PRESENT

adjectif et substantif masculin

[T-L : present1 ; GD : present1 ; GDC : present1 ; DECT : present1 ; FEW (IX, 306b) : praesens ; TLF (XIII, 1109a) : présent1 ; TLF (XIII, 1111a) : présent2]

I. -Adjectif.

A. -[Dans l'espace] Qui est à l'endroit dont on parle, qui se trouve là, à l'endroit évoqué.

1.[D'une pers.]

a)[Adj. postposé ou attr.]

Mais j'atendi tous des darriens, Com cils qui ne pensoie a riens, Fors a ma douce dame gente Que je vëoie la presente. Et quant je vi qu'il fu a point D'aler vers li, n'atendi point, Einsois m'alai recommander A li et congié demander. (Mach., R. Fort., c.1341, 147)

Car vesci sa dame et sa drue Qui est aveques moy venue Pour li soulacier et deduire, N'elle ne vuet mie qu'il muire, Ne moy aussi, certeinnement, Eins desir son aligement. Vesla ci devant lui presente ! Est elle belle et douce et gente ? Est il chose qui en li faille ? (Mach., F. am., c.1361, 220)

...Je m'en alai grant aleüre, Tous seulz, sans nulle creature, Et m'enfermai dedens ma chambre Com cilz qui n'avoit cuer ne manbre Qui ne fremist de droite joie Pour le grant desir que j'avoie De vëoir ce riche present. Et, quant n'i ot fors moi present, Je pris ceste ymage jolie, Qui trop bien fu entortillie Des cuevrechiés ma douce amour. Si la desliay sans demour, Et, quant je la vi si tres belle, Je li mis a non 'Toute Belle'. (Mach., Voir, 1364, 174)

Et aucune fois peut avenir que un homme qui est feru est pere de celui qui fiert, et que celui qui fiert scet bien que il fiert un homme et que c'est aucun de ceulz qui sont presens (Oresme, E.A., c.1370, 306)

Ne scet s'il y print aucuns autres biens, pour ce qu'il ne fu pas present quant ledit coffre fu ouvert. (Reg. crim. Chât., I, 1389-1392, 118)

Item confessa que oudit larrecin un nommé Perrin Le Gueynier, demourant en l'ostel de sa mere, poissonniere, en la rue Garnier-Saint-Ladre, estoit present et en leur compaignie, et en estoit coulpable et consentant. (Reg. crim. Chât., II, 1389-1392, 500)

Sire vassaulx, a qui voulez vous commencier la bataille ? Voz ennemis ne sont pas cy present. (Arras, c.1392-1393, 24)

Et pour ce je vueil que tous les barons de cest pays vous facent hommage avant ma mort. Sire, dist Uriiens, puis qu'il vous plaist, vostre voulenté est la moye. Et la estoit Hermine presente, qui pas ne reffusa la voulenté de son pere. (Arras, c.1392-1393, 122)

...pour ce que messire Guillaume Benoit n'estoit pas present, maiz estoit à Court de Romme (Baye, I, 1400-1410, 85)

Et, après ce, aucuns de l'Université, qui estoient presens oudit Conseil, firent une requeste ausdis conseilliers (Fauq., I, 1417-1420, 67)

...de ceste adventure tous ceulx qui presens estoient commencerent a rire (C.n.n., c.1456-1467, 395)

'...je vois pour esbatre (...) acompaigné de mes gens, lesquelx, jasoit qu'ilz ne soient cy presens, toutesfoiz viendront ilz tantost...' (C.n.n., c.1456-1467, 550)

Ou mois de juillet, oudit an mil IIIIc quatre vingts et trois, fut fait et solempnisé la feste des nopces de mondit seigneur le daulphin et damoiselle Marguerite de Flandres en la ville d'Amboise. Et y avoit et estoient presens pluseurs nobles et notables personnages de ce royaulme envoyés des cités et bonnes villes dudit royaulme et par l'ordonnance du roy. (Roye, Chron. scand., II, 1460-1483, 133)

LE JUIF. Cent escus luy baillé [au chrétien] en somme, En fin or, ne, par le grant Dieu, Je vous monstreray bien le lieu : Mon varlet si estoit present. (Mir. st Nic. juif, c.1480-1500, 121)

Et aussi ne faitz nulle doubte que n'ayez assez souvenance des promesses que m'avez faictes et faict faire, ensemble du service que je vous feitz à la journée de Montlehery, vous suppliant très humblement, à la fin de mes lettres, que mon loyer n'en soit perdu et qu'il vous plaise croire ce gentilhomme qui est à moy, present porteur, auquel j'ay donné charge vous remonstrer mon dolent affaire. Escript à Mons, le XIIIIe jour d'octobre [1475]. (Le Clerc, Interp. Roye, c.1502, 348)

Un tel present

Et ilec, le roy present, fut pourparlé et conclud sur la question pour laquelle ilz estoient assemblez audit lieu de Tours, jusques au jour de Pasques, qui fut mil IIIIcLXVIII, que chacun d'eulx ilec venus s'en retournerent en leurs maisons, après la conclusion par eulx prinse sur le fait de ladicte assemblée. (Roye, Chron. scand., I, 1460-1483, 199)

Il est vray que de la partie Des François sont deux compaignons (...) Auquieux leur est pris volanté De deffier deux de voz gens, Et selon leur faculté Ainsi comme eux, qui sont servent ; Et si m'ont dit eux deux present, Soit de hache, d'espee ou lance, Deux contre deux, voloir justant, Disant que ce soit a oultrance. (Myst. siège Orléans H., c.1480-1500, 309)

Devant moi present. En ma présence.

...et faictes appareillier la messe ; et après le service faictes drecier les tables, et après disner faictes cy, devant moy present, la feste comme se je feusse sur piez, car sachiez que ce me allegera moult mon mal. (Arras, c.1392-1393, 121)

Ici present

Cilz meschans soz yci presens Reçoit tant de cops et d'ordure Que je ne scé conment il dure. (Mir. parr., 1356, 17)

Quant a la premiere ordonnance, La belle fille icy presente Ce n'est que pour resjouyssance D'avoir amours, s'est son entente. Or est elle mignonne et gente Et de riens elle ne se soucie Fors que d'avoir pour toute rente Ung mignon qui bien la manie. (P. moyne, a.1500, 51)

Et, s'il vous plaist, sire, ferez getter l'oppinion par escript dudit seigneur de Bueil et autres notables gens qui sont icy presens et assemblés et la forme et maniere comment il entendoit faire ledit combat. (Le Clerc, Interp. Roye, c.1502, 273)

En face presente. Devant qqn.

Je vous dy en face presente Que l'evesque a vous me presente Conme curé que je doy estre De ceste eglise. (Mir. parr., 1356, 21)

Estre present à qqn. Être devant qqn, près de qqn, à côté de qqn.

Dame, ce fu a la bonne heure Que fustes née et conceüe Et que vous estes ci venue, Quant li bien dont estes garnie M'ont rendu santé, joie et vie. Car presente m'estoit la mors, Dont vraiement j'estoie mors, Ma dame, se vous ne fussiez Et s'esgardé ne m'eüssiez Des yeus de vo cuer en pité. Mais vous m'avez ressuscité. (Mach., R. Fort., c.1341, 77)

Mais toutes ces maleürtés, Ces(t) pestilences, ces durtés Ne font a moi ne froit ne chaut, Car par ma foi il ne m'en chaut, Mais ce me fait pene et anoy Que je ne voi ma dame n'oy, Ne que nouvelles de li n'ai ; Et piece ha que je ne finai De vivre et languir en attente Qu'a moy fust ou je a li presente, Ou que nouvellez en oÿsse Teles que je m'en resjoÿsse. (Mach., Voir, 1364, 488)

Et c'est raisons, que j'ay si grant bienfait De son regart, que son cuer me presente, Qu'enamourer mon loyal cuer en fait, Muer, fremir, quant elle m'est presente. (Mach., L. dames, 1377, 114)

Car quant je voy que n'ay voie n'adresse À tost veoir vostre maniere gente Et vo douceur qui de loing mon cuer blesse, Qui toudis m'est par pensée presente, Je n'ay confort ne retour Fors à plourer et à haïr le jour Que je vif tant ; c'est mes plus grans delis. (Mach., L. dames, 1377, 175)

Et quant je vous serf loiaument Et liement, Tres finement, Sans finement, Ne voloir n'ay que m'en repente, Certeinnement, Petitement Aligement Me donnez, quant mors m'est presente. (Mach., Les lays, 1377, 281)

Et se pour li me tourmente Et demente, Quant elle ne m'est presente, Ce fait, sans mentir, Desirs qui me represente Plus de trente Pensers, voire de sexente, D'un seul souvenir. (Mach., Les lays, 1377, 336)

Estre present à + inf.

Et aussi a esté present à assaillir et prendre le chastel de Moustiers, où il y ot deux hommes dudit chastel qui furent tuez par ceulx de Ventadour (Reg. crim. Chât., I, 1389-1392, 19)

...soubz umbre de ce qu'ilz se disoient avoir appellé à Court de Rome des prelas et conseilliers du Roy qui avoient esté presens à conseillier lesdictes ordonnances royaux (Fauq., I, 1417-1420, 59)

Être là pour faire qqc., (être) prêt à.

...comme (...) il se feust mis sur la mer (...) et eust esté présent à prendre une nef (...) qui aloit ou pais de nozdis ennemiz d'Angleterre (Ch. VI, D., t.2, 1406, 153)

...et seroient lesdites parties presentes à rendre ledit compte (Paris domin. angl. L., 1425, 164)

b)[Adj. antéposé] En présence de.

...laquelle il espousa en son pais, present grant baronnie, à grant feste et à grant solemnité. (Chr. Piz., Faits meurs Ch. V, S., I, 1404, 145)

Present un tel. En présence d'un tel.

Einsi languist li dolens en dolour ; Car quant il voit Que de s'amour, present li, autres joit, Qui son ami appeler le soloit, Il a le cuer si jalous, si destroit, Que c'est merveille Qu'il ne s'occist, ou qu'il ne s'apareille D'occirre ce qui einsi le traveille (Mach., J. R. Beh., c.1340, 123)

Dame, ou sont tuit mi retour, Souvent m'estuet en destour Pleindre et gemir, Et, present vous, descoulour, Quant vous ne savez l'ardour Qu'ay a souffrir Pour vous qu'aim tant et desir, Que plus ne le puis couvrir. (Mach., R. Fort., c.1341, 128)

Sousposons qu'uns homs est espris D'amer une dame de pris : Mout bien ose jouer et rire Present li, mais riens n'ose dire Quant a sa merci requerir, Et se ne fine de querir Biaus tours de solas et de joie, A tel fin que de merci joie (Mach., D. Aler., a.1349, 373)

LA DAME. Se me dist : 'Guillaume, biau sire, Or prime fust il temps de dire Ce que sus les champs avons dit. S'en rafreschissons nostre dit, Present ces douse damoiselles Qui sont sages, bonnes et belles, Et pluseurs gens qui y seront : Volentiers nous escouteront.' (Mach., J. R. Nav., 1349, 184)

Faire couvenra liement, Present li, ce qu'elle vorra Et quanqu'elle commandera, Et qu'on li ait admenistrez, Pour faire feste, menestrés. (Mach., J. R. Nav., 1349, 203)

...demain Nous y serons (...) Et presens noz amis ensemble, Nous y ferons les fiançailles (Mir. chan., c.1361, 161)

Si s'en desdit et escondit, Si com vous l'orrez par mon dit, Present le pape et maint preudomme Qui estoient à court de Romme. Vesci pour quoy je le diray Et ja ne vous en mentiray, Car verité ne quiert nuls angles, N'elle n'a que faire des jangles. (Mach., P. Alex., p.1369, 224)

Encor li dist il autre chose Que pas ne vueil qui soit enclose, Present comtes et chevaliers, Et gens d'armes et escuiers : 'Sire de Lesparre, servi M'avez, que bien ay desservi, Et se je vous doy rien, paier Vous vueil tantost sans delaier...' (Mach., P. Alex., p.1369, 225)

Li roys Le Viconte manda Et, present tous, li demanda Tesmongnage de verité De la très grant iniquité Et de la mortel traïson Qu'on li pourchassoit sans raison. (Mach., P. Alex., p.1369, 250)

'Sire, ja n'aveingne Que je jamais prengne mary. Moult aroie le cuer mari, Se ma devotion perdoie, Que religieuse ne soie.' Et dist qu'elle l'avoit promis, Present son pere et ses amis, Qui estoient devant le roy. Or vous diray trop grant desroy. Li roys la fist, sans detrier, Devant chascun, penre et lier, Seur une eschiele, et puis estendre. (Mach., P. Alex., p.1369, 260)

Ly meismes vous dira son fait, Que recongnoistre li feray, Presens vous touz (Mir. fille roy, c.1379, 109)

En l'an dessus dit, le mercredi XVJe jour d'icellui mois d'aoust, par devant mons. le prevost, estant en jugement sur les quarreaux, presens honorables hommes et saiges maistres Dreux d'Ars, lieutenant dudit mons. le prevost (Reg. crim. Chât., II, 1389-1392, 278)

...par l'advis des assistens, fu incontinent mander le seigneur ou dame de l'ostel du Pot d'Estain dessus dit, lequel absent, et presente Marie, femme Jehan Le Breton (Reg. crim. Chât., II, 1389-1392, 497)

...et a fait le serment acoustumé, presens et appellez les seigneurs des IJ Chambres (Baye, I, 1400-1410, 194)

...son compaignon, tout a cheval, present le juge, lui donra un dyamant lyé en or du pris de IIJ^c escus ou au dessus, pour donner a sa tresbelle dame. (La Sale, J.S., 1456, 80)

...ung gentil compaignon (...) se devisoit a ung soupper, present sa femme, et aucuns estrangiers et pluseurs de ses voisins, d'un hostellain (C.n.n., c.1456-1467, 407)

...pluseurs chevaliers (...) furent prisonniers, dont les aucuns furent mors et executez, present le dit Turc (C.n.n., c.1456-1467, 422)

...[il] consyderoit aussi (...) que les jeunes galans, luy present, estoient coustumiers de passer souvent devant son huys (C.n.n., c.1456-1467, 559)

Comment messire Jehan de Croy, chief de l'ambassadde, fit sa relacion present le roy de ce qu'avoit en charge de par le daulphin (Chastell., Chron. IV, D., c.1461-1472, 117)

...et la, present tout le monde, leur ordonna et commanda [à deux chevaliers ayant fait armes] que touchassent a l'un l'autre. (Chastell., Chron. IV, D., c.1461-1472, 170)

Ceste responce a esté faicte de par le roy en sa presence aux ambassaeurs (...), a Monbason le VIIe de mars l'an mil IIIIcLVIII, presens les princes et seigneurs du sang dessus nomméz et pluseurs aultres. (Chastell., Chron. IV, D., c.1461-1472, 195)

Mais present eulx et aultres leurs regens Ung jour advint ung tel cas de merveilles. (La Vigne, V.N., p.1495, 177)

Adonc arrive Rommain a Laurens, quant il est deslié, et se met a genoulx a ces piedz et luy presente l'eaue en ung bassin, et dit Rommain, present l'ange et present Decius et les tirans (Myst. st Laur. S.W., 1499, 234)

Presents les yeux de qqn. Sous les yeux de qqn.

...il despit Et nostre loy et touz noz diex, Et s'en moque presens mes yex Et en fait ses derrisions (Mir. st Ign., 1366, 110)

[P. oppos. à à celee] Present gens

...Cil prent en lui un hardement De parler a luy humblement, Si que de lui s'aprochera Et doucement li touchera Comment elle est de lui amée, Non present gens, mais a celée ; Car il penra lieu et espace Arrier des gens de celle place. Lors seront il couvertement, Mais il porront ouvertement Parler entr'eaus de leurs secrez. (Mach., D. Aler., a.1349, 304)

c)Emploi substantival. Personne présente.

Que le medecin se demonstre selon ce qu'il appartient, aussi que le malade, que presens et assistens, que choses de par dehors se monstrent selon ce que doivent estre. (Saint-gille, A.Y., 1362-1365, 53)

Veue la confession duquel Estienne Blondel, et attendu sa condampnacion cy-devant escripte, par l'advis et deliberacion desdiz presens, fut dit et deliberé, et condempné icellui Estienne à estre ars au devant de la justice comme bougres. (Reg. crim. Chât., I, 1389-1392, 112)

Plusieurs presents. Plusieurs gens [sortes de gens].

En cest monde a pluiseurs presens (Bien avisé Mal avisé B., c.1487-1490 [1396], 238)

2.[D'une chose] Qui est là, qui se trouve là.

...riens ne me destourne Qu'a li ne pense, ou que je tourne ; Ne je ne fais celle part tour Qu'adès ne voie son atour Et que sa grant douceur ne sente Toudis dedens mon cuer presente. (Mach., D. Lyon, 1342, 167)

Et aussi estoit la presente La douce ymage cointe et gente De la bele Deyamire Ou Herculès souvent se mire. (Mach., C. ami, 1357, 97)

Et quant au fait de la lettre en la quele je vous estoie tenus, je la pense bien avoir acomplie tellement comme je doy, car je vous ay fait presenter par le maistre de l'Ospital et par le conte de Herford que j'estoie prest d'aler en ceste presente armée et de vous tenir tout ce que je vous avoie promis, eu cas que vous me tenriés aussi tout ce que vous m'aviez promis. Et vous leur avez respondu que vous ne voliés que je y alasse, et que eu cas que je yroie, vous me feriés faire damage et deshonnour (Mach., P. Alex., p.1369, 229)

[D'un texte] Qu'on a sous les yeux ou qu'on est en train de rédiger.

Or faut que te teingne couvent De ce que je t'ay en couvent : C'est de toy et de moy nommer, Par quoy on sache qui blasmer, S'il a deffaut ou mespresure En ceste presente escripture. Et vraiement, si pro qu'i a, Bien croy que des deffaus y a. Mais qui vorra savoir sans faille Nos deus noms, et sans controuvaille, Vesci comment on les sara (Mach., C. ami, 1357, 141)

...[j']ose et presume ce present petit oeuvre, a vostre requeste et advertissement mis en terme et sur piez, vous presenter et offrir [Dédicace des C.N.N.] (C.n.n., c.1456-1467, 22)

Pluseurs aultres haultes et dures adventures ont esté demenées (...) dont la recitation a present de la pluspart ne serviroit pas a la continuation de [ceste] hystoire presente. (C.n.n., c.1456-1467, 79)

...ceulx qui traveillent et labourent a l'augmentacion et accroissement des histoires de ce present livre (C.n.n., c.1456-1467, 215)

EXPLICIT. Cy fine le present livre nouvellement imprimé à Paris (Mir. st Nic. juif, c.1480-1500, 159)

...par ce present testament avons voulu disposer et ordonner en la maniere qui s'ensuit: ... (Le Clerc, Interp. Roye, c.1502, 282)

En la matiere presente

...monseigneur de Montagu ; monseigneur le marquis de Rothelin (...) assemblez (...) à Conflans les Paris, ont juré et promis, sur les sainctes evangilles et touché corporellement le messel, de bien et loyaument eulx entretenir les ungs avec les autres en bonne union et amour, et n'abandonner l'un l'autre pour chose qu'il adviengne, mesmement en la matiere presente pour laquelle ilz sont assemblez (Le Clerc, Interp. Roye, c.1502, 194)

Les presentes lettres

'Loys, par la grace de Dieu roy de France, à tous ceulx qui ces presentes lettres verront, salut...' (Le Clerc, Interp. Roye, c.1502, 226)

Emploi substantival. [P. ell.] Voir patente

B. -[Dans le temps]

1.Qui a lieu, qui se passe au moment où l'on parle, au moment dont on parle, au moment même.

...vers ton fil vueilles tant faire Que puisse par ces presens maux Eschapper les lieux infernaux Et en gloire estre. (Mir. femme roy Port., c.1342, 194)

Et puis toutes merencolies Quelsquonques mis arrier pour lui, N'il ne me chaloit de nelui, Ne de nesuns estranges fais, Presens, ou a venir, ou fais. (Mach., D. Aler., a.1349, 275)

Mes cuers (...) Se mist tantost a une adresse D'entrer en un courtois propos Qui estoit voie de repos, Non repos, quant a reposer, Mais mettre a point et disposer Mes souvenirs et mes pensées Pour guerpir les choses passées Et entrer en nouveles sentes, Si comme des choses presentes Et d'ycelles a avenir, Pour oster de mon souvenir Et dou tout mettre en nonchaloir Ce qui ne me pooit valoir. (Mach., D. Aler., a.1349, 292)

En fievres, orines troubles comme d'asnes signifient douleurs de teste presentes tantost ou a venir. (Saint-gille, A.Y., 1362-1365, 79)

Et est telle la diferance de ces quatre que joie est de present, esperance du futur, douleur du mal present et paeur du mal a venir. (Mir. st Panth., 1364, 308)

...en tant que, par procés de temps, le pole artique venist par cest mouvement la ou est le pole antartique, adonques le ciel tourneroit a l'oposite du mouvement present et naturellement. (Oresme, C.M., c.1377, 94)

...nos très-chiers et grans amis nosseigneurs tenant le present parlement du roy nostre sire (Reg. crim. Chât., I, 1389-1392, 286)

Tous lesquelz, veu ce present procès, delibererent et furent d'oppinion qu'il feust executez comme murdrier et lerres, c'est assavoir trainé et pendu. (Reg. crim. Chât., I, 1389-1392, 289)

Les signes presens c'est douleur du front, aparence de tampes ardans, petite frenesie, turbation de pensee (Gordon, Prat., c.1450-1500, I, 5)

En la duché de Brabant, n'a pas long temps que la memoire n'en soit fresche et presente a ceste heure, advint ung cas digne de reciter (C.n.n., c.1456-1467, 163)

Ces maulx decrete en vraye conclusion Tous advenir durant ce present regne. (Cene dieux, c.1492, 122)

CHANTRE. Or sus, messieurs, veillons donc prandre En bon ton le present office. (La Vigne, S.M., 1496, 551)

[P. ell. du subst. déterminé]

La fis je moult de departies, Pensant a meintes avenues Trespassées et avenues, Et puis repensay aus presentes Par moult de moult diverses sentes, Lors a celles a avenir Qu'elles porroient devenir. (Mach., D. Aler., a.1349, 256)

...Sentir, vëoir, oïr, entendre, Souffrir a point et garde prendre Aus choses chetives et lentes, Aus passées et aus presentes Et a celles a avenir ; S'on en porroit bien couvenir. (Mach., D. Aler., a.1349, 332)

'...Si que, sire, nous vous prions (...) Que vous prenes aucuns des vostres, Que nous menrons avec les nostres, Seürement, jusques au Quaire ; Et qu'il soient de tel affaire Qu'il sachent moustrer vostre entente, Et la passée et la presente, Au soudan, et nous esperons Que si courtois le trouverons Que nous cherrons en bon acort.' Li roy respondi : 'Je l'acort.' (Mach., P. Alex., p.1369, 126)

Quelque chose qu'il allegue ne remonstre, il ne peut finer d'aultre response que ceste presente. (C.n.n., c.1456-1467, 36)

[Avec un terme temporel]

Mais Amour qui maint cuer aveugle D'yeus et de cuer te fist aveugle, Si que tu ne pensoies mie A mener jamais autre vie, Qu'elle ne te faisoit present, Fors seulement dou temps present. (Mach., R. Fort., c.1341, 100)

Sousposons que, l'eure presente, Que sans travail et sans attente, Qu'a un alerion pensay, Et si tost com je commensay Le penser, qu'uns m'en fust moustrés, En tous endrois si bien outrez (Mach., D. Aler., a.1349, 301)

Dont bien savez de vos ditez, Quant vous les faites et parfaites, Se vous faites bien ou forfaites, Dès qu'il sont fait de sanc assis Autant a un mot comme a sis. S'il vous plaist, vous y garderez, Qu'autre chose n'emporterez De moy, quant a l'eure presente. Soiez certeins que c'est m'entente. (Mach., J. R. Nav., 1349, 167)

S'il n'est d'argent ou de joyaux garni, Celui est fol qui cuide avoir amie Au temps present n'estre appellé ami Pour bien amer, sanz penser vilanie, Car son temps pert et folement varie. Par moy le say qui bien l'ay esprouvé, Quant ma dame m'a dit : 'fol, quoy c'on die, Ja povres homs ne sera bien amé'. (Mach., App., 1377, 640)

...et de widier icellui [royaume] lui donna et prefixt terme dedens la fin de ce present mois. (Reg. crim. Chât., II, 1389-1392, 147)

Et l'aventure si est telle que, se, a ceste presente heure, uns subgiez occioit son seigneur, qu'il devendroit ly plus riches, ly plus puissans, ly plus honnourez qui feust oncques en son lignaige (Arras, c.1392-1393, 21)

...selon la teneur dudit arrest pronuncé le IIJe de ce present moiz (Baye, I, 1400-1410, 13)

...et continuelment depuis [maistre Jehan Rapiout] avoit exercé ledit office de president jusques environ le mois de janvier MCCCCXX, et après ledit mois de janvier jusques à ce mois present, avoit tenu et exercé l'office du bailliage de Sens (Fauq., II, 1421-1430, 38)

Je sçay tres bien en quel partie Il est de cest heure presente (Myst. Pass. Troyes B., a.1482, 777)

Soit ung eslu, de pres ou loing, Qui puist estre avec nous tesmoing Que Jhesus est vray surrexi, Et de tous les haulx faiz aussy Qu'il fist puis l'entree de l'an Du sainctisme baptesme Jehan Jusques a la journee presente. (Myst. Pass. Troyes B., a.1482, 1044)

Je croy que cestuy la a bulle De faire si grant preschement, Ou il a, se croy je, cedulle De parler sur le temps present. (Sots Magn., a.1488, 198)

[P. ell. du subst. déterminé]

Et qui bien recommenceroit, C'iert mal a point, qui le feroit, Car dou temps passé souvenir Ne doit, fors dou temps a venir Et dou present, qu'estre oubliees Doivent les rancunes passees. Sages est qui einsi pardonne, Car Dieus honneur adès li donne Et l'aimme et garde et le deffent Et villenie li deffent. (Mach., C. ami, 1357, 137)

[D'une pers. (c'est-à-dire de son existence)]

Dame, digne d'estre honnourée Et par excellence aourée Dessus toute dame passée, À venir ou presente, De toutes estes separée, Si qu'autre à vous n'est comparée, Ne plus qu'est au feu la fumée, Tant est bele et gente. (Mach., Les lays, 1377, 397)

À/en present mefait. Sur le fait, en flagrant délit.

Item que nul ne soit prins ne arresté prisonnier s'il n'est prins a present meffait et que le cas soit tel qu'il doye detencion ou qu'il y ait contre luy informacion precédente, jugée par les conseulx et procureur du roy, laquelle informacion le rende suspet de delit ou malfaçon qui de ce doye detempcion. (Echiq. Normandie S., 1383, 40)

...l'aultre, qui se trouve surprins et en meffait present achopé, ne savoit sa contenance (C.n.n., c.1456-1467, 290)

...le mary trouva la brigade en present meffait, dont en y eut de bien esbahiz. (C.n.n., c.1456-1467, 418)

2.Emploi adverbial. Au moment où l'on parle, à présent.

Faites venir ci en present Quelque malade ou mort present Et soit tenu (...) Pour dieu celui qui par prier Ou le malade garira Ou le mort resuscitera (Mir. st Panth., 1364, 345)

Remondin, dist le conte, il est verité que l'en m'a compté que moult grant merveille est advenue present en la place que on vous a delivree de par moy, laquelle je vous ay donnee ligement. (Arras, c.1392-1393, 34)

LE QUINT CHEVALIER. Chier sire, il vous faulsist avoir Un vostre secret secretaire Qui, par voz lettres, cest affaire, Et par vostre commandement, Declairast ordonneement A vos subgez et bienveillans. LE MARQUIS. C'est bien dit. Je vueil et comans Qu'on en mande un presentement. Faites en venir un present, Si lui en diray ma pensee. (Gris., 1395, 20)

Present d'eschapper el n'a garde. (Myst. jeune fille L., c.1413-1445 [c.1530], 49)

En terre nous le fault porter, En lieu convenable et propice, Mais quë aions fait le service Lequel il faut present parfaire. (Vig. Trib., c.1480, 228)

LE CRESTIEN. (...) Sainct Nicolas m'a secouru Et contre luy avoye peché. Tres diligemment a couru. Present, je congnois mon peché De grant courtoisie enteché, Tempté du pervers ennemy. (Mir. st Nic. juif, c.1480-1500, 149)

SAINCT MARTIN. (...) L'empereur me fit chevalier Pour avoir gloire terrïenne Partout sur le bras seculier En commun et particulier. J'ay souvant les armes portees, Mais, present, de cueur singulier Ont esté de moy deportees. (La Vigne, S.M., 1496, 259)

Prenez en gré nostre exemplaire Qui present sera recité Au mieulx que nous le pourrons faire. (Myst. st Laur. S.W., 1499, 123)

Remarque : Paraboles Maistre Alain H., 1493, 1210.

Sur-le-champ.

Et il commence a braire et la morut present. (Jourd. Blaye alex. M., a.1455, 764)

Remarque : MICHEL, Myst. Pass. J., 1486, 27139.

Ci present

Seigneurs, prenez sanz contredire Les pains dont il me fait present, Mais redonnez li ci present Du fain (Mir. emp. Julien, 1351, 178)

Tout present

Pourtant compterez vous à l'oste L'un et l'autre, je le vous jure, Avez vous commis tel injure A la personne d'un sergent, Il vous coustera de l'argent Plus que meshuy vous n'en tenrez, Par le sang bieu, vous en verrez [forme dial. pour viendrez] Tout present en prison tous deux. (Sav. serg. D.L., c.1480-1490, 34)

II. -Substantif masculin.

A. -Présence.

Et si fait de son cuer present A sa dame et a son present. (Mach., D. Aler., a.1349, 286)

En present de qqn. En présence de qqn.

En mon fait que ci vous present Maintenant, en vostre present, A plus de griés et plus d'ardure Qu'en l'autre fait, et trop plus dure. Dont je vous requier orendroit Sus ce point ci que j'aie droit. (Mach., J. R. Nav., 1349, 197)

...lors de deité plaine Fu l'umble vierge en present De l'ange saint qui li fist le present Quant li dist que sains esperiz en li Acompliroit ce glorieux fait (Mir. prev., 1352, 279)

Puis fist lez menestreus juer en leur present (Hugues Capet Lab., c.1358, 285)

'...ta dame au corps agensi Ressambleroit sans nul fourvoi Chelle qu'en ton present je voi'. (Froiss., Joli buiss. F., 1373, 114)

En present. Ici même, devant tous.

LE JUIF. Cent escus luy baillé [au chrétien] en somme, En fin or, ne, par le grant Dieu, Je vous monstreray bien le lieu : Mon varlet si estoit present. LE JUGE [au chrétien] . Vous en jurerés en present Sans en faire cy [plus de] plait ? LE CRESTIEN. Qu'i voise querir son varlet ! Je tiens qu'il dira le contraire. (Mir. st Nic. juif, c.1480-1500, 121)

Trompetes, faictes assembler Tous mes gens icy en presant Pour faire ces Anglois trambler. (Myst. siège Orléans H., c.1480-1500, 618)

Estre en present. Êtrelà, être présent.

Quar certes volenté hay De tout quanque je saray Qui conforter Porra vostre doulz cuer vrai, Sachiés que je le ferai Et sans tarder. Si ne devés esperer Que nul mal doiés porter Tant com serai En present ; quar bien sarai Vos maulz saner, Et pour vous confort donner Mire en serai. (Mach., Voir, 1364, 142)

Se partir de present qqn. Quitter la présence de qqn, quitter qqn.

...S'estoit mes cuers en fait contraire Ou de respondre ou de moy taire ; Car lequel faire ne savoie. Pour ce pris la moienne voie Et me parti de present vous En tel dueil et en tel courrous Qu'a po que mes cuers ne partoit, Quant mes corps einsi s'en partoit. (Mach., R. Fort., c.1341, 133)

B. -[Dans le temps]

1.Moment où l'on parle.

Assez et largement d'ystoires a ce propos pourroit on mettre avant (...) Mais, quant au present, celle qui s'ensuyt pourra souffire. (C.n.n., c.1456-1467, 131)

2.Locution adjectivale. De present. Actuel.

...par ce point me suys je deschargé de celle que par avant amoye (...) tant m'en a rebouté ma dame de present. (C.n.n., c.1456-1467, 177)

La doubte qu'il avoit auparavant, avecques l'apparence de present, luy fist sa femme appeller par son nom (C.n.n., c.1456-1467, 244)

Paroles de present. Promesse de mariage faite au moment même (en présence du notaire).

Se aucun a contrait espousailles par paroles de present ou de futur, il ne doit pas contraire avec aultre femme (Sacr. mar., c.1477-1481, 70)

Se il a contrait avec la seconde par paroles de present et de futur et aussi ensieuve copule charnele, il doibt arrester avec la seconde et faire penitance de la foy mentie a l'aultre. Jehan allié a Jehane par paroles de present ou de futur sans copule charnele, l'un sans la voulenté de l'aultre puet entrer en religion. (Sacr. mar., c.1477-1481, 70)

3.Locution adverbiale.

À present. En ce moment, maintenant, pour le moment.

...ja Dieu ne place Qu'il li aveingne Que ja d'amer la belle se refreingne ! Car s'a present ne le vuet, ne n'adaingne, Au moins l'aimme il, et son cuer la compaingne. (Mach., J. R. Beh., c.1340, 127)

Si respondi lors : 'Je me ren ; Qui estes vous qui me prenés ? - Venés aveuques moi, venés, Dist elle, vous le sarés bien ; Mais ad present n'en sarés rien.' (Mach., Voir, 1364, 376)

HUCHON. Au mains des corps si chier nous couste Que jamais ne l'amenderons. Par aventure et si ferons S'il chiet a point. PIERON. De ceci ne mentez vous point ; Mais a present nous fault souffrir. (Mir. Rob. Dyable, c.1375, 19)

...mais il souffist a present a cest propos ce que dit est contre Averoÿs. (Oresme, C.M., c.1377, 238)

...et là fut prins Jehannin de Saint-Py, qui est ad present chevalier, et plusieurs autres escuïers qui estoient en sa compaignie. (Reg. crim. Chât., I, 1389-1392, 55)

...Merigot, escuïer, ad present prisonnier ou Chastellet (Reg. crim. Chât., I, 1389-1392, 548)

...et furent ses pere et mere feu Pierre Phelipe et Genevote, sa femme, à present taverniere demourant en ladite ville de Caen (Reg. crim. Chât., II, 1389-1392, 531)

Atant se taist a present l'ystoire de la dame, et parole de Remondin, qui s'en va grant erre vers Poictiers. (Arras, c.1392-1393, 36)

...des le temps du roy Charle, pere du Roy nostre Sire, qui à present est (Baye, I, 1400-1410, 31)

...autrefois ay assez parlé de la divine vertu de clemence et doulceur, à present, en donnant cause de discerner le bel du lait, me plait parler aucunement des arogans et orgueilleux et prendre en ce mon introite, ainsi comme les appelle un vaillant docteur (Chr. Piz., Faits meurs Ch. V, S., I, 1404, 74-75)

...pour traiter d'aucunes besoignes touchans le bien du royaume, de la ville de Paris et aussy le fait des gens d'armes estans à present par ledit royaume à Paris et environ (Baye, II, 1411-1417, 172)

...la somme de cinq cens livres tournois, monnoie courant à present (Paris domin. angl. L., 1425, 165)

...par ce point s'appaisera le bruit qui court a present (C.n.n., c.1456-1467, 165)

...par ce point me suys je deschargé de celle que par avant amoye, et ne m'en est a present non plus que celle qu'oncques ne viz (C.n.n., c.1456-1467, 177)

...je me suis party de nostre païs soubz umbre du pardon qui est a present icy. (C.n.n., c.1456-1467, 284)

PREMIER DISCIPLE. Sans cause n'est se nous pleurons, Veu le grant dueil qui nous survient, Car nostre perte trouverons Mieulx qu'a present le temps qui vient. (La Vigne, S.M., 1496, 574)

Nous, Anthoine de Chabanes, conte de Dampmartin (...) promettons audit duc de Bertaigne (...) de jamais ne l'acompaigner ne servir hors du royaulme, ne avecques ce courir en ladicte duché et païs dudit duc, ne y faire entreprise, pilherie aucune, ne en prandre harnois, ne faire chosse quelzconque directement ou indirectement qui pourte prejudice audit duc ne à sondit païs hors du royaume tel qu'il est à presant, en renonçant à tous comendemens ou contrainctes que le roy nous pourroit faire faire. (Le Clerc, Interp. Roye, c.1502, 361)

Le quint, pour offrir à mondit seigneur vostre frere le mariage de madamoiselle de Bourgoigne, ou cas que à present il vouldroit prandre la Toison, ouquel cas ilz avoient puissance de conclure ledit mariage et l'en asseurer. (Le Clerc, Interp. Roye, c.1502, 220)

Mars, mettez jus voz armes et bannieres, Et entendez ung pou à lamenter. Ne posez plus voz tentez par [bruyeres] ; Laissez les champs sans plus gueres hanter ; Vous n'avez cause de rire ne chanter, Perdu avés vostre aisné filz et chef, Dont France souffre à present grant meschef. (Le Clerc, Interp. Roye, c.1502, 395)

Jusque à present. Jusqu'à maintenant.

Depuis lequel temps jusques ad present, elle a gardé et gouverné ledit filz comme le sien, au mieulx que elle a peu et sceu (Reg. crim. Chât., II, 1389-1392, 121)

Quant à present. Pour le moment, maintenant.

SUER YSABEL. Vous avez dit voir, suer Marie, Elle [nostre abbesse] n'est pas bonne a seignier : Ce vous puis je bien tesmoingnier, Quant a present. (Mir. abbeesse, 1340, 84)

Li juges qui bien l'escouta Ses paroles si bien nota Qu'a entendre pas ne failli. Tantost son conseil acueilli, Et puis de la se departirent. Or ne sceus je pas qu'il deïrent En leur secret, quant a present, Mais assez tost m'en fist present Uns amis qui tant bien m'ama Que de tous poins m'en enfourma, Nom pas par favourableté, Mais de sa debonnaireté (Mach., J. R. Nav., 1349, 254)

...Mortalitez, occisions, Compaingnes regnent, et pechiez ; Dont li mondes est entechiés, Si que bon ne me samble mie Que le passage vous ottrie Quant à present, car ce seroit Très grans peris que li feroit. Car pechiez nuist et s'est po gent, Et tuit seigneur ont à present Trop de riotes et de plais. (Mach., P. Alex., p.1369, 220)

Je ne croy pas que mal me face Quant a present. (Mir. Rob. Dyable, c.1375, 32)

...mais je l'ay [ma dame] tant chier Que ja mais faire n'en quier Departement. Il puet bien crueusement Moy menacier, Mais ne le prise .J. denier, Quant à present. (Mach., Ch. bal., 1377, 627)

Et encor pourroit l'en ceste ymagynacion efforcier et dilater et faire conclusions plus merveilleuses, mais ceci souffist quant a present. (Oresme, C.M., c.1377, 120)

Partons de ci quant a present, Il en est temps. (Mir. Pierre Changeur, c.1378, 281)

Monseigneur, dist Remondin, je n'y ay trouvé que bien et honneur. Mais j'ay plus de plaisir de hanter en cellui lieu que ailleurs, quant a present, pour ce qu'il est renommez d'estre adventureux. (Arras, c.1392-1393, 35)

Et se taist l'ystoire quant a present de la feste, et commence a parler de Melusigne (Arras, c.1392-1393, 66)

...ame ne s'avance quand a present de parfournir ceste glorieuse et edifiant euvre de Cent Nouvelles (C.n.n., c.1456-1467, 357)

Au present. En ce moment.

Florimont, sire de Lespaire, nous avons reçeu et veu unes lettres les queles vous nous avez envoiés ; et quant est de ce que escript nous avez, que la response des dites lettres vous envoions dedens la feste de Noël prochain venant, savoir vous faisons que nous, si comme vous le savez, sommes au present seur nostre armée, au saint service de Dieu. (Mach., P. Alex., p.1369, 232)

De present. Maintenant, actuellement ; effectivement.

Et est telle la diferance de ces quatre que joie est de present, esperance du futur, douleur du mal present et paeur du mal a venir. (Mir. st Panth., 1364, 308)

Et donques hors le ciel ou hors le monde n'est de present ou de fait corps naturel quelconque. (Oresme, C.M., c.1377, 160)

...icelle espousa en l'eglese de Saint-Pierre de Senlis, laquelle fille est demourant de present en la ville de Compaigne, ne scet où ne en quel lieu. (Reg. crim. Chât., I, 1389-1392, 208)

Item que nagueres et avant son emprisonnement, ainsi comme elle se chaussoit en l'ostel d'un nommé Perrin Tueret, ledit Richart, à son sceu et en sa presence, print uns solers lesquelz ledit Richart a de present chaussiez. (Reg. crim. Chât., II, 1389-1392, 440)

Dont respondy Gieffroy. Je ne scay ne ne vueil enquester des choses passees ; puis que mes ancesseurs en ont eu l'onneur et en sont venus a leur dessus, il me souffist. Mais de present ceste injure sera admendee. (Arras, c.1392-1393, 239)

...attendue la necessité qui de present apert pour la guerre que l'en fait contre la ville de Paris et autrement (Baye, II, 1411-1417, 28)

...il n'estoit mie de present expedient ne convenable de faire executer lesdiz arrests et ordonnances (Fauq., I, 1417-1420, 69)

Sur quoy la Court, de present, n'a pas conclu ne deliberé de faire aucune declaracion ou ordonnance nouvelle (Fauq., II, 1421-1430, 6)

D'esbatement on lui fist plus de mille Tant qu'il n'y a serviteur ne famille Qui de present encores ne s'en sente (La Vigne, V.N., p.1495, 145)

De prime abord.

Remarque : HENRI FERR., Modus et Ratio T., c.1354-1377, gloss.

De beau present. Dès maintenant.

Bernard, a la conclussion, Je veult que soyés marié Tantost, ou mal lié me feyrés. Entrepris l'ay de bel present. (Myst. st Bern. Menth. L., c.1450, 3)

En present. Aussitôt, à l'instant, sur le champ.

Vierge, (...) Bien vous doy de cuer mercier (...) Quant m'avez, par vostre bonté, De la temptacion jetté Qui m'a esté faite en present. (Mir. st J. Cris., c.1344, 271)

'...Que savons nous, s'il li plairoit, Qui sans demander li donroit ? Mais je lo bien, s'il le demande, Qu'il soit dou tout en sa commande, Et li faisons ci en present Un courtois general present De tout quanque nous poons faire : En ce ne poons nous meffaire.' Voirs est qu'il fu ensement fait, Et j'en graciay moult le fait (Mach., D. Aler., a.1349, 372)

Je li envoiai cest escript Et elle tantost me rescript En la maniere et en la fourme Que cest[e] lettre m'en enfourme, Et ce rondelet m'envoia Que dedens sa lettre ploia, Et respont a celli desseure Qu'en present fis et en po d'eure. (Mach., Voir, 1364, 284)

Par ce message je vous envoie la balade T. Paien, et la response que je li fais, laquele je fis en present ; mais il fist devant et prinst toute la graisse du pot (Mach., Voir, 1364, 572)

Et tu leur monstreras celi Qui a esté enluminez, Et tantost si le m'amenez Ci en present. (Mir. st Panth., 1364, 339)

Faites venir ci en present Quelque malade ou mort present Et soit tenu (...) Pour dieu celui qui par prier Ou le malade garira Ou le mort resuscitera (Mir. st Panth., 1364, 345)

...je vueil parler A Ignace premiérement. Faites le venir erranment Cy en present. (Mir. st Ign., 1366, 79)

Adont n'i ot celui ne celle Qui ne li feist en present Bel et bon et riche present, Pour lui mener sans deshonnour Tout droit en la maison d'onnour. (Mach., P. Alex., p.1369, 4)

Et Joneche en present li dist, Qui onques ne li contredist (Froiss., Joli buiss. F., 1373, 189)

Il me plait que ce chien se enveille et, tout en present, que il aboie, mez garde soy de nous mordre. (Songe verg. S., t.1, 1378, 33)

...a celle femme en present Fist droit et satisfacion. (Chr. Piz., Chem. estude P., 1402-1403, 246)

BURGIBUS. Ton entreprise jamais ne parfera Le loquebault, brenacier glorïeux, Car sa folye en brief temps cessera Et si sera de tous poincts maleureux. AGRAPPART. Allons le faire en present douloureux Et luy monstrer ung tour qu'il ne scet pas. (La Vigne, S.M., 1496, 353)

Remarque : DESCH., Oeuvres Q., t.4, c.1370-1407, 275.

Pour le present. Pour l'instant, pour le moment.

Par ma foy, ma niepce, dist le conte, ja nul de nous ne s'en meslera [donner un nom à la forteresse] par dessus vous, car, par raison, puis que vous en avez tant fait que d'avoir assouvy si belle place comme ceste qui est pour le present la plus forte et la plus belle que j'aye veue, vous ly devez donner don [l. nom] a vostre gré. (Arras, c.1392-1393, 47)

Et cil dist que non, et que il n'estoit pas encores pour le temps, et que, comment qu'il eust pleu a Dieu que fortune lui feust pour le present contraire, si tenoit il son pere preudomme et loyal, et non coulpable de ce fait. (Arras, c.1392-1393, 64)

...et (...) pour le present n'y avoit nulles guerres apparens (Baye, I, 1400-1410, 34)

Quant a moy je conseilleroye N'en faire plus pour le present, Et qu'on deremparast la voye, [Et] pour peur d'inconvenient. (Myst. siège Orléans H., c.1480-1500, 467)

LE MESSAGIER. Garde n'avez qu'a cecy faire faille, Mais que je soye au roy de Barbarie. Pour abreger, temps est que je m'en aille ; Congé je prens de vostre seigneurie. L'EMPEREUR. Or ça, messieurs, vostre chevallerie Pour le present ne peult estre esprouvee ; Et touteffois humblement je mercye Ceulx de par qui la paix est controuvee. Je cuyde, moy, que Martin l'a trouvee Par sa devoste priere et oroison. (La Vigne, S.M., 1496, 253)

Le present. Pour le moment.

Item, s'ensuit la teneur des lettres patentes : 'Loys, par la grasse de Dieu roy de France, à nostre amé et feal cousin le conte de Dampmartin, grant maistre d'ostel de France, salut et dilection. Nous voulons et vous mandons que les chastel et ville du Quesnoy le Conte, dont le present avez la charge pour nous, que vous les baillés et mettez entre les mains de nostre amé et feal conseillier et chambellan le sire du Lude, gouverneur de Daulphiné, pour en faire et disposer ainsi que par nous luy a esté ou sera ordonné...' (Le Clerc, Interp. Roye, c.1502, 385)