PERCEVOIR

verbe

[T-L : perçoivre ; GD : percevoir ; GDC : percevoir ; DECT : perçoivre ; FEW (VIII, 216b) : percipere ; TLF (XIII, 50b) : percevoir]

I. -Recevoir qqc..

A. -Recueillir, recevoir (une somme d'argent, un produit, un revenu...).

...et seront restituez à ladicte defenderesse les fruis perceuz par ladicte demanderesse pour la moitié desdiz heritages (Baye, I, 1400-1410, 273)

...combien que ledit Gencien eust premierement perceu en ladicte Chambre des Enquestes gages de lay et servi comme lay (Baye, II, 1411-1417, 25)

...et sont les rentes de colleges et d'eglises consignez en main de justice, passé a long temps, et par ce n'en parçoivent plus riens les escoliers et beneficiez, et n'ont de quoy vivre. (Fauq., III, 1431-1435, 103)

...et condempne la Court ledit Zeman à paier yceulz arrerages jusques à la valeur des frais que ledit Zeman a perceuz ou peu percevoir desdiz heritages depuis la demande faicte en jugement par lesdiz Lormiers et Chandelier (Fauq., III, 1431-1435, 120)

B. -Recevoir qqc., entrer en possession de qqc..

Venez sa, li beneüré ; De tout mal estes espuré, persevez le regne mon pére (...) Appareilliez vous a esté Des le commancement dou monde (Jour Jug. R., c.1380-1400, 254)

Ainsi finirent leurs jours les deux loyaux amoureux tantost l'un après l'autre, sans percevoir rien du joieux plaisir ou ilz cuidoient ensemble vivre (C.n.n., c.1456-1467, 553)

...madame Fortune (...) aujourd'huy me donne tant d'eur et me fait percevoir le fruit du plus grand desir que je povoie au monde avoir (C.n.n., c.1456-1467, 574)

II. -Apercevoir.

A. -Percevoir qqc./qqn. Voir, apercevoir qqn ou qqc..

Mais en la fin de ce livret feray Que qui savoir Vorra mon nom et mon seurnom de voir, Il le porra clerement percevoir En darrein ver dou livret et vëoir, Mais qu'il dessamble Les premieres set sillabes d'ensamble Et les lettres d'autre guise rassamble, Si que nulle n'en oublie ne emble. (Mach., J. R. Beh., c.1340, 134)

...Tourna vers la prise sa chiere Qui la estoit de tel maniere Mise a point et aparillie Et couverte de la fueillie Qu'il ne la pooit percevoir. (Mach., D. Aler., a.1349, 273)

Uns jouvenciaus, qu'avons trouvé Avec li gisant tout prouvé. Quant nous veïsmes l'avoutyre, Esmeü fumes et plein d'ire, Si courismes la pour lui prendre. Mais bien se sot de nous deffendre, Car plus fors fu, si s'en fuï, Quant il nous perçut et oy, Par le postis. Pour ce preïsmes Susenne et moult li enqueïsmes Qui estoit le juene vallet. Mais ce moult petit nous valet, Car onques ne le nous volt dire. (Mach., C. ami, 1357, 9)

Et quant ma dame ara bien parceü Et pluseurs fois en son songe veü Les grans meschiés qu'ai pour li receü, Et que faintise N'est pas en moy n'en mal que j'aie heü, S'elle un petit en a le cuer meü, Ne sçay comment de moy sera sceü. (Mach., F. am., c.1361, 174)

Quant li roys perçut le barnage, Il tourna vers eaus son visage, Et tantost à sa gent commande Que chascuns à bien faire entende, Et que vers la porte se traient, En combatant, et ne s'esmaient (Mach., P. Alex., p.1369, 93)

Lors s'arresta tous esbahiz de la grant beauté qu'il perceut en celle qui tousjours chantoit si melodieusement que oncques seraine, faee, ne nuimphe ne chanta tant doulcement. (Arras, c.1392-1393, 6)

Si vous prions, s'il se puet faire, que vous nous en dictes la verité, car a ce que nous povons percevoir de son estat et maintieng d'elle, il convient qu'elle soit yssue de moult noble lieu. (Arras, c.1392-1393, 43)

Et ce faulx traitre que je voy la, et ses complices admenerent le nepveu du roy, et se mirent en embusche. Et mon pere, qui garde ne s'en donnoit, y vint a celle heure. Et quant Jossellins le perceut, si dist au damoisel : Or est il temps de vous vengier ; il est tous desarmez, sans coustel et sans espee ; il ne vous puet eschapper ; et aussi, se nous veons qu'il vous soit besoing, nous vous aiderons tuit. (Arras, c.1392-1393, 58)

Et lors dist le roy a Guyon, son frere, qu'il alast faire armer sa gent et passast la riviere et se meist entre le navire et les Sarrazins, et venist si prez de leur ost qu'il peust bien percevoir leur contenance, et ainsi que il verroit que la besoingne se porteroit, que il se gouvernast. (Arras, c.1392-1393, 137)

...le maistre de Rodes estoit ja montez, (...) quant il percoit noz gens qui venoient et le soudant atout ses Sarrasins qui les achacoient a desroy. (Arras, c.1392-1393, 229)

...ja si endormi N'i ot, qui moult tost ne s'esveille, Plus fort tremblant que nulle fueille, Quant ilz perceurent les gens d'armes (Chr. Piz., M.F., III, 1400-1403, 67)

C'est le meilleur que je m'en aille Vers Povre Peuple tout fin droit. Par le corps Dieu, hé ! qu'il debvroit Bien quaqueter a son privé. Il sera tresbien arrivé S'il dist rien que je puisse ouÿr. Par cy me fault tout quoy tenir. Je le persois la, ce me semble, Et Bon Renon, eux deux ensemble. J'ourray quelque bon mottellet. (Pouvre peuple H., c.1450-1492, 170)

Alors Gigès se party d'eulx [les bergers] et s'en ala assez loings, et la osta l'anel de son doy : alors ilz le perchurent et lui firent grant honneur et reverence, comme ilz avoient acoustumé. (La Sale, Sale D., 1451, 169)

...il perceut et choisit la femme du dit musnier portant deux cruches (C.n.n., c.1456-1467, 38)

...je n'ay pas seullement sceu par estrange rapport, mais a mes yeulx mesmes perceu ung aultre [homme] venu de costé (C.n.n., c.1456-1467, 234)

...comme ceste mule, qui de VIIJ jours n'avoit beu, parceut la riviere (...) elle de plain vol saulta dedans (C.n.n., c.1456-1467, 313)

Il fist si bon guet qu'il perceut et eut vraye experience du fait. (C.n.n., c.1456-1467, 493)

Combien ay je aujourd'huy regardé et perceu de peres estans aux jeuz de leurs enfans (C.n.n., c.1456-1467, 556)

Percevoir qqc./qqn + inf.

...car le grant maistre de Rodes estoit en aguet sur la mer, o tout ses gens et ses galees. Et quant il percoit Sarrasins venir, lors pensa bien que la bataille estoit desconfitte sur eulx (Arras, c.1392-1393, 139)

Il se part et a tant erré qu'il appercoit l'ost ou fons d'une valee sur une riviere, et percoit les cuisines fumoier, courir chevaulx et courciers parmy la prayerie, les gentilz hommes par trouppeaulx. (Arras, c.1392-1393, 178)

...l'espousée se donna tresbien garde et perceut son mary parler a nostre fille grosse (C.n.n., c.1456-1467, 70)

...tressubtilement [le serviteur] avoit perceu nostre maistre curé parler a sa dame (C.n.n., c.1456-1467, 493)

B. -[Sens abstr.]

1.Percevoir qqc. Découvrir qqc., se rendre compte de qqc., comprendre qqc..

De quanque j'en puis percevoir, Celle que je miex ameroye (...), C'est la damoiselle de Saux (Mir. chan., c.1361, 152)

Dame, Dieux qui voit et perçoit Des cuers le vouloir plainement, Le vous rende au grant jugement (Mir. femme, 1368, 222)

Le dragier prist et la touaille, Au bon roy vint et se li baille ; Et à un genouil le servi Et encor li cria mercy. Et li bons roys qui bien perçut Son cuer en grace le reçut. Einsi fu la pais acordée Et dou saint pere confermée. (Mach., P. Alex., p.1369, 245)

DIEU. (...) J'ay tes regrez assez veu, J'ay ta bonne foy perceu, J'ay veu ta devocion (Mir. fille roy, c.1379, 107)

Et les deux freres vont après, et treuvent le roy dessoubz un arbre, sus un estang, ou il attendoit le cerf que ly chien achassoient. Les deux freres se trairent a part, pour ce que ilz ne vouloient pas destourber le roy a veoir son deduit, lequel le perceut bien et leur en scot moult bon gré. (Arras, c.1392-1393, 75)

...esclande estoit sur ce que pour boire à matin en la Chambre des Enquestes, pluseurs vallez et gens estranges se boutoient es chambres du Conseil de ceans, et povoient percevoir les secrez de la Court (Baye, I, 1400-1410, 90)

JHESUS. Pere, humblement te requier En vraye amour et charité Qu'il te plaise prendre pité Des Juifz qui cy me tourmentent, Car certes, pere, ils n'entendent Ne perçoivent le mal qu'ilz font. (Marcadé, Myst. Pass. Arras R., a.1440, 194)

Avez vous perceu en moy aultre chose qu'on ne doit veoir et juger d'une bonne, loyale et preude femme ? (C.n.n., c.1456-1467, 444)

...je perçoy vostre grand amour et confiance que vous avez fiché en moy (C.n.n., c.1456-1467, 575)

Deviner qqc..

...il ne vit pas femenine personne, Tant ait biauté ne tant porte coronne, Qui me fust preus, C'est a dire, qui garir me peüst Ne qui remede en moy mettre sceüst, Tant de biauté ou de richesse heüst, Ou tant renarde Fust, qu'au garir assés ne me neüst, Ne que jamais mon secret perceüst, Ne que desirs en moy si fort creüst Que maus feus arde ! Car je le porte et le çoile et le garde Dedens mon cuer qu'on ne s'en prengne garde. (Mach., F. am., c.1361, 178)

Par ma foy, cil qui la passe semble gentil homme, mais il ne le monstre pas, ains monstre qu'il est extraiz de rudesse, quant il passe ainsi escouteement devant dames ou damoiselles sans les saluer. Et ce disoit elle pour couverture, pour ce que les autres ne perceussent ce ou elle contendoit, car elle savoit bien qui ly bacheliers fu, ainsi comme orrez en l'ystoire cy aprez. (Arras, c.1392-1393, 24)

Mais Remondin s'avise, et vint a son cheval, et prist l'estrier a une main et en l'autre main la lance, et s'en vint pas pour pas vers son ennemy. Et Oliviers, quant il le vit venir, ne scot comment il se peust bonnement garder, car il ne scot percevoir la maniere comment mieulx Remondin le vouloit assaillir. (Arras, c.1392-1393, 63)

Percevoir que

Et quant il voit Que la dame pas ne l'entent ne oit, Tant fu dolens qu'estre plus ne pooit ; Mais nonpourquant tant fait que bien perçoit Qu'elle est pasmée. Lors en sa main cueilli de la rousée Sus l'erbe vert ; si l'en a arrousée En tous les lieus de sa face esplourée (Mach., J. R. Beh., c.1340, 65)

Lors me fist percevoir Avis Qu'estre ne pooit nullement Et estoit pensé folement. Dont je m'en tins pour deceüs, Quant je m'en fu aperceüs. (Mach., D. Aler., a.1349, 259)

Lonc temps fu en ce dous plaisir A mon gré et a mon loisir, Jusqu'a tant que certeins temps vint Que par nature me couvint A son plumage percevoir Qu'il couvenoit par estouvoir Ce gent esprivier mettre en mue. (Mach., D. Aler., a.1349, 282)

Quant uns bons procès vient en fourme, Et je perçoy qu'on l'en deffourme, J'y puis bien tellement ouvrer Qu'il puet sa fourme recouvrer. (Mach., J. R. Nav., 1349, 199)

...Il cheï en moult grief pensee Et fu courreciés durement, Car Daniel amoit forment, Si prist a penser qu'il feroit Et comment il li aideroit, Car bien perçut qu'il le faisoient Par envie et qu'il le haoient. (Mach., C. ami, 1357, 39)

Quant li roys oy le message, On perçut bien à son visage Et à la chiere qu'il faisoit Que li sieges li desplaisoit. (Mach., P. Alex., p.1369, 135)

Car à peinnes que mes cuers ne parti, Tant fu chargiés de dolour et d'ardure, Quant je perçu que le maintieng joli, Le dous regart et la noble figure Et le dous viaire gent De ma dame laissoie ; et vraiement, En grant paour fui de perdre la vie : Tant me fist mal de li la departie. (Mach., L. dames, 1377, 148)

Et main et soir Feray son dous commandement ; Car, se loyaument, en espoir, La serf, j'espoir Que bien savoir Ou parcevoir Porra qu'avoir Bien ne valoir Ne puis sans son aligement. Amours, tu sces moult bien que siens Sui et tous tiens. (Mach., Les lays, 1377, 297)

De Lusignen, dist Remondin, et y a il gueres de cy ? Par foy, monseigneur, dirent ceulx, qui perceurent que il le mescongnoissoit pour le bourc et la tour qui estoit faicte puis que il s'estoit partiz, vous povez veoir Lusignen. (Arras, c.1392-1393, 77)

...la bataille fu moult horrible, et y ot moult grant occision. Mais quant les Sarrasins perceurent que le roy Braidimont de Tarse estoit mors et que le gallaffre de Bandas les avoit laissiez en tel peril, si furent moult esbahiz et se commencierent a dessouchier et a perdre place, et a fuir envers la marine. (Arras, c.1392-1393, 138)

...tout au long je leys [son sauf-conduit] , et perceu tantost qu'il l'avoit enfraint et aultrement ne l'eusse arresté. (C.n.n., c.1456-1467, 56)

...quand elles parceurent qu'elle ne se disposoit a garison, elles ordonnerent que l'une d'elles yroit a Rouen (C.n.n., c.1456-1467, 139)

2.Se percevoir de qqc. S'apercevoir de qqc., se rendre compte de qqc., comprendre qqc..

Si qu'einsi ravis regardoie Son gent corps ; mais la simple et coie S'en perçut, et par sa franchise, Com bonne, sage et bien aprise, M'araisonna courtoisement Et me demanda doucement Par ou j'estoie venus la. (Mach., D. Lyon, 1342, 186)

Car aussi que Nature mue Le temps, le couvenoit muër Et de sa plume desnuër Pour avoir plumage nouvel, Nouvel temps et nouvel revel. Et quant je m'en fu perceüs, Que je ne fusse deceüs, Je le fis voler un petit, Pour vëoir, s'en son apetit De voler, li radresseroient Les plumes qui se forvëoient. (Mach., D. Aler., a.1349, 282)

Et par ces contrarietés Se perçoit de ses qualitez Qui viennent en sa congnoissance Pour garir et donner substance Des grietez dont il est venus Tout attrait joieus devenus, D'une joie si a point faite, Car trop envis seroit defaite. (Mach., D. Aler., a.1349, 299)

Car il apparra en sa chiere Un po de maniere avivée ; Aussi comme un po de nuée Par dessus le soleil trespasse, Porra il paroir en sa face. Dont cils s'en porra percevoir Et un tel plaisir concevoir Que tous sera d'amours espris Et s'en rendera dou tout pris. (Mach., D. Aler., a.1349, 303)

Et aussi fis je mes oyes Pour escouter les melodies, Et pris tout mon entendement Pour bien congnoistre clerement Les biens que j'ooye et vëoie, Des quels je ne me parcevoie, Eins que Raisons m'eüst retrait De grieté et en joie trait. (Mach., D. Aler., a.1349, 391)

...il luy fist le ventre lever. Et droit a la coup qu'elle s'en perceut et donna garde, monseigneur fist une assemblée de gens d'armes. (C.n.n., c.1456-1467, 145)

...la ou ilz cuidoient le plus secretement de leurs amoureux affaires conclure et deviser, chacun s'en parcevoit. (C.n.n., c.1456-1467, 164)

...[elle] savoit tres bien que ceulx qu'elle entretenoit se doubtoient et percevoient chacun de son compaignon [du fait qu'il y avait un compagnon pour bénéficier des mêmes faveurs] . (C.n.n., c.1456-1467, 236)

...s'il n'eust eu les yeulx bandez et couvers, il povoit veoir apertement ce dont ung aultre a qui rien ne touchoit se perceut a l'oeil. (C.n.n., c.1456-1467, 253)

...l'abbesse de leens et pluseurs des religieuses se parceurent de ce qui estoit (C.n.n., c.1456-1467, 305)

Se percevoir que

...oncques mondit seigneur ne se perceut qu'il [le meunier] se doubtast de la tromperie qu'il luy avoit faicte (C.n.n., c.1456-1467, 42)

...vostre chose est tant petit (...) que, si vous l'apportez en quelque lieu, a peu on se perçoit qu'il y est. (C.n.n., c.1456-1467, 106)

3.Participe présent en emploi adjectival. Percevant. Lucide.

...l'abbesse qui veoit cler et estoit bien percevant, cogneut tantost a ses responses (...) qu'elle estoit coulpable du fait (C.n.n., c.1456-1467, 305)

...fut le bon chevalier deceu par le subtil et percevant engin de sa desloyalle femme. (C.n.n., c.1456-1467, 466)