffrant. (Chr. Piz., P.V.H., 1416-1418, 29)

Mais quant Aroés vey que ses enchantemens ne lui proffitoient rien, il fut moult esbahy (Percef. III, R., t.2, c.1450 [c.1340], 111)

Le pouvre mary, voyant ceste vie continuer, et que grosses menasses rien n'y prouffitoient, il s'advisa qu'il l'espanteroit par une voye et maniere qu'il trouva. (C.n.n., c.1456-1467, 519)

...bien faire aux maulvays ne proffite rien (Macho, Esope R., c.1480, 82)

LE CHARTIER. Nous n'emportons riens de ce monde, Riens ne prouffitent les amas ; Vers Dieu aurons cueur net et munde Des merites sainct Nicolas. (Mir. st Nic. juif, c.1480-1500, 159)

2.[D'une pers.]

Être utile, généreux.

L'on ne doit point demander aide a ceulx qui ont plus acoustumé a nuyre que a prouffiter (Macho, Esope R., c.1480, 195)

Se aulcuneffois l'omme maulvais proffite, il ne le fait pas de son bon gré mais par force, ainsi que raconte ceste fable... (Macho, Esope R., c.1480, 196)

Participe présent en emploi adjectival. Généreux, qui fait le bien.

Et quant le bastart voit l'ermite pourfitant Il lui a dit... (Tristan Nant. S., c.1350, 692)

Profiter à qqn. Être utile à qqn.

Et avecques ce, pour ce que il [le prodigue] proffite a pluseurs, et celui qui est illiberal ne proffite a nul, non pas a lui mesmes. (Oresme, E.A., c.1370, 237)

Profiter à qqn de qqc. Être utile à qqn avec qqc., procurer l'avantage de qqc. à qqn.

Et Esope luy dit : 'Se tu me achetes, tu n'y perdras rien' Et le marchant luy dit : 'De quoy me pourras tu prouffiter ?' (Macho, Esope R., c.1480, 10)

B. -Retirer un avantage matériel ou moral.

Se créer des ressources.

... puis six ans a ou environ, il, pour avoir la substentacion plus grant qu'il n'avoit, et pour plus cuidier grandement gaignier et prouffiter, pour avoir honnestement la vie de lui et de sa femme, enfans et mesnaige, se print lors à poursuir routes de gens d'armes, ala ou pays d'Espaigne et armée que y envoya le roy nostre sire au secours dudit roy d'Espaigne, en la compaignie et service d'un chevalier dont il ne scet le nom, lequel il servy lors comme gros varlet (Reg. crim. Chât., II, 1389-1392, 131)

Faire des affaires, du profit.

Vouloir prouffiter et avoir utilité a tous propos et de tous lez n'est pas honeste. (Fillastre, Traité Conseil H., c.1472-1473, 219)

De l'ordre et prouvision que le roy mit au royaume de Naples, voulant retourner en France Pour myeulx continuer mes memoires et vous informer, me fault retourner à parler du roy, qui, despuis qu'il entra à Napples jusques il en partir, ne pensa que à passer temps, et d'aultres à prendre et prouffiter (Comm., III, 1495-1498, 1)

[Le compl. est chose/rien] Profiter qqc. Obtenir (un bénéfice).

Et lors s'acompaigna dudit Cousin, avecques lequel, pour le brief temps qu'il ont eu ensemble, il n'a aucune chose gaigné ou prouffité, ne aussi n'a ledit Cousin, où il ait eu part ou porcion aucune. (Reg. crim. Chât., I, 1389-1392, 97)

Se tu veulz aucune chose prouffiter, conserve toy en la cremeur de Dieu et ne soies mie trop franc, mais retien tous tes sens soubz discipline et ne te donne ja a liesse descouvenable. (Internele consol. P., 1447, 329)

...laissez moy aler ; je n'ay que trop demouré pour chose que j'aye prouffité. (C.n.n., c.1456-1467, 196)

Ne rien profiter. Ne retirer aucun avantage.

...le sage clerc jamais ne l'apperceut, car il marchoit si gracieusement qu'il ne jectoit sa veue ne ça ne la. Et par ce moien la bonne damoiselle ne prouffita rien en la façon qu'elle avoit pourpensé et advisé. (C.n.n., c.1456-1467, 570)

Ne pouvoir rien profiter que + inf.

Plus leur eust servy à eulx deux cens hommes et dix mil francs content, pour en entretenir d'autres qui estoient à Arras quant le siège y alla, mais qu'ilz fussent venuz à temps propice, que dix telles armées que ceste-là, qui estoit de douze ou quinze mil hommes et la payoient très bien, car elle ne povoit riens proffiter que brusler ung petit nombre de maisons en lieu dont il ne challoit guères au roy, car il n'y liève ne taille ne aydes (Comm., II, 1489-1491, 207)

Profiter à qqc. Retirer un profit de qqc..

...voir est qu'il y a aucunes tresnotables parolles que je ne vueil pas laissier, ou tous les princes et gouverneurs de guerre, se ilz les retiennent, y porront moult prouffiter. (La Sale, Salade, c.1442-1444, 61)

Profiter en qqc. Faire son profit en qqc..

Et ceulz ici meïsmes proffitassent plus asséz en telles besoingnes se, aveques la bonne habilité de nature que ilz ont, ilz eüssent la doctrine. (Oresme, E.A., c.1370, 99)

Nulz homs ne puet en amours pourfiter Qui n'est souffrans et d'estable corage Et qui ne vuet à tous maus resister Et en tous biens maintenir son usage ; Car cilz qui est garnis de cuer volage Ne doit avoir par raison don d'amie : Telle est d'Amours la noble signourie. (Mach., L. dames, 1377, 101)

Profiter à/de + inf. Gagner à.

Et encores porront bien les princes prouffiter a pugnir ceulz qui forfont a la justice, ayans esgard a maintz aultres grans perilz que sont advenus, dont maintes escriptures le tesmoingnent. (La Sale, Salade, c.1442-1444, 16)

Il la menassoit de la batre, de la laisser seule ou de la tuer (...) autant eust il prouffité de menasser ung chien enragé ou aultre beste. (C.n.n., c.1456-1467, 518)

...car on ne puet mieulx apprendre le stille d'aucun mestier que de le frequenter souvent et fuyr les aises du corps, comme trop boire, trop mengier et trop dormir, et plusieurs autres delices charneulx, qui obfusquent et empeschent tout entendement de prouffiter à apprendre et retenir ce à quoy on est adonné, soit en operation pratique ou en science speculative. (Bueil, I, 1461-1466, 26)

...mais ilz se tenoient en leurs forts et près de leur ville, si qu'on ne povoit guieres gaigner sur eulx ou prouffiter à les envahir par telle maniere, mais beaucop perdre. (La Marche, Mém., II, c.1470, 280)

Profiter de qqc. Bénéficier de qqc..

Et le bon duc Philippe, qui tousjours avoit, à son povoir, labouré pour la deffense de la foy chrestienne, et tousjours vouloit continuer, envoyoit ses chevalliers et embassadeurs là où il cuydoit prouffiter d'aide pour ceste matiere. (La Marche, Mém., II, c.1470, 206)

Profiter qqn. Procurer un profit à qqn.

Laquelle chose peu les pourfita ; car ilz furent tous mors, sans nulle reverence de la deesse (La Sale, Sale D., 1451, 236)

Profiter sur qqn. Avoir l'avantage sur qqn.

Mais ilz se tindrent en leurs forts, si que peu pouvoit on sur eulx prouffiter. (La Marche, Mém., II, c.1470, 290)