PARMI

adverbe et préposition

[T-L : parmi ; GD : parmi ; AND : parmi ; FEW (VI-1, 621b) : medius ; TLF (XII, 1020a) : parmi1]

I. -[Empl. prép.]

A. -[Idée de parcours d'un espace]

1.À travers (littér. en passant par le milieu).

a)[Dans un parcours effectif] À travers, dans.

Il ala tant parmy la ville tous seulx a pié, pensant comment il se pourroit maintenir, que il s'embati ou marchié (Bérinus, I, c.1350-1370, 51)

Et alerent ainsi vaucrant parmy la mer a grant meschief et a grant doubtance de mourir (Bérinus, I, c.1350-1370, 208)

...le roy veult que vous Parmy sa terre chevauchiez Et esbatez et solaciez (Mir. Barl. Josaph., c.1363, 258)

...le coursier l'emporta, voulsist ou non, parmy haies, parmy buissons. (Froiss., Chron. M., XIV, c.1375-1400, 36)

...afin que les batteaulx et denrees passans et rapassans parmi ladite riviere s'y puissent fermer et estaller quant besoing sera sans aucun contredit (Chartes Abb. St-Magl. T.F., t.3, 1392, 652)

... vous passez par my mon pays (Arras, c.1392-1393, 8)

Et ainsi s'en ala Uriien de lieu en lieu par my son royaume. (Arras, c.1392-1393, 124)

... tant vaucrerent noz crestiens par my la marine que ilz virent approuchier d'eulx, aussi comme d'une veue, une quantité de vaisseaulx (Arras, c.1392-1393, 124)

Et quant il vint au fons, si print la lance par le fer, et s'en va par my un estroit sentier, et voit au long grant clarté. (Arras, c.1392-1393, 265)

Et lors prist [Mélusine en forme de serpent] son chemin par my l'air (Arras, c.1392-1393, 288)

...parmy ses beaulx monstiers Vous alliez, Et disiez Voz psaultiers (Régn., F.A., 1432-c.1465, 73)

Et, à ceste cause, vindrent et passerent parmy l'Isle de France (Roye, Chron. scand., I, 1460-1483, 50)

Quant on voit ces petis enfans courir parmi les rues a chevaulx de bois... (Ev. Quen. I, c.1466-1474, 87)

Tout parmi. À travers tout (un lieu).

Puis que nous vous eusmes perdu De ce lievre que nous chaçasmes, Un cerf par devant nous trouvames, Si le suimes ci de près Tout parmy la haulte forest, Ou fu aconseuz et pris. (Mir. femme roy Port., c.1342, 171)

À travers un espace où a lieu qqc., qui est caractérisé par qqc..

Et tant ont fait qu'il se sont trais à la porte parmi leurs trais (Mach., P. Alex., p.1369, 94)

...vestus sont Les aucuns de pourpres qu' ilz ont, Et les autres, qui sont jolis, Sont vestus de flours et de lis, De roses blanches et vermeilles Et moult d'autres flours despareilles, Qui portent leurs touailles taintes, Et qui ont aussi leurs reins saintes De riches baudrez a compas, Portans les viandes es plas Et divers mès parmi la feste Ou joie et paix est toute preste. (Desch., M.M., c.1385-1403, 248)

Parmi ce tonnerre Vous eussez ouy sonner trompillez Pour faire dancer jeunes filles (Fr. arch. B., c.1468-1480, 35)

b)[Dans un parcours fictif] À travers, dans.

...toutes les solennitez que on faisoit parmi le monde aux dieux estranges (Bers., I, 1, c.1354-1359, 7.15, 13)

On le scet bien parmi la ville, Car chascuns qui de toy parole En dit bonne et bele parole Et te pleint (Mach., C. ami, 1357, 65)

Adont sonnerent parmy son host les trompettes de deslogement (Froiss., Chron. M., XIV, c.1375-1400, 68)

Et par my la ville veissiez gens d'onnour, bien et richement habituez, qui crioient a haulte voix: Haa ! Bien viengnent les princes de victoire (Arras, c.1392-1393, 117)

C'est grant noblesse a veoir la grant quantité des belles fonteines qui sont parmy celle grant cité (Voy. Jérus., c.1395, 60)

Tout parmi. Dans la totalité de.

Lors se part de lui et annonca ceste parole a pluseurs, tant qu'il en fu nouvelles tout parmy l'ost (Arras, c.1392-1393, 156)

c)Par extension. Dans qqc. ; sur qqc..

Dans qqc..

Et s'a aussi parmi ses eles Les plumes qu'on appelle pelles (Mach., D. Aler., a.1349, 327)

...car aussi nous voions que parmi eaue qui est bien clere, se elle est moult parfonde, la lumiere du soleil ne descent pas siques au fonz. (Oresme, C.M., c.1377, 458)

...pour le servir parmi sondit hostel comme varlet (Reg. crim. Chât., I, 1389-1392, 187)

Prenez du drap escru et le estendez parmy vostre chambre et sur vostre lit (Ménagier Paris B.F., c.1392-1394, 101)

...unes bougettes sur ses espaulles et sa teste parmy ung cercle d'or saint a campanettes pendans a chaynettes (La Sale, Salade, c.1442-1444, 155)

Et après bouterent le feu parmy toutes les eglises et maisons, et y firent meschef et dommage irreparable (Roye, Chron. scand., I, 1460-1483, 164)

Faulx et coutres parmy la terre on plante. (Cene dieux, c.1492, 109)

Parmi les mains. Dans les mains.

Mains biaux marchiez sont puis passez Parmy voz mains. (Mir. march. juif, c.1377, 204)

Dans (un livre).

Maiz primo te couvient savoir aucuns termes generaulx, lesquelz tu pourras recueillir plus largement par aucuns addicions qui sont ça et la parmy ce livre. (Ménagier Paris B.F., c.1392-1394, 191)

Sur qqc..

Mais ce est a entendre de aucuns fleuves qui passent parmi la terre ou par souz terre (Oresme, C.M., c.1377, 542)

Parmi sa face. Sur son visage.

Amours de li par force espreint La liqueur qui des yeus degoute Parmi sa face goute a goute (Mach., R. Fort., c.1341, 63)

d)Parmi + adv. de lieu

Et la demoura deux jours, et faisoit moult mate chiere, et tousjours aloit et venoit hault et bas par my leans, visitant tout le lieu (Arras, c.1392-1393, 254)

...le deul se commencha grant parmy layens (Comte Artois S., c.1453-1467, 103)

2.À travers, de part en part.

À travers (une chose).

Et en mars environ Nostre Dame perciez icelluy cerisier d'une tariere du gros d icelluy cep, et parmy le trou dudit cerisier boutez icelluy cep, qui passe tout oultre ung pié de long. (Ménagier Paris B.F., c.1392-1394, 123)

Puiz broyez amandes grant foison et du braon du chappon, et soit bien broyé, et deffait de vostre bouillon, et passé parmy l'estamine. (Ménagier Paris B.F., c.1392-1394, 217)

...l'eaue salée, passée parmi cyre pert son amertume et devient doulce (Chr. Piz., Faits meurs Ch. V, S., I, 1404, 235)

On ne m'eust parmy ce drapel Fait boire [allusion à la question de l'eau] en ceste escorcherie [la prison du Châtelet] (Villon, Lais R.H., c.1456-1457, 74)

[À propos de choses]

Et se l'en ymagine une autre ligne traversant selonc spissitude ou parfondesce parmy cestes en cel point, et a angles escarrés ou drois, ces .III. lignes feront environ le point moyen .XII. angles droiz. (Oresme, C.M., c.1377, 48)

Autre est pour deffaute de vertu active qui ce puisce faire, si comme que la terre soit perciee tout oultre parmy le centre ou qu'elle soit meue de son lieu. (Oresme, C.M., c.1377, 210)

Amours a qui de leur pouoir ne chault Leur fait sentir un desir trop plus chault Que feu de pailles, Qui entre ou cuer et dedens les entrailles, Parmy fossez et espesses murailles, Tout au travers de l'ost et des batailles (Chart., D. Fort., 1412-1413, 161)

À travers (le corps, une partie du corps).

Ceste dague parmy la gorge Vous bouteray. (Mir. marq. Gaudine, 1350, 167)

...car cilz s'en venoit vers lui adviseement, la lance au poing, pour lui donner parmy le corps (Bérinus, I, c.1350-1370, 277)

...le sanc lui sailly parmi les narines (Bérinus, I, c.1350-1370, 371)

Parmy le ventre ay doleur tant Et par les reins sanz tant d'angoisse Qu'il m'est avis c'on les me froisse (Mir. enf. ress., 1353, 18)

La lemelle et l'espie eschappa en glissant sur le porc, et vint actaindre le conte qui estoit versez a genoulx, par my le nombril, de part en part. (Arras, c.1392-1393, 22)

Et cil retourne et tire bon coutel et en fery mon pere par my la cuisse, mais il lui cuida bien bouter par my le corps. (Arras, c.1392-1393, 58)

Et ne fendez pas vostre cochon parmy le ventre, maiz parmy le costé (Ménagier Paris B.F., c.1392-1394, 226)

À travers (ce qui couvre une partie du corps).

...car quant il sentent parmy le gant que l'esprevier estraint fort, ilz jugent qu'il est fort, si non, non. (Ménagier Paris B.F., c.1392-1394, 158)

3.Par (une partie du corps, une partie du harnachement...), à travers, par l'intermédiaire de.

Adont li angles, sans attendre, L'ala parmi les cheveus prendre Et le porta, c'est verité, En Babiloinne (Mach., C. ami, 1357, 42)

Car son cheval parmi la rene Luy faloit mener (Chr. Piz., M.F., IV, 1400-1403, 19)

B. -[Idée d'appartenance (à un ensemble ou à un objet massif)] Au milieu de.

1.[Par assimilation (ce qui est dit vaut aussi pour l'élément ou le sous-ensemble que parmi indique)]

[Rattache une pers. (ou un sous-ensemble de pers.) à un ensemble de pers.]

Et pooient estre en la compagnie dou roi .VIIIM. armeures de fier, chevaliers et esquiers, et .XXXM. honmes parmi les archiers (Froiss., Chron. D., p.1400, 129)

Encor te dy que, se aucuns entre lez aultres sont vertueux, ou Dieu les oste du monde, a ce qu'ilz ne soient infectz par la contagion dez aultrez, ou les previent et retrait par affliction et par aigre paine, a ce que la vanité des delisses ne lez seduisse parmy lez mauvaiz. (Chart., L. Esp., c.1429-1430, 53)

[Rattache une chose à un ensemble de choses]

Jamais ne se porroient si Eslongier, qu'il ne retournassent, C'est a dire qu il ne s'amassent Autant comme devant ou plus, Car l'atente y met le seurplus, Parmi les poins de loyauté Qui soustiennent vraie amité. (Mach., D. Aler., a.1349, 366)

...et est a entendre des corps qui sont meuz parmi autres corps. (Oresme, C.M., c.1377, 472)

[Marque le rattachement d'un document à un autre]

...par ses lettres dont la teneur est encorporee en la sentence parmi laquele ces presentes sunt annexees (Chartes Abb. St-Magl. T.F., t.3, 1331, 34)

...par certaines lettres, seellees du seel de la prevosté des marchans de la ville de Paris, parmy le vidimus ou transcript desquelles ces presentes sont annexees (Chartes Abb. St-Magl. T.F., t.3, 1393, 672)

[Rattache une chose, une propriété à un ensemble de pers.]

...c'est peyne cappitalle parmy eulx de dire qu'il faille faire tresor (Comm., III, 1495-1498, 112)

...veü le peu de sens et d'ordre qui estoit parmy nous... (Comm., III, 1495-1498, 194)

[Indique le mélange d'une chose avec une autre, d'un groupe avec un autre...]

Item , prenez une escuelle de lait et l'amer d'un lievre, et meslez l'un parmy l'autre (Ménagier Paris B.F., c.1392-1394, 102)

Item ait et miel et sang fres, autant de l'un comme de l'autre, et mesle parmy de la pouldre dessusdicte et face paste qui soit dure et fort (Ménagier Paris B.F., c.1392-1394, 131)

Et, pour ce que aucuns des gens des Comptes avoient ymaginacion et volenté d'estre avec la Court oudit advenement du Roy, fu conclud par la Court de dire ou faire dire ausdictes gens des Comptes qu il sembloit plus convenable que chascune Court, college ou Université, uniement, à par soy, sans soy entremesler l'une parmy l'autre, feust au devant du Roy (Fauq., II, 1421-1430, 346)

...les anemis se entremeslent parmy eulx, qui moult souvent les desconffissent. (La Sale, Salade, c.1442-1444, 240)

...et poëz croire que tost furent merlez lez ungz parmy lez aultrez (Comte Artois S., c.1453-1467, 10)

2.[Par différenciation (ce qui est dit vaut seulement pour l'élément ou le sous-ensemble que parmi indique)]

[De pers.]

Bien scé descort y a esté, Mais Ynocent, pour verité, Parmy le plus des cardinaux, Par la voiz de touz les feaux Qui l'eglise ont a gouverner, Et par bien que l'en peut prouver Qui est en li, au dire voir, A miex desservi a avoir Le siége (c'est m'entencion) De pape que Pierre Lion (Mir. st Guill., c.1347, 9)

Et le roy envoya courant a force de chevaulx jusques a mil hommes par my eux, qui moult les dommagierent (Arras, c.1392-1393, 137)

Et estoient li Normant, parmi les Genevois et Piqars [,] bien .XL. mille honmes (Froiss., Chron. D., p.1400, 404)

Mais le Mareschal et ses gens, qui se bouterent parmi eulx, rompirent la bataille (Bueil, I, 1461-1466, 109)

En comptant, en considérant le nombre de.

Et a tout nombrer, Uriiens n'avoit pas, parmy les gens du maistre de Rodes, plus de IIIJm. combatans. (Arras, c.1392-1393, 93)

[De choses]

...selon science Se doit purgier la conscience Des vices parmi les vertus (Desch., M.M., c.1385-1403, 238)

Et voit l'en bien les plumes sorees parmy les autres (Ménagier Paris B.F., c.1392-1394, 165)

Le raisin meur se queult parmy le vert (Chart., B. Nobles, c.1424, 404)

C. -[Idée d'appartenance à un état de choses] Au milieu de la situation de, dans cette situation où.....

Et nonpourquant, parmy le grant meschief qu'il avoit, il prioit moult devotement pour son pere et pour sa mere (Bérinus, I, c.1350-1370, 231)

...et si n'estoit point de doubte que li Rommain ne volsissent bien secourir et donner ayde aus Luceriens tant pour ce que il estoient leur loial compaingnon comme affin que toute Puille ne les laissast parmi celle terreur (Bers., I, 9, c.1354-1359, 2.5, 3)

Il fut pris et amenez devers les seigneurs, dont ilz eurent grant joye, et fut tant examinez parmy ce que le connestable luy dist que il le quitteroit de sa raençon et luy feroit grant prouffit (Froiss., Chron. M., XIV, c.1375-1400, 89)

Nequedent, parmy le dommaige que le duc de Brabant et ses gens recheurent là à celle journée, il y ot ung grant point de remede et de confort pour eulx, car messire Edouart de Guerles y fut navrez à mort (Froiss., Chron. M., XIV, c.1375-1400, 166)

L'un parmi l'autre. L'un comme l'autre (l'un se trouvant dans la même situation, dans les mêmes dispositions que l'autre).

...à tant se departi Bonne-Lanche et sa route, et s'en retourna au siege de Ventadour, et ses prisonniers, jusques à XII., demourerent dedens la ville de Montferant, et ses aultres X., par l'ordonnance qui faicte avoit esté, s'en alerent vers Caluset pour querre à Perrot le Bernois XXIIc. frans. Autant y estoient-ilz l'ung parmy l'autre raenchonnez (Froiss., Chron. M., XIV, c.1375-1400, 201)

Depuis ne demora pas demi an que madame la roine d'Engleterre et tous li consauls de li et de son fil, le roi, aviserent l'un parmi l'autre que il convenoit le jone Edouwart roi d'Engleterre marier. (Froiss., Chron. D., p.1400, 155)

Si se aviserent l'un parmi l'autre, li rois et li contes de Flandres, que il meteroient en l'ille de Gagant devant l'Escluse, une garnison de gens d'armes qui la garderoient la mer (Froiss., Chron. D., p.1400, 271)

L'un dans l'autre.

...et fist marchié que deux paires de chausses lui cousteroient, l'une parmi l'autre, deux escus (La Sale, J.S., 1456, 52)

L'un temps parmi l'autre. L'un dans l'autre.

A la Porte de Paris a .XIX. bouchiers qui par estimacion commune vendent pour le sepmaine eulx tous, l'un temps parmy l'autre et la forte saison portant la foible : .XIX. cens moutons, .IIII. cens beufz, .IIII. cens pourceaulx et .II. cens veaulx. (Ménagier Paris B.F., c.1392-1394, 170)

D. -[Idée d'appartenance à tel ou tel ensemble de conditions, à telle ou telle condition]

1.Moyennant.

Pour ce vous requier que nul mal, Sire, a mes nonnains ne faciez, Et aussi que de mes pechiez Vous me doingnez remission Parmy ceste confession Que fait vous ay. (Mir. abbeesse, 1340, 97)

Ottroie a moy, qui petit vail, Grace que parmy le travail De ce monde en la fin je puisse Venir en ta gloire (Mir. march. larr., c.1349, 97)

...c'est assavoir a chascun terme douse souls par.., et parmy les condicions qui s'ensuient, c'est assavoir que... (Chartes Abb. St-Magl. T.F., t.3, 1371, 422)

Sur quoy et parmy la depposition des tesmoings desdiz habitans, les dictes parties nous requisdrent que nous leur(s) fissions droict. (Chartes Abb. St-Magl. T.F., t.3, 1389, 595)

Et dès maintenant moy et Guyon, mon frere, quitterons nostre part de ce qu'il nous pourroit escheoir de par vous, excepté vostre bonne grace, parmy l'aide que vous nous ferez a present pour nostre voyage. (Arras, c.1392-1393, 83)

... et leur commanda a tous que ilz feissent raison et justice au grant et au petit, sans faveur ne moleste, par my juste verité (Arras, c.1392-1393, 124)

...sur telle protestacion qu'ils le pardonneroient a leurs femmes pour ceste foiz, parmy la penitence que les bons religieux en porteroient en leur presence. (C.n.n., c.1456-1467, 376)

Parmi que. Moyennant que.

...moyennant et parmy qu'il promist et jura sur la precieuse coronne de Nostre Saulveur Jesu-Crist, sur le fust de la vraye croix et sur autres sainctes reliques de la Saincte Chappelle du Palais royal à Paris, que d'ores en avant il nous serviroit loyaulment envers et contre tous nosditz adversaires rebelles et desobeissans (Le Clerc, Interp. Roye, c.1502, 243)

Parmi le moyen de ce que

Encores demoroient gens assés au roi d'Engleterre pour furnir et tenir son siege, parmi le moiien de ce que nuls ne pooit venir sus euls, tant estoient il bien fortefiiet. (Froiss., Chron. D., p.1400, 770)

Parmi (et pour) un certain prix / une certaine somme. Moyennant (le paiement d'un cetain prix / d'une certaine somme).

...pour quoi et parmi le quel pris, le dit vendeur, pour faire la dessaisine et soi dessaisir de la dicte rente dessus vendue et pour en faire saisir les diz acheteurs pour euls et pour leurs hoirs, fist, ordena et establi, pour lui et en son nom... (Chartes Abb. St-Magl. T.F., t.3, 1339, 85)

...et aussi tout tel droit comme yceuls relegieuz avoient en tout ce qui encores estoit et est a paier des debtes qui deues estoient audit Gautier avant ledit banissement tant par gagemens, tailles, pappiers et autrement, parmi et pour certeine somme d'argent (Chartes Abb. St-Magl. T.F., t.3, 1340, 95)

...c'est assavoir ceste vente faite pour et parmi le pris et la somme de dix sept livres par.. fort, monnoye courant a present (Chartes Abb. St-Magl. T.F., t.3, 1345, 142)

...c'est assavoir ceste presente prinse et adscenssement fait pour et parmy six livres douze deniers par.. que de fons de terre que de cres de cens ou rente annuelle et perpetuelle (Chartes Abb. St-Magl. T.F., t.3, 1352, 180)

Qant messires Robers de Namur fu retournés de ce voiage en la conté de Namur, il entendi que li rois d'Engleterre seoit devant Calais ; si se ordonna a la venir et i vint moult estofeement, et se mist ou serviche dou roi d'Engleterre. Et le retint li rois parmis .CC. livres a l'estrelin que il li donna de revenue par an ; et en fu bien paiiés tant que il vesqi. (Froiss., Chron. D., p.1400, 809)

Par l'entremise de qqn.

Et toutes voies parmi ceste benoite vierge nous est donnée la vraie lumiére (Mir. emp. Julien, 1351, 187)

2.À la condition (de / que).

Parmi ce ... que... À cette condition que, sous réserve que.

...et parmy ce aussi que les dis preneurs et chascun d'euls sont, seront tenus, promettent et gaigent a faire planter en vingne en ceste presente annee toute la dite piece de terre de tres bon complant, de bons morillons et de melliers (Chartes Abb. St-Magl. T.F., t.3, 1371, 422)

...le dit Jehan aura d'iceulz religieus, par chascun an du dit temps, six livres de tournois, monnoie courant, et la moitié du droit du vin appartenant aus diz religieus des vingnes franches des terrouers de Charronne, parmy ce que icelui Jehan est tenus de querir et queillir, par chascun an, pour les diz religieus, l'autre moitié des dites dismes des dites vingnes franches (Chartes Abb. St-Magl. T.F., t.3, 1380, 498)

...lequel chapperon lui fu par ledit Pasture rendu de l'accort et consentement dudit Bertram, parmi ce que ycellui Berthaut fist refaire ladite fenestre qu' il avoit rompue (Reg. crim. Chât., I, 1389-1392, 503)

...et le restituons a sa bonne renommée, pays et biens quelconques non confisquez, parmi ce qu'il tendra prison au pain et a l'eaue par l'espace d'un moys (Chartes Abb. St-Magl. T.F., t.3, 1392, 650)

La Court a au jour d' ui delivré de prison J. Droyn, prisonnier en la Conciergerie, parmi ce qu'il obeyra à l'ordonnance de la Court qui estoit que... (Baye, I, 1400-1410, 311)

...lequel Colart a esté receu audit office par procureur, lequel a fait le serement en tel cas acoustumé, parmi ce que ledit Colart sera tenu de venir ceans en personne, dedans le jour de Pasques prochainement venant, faire ledit serement en la maniere acoustumée. (Fauq., I, 1417-1420, 185)

Parmi tant. Dans ces conditions.

Et parmi tant, il vint a paix as Englois, et demora en sa ville, et fist remparer ce que desemparet estoit. (Froiss., Chron. D., p.1400, 624)

...et parmi tant li peuples de Paris s'apaisa. (Froiss., Chron. D., p.1400, 700)

Parmi tant que. À condition que.

Dont la lignie D'Adam perie, Confremee et baptisie Est sauvee, parmi tant Qu'en creant Le glorieus fruit de vie (Froiss., Joli buiss. F., 1373, 233)

... et parlementerent tant d'un costé et d'autre qu'ilz furent d'accort par my tant que les Sarrasins leur restituerent et rendirent quant qu'ilz avoient frayé sur le voyage (Arras, c.1392-1393, 236)

Et tretiierent par celle maniere que la ville et li chastiaus se renderoient a lui, parmi tant que les hostels et maisons qui fustees estoient, seroient restaulies au plus priés conme on poroit (Froiss., Chron. D., p.1400, 560)

Parmi + gérondif. En + gérondif.

...parmi payant lesqueles raençons ou patis, il qui parle n'a aucune chose mesfait, prins, pillié, robé ou couru la terre dudit conte Dalphin, mais icelle lui a gardée à son povoir du mieux qu'il a peu et sceu. (Reg. crim. Chât., II, 1389-1392, 204)

...et devoit avoir grans aliances dou dit duc, parmi ce mariage faisant, as François (Froiss., Chron. D., p.1400, 879)

Ce jour, a esté receu l'accord d'entre les executeurs de feu Augustin Ysebarre, d'une part, et Marc Gaudichon, d'autre part, parmi paiant par chascune partie dix livres parisis, font vingt livres parisis, pour appliquer au prouffit de la chappelle de la grant sale du Palais. (Fauq., II, 1421-1430, 251)

...et les aultres eschapèrent, parmy paiant grandes finances. (Monstrelet, Chron. D.-A., t.4, c.1444-1453, 294)

3.Compte tenu de.

Et parmy le dommage et la grant honte qu'il avoient receüe, si leur convenoit il chascun an rendre treü et leurs testes racheter (Bérinus, I, c.1350-1370, 124)

Moult se maintint Danemont fierement, si que par la fierté de lui Aigre congnut bien que c'estoit li roys, parmy ce qu'il en avoit oÿ recorder, si sceut bien certainement qu'il avroit la bataille (Bérinus, I, c.1350-1370, 284)

...et pour coulourer son fait et mettre raison à sa demande, parmy le bon conseil et advis qu'il eubt, il envoya devers le duc de Juillers notables hommes telz comme le seigneur de Votonne... (Froiss., Chron. M., XIV, c.1375-1400, 161)

Et parmy cecy qu'om leur baille, Le roy d'Angleterre et son fis Renuncent a tous les profis Des terres qui ne sont nommées En ce traicté ne exprimées (Desch., M.M., c.1385-1403, 385)

Guillaume de Fontenay, escuier, prisonnier en la Conciergerie du Palaiz pour cause de la somme de IIJc frans, dont l'en faisoit execution sur lui par vertu d'une commission des commissaires ordonnez à punir les fauteurs de Pierre de Lune, et dont ledit escuier se disoit avoir appellé en Parlement, est eslargi par tout jusques à un mois prouchain venant, parmi ce que Regnault de Fontenay, frere dudit prisonnier, l'a cautionné de ladicte somme (Baye, I, 1400-1410, 316)

Ce jour, Jehan Le Chastellain, clerc de Andry du Molin, prisonnier en la Conciergerie pour occasion de ce que il estoit vehementement souspeçonné d'estre coupable et consentant du mauvais gouvernement et vie dissolue de Jehanne La Marcelle, femme dudit du Molin, a esté delivré et mis hors de prison, parmi ce que ledit Chastellain a fait serement et juré que desormais il n'aura aucune conversacion ne compagnie avec ladicte Marcelle. (Fauq., I, 1417-1420, 163)

II. -[Empl. adv.]

A. -À travers (un espace, un lieu).

Un cuer de gueules a enmi, Feru d'une flesche par mi De sable (Mach., R. Fort., c.1341, 67)

Mais avant par ceste chappelle, Ou passer parmy me convient, La doulce vierge par qui vient Grace aux humains des cieulx ça jus A mains jointes, a genouz nuz, Humblement saluer m'en vois (Mir. nonne, 1345, 325)

Je vëoie cointe verdour Et parmi [je voyais] planté de flourettes, Vermeilles, blanches et yndettes. (Mach., D. Aler., a.1349, 392)

Et se ainsi estoit que il ne fust meu circulairement et que les estoilles courussent et passassent parmi, aussi comme un oisel est meu par l'aer et un poisson par l'eaue, il convendroit que elles divisassent et persassent le ciel. (Oresme, C.M., c.1377, 448)

...et passe la riviere dou Hombre tout parmi, qui va ceoir en la mer. (Froiss., Chron. D., p.1400, 113)

La chité de Nantes est grande, et la riviere de Loire qui court parmi, moult large. (Froiss., Chron. D., p.1400, 495)

...des enfans d'Israel pour lesquelz par la priere de Moise la Mer Rouge se divisa et passerent parmi (Juv. Urs., Aud. celi, 1435, 274)

À travers (le corps, une partie du corps...), de part en part.

Mais se laissa en amere grieté Crucifïer, et du fer d'une lance Fendre parmy. (Mir. enf. ress., 1353, 82)

Arcipolés tient un arc taint en grainne, Dont si droit tret q'un coer perce parmi (Froiss., Ball. B., c.1362-1377, 15)

Pas n'ay le cueur endormy, De l'aymer suis trop songneuse, Mon cueur a percé parmy : Plus le voy, plus suis joyeuse. (Régn., F.A., 1432-c.1465, 90)

B. -Au milieu (d'une chose), dans (une chose).

...la barbe noire, aucuns poilz blans parmy, courte, large et moult pellue (La Sale, Salade, c.1442-1444, 150)

Au milieu (d'un mélange de choses concr. ou abstr.).

Et nota que de l'un et de l'autre le foye est bon a mectre en pasté, et de la pouldre fine parmy (Ménagier Paris B.F., c.1392-1394, 236)

...puis mectez la farce de vostre tarte avec frommage gratuisé meslé parmy a souffisant planté. (Ménagier Paris B.F., c.1392-1394, 245)

...car le beau service que faire scevent, leurs flateries, bien appareillier a mengier, tenir tout nettement et ordonneement, bel parler et beau respondre, aveuglent tellement les gens que on ne s'en prent garde de leurs tres grans mauvaistiéz : car elles se meslent de devocion parmy, pour mieulz tout couvrir, et vont au mostier a tout patenostres, et la est le peril. (Chr. Piz., Trois vertus W.H., c.1405, 211)

Et je mesleray fievres chauldes Parmy et corrumpues humeurs (Cene dieux, c.1492, 127)

...le roy fut malade de la verolle et en peril de mort, pour ce que la fièvre se mesla parmy (Comm., III, 1495-1498, 46)

Au milieu (d'un groupe).

Et se les anemis sont fors et sont a doubter, le chief doit faire une seulle esquiere de tous ses gens en fourme d'une poire, qui est aguë devant et large derriere, et en front tous les meilleurs et plus fors hommes qu'il a, pour desrompre ses anemis, et eulx bouter parmy, affin de les deppartir. (La Sale, Salade, c.1442-1444, 241)

C. -Au milieu (d'une situation, d'un état de choses).

...par lui muert a honte celle Qu'ay espousé par marïage, Dont a po que de dueil n'enrage, Et que mon cuer parmy ne creve, Tant me tourmente et tant me greve La paine qu il ly fault encourre. (Mir. enf. ress., 1353, 60)