PLAIRE

verbe

[T-L : plaire ; GDC : plaire ; DECT : plaire ; FEW (IX, 1a) : placere ; TLF (XIII, 474a) : plaire]

I. -Emploi transitif indirect. Plaire à qqn. Être agréable à qqn, être au gré de qqn, être à la satisfaction de qqn.

A. -Qqn plaist à qqn

Car se tant de gens plaisoient forment a aucuns, il conviendroit que il feïst a chascun de euls plaisance (Oresme, E.A.C., c.1370, 424)

Nous vous prions qu'a un bon filz, Nostre ami, la vueilliez donner [la fille] (...) ; Et quant on le vous nommera, Sa personne assez vous plaira (Mir. st Alexis, 1382, 295)

Monseigneur, cent mille mercis, car je croy, quant vous venrez la et vous aurez veue la dame, qu'elle vous plaira moult. (Arras, c.1392-1393, 37)

...elle [Mélusine] n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. Et vous requier, comme a mes seigneurs et amis, que vous ne m'en enquestez plus, car plus avant vous n'en povez par moy savoir. Et toute telle qu'elle est, elle me plaist. (Arras, c.1392-1393, 44)

Tu plairas à tous se tu dis pou et faiz assez de biens (Chr. Piz., Paix W., 1412-1413, 168)

...les femmes de Brabant sont bien aultres, qui me plaisent bien autant et plus que voz chasses et voleries (C.n.n., c.1456-1467, 175)

Pensez qu'il fut bien esbahy et dist : 'Oncques ne me pleurent ces papelars...' (C.n.n., c.1456-1467, 221)

Ma filhe, sus, diligenment ; Faictes vous coinde et jolie Pour plaire a la companie. Il vous fault faire une morisque. (Pass. Auv., 1477, 89)

Mytrart, il nous fault advancer Pour plaire a ma damoyselle, Que tant est gracïeuse, belle ; Pour se luy fault faire plaisir. (Pass. Auv., 1477, 89)

Il [Jean-Baptiste] me plaisoit Quant il preschoit un autre roy. (Pass. Auv., 1477, 97)

Nous sommes tresbien aubergés Avec Jhesus, qui fort me plaist (Pass. Auv., 1477, 120)

Je ne scey coment elle croit, Maiz elle plait a nostre maistre. (Pass. Auv., 1477, 155)

B. -Qqc. plaist à qqn

Alons touz ensemble chantant Ce chant (...) Qui a la vierge moult plaira (Mir. femme roy Port., c.1342, 202)

...je puisse Telle restitucion faire Qui a saint Pierre et lui puist plaire Et agreer. (Mir. pape, 1346, 389)

Si comme se l'un est tres bel et l'autre est lait, mais il a aucunes contenances qui plaisent a l'autre. (Oresme, E.A.C., c.1370, 420)

Et puis [le roi] regarde d'autre part, et voit la table mise, et la nappe belle et blanche dessus, et y voit moult de nobles mez. Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. (Arras, c.1392-1393, 303)

Il ne te fault ne mais avisier a toutes choses qui plaire te porroyent. (Chr. Piz., Trois vertus W.H., c.1405, 13)

Lors les monstra a Gillebert, qui moult lui pleurent, et, pour abregier, en briefs jours le bracelet fut fait. (La Sale, J.S., 1456, 82)

...nulle viande tant ne luy plaisoit que pastez d'anguilles. (C.n.n., c.1456-1467, 81)

Beaucop aussi au bon marchant pleut la courtoisie de sa nouvelle dame (C.n.n., c.1456-1467, 147)

...[il] faisoit mommeries, bancquetz et generalement tout ce qu'il pensoit qui peust plaire a sa dame luy estoit possible, et le faisoit. (C.n.n., c.1456-1467, 343)

...il fut choisy et noté, et pleut tresbien sa doulce maniere et gravité a la damoiselle. (C.n.n., c.1456-1467, 569)

Tel festiement pas ne me plait Que aussi desplait A mon seigneur le roy, mon frere. (Pass. Auv., 1477, 107)

Vostre pascience precïeuse Me plait fort, ma doulcete amie. (Pass. Auv., 1477, 280)

En particulier. [Dans une réponse] Ce/cela me plaist. Volontiers.

Atant es vous ses gens qui le queroient, et lui dirent qu'ilz avoient prins le cerf, et le roy leur dist : Ce me plaist. (Arras, c.1392-1393, 8)

Par foy, dist le roy, nobles damoisiaux, ja soit ce que ne soie pas dignes de vous acomplir ceste requeste, si le vous accorde je. Mais avant sera la messe dicte. Sire, dist Uriien, ce me plaist moult. (Arras, c.1392-1393, 118)

Et, par Dieu, cella me plait bien ! Encore ay je part en ce jeu. (Pass. Auv., 1477, 202)

II. -Emploi impersonnel.

A. -Cela est au gré de qqn, cela convient à qqn, cela est conforme aux souhaits de qqn (à savoir...).

1.Il plaist à qqn

Ma chiére dame, je vieng ci Esbatre moy avecques vous ; Vous plaira il bien, fin cuer doulx ? (Mir. st J. Cris., c.1344, 270)

Biau pére, puis que bon vous semble, Moult bien me plait. (Mir. ev. N.D., c.1348, 87)

Je ne parleray point à vous, ne vous salueray aucunement, s'il ne me plaist, ne ne vous diray aussi se je suis bien ou mal de vous. (Reg. crim. Chât., II, 1389-1392, 62)

Et sachiez, sire chevaliers, que je ne seray mie longuement seule quant il me plaira. Mais j'en ay envoyees mes gens devant pour le grant plaisir que j'avoye prins en ce bel lieu ou je me deduisoye maintenant, comme vous avez ouy. (Arras, c.1392-1393, 7)

Et sachiez que vous [Olivier] ne monstrez pas que vostre pere ait bonne querelle. Et descy je vous donne journee, a la requeste du chevalier, de la bataille, au jour qu'il lui plaira assigner. Par ma foy, sire, dist Remondin, et il me plaist tout maintenant. J'ay mon harnaz tout prest. (Arras, c.1392-1393, 60)

...audit office de greffier, que icellui du Bois lui resigneroit en la main du Roy ou cas qu'il plairoit à ladicte Court (Fauq., I, 1417-1420, 12)

'Madame, il y a bon remede, s'il vous plaisoit. - Creez qu'il ne me plaist pas, dit elle...' (C.n.n., c.1456-1467, 142)

...je l'ayme autant icy que ailleurs, puis qu'il vous plaist ; mais il me semble bien petit pour y mectre voz robes [D'un bahut que le mari juge mal placé] (C.n.n., c.1456-1467, 184)

...si n'eussions sceu de vray qu'il n'eust pas bien pleu a madamoiselle, encores y fussez vous. [Le mari a été enfermé dans un coffre] (C.n.n., c.1456-1467, 189)

Elles s'en pevent bien aller quand leur plaira, monseigneur, dist maistre Jehan. (C.n.n., c.1456-1467, 225)

Chacun s'assist et print sa place ou mieulx luy pleut (C.n.n., c.1456-1467, 238)

Nostre bonne bourgoise habandonna son mary, et le laissa toute la nuyt rencouller avec les colons, a qui ne plaisoit gueres (C.n.n., c.1456-1467, 510)

Tant... qu'il plaist à qqn

Et par aventure, des ce que Dieu crea les cielz, Il ordena et deputa angels qui ainsi les moevent et mouvront tant comme il Lui plaira. (Oresme, C.M., c.1377, 288)

Comment ! sire chevalier, dist le roy, estes vous cy venus pour preschier ? Petit y povez conquester, car pour vous ne pour voz maistres ne lairray je pas mon entreprise, mais tant povez preschier qu'il vous plaira, car je y pren mon esbatement. (Arras, c.1392-1393, 158)

Et fut par eulx advisé que les dictes treves seroient alongees et continuees tant qu'il plairoit au roy pour aucunes raisons ad ce le mouvans. (La Vigne, V.N., p.1495, 307)

S'il plaist à. Si cela convient à.

Lors vindrent a leur pere et a leur mere, disant moult humblement : Monseigneur, et vous, madame, s'il vous plaisoit, il seroit bien temps que nous alissions adventurer pour acquerir l'ordre de chevalerie (Arras, c.1392-1393, 145)

Et s'il vous plaist veoir comment j'en suis eschappée et en quel point il est, venez en bas, vous le verrez. (C.n.n., c.1456-1467, 119)

...s'il vous plaist ceans laisser cest enfant, je vous promectz, par ma foy, s'il vous plaist ainsi faire, je vous donneray le premier que j'aray jamais. (C.n.n., c.1456-1467, 149)

...auquel lieu par nostre heritier, nostre très redoubté monseigneur le roy, lequel, s'il luy plaist, nous instituons nostre principal executeur, et par noz autres executeurs de cestuy nostre testament et derniere volunté ci après declairé, soit procuré nostredit corps estre honnestement ensevely, à la louenge de Dieu, non pas à la pompe et orgueil mondain (Le Clerc, Interp. Roye, c.1502, 283)

[Empl. conjoint avec sembler bon]

Par ma foy, monseigneur, dit l'autre, s'il vous plaist et semble bon, vous assemblerez tous vos subjectz (C.n.n., c.1456-1467, 221)

...me venez veoir jusques en ma chambre ? ou si mieulx vous plaist et bon vous semble, je viendray bien vers vous. (C.n.n., c.1456-1467, 247)

Ce qu'il plaist à qqn / quelle chose il plaist à qqn / telle chose qu'il plaist à qqn / quelque chose qu'il plaist à qqn

LA CHAMBERIERE. (...) Vous plaist il rien ? ['souhaitez-vous qqc. ?'] (Mir. enf. ress., 1353, 33)

Nous ferons ce qu'il vous plaira, Treschier sire (Mir. st Lor., 1380, 161)

Et, après ce, nous dist et requist que pour Dieu merci nous le feissions mettre jus, et que il nous diroit tout, et que nous feissions de lui ce qu'il nous plairoit. (Reg. crim. Chât., I, 1389-1392, 17)

Dont, pour celle cause, nous devons tant plus penner de voyagier pour acquerre honneur. Par foy, dist Guyon, vous dictes verité, mais pourquoy le dictes vous ? Je sui tout prest de faire ce que il vous plaira. (Arras, c.1392-1393, 81)

...vous ferez ce que vous devez. Or m'en respondez ce que il vous en plaira a faire. (Arras, c.1392-1393, 158)

Or demandez quelque don qu'il vous plaira des choses terriennes, honnourables et raisonnables, et vous l'aurez sans arrester. (Arras, c.1392-1393, 304)

...et ce seroit signifié au Chancellier pour avoir audience à tel jour que plairoit au Roy (Baye, II, 1411-1417, 48)

Et vray Dieu, qu'est cecy ? Fay de moy tout ce qu'il plaist (C.n.n., c.1456-1467, 101)

...vous direz ce qu'il vous plaira ; mais, par ma foy, il fault necessairement que j'entre ung petit dedans. (C.n.n., c.1456-1467, 218)

...[il] descendit, garny de son espée, parler aux quatre ribaulx, leur demandant tresdoulcement quelle chose il leur plaisoit. (C.n.n., c.1456-1467, 549)

...s'il demandoit quelle chose il plairoit a la damoiselle, elle luy respondist que rien n'en savoit (C.n.n., c.1456-1467, 570)

Il plaist à qqn (à) + inf.

Sire, tout est prest et a point, Quant il vous plaira a disner. (Mir. chan., c.1361, 146)

Mais il le vous plaira garder [ce present] , Sire, pour l'amour du preudome Qui le vous envoie (Mir. st Val., c.1367, 133)

Et quant vous plaira estre faiz Ce mariage ? dites, sire. (Mir. ste Bauth., c.1376, 88)

Vous plaira il, sire, a moy dire De quelx gens il est et son nom... ? (Mir. st Alexis, 1382, 295)

Sire, vous plaira il moy dire Que me voulez ? (Mir. st Alexis, 1382, 324)

Item, que s'il plaist au roy lui pardonner ce que dit est, il fera bon François Geraut du Seel, Denti Marchez et XXX autres gentilzhommes, et feront de moult grans prouffiz au roy. (Reg. crim. Chât., II, 1389-1392, 181)

Or dit l'ystoire que tant porta le cheval Remondin, ainsi pensif et plein d'ennuy et de meschief qui lui estoit advenu, qu'il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre ; ne Remondin ne voit ne oit ne entent. (Arras, c.1392-1393, 24)

Sire, dist Remondin, grans mercis. Sire, je ne vous demande autre don fors que vous me veuilliez accorder au dessus de la Fontaine de Soif, es roches haultes et es haulx boys et desrubaux, ou il le me plaira a prendre, tant que un cuir de cerf pourra enclourre, et après la clouture, le long de tous lieux en esquairre. (Arras, c.1392-1393, 32)

Et descy je vous donne journee, a la requeste du chevalier, de la bataille, au jour qu'il lui plaira assigner. (Arras, c.1392-1393, 60)

...et lui supplier qu'il lui plaise à en estre content (Fauq., II, 1421-1430, 314)

...afin que de son povoir il lui plaise soy emploier à l'entretenement dudit saint concil (Fauq., III, 1431-1435, 52)

...puis qu'il vous plaist me secourir, je ne seray ja cause de ma mort (C.n.n., c.1456-1467, 537)

Par ressussitacion estoit mien Pour ce qu'il m'a pleu le souver. (Pass. Auv., 1477, 131)

Touchant le fait d'Avennes, dont aussi, Sire, il vous a pleu m'escrire par unes autres lettres, j'en ay parlé à Mons. de Lebret plusieurs foiz par avant et depuis voz lettres receues ; mez il m'a tousjours dit qu'il y a fait le mieulx qu'il a peu, et qu'il vouldroit que le feu fust en la ville et ou païs puisqu'ils ne se veullent mettre en vostre obéissance. (Le Clerc, Interp. Roye, c.1502, 363)

Il plaist à qqn que

...si vous pri qu'il vous plaise Que par congié je puisse aler A une moie antain parler (Mir. abbeesse, 1340, 76)

...mais il ne vouloient pas et ne leur plaisoit pas que leurs persecuteurs pechoient. (Oresme, E.A.C., c.1370, 312)

...mais est verité que plusieurs fois ledit defunct Telier dist à lui qui parle qu'il ne lui plaisoit point qu'il alast ne venist vers sadite femme (Reg. crim. Chât., I, 1389-1392, 275)

Laquelle confession ledit visconte envoye (...) pour avoir sur ce advis, et luy remander s'il leurs plaist, ce que il leur plaira qu'il en soit fait. (Reg. crim. Chât., I, 1389-1392, 381)

Puis vous faictes venir delivrer vostre place laquelle vous trouverez toute tracee et ordonnonee ou il me plaira que vostre place se comporte. (Arras, c.1392-1393, 31)

...ledit mareschal avoit dit que de ce et de ses autres choses de ce royaume lui plaisoit que le duc de Berry en feist à sa volenté (Baye, I, 1400-1410, 147)

...sommes contens et nous plaist que nostredit Chancellier demeure en nostredicte ville, sans ce qu'il en parte point jusques il ait autres nouvelles de nous. (Baye, I, 1400-1410, 250)

...je vous veil aider a garir. Je suis contente et me plaist bien pour vostre garison et santé (...) que je vous preste le lieu pour bouter vostre doy malade (C.n.n., c.1456-1467, 537)

...s'ilz alloient quelque part dehors, tresbien leur plaisoit que donne Margarite aidast a garder le mesnage (C.n.n., c.1456-1467, 303)

Puis qu'il vous plaist que je le dye, je vous obeiray. (C.n.n., c.1456-1467, 537)

Mon amy cher [Jésus] Vouldroiz toucher, - tant est parfait, Puis qu'il luy plait Que soit deffait - le mal de m'ame (Pass. Auv., 1477, 151)

2.En particulier. Il plaist à Dieu

...et en donra Dieu la victoire a qui qu'il lui plaira. (Arras, c.1392-1393, 157)

Mon enfant, de vous suis deslivre, Puis qu'a Dieu plait. (Pass. Auv., 1477, 130)

S'il plaist à Dieu

Non contrestant, puis qu'il ne peut autrement estre, je partiray de ces marches et m'en yray querir adventure en lieu ou je pourray esperir mon pechié, s'il plaist a Dieu. (Arras, c.1392-1393, 23)

Appaisez vous, dit il ; s'il plaist a Dieu et a monseigneur saint George, je reviendray de bref. (C.n.n., c.1456-1467, 129)

Se Dieu plaist

Bien me deffendray, se Dieu plait, Contre vous, sire. (Mir. Amis, c.1365, 28)

... vous serez tantost gueriz, se Dieu plaist. (Arras, c.1392-1393, 244)

...si Dieu plaist, quand il sera possible, je feray autant pour luy, si je puis. (C.n.n., c.1456-1467, 42)

LE CRESTIEN. Se Dieu plaist, il nous aydera. Fortune n'est pas toujours une. (Mir. st Nic. juif, c.1480-1500, 98)

(Il) plaist à Dieu (à/de + inf.)

LE BOURGOIS. (...) Mais s'il plaist a Dieu moy aidier (Mir. enf. ress., 1353, 13)

Monseigneur, dist Remondin, puis que il me souffist, il vous doit assez souffire, car je ne pren pas femme pour vous, a mon escient, mais la pren pour moy ; si en porteray le dueil ou la joye, lequel il plaira a Dieu. (Arras, c.1392-1393, 36)

...nous ne devons pas ressoingnier la mort ou l'adventure qu'il [Jésus-Christ] lui plaira a nous donner, pour soustenir les sains sacremens qu'il nous a administrez pour le salut de noz ames (Arras, c.1392-1393, 108)

Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (Arras, c.1392-1393, 108)

Pere Saint, la ay je devocion de moy aler rendre pour hermite, se il plaist a Dieu. Et la prieray Dieu qu'il lui plaise faire allegement a ma moillier. (Arras, c.1392-1393, 271)

...tous sommes néz pour aler celle voye quant lui plaira [à Dieu] . (Chr. Piz., Trois vertus W.H., c.1405, 83)

3.[Dans une réponse]

Il me plaist. Voilà qui me convient.

LE JUGE. (...) Tost menez m'y. LE SERGENT. Sire, il me plaist, par Saint Remy ; Or me suiez ; devant iray. (Mir. enf. ress., 1353, 35)

Sire, dist ly chevaliers, vous dictes vostre courtoisie, mais ma damoiselle est saige assez pour ce que on doit faire. Sire, elle m'a commis, moy et mes compaignons, de ce faire [vous remercier d'assister à ses noces] . Sire chevaliers, dist ly contes, il me plaist bien. (Arras, c.1392-1393, 38)

Si comme il vous plaira/ ainsi qu'il vous plaira. Comme il vous conviendra.

Beau nepveu, nous demourrons cy tant que la lune sera levee. Remondin dist : Si comme il vous plaira, monseigneur. Il descendy, et prist son fusil, et fist du feu. (Arras, c.1392-1393, 19)

Beaulx amis, je donray demain congié a la plus grant partie de noz gens qui sont icy venuz a nostre feste, car il nous fauldra ordonner autre chose que vous verrez assez prouchainement. Et Remondin respondi : Ainsi qu'il vous plaira. (Arras, c.1392-1393, 45)

B. -[Pour formuler un voeu, un souhait]

1.Plaise à qqn (à/de) + inf.

LE BOURGOIS. (...) Doulce mere Dieu, je vous proy De cuer, plaise vous sauver moy Ma doulce compaigne loyal (Mir. enf. ress., 1353, 23)

Chiers sires et amis, toute recommandacion devant mise, plaise vous savoir que mardi derrenierement passé, je feys excecuter un malfaitteur nommé Thevenin Tout Seul, pour ses demerites, en la juridicion d'Essonne (Reg. crim. Chât., II, 1389-1392, 55)

Si vous plaise à faire diligence de la trouver et de en faire raison et justice. (Reg. crim. Chât., II, 1389-1392, 56)

Chiere dame, plaise vous assavoir que je scay et congnois ce pays tout environ, et sachiez que a quatre ou a cinq lieues de cy n'a recest, ne forteresse nulle, excepté celle dont je me suy huy partiz, qui est environ a deux lieues de cy. (Arras, c.1392-1393, 7)

Entre vous, barons de la noble conté de Poictou, plaise vous a entendre la requeste que j'entens a faire a monseigneur le conte, et, s'il vous semble qu'elle soit raisonnable, que lui priez qu'il me le veulle accorder. (Arras, c.1392-1393, 32)

Tres chiers sires, je vous requier, en remuneracion de tous les services que je fiz oncques a monseigneur vostre pere, dont Dieux ait l'ame, qu'il vous plaise a moy donner un don, lyquelx ne vous coustera ne forteresse, ne chastel, ne chose nulle qui guerres vaille. (Arras, c.1392-1393, 32)

...et aussi qu'il lui plaise d'en rescripre aux princes et aux prelas, ainsi que bon lui semblera. (Fauq., III, 1431-1435, 52)

Si luy prions qu'il luy plaise nous recevoir pour ses hostes pour meshuy. (C.n.n., c.1456-1467, 476)

Centurion m'a tramis de la sus, Car son enfant est fort grevé. Plaise vous luy donner sancté ! Sire, Centurion 'n est bien digne. (Pass. Auv., 1477, 128)

Helas, sire ; certes, je croy. Plaise toy ayder ma creance. (Pass. Auv., 1477, 162)

...elle vous prie Qu'a Jhesus, qu'est de saincte vie, En riens ne nuises par sentence ; Ains vous plaise en grant clemence Le deslivrer de ces Juïfz. (Pass. Auv., 1477, 169)

Et vous plaise savoir, Sire, que, samedi dernier passé, les Bourguignons arriverent devers Mons. vostre frere, c'est assavoir Jaques Mons. de Saint-Pol et messire Pierre de Remerimont, lesquelx luy ont apporté deux paires de lettres : c'est assavoir unes generales et unes autres petites et particulieres. (Le Clerc, Interp. Roye, c.1502, 220)

Mons. de Moy m'a fait savoir qu'il est très mal pourveu à Guise de pouldres et de canons ; et pour ce qu'il se doubte que le siege ne leur viengne, ont envoyé devers moy pour m'en advertir. Pourquoy je vous prie que, comme je vous ay escript, il vous plaise delivrer à mon prevost de la pouldre pour eulx, et aussi souffrir qu'il leur face mener des canons de devant mon logis. (Le Clerc, Interp. Roye, c.1502, 323)

Plaise vous aussi leur envoyer X ou XII arbalestriers. (Le Clerc, Interp. Roye, c.1502, 323)

Qu'il vous plust de + inf.

Qu'il vous pleust de moy eslargir Et donner le corps de Jhesus, Pour ce que j'advoye conclus L'ensevelir honnestement. (Pass. Auv., 1477, 236)

(Qu'il) plaise à qqn que

Mais a touz deux vous plaise et siesse Que veigniez veoir vostre niepce Et vostre fille. (Mir. Oton, c.1370, 384)

...puis qu'il fault que je meure, au moins qu'il vous plaise que ce soit bien matin (C.n.n., c.1456-1467, 450)

Et pour certaine et seure reverence, On luy porta les clefz par bon stille, Signifïant qu'il soubmettoyent la ville Totalement a son obeyssance, En luy offrant de tres singulier cueur Le cueur, les biens de toute la cité Pour le servir en toute humilité, Et qu'il luy pleust estre leur protecteur. (La Vigne, V.N., p.1495, 197)

2.(Qu'il) plaise à Dieu (de)

LE BOURGOIS. (...) Je revenray, mais qu'a Dieu plaise, Avant que relevez, ce croy. (Mir. enf. ress., 1353, 27)

Loué soit le Dieu que nous fist ! Pleise luy nous estre propice ! (Pass. Auv., 1477, 103)

Plaise a Dieu de vous secourir Selon vostre neccessité ! (Pass. Auv., 1477, 265)

S. NICOLAS [à Dieu] . (...) Le povre juif a eu fiance En moy et parfaicte creance, Et Sathan, pour me faire injure, A rendu le crestien parjure. Te plaise d'y remedier Et tellement le juif ayder Qu'il ait le royaulme des cieulx ! (Mir. st Nic. juif, c.1480-1500, 135)

Et sur ce poinct je conclus ma priere, Genoulx flecix, joignant a toy les mains, Te suppliant d'amour tressinguliere Qu'il te plaise de saulver les humains. (La Vigne, S.M., 1496, 476)

Plust à Dieu (que)

Pleust a Dieu que l'envieux eust si grans yeulx qu'il peust veoir toute la prosperité et la joye qui est esparce par tout le monde a plusieurs gens, a celle fin qu'il eust cause d'estre plus tourmenté. (Chr. Piz., Trois vertus W.H., c.1405, 140)

'...il me sembloit a bon escient que vous estiez revenu, que vous parliez a moy, et si voiez tout aussi cler d'un oeil comme de l'autre. - Pleust ores a Dieu ! dit monseigneur...' (C.n.n., c.1456-1467, 113)

Ainsi m'aist Dieu, dit le curé, l'on ne dist jamais mieulx ; et pleust a Dieu que la chose en fust ores bien faicte (C.n.n., c.1456-1467, 296)

Mon seigneur, il nous en desplait ; Et pleust a Dieu qu'il fut a faire ! (Pass. Auv., 1477, 233)

Oÿ, ma mere fut peu sage De m'avoir tant amygnoté ; Pleust a Dieu que de malle rage En son corps je fusse avorté ! (La Vigne, S.M., 1496, 320)

(Ja) ne plaise (à) Dieu/ Jesus-Christ que + complét.

Et en cel estat demourerent tant qu'ilz virent ung porc senglier grant et merveilleux, qui s'en venoit, escumant et morcelant les dens, vers eulx moult horriblement. Monseigneur, dist Remondin, montez sus cest arbre, que cilz sengliers ne vous face mal, et m'en laissiez convenir. Par foy, dist ly contes, ja ne plaise a Jhesucrist que je te laisse en ceste adventure. (Arras, c.1392-1393, 21)

...car il me semble qu'il [Geoffroy] soit cy venus comme par maniere de faire guerre. Et ne croy pas que ce soit a monseigneur ne a nulz de ceulx de ceste forteresce, car ja ne plaise a Dieu que monseigneur ne nul de ses gens ait fait chose qui puisse desplaire a Gieffroy ne a monseigneur son pere (Arras, c.1392-1393, 208)

Et ja ne plaise au roy celestre Que le monde soit mal pourveu (Chr. Piz., Chem. estude P., 1402-1403, 145)

Ja Dieu ne place que le vous refuse. (Gérard de Nevers M., c.1451-1464, 111)

La teste vous sera seignee Et la vous coupperoys de lespee Si ne fust pour conscience Tout oultre sans defaillance Mais ia au bon Dieu ne plaise Que ia en ma vie ie offence Contre homme ne femme nullement. (Myst. st Martin K., a.1500, 169)

[Par détournement de cette formule]

Mahon ne pleyse, sire, Que je souye murtrier De tieul segniorie. Mourir j'eyme plus chier. (Myst. st Sébast. M., c.1450-1500, 297)

3.[Dans les formules de politesse]

[Pour présenter une demande de façon déférente] S'il vous plaist

...vierge esperitable, Tournez le nous a penitence Et nous destournez de grevance, S'il vous plaist, et de l'ennemy. (Mir. enf. diable, c.1339, 11)

SUER MARIE. Ma chiére dame, seez vous, S'il vous plaist, cy. L'ABBEESSE. Voulentiers ; seez vous aussi Decoste moy. (Mir. abbeesse, 1340, 90)

Qui estes vous ? Dites le moy, Si vous plaist, et je vous em proy (Mir. nat. N.S.J.C., c.1343, 218)

NOSTRE DAME. Chier filz, ceste honneur leur ferez, S'il vous plaist et je vous empri (Mir. enf. ress., 1353, 80)

...pour Dieu, laissiez telz choses ester. Il n'appertient point a si hault prince comme vous estes, mettre cure de enquerre de telz ars [l'astronomie] , ne de telz choses. Car, comment qu'il soit, Dieu vous a pourveu de tres haulte et noble seigneurie et possession terrienne. Dont vous vous povez bien passer, s'il vous plaist, de vous donner courroux ne ennuy pour telles choses qui ne vous pevent ne aidier ne nuire. (Arras, c.1392-1393, 20)

Monseigneur, dist ly anciens chevaliers a Remondin, faictes moy mener devers le conte de Poictiers, s'il vous plaist. (Arras, c.1392-1393, 38)

Si vous prie estre content de moy, s'il vous plaist, car je n'en feray rien plus. (C.n.n., c.1456-1467, 81)

...donnez fin, s'il vous plaist, aux durs assaulx que me livrez, et je feray tout ce qu'il vous plaira (C.n.n., c.1456-1467, 118)

Madame, dit le clerc, je vous pry, dictes moy, s'il vous plaist, qui vous meut de vestir ce jaserant. (C.n.n., c.1456-1467, 280)

...dictes moy, s'il vous plaist, qui vous estes, et a vostre advis dont vous venez cy ? (C.n.n., c.1456-1467, 340)

Or escoutez, s'il vous plaist, qu'il advint en nostre chastellenie de Lisle, d'un bergier (C.n.n., c.1456-1467, 482)

Puis, seigneurs, qu'advés fait l'office, Les sancts prophetes vouldroye lire. Balhés moy, si vous plait, le livre, Et vous me fairés grant plaisir. (Pass. Auv., 1477, 116)

Sire, Centurion, si vous plait, A la loy farés ce service. (Pass. Auv., 1477, 273)

SAINCT MARTIN. S'en mon parler vous suis audacïeux Et a respondre ung peu malgracïeux, Pardonnez moy, s'il vous plaist, treschier pere (La Vigne, S.M., 1496, 144)

[Forme contracte] Souplait

Dame, souplait, Lever me vueil et, s'il vous plait, Un petit me lairez ouvrer, Pour esbatement recouvrer, Aussi conme ont ouvré voz filles. (Mir. Berthe, c.1373, 197)

[Pour inviter qqn à qqc.] Vous plairait-il + inf.

Raby, vous plairoit il aler Vous mectre a table maintenent ? (Pass. Auv., 1477, 148)

[Pour proposer ses services à qqn] Que vous plaist-il que + subj.

Ma mere, m'amour tresparfaicte, Que vous plait il que je demande ? (Pass. Auv., 1477, 96)

Par ellipse.

Sire, que vous plait ? (Pass. Auv., 1477, 97)