PRÈS

adverbe et préposition

[T-L : près ; GD : près1 ; FEW (IX, 365b) : presse ; TLF (XIII, 1097a) : près]

I. -Adverbe.

A. -[Dans l'espace] À faible distance, à proximité.

Et par aventure, c'est la cause pourquoy il samble que les estoilles fichiees sintillent et oilletent et les planetes ne sintillent pas, car elles sont pres (Oresme, C.M., c.1377, 448)

...laquele penne ilz vendirent IJ frans à un freppier demourant près et du costé des Carmes (Reg. crim. Chât., II, 1389-1392, 475)

...s'en vint a course de cheval vers le fort. Et quant il vint prez, si s'escrie en hault : Ouvrez la porte. Et ceulx si firent. (Arras, c.1392-1393, 204)

[Précédé d'un adv. d'intensité]

...pour ce que elles [les puissances] sont trop petites et trop pres, si comme est la puissance d'une chose visible. (Oresme, C.M., c.1377, 192)

Et quant il approucha un petit plus, il apperceut un hostel de pierre a maniere d'une chappelle (...). Et quant il approucha plus prez, il apperceut devant ledit lieu pluseurs dames, damoiselles, chevaliers, escuiers, qui lui firent moult grant feste (Arras, c.1392-1393, 29)

Dont fait le soudant renforcier l'assault de nouvelles gens ; mais ceulx de dedens se deffendent comme preux et hardiz, et aussi pour la fiance qu'ilz avoient du secours qui lors estoit bien prez. (Arras, c.1392-1393, 110)

Et tant erra par la mer qu'il choisi le port du Lymacon, et voit grosse navire devant la ville ; et quant il fu un pou prez, si oït sonner trompettes et getter canons moult horriblement ; et a l'approuchier congnut que c'estoit le gallaffre et le roy Braidimons de Tarse qui assailloient fort au port pour y prendre terre. (Arras, c.1392-1393, 130)

Et avoit assez prez un pou de bois qui duroit environ demie lieue (Arras, c.1392-1393, 228)

L'ENFANT. (...) Et vous de volunté entiere Je suivray, tant loing comme prés, Sans jamais me tirer arriere, Ains tousjours vous yray apprés. (La Vigne, S.M., 1496, 493)

Le plus près qu'on peut

Et l'escuier et sa route, quant ilz voient le pont abatu et la porte ouverte, si se traient le chemin le plus prez qu'ils porent. (Arras, c.1392-1393, 203)

Illec près. Près de là.

À laquelle jument, par l'ayde d'un petit fossé qui estoit illec près, il, par temptacion de l'ennemi, ot compaignie charnele à elle une fois. (Reg. crim. Chât., II, 1389-1392, 273)

...icelle Marion dist à lui qu'il l'attendeist à l'uis d'une femme qui vent illec porées jusques ad ce que elle feust revenue d'un hostel qui estoit illec près ouquel elle aloit pour certaines besoignes que elle disoit y avoir à faire. (Reg. crim. Chât., II, 1389-1392, 424)

À n lieues/journees près. À une distance de n lieues, de n journées.

...en la fin desquelz quinze jours il print son chemin en entencion d'aler à Vendosme ; et, en y alant, ainsy comme il fu à deux lieues près, il fu prins, lui et un autre compoignon du païs de Auvergne (Reg. crim. Chât., I, 1389-1392, 461)

Puis fonda a la Rochelle les tours de la garde de la mer et le chastel, et commenca une partie de la ville. Et avoit une tour grosse, a trois lieues prez, que Julius Cesar fist faire. (Arras, c.1392-1393, 79)

...et chevaucherent tant que ilz approucherent Couloigne a une journee prez. (Arras, c.1392-1393, 193)

Au plus près. Le plus près possible.

Et aloyent par devant eulx XXX. des plus haulx barons en noble arroy ; et devant eulx, au plus prez, estoit le grant maistre de Rodes et le cappitaine. (Arras, c.1392-1393, 117)

De près. À peu de distance.

...et pour ce que tous les compaignons le suivoient de près, print ledit linge et queuvrechié qui estoit au chevez du lit et le mist en son sain (Reg. crim. Chât., II, 1389-1392, 446)

De plus près

...icellui Rousselet se avança d'aler devant plus toust que ne fist lui qui parle, lequel le suy de plus près qu'il pot (Reg. crim. Chât., I, 1389-1392, 156)

Car tu ne me pues eschapper. Je te deffy de par Mahon, mon dieu. Par mon chief, dist Gieffroy, toy ne ton dieu ne prise pas un chief d'ail pourry. Car ja me trouveras de plus prez a ta pute estraine, se Dieu plaist. (Arras, c.1392-1393, 231)

Ilz ont ouy parler de nous, mais ilz nous verront de plus prez quant nous pourrons et il plaira a Dieu. (Arras, c.1392-1393, 285)

De trop près

Lors lui baillerent deux des chevaliers du pays qui le conduirent vers le lieu, mais ilz dirent bien tout coyement l'un a l'autre que ilz ne l'approucheroient [le géant] pas de trop prez et qu'ilz ne pourroient croire que Gieffroy peust avoir victoire vers lui. (Arras, c.1392-1393, 262)

De si près que

L'ystoire dit que Gieffroy et sa gent singloient par la mer a voile tendue et a force de vent qu'ilz orent a fin souhait, et approucherent fort la bataille. Le rampin qui les conduisoit se approucha de si prez qu'il les veoit a l'ueil. (Arras, c.1392-1393, 217)

Par assez près. Sans s'éloigner.

..il savoit bien que, quant Remondin partiroit, qu'il en yroit par assez prez, car la plus grant partie du pays de Guerrande estoit a lui. (Arras, c.1392-1393, 67)

Estre près voisin à qqn. Être un proche voisin de qqn.

Et comment, dist Uriiens, fut il oncques mais au lez par deca faire guerre que ceste foiz. Par foy, dirent ilz, non. Et qui l'a doncques, dist Uriiens, maintenant meu de passer la mer, puis qu'il est homme d'emprise ? J'ay grant merveille qu'il s'en est tant tenu, a ce que vous lui estes prez voisins, et aussi qu'il a grant puissance, si comme l'en m'a informé. (Arras, c.1392-1393, 93)

B. -[Marquant l'approximation] Presque.

Aussi comme il peut estre que le mouvement d'une nef est regulier ou pres et les honmes qui sont en la nef peuent estre meuz irregulierement en approchant ou en esloingnant les uns des autres (Oresme, C.M., c.1377, 422)

... car, quant le coup de meschief fu advenus a mon frere, il se party si soubdainement que je ne autres n'en ouy oncques nouvelles depuis. Et si a LX. ans ou prez. (Arras, c.1392-1393, 54)

Ce Jhesus est en paradis Monté en grant gloire anobly Et a enmené avec luy Tous ses enciens peres humains, Patriarches, prophettes sains En tel multitude a compter Que, quant je les ay veu monter, Je suis prest forcené de rage. (Myst. Pass. Troyes B., a.1482, 1039)

Près que. Presque.

Mais avant qu'ilz venissent au pont, furent arrivez bien VJ. mille chevaliers Sarrasins, qui fort approuchoient noz gens, et les avoient ja reboutez prez que juz du pont. (Arras, c.1392-1393, 101)

Valoir près que + adj. Être presque.

Faulx traitre, rens toi ou tu vaulz prez que mort. (Arras, c.1392-1393, 63)

Sire, dist ly admiraulx, se vous monstrez semblant a voz gens que vous soiez esbahiz, ilz valent prez que desconfiz. (Arras, c.1392-1393, 131)

Près que ... ne. Il s'en faut de peu que ... ne.

Et le jayant prent son flayel de plonc et en donne a Gieffroy grant coup sur le bacinet, si que prez qu'il ne fu tous estourdiz. (Arras, c.1392-1393, 247)

[Marquant le degré approximatif d'une estimation] (Jusqu')à un + subst. servant de réf. + près

Le chasteau de Sanguino tout ruyné jusqu 'a une maison pres (Chastell., Chron. IV, D., c.1461-1472, 98)

...et qui [le roi Charles VII] son royaulme avoit perdu a ung harpent pres par maniere de parler, l'a reintegré en son entier (Chastell., Chron. IV, D., c.1461-1472, 314)

Peu près. À peu près.

...de leurs estas n'est autrement record, ne ne scet où ilz sont demourans, ne puis icellui ou pou près ['depuis ce moment-là ou à peu près'] ne vit yceulx, lors tous demourans en la ville de Chaumont en Veucxin (Reg. crim. Chât., II, 1389-1392, 117)

À peu près que. Il s'en faut de peu que.

...en eurent au cuer très grant tristesse, et par espécial ladicte duchesse en fut si troublée qu'à peu près qu'elle ne mourut de dueil. (Monstrelet, Chron. D.-A., t.2, c.1425-1440, 212)

C. -Au figuré. [Idée fig. de proximité]

Au plus près qu'on peut de + subst. ou inf. Aussi proche que possible de.

...sa noble serour Marie, fille de Jehan, roy de France, (...) avoit supplié d'avoir la dicte hystoire à mon dessusdit seigneur, son tres chier et amé frere, lyquelz a tant fait qu'il en a sceu au plus prez de la droite verité qu'il a peu, et m'en a commandé a faire le traictié de l'ystoire qui cy après s'ensuit. (Arras, c.1392-1393, 1)

Monseigneur, et vous, madame, s'il vous plaisoit, il seroit bien temps que nous alissions adventurer pour acquerir l'ordre de chevalerie, car ce n'est pas l'entencion de nul de nous de le prendre, fors au plus prez que nous pourrons de l'avoir, comme Uriiens et Guyon, noz freres, l'ont eue, combien que nous ne sommes pas dignes de l'avoir si noblement ne en si nobles places, mais nous en ferons, se Dieu plaist, bonne diligence. (Arras, c.1392-1393, 146)

Et se fist Gieffroy figurer a la porte [de l'abbaye] , du hault et du grant de lui, et au plus prez que on le pot faire de sa semblance. (Arras, c.1392-1393, 294)

De près. Avec insistance.

Car le filz est object amable qui meut de pres le pere a ce que il soit plus amé. (Oresme, E.A.C., c.1370, 441)

De plus près. Avec plus d'intensité.

Et comme teles fortunes qui pueent avenir as amis charnels ou autres soient de moult de manieres et differentes et pueent estre les unes grandes, les autres petites, et pueent touchier les personnes, les unes plus ou de plus prés, les autres moins ou de plus loing en diverses manieres, qui voudroit particulierement diviser et parler de toutes les differences qui y peuent estre, ce sembleroit une chose infinie. (Oresme, E.A., c.1370, 137)

Tenir qqn de près. Exercer une surveillance rapprochée sur quelqu'un.

C'est tresbien dist puis nous verrons Tout ce qu'i voura fere après Mais tenons le tousiours deprès Puis y allés quant temps sera (Oudin, St Genis M.S., c.1490, 71)

II. -Préposition. locution prépositionnelle.

A. -[Dans l'espace ou dans le temps]

1.À peu de distance de.

... [ils] burent ensemble en la compaignie d'un brodeur et d'un autre dont il ne scet le nom, à l'enseigne de la Selete, prez Sainte-Oportune (Reg. crim. Chât., I, 1389-1392, 100)

Item, un an a ou environ, lui estant logiez au Pot d'Estain, près Saint-Jaques de l'Ospital, de nuit, print oudit hostel une houpelande courte (Reg. crim. Chât., I, 1389-1392, 169)

Près là où

Item, selon les astrologiens, le point appellé AUX est maintenant ou commencement de Cancer ou pres la ou est le tropique ou solstice d'esté. (Oresme, Pol. Arist. M., c.1372-1374, 298)

2.Locution prépositionnelle. Près de. À proximité de, à côté de.

Item, tant plus est tel corps sperique pres de celui qui l'enlumine aussi comme la lune pres du soleil, tant plus grande partie de sa superfice est enluminee. (Oresme, C.M., c.1377, 494)

Ce jour de samedi, le dessus nommé Jaquet de Lyembois fu ars prez de la justice, pour la cause cy-dessus escripte. (Reg. crim. Chât., I, 1389-1392, 231)

Item, cogneut que, en la ville de Louvry en Alemaigne, assez près de Mez en Lorraine, il, puis un an a ou environ, en un certain hostel où il avoit ouvré, trouva à part une houpelande, laquele il a vestue (Reg. crim. Chât., II, 1389-1392, 106)

Et voit on que, quant uns homs n'aura oncques yssu de sa contree, qu'il a des choses veritables assez prez de sa contree et region, que jamais ne vouldroit croire par l'ouïr dire, s'il ne le voit. (Arras, c.1392-1393, 4)

... il chassoit en une forest prez de la marine, en laquelle forest il avoit une moult belle fontaine. (Arras, c.1392-1393, 5)

Quant les Sarrasins apperceurent si grant navire venir vers eulx, si ne scorent que penser, car jamais n'eussent cuidié que telle puissance de crestiens feussent si prez de la. (Arras, c.1392-1393, 89)

L'ystoire nous tesmoingne que tant s'approucha l'escuier de Clerembaut par belles paroles, qu'il se vit prez du pont. (Arras, c.1392-1393, 203)

Lors, quant le soudant ouy dire a Gieffroy qu'il fuioit pour un homme seul, si ot grant vergoingne. Et se voit a la corniere du bois prez de son ost, ou propre lieu ou Gieffroy avoit assise l'embusche la matinee. (Arras, c.1392-1393, 231)

...et tant le chaca d'estage en estage qu'i vint au derrenier, prez du toit. Et le conte avise une fenestre qui yssoit sur le toit, et monte sus, et Gieffroy le suit, l'espee traicte, et le cuide ferir. (Arras, c.1392-1393, 268)

Et, durant ledit temps, fist faire bien grant quantité de boules de fer es forges estans es bois prés de Creil, dont il bailla la charge à maistre Jehan de Reilhac, son secretaire. (Roye, Chron. scand., II, 1460-1483, 63)

Au plus près de

...tant que finablement elle [une chose pesante] repose au plus droit et au plus pres du centre que elle peust. (Oresme, C.M., c.1377, 572)

Et estoit Remondin tousjours au plus prez de lui [du comte] , sur un coursier, l'espee ceinte et l'espie au col. Lors vindrent en la forest, et commenca la chace. (Arras, c.1392-1393, 18)

...et quant il les eust tous assamblez, se conclud de parachever sadicte conqueste, et qu'il seroit en personne ou pays, et au plus prez de ses gens, affin que les choses se feissent plus seurement (Escouchy, Chron. B., t.1, c.1453-1460, 305)

À + indication de distance + près de

Et alerent tant avant que ilz approuchierent a une lieue prez de la forest ou le recept au chastellain estoit (Arras, c.1392-1393, 70)

Prép. + près de

Et lors part le rampin, et vint jusques prez de la bataille (Arras, c.1392-1393, 217)

3.[Dans le temps] Près de

Cy nous tesmoingne l'ystoire que tant comme Remond vesqui, Gieffroy et Thierry, son frere, le visiterent une foiz l'an. Et estoit assez prez du terme que ilz devoient mouvoir (Arras, c.1392-1393, 288)

Près de jour. Sur le point de faire jour.

Lequel ot compaignie charnele une foiz à elle qui parle, et tant que quant tout ce fu ainsi fait, il estoit près de jour. (Reg. crim. Chât., II, 1389-1392, 511)

Estre près de faire qqc. Être sur le point de faire qqc..

Et pour utilité il quierent gens appeléz demos ; c'est a dire, gens de grande industrie qui soient prés de faire la volenté et le commandement des seigneurs. (Oresme, E.A., c.1370, 425)

B. -[Idée d'approximation, en partic. avec un numéral] Près de. Presque.

Et je disoie notablement que pres de la moitié de la superfice de la lune est devers nous et non pas la moitié (Oresme, C.M., c.1377, 494)

Item, se le pole estoit grandement et pres de equalement eslevé sus .II. cités aussi comme, pour exemple, sus Paris et sus Prague qui sont bien distantes, et un homme alast de l'une a l'autre sans approchier ne esloingnier du pole, il ne yroit pas par si brieve voie comme se il se approchoit du pole par la moitié de la voie et par l'autre moitié s'en esloignast (Oresme, C.M., c.1377, 576)

Et Uriien et sa gent suivent payens a desray, qui s'en vont grant aleure. Tous ceulx qui estoient attains estoient mors, et dura l'occision prez de cinq lieues. (Arras, c.1392-1393, 102)

... je vous jure ma foye que je feroye Regnault, vostre frere, roy de Behaigne après le decez de mon frere le roy, qui est ainsnez de moy bien prez de XX. ans (Arras, c.1392-1393, 173)

Je croy qu'il ont beaucoup a faire, On m'a dit, y a pres d'un mois, Que le siege y est tout notoire, Et a grant puissance d'Engloys. (Myst. siège Orléans H., c.1480-1500, 202)

C. -Au figuré. [Idée fig. de proximité] Près de

Et meisme pres de nostre propos, lisons nous que Dieu queuvre le ciel de nues (Oresme, C.M., c.1377, 530)

[À propos d'un degré de parenté]

Povre fol, n'es tu pas descendu de la lignie du roy Guion, qui fu filz Melusigne, ma seur, et je suis ta tante, et tu es si prez de mon lignaige, posé que je me voulzisse assentir a toy avoir, que l'eglise ne s'i vouldroit pas accorder. (Arras, c.1392-1393, 305)