ORDONNEEMENT

adverbe

[T-L : ordenerordeneement ; GD : ordoneement ; FEW (VII, 396a) : ordinare]

De façon ordonnée, en bon ordre.

Ces bestes descendirent moult ordonneement et paisiblement ensamble. (Jean Le Long, Voy. Odoric A.M., 1351, 42)

Par quoy je doy estre excusé en partie se je ne parle en ceste matiere si proprement, si clerement et si ordeneement comme il fust mestier (Oresme, E.A., c.1370, 100)

...de puis les mist en oevre ensuyvenment et ordeenement et selon droite ordre (Foul., Policrat. B., II, 1372, 170)

...je diz que deux choses y sont touchees assez ordeneement, c'est assavoir le conmandement du prestre et le decret du juge. (Songe verg. S., t.1, 1378, 188)

LE QUINT CHEVALIER. Chier sire, il vous faulsist avoir Un vostre secret secretaire Qui, par voz lettres, cest affaire, Et par vostre commandement, Declairast ordonneement A vos subgez et bienveillans. (Gris., 1395, 20)

Qant ce vint a l'endemain, tout monterent qant il orent oy messe, et puis cevauchierent moult ordonneement tout cel pais et plain d'Ostrevant, et vinrent au chastel de Buignicourt. (Froiss., Chron. D., p.1400, 64)

Le second jour apriés, il fu consilliés ... de mettre une enbusqe sus au plus priés dou chastiel conme il poroit par raison et puis deslogier de la mal ordonneement ensi que gens font qui ne sevent que c'est de gerre, pour traire hors dou chastiel messire Garnier et les siens ; et qant il seroient hors, li enbusqe saudroit avant et les encloroit entre le chastiel et l'oost. (Froiss., Chron. D., p.1400, 470)

Aprés que vous arés dites bien et bel ordeneement toutes ces choses au dit roy de Chipre (Bouciquaut L., 1407, 352)

Et partirent entre IX et X heures du Palais pour aler ordonnéement deux et deux au devant du Roy (Fauq., III, 1431-1435, 25)

Faictes a tous signifier Et a son de trompe crier Que riches, povres mesléement Viennent au temple ordonnéement Sacrifier au dieu de Rome (Myst. st Adr. P., c.1450-1485, 70)

Remarque : Consol. Boèce C., c.1350, gloss. ; Guill. Orange T.H.G., p.1450, gloss. ...