PREDECESSEUR

adjectif et substantif masculin

[T-L : predecessor ; GDC : predecesseur ; FEW (IX, 287b) : praedecessor ; TLF (XIII, 1030a) : prédécesseur]

A. -(Celui) qui précède qqn chronologiquement (dans une dignité, une fonction, un domaine du savoir...).

Adjectif.

...lesdiz habitans et parroissiens sont tenus faire par chacun an au seigneur de Maulevrier certaines rentes et faisances, auquel ou à ces successeurs elles furent bailliés anciennement par les predecesseurs roys de France en assi[e]te par eschange de terre. (Hector De Chartres, Cout. R., 1398-1408, 141)

...et sont dignes de grans prerogatives et franchises, et ainsi leur ont acoustumé de pourveoir les predecesseurs Papes. (Baye, II, 1411-1417, 56)

...qu'il pleust à mondit seigneur le Dauphin, lieutenant pour le Roy, sur ce pourveoir et souffrir la collacion et disposicion demourer en l'ordonnance du Pape, comme par avant avoit esté en la disposicion de ses predecesseurs papes de Romme (Fauq., I, 1417-1420, 62)

...il vous apparoist que les prédécesseurs curés dudit suppliant ayent joui d'iceulx drois au temps et paravant la descente de nosditz anemis audit lieu de Touque (Cartul. Hôtel-Dieu Cout. L., 1451, 272)

Ptholomée Philopator, roy de Egipte, fut environ ce temps très sçavant en la science des estoilles, suivant la race de ses predecesseurs roys. (Simon De Phares, Astrol., c.1494-1498, f° 64 r°)

Substantif.

Et donques pour ce que noz predecesseurs ont laissié a traictier ce qui doit estre traictié de mectre les loys ou ne le ont pas souffisanment baillié, il nous convient a ce plus vaquer et entendre. (Oresme, E.A., c.1370, 540)

...entre lui et son predecesseur, curé dudit lieu, avoit très-grant noise et riote pour raison de ladite cure, que un chascun dist à lui appartenir (Reg. crim. Chât., II, 1389-1392, 109)

Noble et puissant roy, dist Remondin, il est bien verité qu'il a grant temps que un vostre predecesseur regna. Et fu du temps que Jossellins de Pont le Leon estoit jeunes homs (Arras, c.1392-1393, 56)

Alez, si leur dictes que, se ilz ne se sentent de viez temps meffait devers moy ou devers les ducs, mes predecesseurs, dont ilz n'ayent eu accord, qu'ilz me laissent passer seurement, se non qu'ilz le me facent savoir. (Arras, c.1392-1393, 175)

La premiere est que le saint Esperit revele aucunes foys a l'Eglise et aux [et aux] docteurs darrenier(e)s aucunes veritez ou exposicions de la saincte Escripture lesquelles il n'a pas revelé a leurs predecesseurs. (Gers., Concept., 1401, 420)

...mais s'il avoit cuer, bien le demonstra quant lui, se veant apovris par ses predecesseurs es guerres passées par long temps continuées, tant d'ommes comme de revenu et finances, oser esperer recouvrer le sien par effect de guerre. (Chr. Piz., Paix W., 1412-1413, 108)

Et après ce que ledit prevost ot esté interrogué, il dist que ses predecesseurs avoient acoustumé de prendre chappons desdis sergens (Fauq., II, 1421-1430, 87)

ANNAS. (...) Nos bons peres predecesseurs Desquels nous sommes successeurs Ce lieu cy mirent en honneur. (Marcadé, Myst. Pass. Arras R., a.1440, 111)

Et, après ledit trespas [de Louis XI] , son corps, depuis qu'il fut appareillé comme on a de coustume de faire, fut porté inhumer dudit lieu des Montilz en l'eglise Nostre-Dame de Clery, pour ce qu'il voulut et ordonna en son vivant que ainsy feust fait, et ne voult estre mis avecques les deffunctz très nobles roys de France, ses predecesseurs, en l'eglise et abbaye de Sainct-Denis en France. (Roye, Chron. scand., II, 1460-1483, 137)

CAŸPHE. C'est bon donc d'envoyer querir Anne, nostre predeccesseur : C'est ung tres bon conseil et seur (Myst. Pass. Troyes B., a.1482, 518)

...duquel Ionicus l'Escripture sainte fait mencion, et dient aucuns qu'il eut par grace science infuse, par especial la science de astrologie de par le Createur, laquelle il excerça plus amplement que n'avoient jamais fait ses predecesseurs. (Simon De Phares, Astrol., c.1494-1498, f° 14 v°)

Et que diray ge de la grant conqueste qu'on fait tes predecesseurs comme le roy Charlemaigne, sainct Loys et autres devant nommez (La Vigne, V.N., p.1495, 297)

B. -En particulier. au pluriel. Ancêtres.

Aussi ti bon predecesseur Qui furent plus grant amasseur D'onneur, et trop plus en avoient Que nuls, resgarde qu'il faisoient, Et tu feras tout le contraire De quanque tu vois ores faire. (Mach., C. ami, 1357, 129)

...messire J. de Bournonville, chevalier (...) a fait (...) boucher, murer et estouper certeinne poterne que ledit duc [d'Orleans] et ses predecesseurs, contes de Suessons, ont acoustumé d'avoir et tenir oudit chastel (Baye, II, 1411-1417, 106)

LE ROY DE PARTHE. (...) jadiz noz predecesseurs Furent du monde les greigneurs, Et nous sommes sy ravalez Par ces Romains, et sy folés, Qu'i fault que leur faisons hommaige Tous les ans, et payons treuaige (Myst. st Adr. P., c.1450-1485, 27)

Grant joye au cueur me redonde, Chier amy, de voustre venue, Car bien moustrés a vou personne Le lieu dom vous estes venus, Car j'ey bien aultre foys cognus, Amy, tous vous predecesseurs. (Myst. st Sébast. M., c.1450-1500, 52)

...et pour ce me suis appensee que vraiement il vous fault estre comme vos predecesseurs ont esté (La Sale, J.S., 1456, 187)