PLAINT

substantif masculin

[T-L : plaint ; GD : plaint ; FEW (IX, 16b) : plangere]

A. -Plainte, gémissement.

Hé las ! qui suffiroit a dire ses granz larmes, (...) Ses granz plainz de son cuer, ses ingemissemenz ? (Gir. Ross. H., c.1334, 273)

Si tournay un petit ma teste En gettant un plaint dolereus (Mach., R. Fort., c.1341, 54)

En plains, en plours et en tristour Et en regrez (...), M'en iray (Mir. parr., 1356, 27)

Fort pleure, gemist, fort se plaint Et dist, en gettant un grant plaint : 'De toutes pars me tient engoisse Qui mon cuer destreint et engoisse...' (Mach., C. ami, 1357, 7)

Si est bien droiz que mon cuer fonde En pleurs, en soupirs et en plains. (Mir. Barl. Josaph., c.1363, 278)

Et quant li prodoms deffina, Sa femme tel dueil en mena Que nulz ne la puet conforter N'onques ne se voult deporter De faire grant dueil et grant plaint. (Desch., M.M., c.1385-1403, 131)

La peussiez oïr et veoir grant pitié, car, si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. Ilz reclament Jhesucrist et le prient devotement qu'il ait mercy des ames d'eulx, car des corps est doresenavant neant. (Arras, c.1392-1393, 251)

Et la [Mélusine] demoura deux jours, et faisoit moult mate chiere, et tousjours aloit et venoit hault et bas par my leans, visitant tout le lieu, et gettoit de foiz a autre moult griefs plains et moult griefs souspirs. (Arras, c.1392-1393, 254)

...dont jour et nuyt ne cessoit de plaindre et souspirer, et en ses plains disoit : 'Hé ! lasse moy doulante, et que as tu fait...' (La Sale, J.S., 1456, 149)

Or est vray qu'aprés plains et pleurs Et angoisseux gemissemens, Aprés tritresses et douleurs, Labeurs et griefz cheminemens, Travail mes lubres sentemens, Esguisez comme une pelocte, M'ouvrist plus que tous les commens D'Averroÿs sur Arristote. (Villon, Test. R.H., 1461-1462, 29)

Sire, enten mon plaint, Que tant est en doubtance ! (Pass. Autun Biard F., 1470-1471, 74)

Ma seur Juno, cessés vos plains Et essuiez vos yeulx chetifz (Cene dieux, c.1492, 125)

...assez tost après, l'on vit ung poisson marin, qui avoit teste de lion, qui faisoit de merveilleux plains et lamentacions, lequel fut presenté au pappe Martin. (Simon De Phares, Astrol., c.1494-1498, f° 130 v°)

LE PERE. (...) Julles Cesar (...) En ceste ville qui se nomme Pavie, De me donner la charge a heu envie, Plustost qu'a nul qui soit present en vie De ses gendarmes Que j'ay tousjours, en faisant beaux faiz d'armes, Conglutinez aux dangereux alarmes, Dont ennemys ont gecté maintes larmes, Souspirs et plains. (La Vigne, S.M., 1496, 163)

Remarque : DESCH., Oeuvres R., t.7, c.1370-1407, 48 ; Percef. I, R., c.1450 [c.1340], gloss. ...

Sujet de plainte, chagrin.

Pleuïst Dieu qu'il me couvenist Rentrer encor en tel estour Et prendre mon certain retour Parmi joneche et tous ses plains ! (Froiss., Joli buiss. F., 1373, 73)

B. -Plainte, protestation.

Touz jours sont en agait a plain [var. en gait auplain, en grant aplain] Et n'estront ja aisé ne sainz, S'il n'ont plait ou content ou guerre. (Dupin, Mélanc. L., c.1324-1340, 144)

Non pour quant forment me plaindi D'amours et en mon plaint li di : Amours, je te fis ja hommage Pour la plus belle et la plus sage, La mieuls adrechie en corage, A mon samblant, Qu'onques veïsse en mon eage Et mon coer en presis pour gage... (Froiss., Par. am., c.1361-1362, 41)

Avoec les lettres que j'envoie Un nouvel plaint ordonne et taille, Ensi com chi s'ensieut la taille : ... (Froiss., Pris. am. F., 1372-1373, 135)

...et fait planc De Lëonet pour le chergier. (Pastor. B., c.1422-1425, 112)