POPULAIRE

substantif masculin

[T-L : populaire ; GD : populaire ; GDC : populaire ; FEW (IX, 177b) : popularis ; TLF (XIII, 776a) : populaire]

I. -Adjectif.

A. -Du peuple, du petit peuple.

Car celui qui vitupere delectacion et puis il l'appete et poursuit aucune delectacion, il encline par son fait la multitude populaire a delectacion et a croire que toute delectacion soit a poursuir et bonne. (Oresme, E.A., c.1370, 497)

...et au peuple qui demoura il donna cappitaines qui estoient populaires, pour eulx gouverner. Et par ainssy il [Alexandre] gaigna l'amour des princes, pour l'onneur qu'il leur faisoit, et aussy l'amour du peuple, pour ce qu'il leur bailla gouverneurs de leur sorte (La Sale, Salade, c.1442-1444, 58)

Homme populaire. Homme du peuple.

Mais les hommes populares et avers orent et prient pour telz biens et les desirent et parsuient. (Oresme, E.A., c.1370, 277)

Le premier homme populaire (Marcadé, Myst. Pass. Arras R., a.1440, 208)

Gent populaire. Le peuple, le petit peuple.

Pharisïens, durs ypocrites, Les loix des prophettes escriptes Preschez a la gent populaire, De quoy vous ne voulez riens faire. (Myst. Pass. Troyes B., a.1482, 410)

Leur murmure bien peu nous touche Se aulcuns s'en veulent esmouvoir : Se sont gens qui sont sans pouoir, Gens de commun, gens populaire, Qui ne font que crier et braire (Myst. Pass. Troyes B., a.1482, 991)

Remarque : GRÉBAN, Pass. J., c.1450, gloss.

À Rome, plébéien.

Remarque : MAMEROT, Romuleon D., 1466, gloss.

B. -Favorable au peuple.

...laquele prosecucion estoit juste et populaire et plaisant et favorable au pueple tant aus grans comme as petis (Bers., I, 9, c.1354-1359, 33.5, 59)

...mais, je vous pri, de quele partie sont ici dihome ? Populere [trad. lat. popularis] , dist il, ne sont il pas quar pour le peuple ne font il noyent ; patricien ne sont il mie quar il ha ja pres d'un an que li patricien n'eurent senat (Bers., III.39, c.1354-1359, ms. Paris, B.N.F., nouv. acq. fr. 27401, f° 233c)

...de l'assentement de tous cilz homs est opprimez, pource que il estoit populaires et favorablez au pueple ; et pour ce il est li premiers qui de patriciens s'est fait plebeyens (Bers., VI.20, c.1354-1359, ms. Paris, B.N.F., fr. 263, f° 120a)

C. -Aimé du peuple.

Et depuis lors en avant commencerent les Fabiens a estre fort populaires, c'est en l'amour du peuple ['populaires... peuple' trad. lat. popularis] (Mamerot, Romuleon, 1466, II.17, f° 57c)

D. -Ouvert au peuple, au public.

...de publiques messes et populaires (Jean Golein, Rational B.D., c.1370-1372, 266)

II. -Substantif masculin.

A. -[Gén. au plur.] Homme du peuple.

Et devons savoir que ceulz qui mectent felicité estre en deliz ou es biens dehors, ce sont les rudes populaires. (Oresme, E.A., c.1370, 125)

Car la multitude des populaires jugent des choses dehors, pour ce que tant seulement ilz sentent, apparçoivent et cognoissent teles choses. (Oresme, E.A., c.1370, 529)

Et pour ce, le commun et les populaires jugent plus selon la beauté du corps en tele chose. (Oresme, Pol. Arist. M., c.1372-1374, 55)

Nostre Seigneur mettra affliction en terre et la viedera de ses habitans, et sera le prestre si comme le populaire et le seigneur si comme son serf. (Oresme, Pol. Arist. M., c.1372-1374, 319)

...et meismement sont aucuns auteurs, qui dire veulent que les populaires soient plus convenables es fais d'armes et batailles que les gentilz hommes, et meismement ceulz des villages (Chr. Piz., Faits meurs Ch. V, S., I, 1404, 200)

Et encores à propos de l'amour que Dieu a demonstrée à peuple, qui est grant approbacion que il aime les populaires, et n'est à presumer que moins ayme, si que dit est devant, son peuple crestien qu'il faisoit cellui des juifs, si dirons aucunes choses de l'amour que il demonstra au dit peuple si qu'il est contenu en la Sainte Escripture (Chr. Piz., Paix W., 1412-1413, 127)

...tendans ycelles paroles à fin de sedicion pour esmouvoir aucuns populaires de ladicte Ville à tuer et mettre à mort lesdis gouverneurs et officiers (Fauq., I, 1417-1420, 295)

...et en iceulx prins plusieurs prisonniers, vivres et biens et menez en leurs places contre la tresve faicte entre le roy et lui, se mirent aux champs plusieurs des compaignies de l'ordonnance du roy estans es garnisons d'Amiens, Beauvais, Saint-Quentin et autres lieux, jusques au nombre de IIIIc lances et autres populaires, qui pareillement alerent courir sur lesdiz Bourguignons et jusques dedens les faulxbourgs d'Arras, où ilz coucherent une nuit entiere. (Roye, Chron. scand., I, 1460-1483, 324)

Remarque : Doc.1338 ds DU CANGE (TLF).

B. -[Sing. à valeur coll.] Peuple, petit peuple.

...tant de gens de guerre comme populaire (Chart. J., Chron. Ch. VII, V., t.2, c.1437-1464, 246)

...ce duc d'Yorck, qui avoit après luy et à sa suite moult grand nombre de populaire en armes, se mit aux champs (Chart. J., Chron. Ch. VII, V., t.3, c.1437-1464, 122)

Noble doit servir l'Eglise (...) Et garder son populaire (Taillev., Psaut. vil. D., a.1440, 119)

Et, ces choses faictes, lui fut dit et remonstré par les gens d'eglise, les nobles, bourgois et populaire d'icelle ville, qu'ilz se rendoient et demouroient du tout ses vrais et loiaulx subgetz, tous bien deliberez de vivre et mourir pour lui et jusques au derrenier homme. (Roye, Chron. scand., I, 1460-1483, 147)

Et, à l'eure dudit assault, la plus grande et saine partie des habitans d'icelle cité s'enfouirent et retrahirent et laisserent ung peu de populaire comme femmes, enfans, prestres, religieuses et vielz et anciens hommes, qui tous y furent tuez et murdris. (Roye, Chron. scand., I, 1460-1483, 217)

...si les nobles et autres de ladicte ville tenans fiefz et arrière fiefz estoient contraincts à partir de ladicte ville pour nous servir en noz guerres, icelle ville pourroit demourer sans garde et entre les mains des gens mecaniques et pouvre populaire de ladicte ville (Doc. Poitou G., t.11, 1472, 317)

Illec autour d'entre sept a huit mille A quatre villes, ou gist grant populaire, Appartenans au dit messire Virgille Et dont il est seigneur proprietaire. (La Vigne, V.N., p.1495, 228)

Le populaire. Le peuple, le petit peuple.

Desquels païs les nobles et le populaire ont esté tousjours faulx et rebelles à la coronne de France (Chart. J., Chron. Ch. VII, V., t.2, c.1437-1464, 240)

Car vous veez le populaire Qui du tout a Jhesus veult plaire. Quant Romains ces fais cy orront, Dessus nous venir ils porront Et osteront no seignourie Et sera du tout abolie (Marcadé, Myst. Pass. Arras R., a.1440, 110)

Et tantost après ladicte exposition faicte, ledit peuple, qui estoit de legiere creance, se esmeut pour faire guerre à l'encontre dudit roy Henry de Lancastre et de la royne sa femme, fille du roy René de Cecille et de Jherusalem, et du prince de Galle, leur filz. Et print le dit populaire pour leur capitaine le comte de Warwyk, qui estoyt capitaine de Calais, pour et au lieu de Richard, duc d'York, qui vouloit et pretendoit à estre roy dudit royaulme, qui maintenoit à luy duyre et competter ledit royaulme d'Angleterre comme prouchain heritier de la lignée et du cousté du roy Richard. (Roye, Chron. scand., I, 1460-1483, 6)

Et n'est point à doubter que ce populaire mal conduit, sans sens et sans raison, estoit deffait et tout mors, se le bon prince, vostre pere, leur eust courut sus (La Marche, Mém., I, c.1470, 173)

Je conseille qu'ung reciproque On luy donne tout en lourdois, Puis voise compter par ses doitz Ses fabuses et paraboles, Qui ne sont que vaines parolles Pour endormir le populaire ! (Myst. Pass. Troyes B., a.1482, 592)

Thebicq fut le plus subtil de son temps et sur les jugemens particuliers jugea choses à merveilles precises, selon que recite Manabize, son disciple, dont il fut moult aprecié des princes et du poppullaire. (Simon De Phares, Astrol., c.1494-1498, f° 117 v°)

Cestui predist aux Juifs sur sa prenosticacion qu'il fist l'an [mille] IIIcIIIIxx leur exil et comme le poppullaire leur courroit sus. (Simon De Phares, Astrol., c.1494-1498, f° 144 v°)

Et les archers, dont il avoit la charge. Toutesfoyz, pour ce qu'il avoit toujours esté du party du duc de Bourgoigne, le populaire de France n'estoit pas bien asseuré de luy et en murmuroit bien fort. (Le Clerc, Interp. Roye, c.1502, 255)

[Sujet d'un verbe qui s'accorde au plur. par syllepse]

Et après aloient monseigneur de Gaucourt, lieutenant du roy à Paris, les prevost des marchans et eschevins de ladicte ville, les president et conseillers de Parlement, Chambre des Comptes et autres officiers d'icelle ville. Et après, le populaire aloient en grant et merveilleux nombre, qu'on estimoit à cent mil personnes et mieulx. (Roye, Chron. scand., I, 1460-1483, 330)