OFFRIR

verbe

[T-L : ofrir ; GD : offrir ; GDC : ofrir ; DECT : ofrir ; FEW (VII, 331b) : offerre ; TLF (XII, 449a) : offrir]

I. -[Idée d'offre]

A. -Emploi transitif. Offrir qqn ou qqc. (à qqn)

1.Offrir qqn (à qqn). Mettre qqn à la disposition de qqn.

Quand l'on perceut sa bonne volunté, on luy offrit le clerc de ce chanoine [Une femme exige que le chanoine, amant de son amie, l'honore, elle aussi] (C.n.n., c.1456-1467, 522)

2.Offrir qqc. (à qqn)

a)Mettre qqc. à la disposition de qqn sans qu'il ait à le demander.

Et li roys qui tenoit grant conte D'eaus [les Vénitiens] , les sot moult bien recevoir : Et leur response concevoir. Et vesci ce qu'il respondirent. Premierement il li offrirent Navie, qu'il delivreront À tous ceuls qui passer vorront, Et avec ce juste nol pris, Et encor, se bien l'ay compris, Ayde, faveur et confort. (Mach., P. Alex., p.1369, 49)

...il [l'evesque] s'atendoit que ledit Cotin deust accepter ladicte prebende qui lui avoit esté offerte et presentée par ledit evesque par pluiseurs fois (Fauq., II, 1421-1430, 23)

Par ma foy, dit le bon homme, monseigneur le curé, vous m'offrez plus de biens que je ne vaulz (C.n.n., c.1456-1467, 297)

...vostre bonté se veult tant humilier que de moy offrir ce que je n'oseroie requerir (C.n.n., c.1456-1467, 546)

...Ou qu'il n'y eut gentil, vilain ne noble, Et mesmement les seigneurs de l'eglise, Tant des parroisses que de la cathedralle, Qui ne se missent en singulier devoir Pour saluer la majesté royalle Et luy offrir leur corps et leur avoir. (La Vigne, V.N., p.1495, 156)

Offrir son service / ses services (à qqn)

...il prist congié de la dame et luy offry moult son service et dist qu'il ne pourroit estre en lieu, pour qu'i se peust partir, se elle eust mestier de luy et il le seust, que il ne venist. (Chev. papegau H., c.1400-1500, 52)

Tant de gens de bien vous ont offert leurs services et vous les avez tous reboutez ! (C.n.n., c.1456-1467, 345)

Offrir la joute (à un adversaire). Voir joute

Offrir (à qqn) à / de + inf. Proposer (à qqn) de faire qqc, s'engager à faire qqc...

Offrir à + inf.

Dit oultre que, deux ans a ou environ, il oy dire, n'est record du nom des personnes, que un nommé Eliot Le Vassal, escuïer tenant la forteresse d'Algonde, soubz la Dourdoigne, avoit offert à livrer icelle forteresse à Guillaume de Campane, capitaine de Carlate (Reg. crim. Chât., II, 1389-1392, 193)

...attendu que ledit bailli a offert à respondre personelment et peremptoirement ceans à ce que l'en lui voudra demander. (Baye, I, 1400-1410, 156)

LE MARCHANT. Ostez toute difficulté Et croyez ce que je vous ditz, Car je offre a prouver tous mes ditz Sur paine de perdre la vie. (Myst. jeune fille L., c.1413-1445 [c.1530], 61)

...ledit duc de Bourgongne avoit offert et offroit à prester au Roy cent ou deux cens mil frans pour faire et conduire sa guerre contre ses ennemis anciens (Fauq., I, 1417-1420, 238)

...l'un de nous l'offre a prouver de son corps a l'encontre du sien. (Percef. IV, R., c.1450 [c.1340], 224)

Offrir de + inf.

Et toutesvoies, s'ilz [les orfèvres] ont à faire d'or pour dorer ou faire les menuz ouvrages dessusdis, les maistres des monnoies ont offert et offrent de leur en faire delivrer aux monnoies du Roy et au pris du Roy. (Fauq., II, 1421-1430, 233)

Remarque : Constr. dir. ds l'ex. suiv. (forme dial. de subj. ?)

...si partie demande que aucun des advocas assistans à la barre luy soit contraint, parce que il die que il ait eu du sien et promis à estre o luy en sa cause contre l'adverse partie, et offrege en faire foy (Très anc. cout. Bret. P., Textes divers, 1403, 362)

Emploi impersonnel. (Il) est offert qqc. à qqn

Fu offert aux bourgoiz de Paris, pour la portion contingent et touchant ceulx du Parlement pour la taille de la ville de Paris, Vc frans par les presidens (Baye, II, 1411-1417, 29)

Emploi absolu. Offrir à qqn

Et encore quant l'en leur offre, il ne veulent prendre. (Oresme, E.A., c.1370, 239)

b)En particulier. Donner qqc. en cadeau (à qqn), faire (à qqn) le don de qqc..

Et s'il faut que tu contremandes, Garde toy bien qu'a Dieu commandes, Et mercie tres humblement Ceuls que tu porras bonnement, Et leur offre chiens et oiseaus A chevaliers, a damoiseaus. Se tu as que donner, si donne ; Se ne l'as, di a chiere bonne Que bien les guerredonneras, Et le fay, quant aaisiez seras. (Mach., C. ami, 1357, 111)

Je scé qu'il sont de grant bien gent : Offrez leur et or et argent Ce qu'en vouldront. (Mir. st Sev., 1362, 201)

J'ai de columbiaus une paire Qu'alai l'autrier d'un ny[t] abatre ; Ceulz auras pour ton corps esbatre. S'ai deulz orselés d'un aage, D'une façon et d'un courage Qu'ai trouvés en une monta[i]gne, Si dis : 'Jusque ma dame va[i]gne Seront gardé cil orselet, Car cest present veuil je qu'elle et.' Belle, ne refuse cest offre Ne ces biaus presens que je t'offre (Mach., Voir, 1364, 638)

A ce propos conte Valere De Fabricius le debonnaire, Qui refusa l'or et l'argent Qui lui fu offert de grant gent. (Chr. Piz., Chem. estude P., 1402-1403, 205)

Et quant Madame fut venue et descendue a la porte du moustier, la furent les officiers, les plus notables religieux de l'église qui de par damp Abbés a genoulz ly offrirent tous les biens de leans avec leurs services (La Sale, J.S., 1456, 245)

...ose et presume ce present petit oeuvre, a vostre requeste et advertissement mis en terme et sur piez, vous presenter et offrir (C.n.n., c.1456-1467, 22)

[Domaine de l'amour] Offrir son coeur, un regard, son amour...

Et quant la nuit a tant duré Ou il a les griés enduré, Li jours qui pour li esclarcist, C'est quant sa dame le guerist Après une douce clamour, Qui le fait en signe d'amour, Et elle ne vuet plus souffrir Qu'il ait grief, si li vient offrir Un trés dous regart amoureus Ou autre signe savoureus, Soit de bon samblant ou de bouche. (Mach., D. Aler., a.1349, 288)

Il si hautement la reclaimme Que trop ne la porroit prisier, Et se vorroit apetisier, Se celle li voloit souffrir, Quant ce vient a son cuer offrir ; Et celle parçoit sa bonté, Se s'atrait a humilité Et dou tout a lui s'umelie. (Mach., D. Aler., a.1349, 327)

Atant de parler me souffri, Mais au gerfaut m'amour offri, Pensers, desirs, sens et entente En l'eure, sans plus faire attente, Dedens mon cuer celeement. (Mach., D. Aler., a.1349, 371)

Raisons voloit que je souffrisse Et Amours que mon coer offrisse Et que remonstrasse a la belle Comment je vivoie pour elle (Froiss., Espin. amour. F., c.1369, 79)

Offrir un don

Mon nepveu, vous nous demonstrés A nous prochains faire pardon, Veu que de vostre cure ouffrés A ces grans pecheurs ung tel don ! (Pass. Auv., 1477, 217)

Offrir son salut. Présenter ses hommages.

Quant je l'oÿ, je m'en souffri, Et si bel salu li offri, Comme je pooie et savoie, Et comme faire le devoie. (Mach., J. R. Nav., 1349, 163)

c)Proposer qqc. (à qqn) en contrepartie d'autre chose.

...et oultre disoit qu'il estoit venu devers la Court pour avoir d'elle conseil, confort et ayde où besoing seroit, en offrant services, prieres et oroisons. (Fauq., II, 1421-1430, 295)

Offrir tant (un prix) de qqc. / pour qqc.

...une damoiselle (...) prinst et bargaigna un des dix coffres, ferré de laiton, que ledit Jehan lui fist X s. p., et elle en offri IIII s. (Ch. VI, D., t.2, 1390, 143)

...ladicte taille ne pourrions et aussy ne voudrions en aucune maniere conseiller ne consentir, combien que des un an a et mesmement puiz nagueres on nous a offert C mil frans pour ycelle consentir estre mise sus (Baye, I, 1400-1410, 36)

Lesquelz marchans ont offert desdits sept balaiz 4 escus du carat et non plus et du gros balay six escus du carat et des deux gros saphirs 60 escus et des parles, diamens et autres petiz balaiz, rubiz et saphirs en offroient très peu de chose (Aff. Jacques Coeur M., 1453-1457, 104)

d)Abandonner qqc. à qqn.

Laquelle Margot persevera et continua ès negacions par elle autres fois faites, disant et affermant par son serement, et sur la dampnacion de son ame, qu'il n'en estoit riens, mais avoit menti et mentoit mauvaisement et faussement icelle Marion, en li offrant et baillant son gaige de bataille (Reg. crim. Chât., I, 1389-1392, 344)

e)Imposer qqc. à qqn.

Assez tost te feray offrir Un tel tourment que tu diras (...) que n'en pourras Endurer ne souffrir la paine. (Mir. st Ign., 1366, 109)

B. -Emploi pronominal.

1.S'offrir à qqn. Proposer ses services à qqn, se vouer à qqn.

...laquelle Court a remercié en la personne dudit arcevesque ledit S. Pere et de sa bonne affection qu'il a devers la Court (...) et après ce s'est offerte audit Saint Pere. (Baye, I, 1400-1410, 132)

[Domaine de l'amour]

Amours que j'en pri, Qui volt et souffri Qu'a li, sans detri, Quant premiers la vi, m'offri, Li porra bien dire Que pour s'amour fri Sans plainte et sans cri, Et qu'a li m'ottri, Comme au plus trés noble tri Que peüsse eslire, Et qu'autre ne tri. (Mach., R. Fort., c.1341, 22)

S'offrir de corps à qqn. Voir corps

2.S'offrir à qqc. Se déclarer prêt à qqc..

...dame Nature (...) se presenta incontinent avec ses chamberieres qui sont les influences et causes naturelles, et se offry a la formacion de ceste dame et de la toute belle amie de Dieu (Gers., Concept., 1401, 391)

...lequel, combien qu'il eust tenu le parti de Bourgogne et gouverné pour luy ledit païs de Languedoc, toutesfois il se offrit au service du Daulphin. (Raoulet, Chron. Ch. VII, V., c.1461-1467, 171)

3.S'offrir (à qqn) à / de + inf. Proposer (à qqn) de faire qqc., se disposer à faire qqc..

S'offrir à + inf.

...a morir t'es miex offert Mesel pourry que ce qu'ilz [les ynocens] fussent Occis ne que pour toy morussent (Mir. st Sev., 1362, 203)

BUZI, quart escolier. Maistre, je m'i offre a aler Voulentiers et améement (Mir. st Val., c.1367, 128)

Et quant je me senti a ce mené, Par le pooir d'Amours qui tous cuers vaint, Que mi penser furent tout ordené En vous, ma dame, en qui tous mes corps maint, Je, confians de vostre humilité, D'ardant desir fort espris et contraint, À vous servir de bonne volenté M'offri, dame, moult de paour attaint. (Mach., Lays, 1377, 468)

...et se il ont mestier de la Court, elle s'est offerte et offre à eulx ayder à faire bonne justice. (Baye, II, 1411-1417, 20)

Sur quoy ledit lieutenant civil donna response et excusacions pour lui et lesdiz officiers de Chastellet, en soy offrant à faire de son povoir ce que à lui appartenoit (Fauq., I, 1417-1420, 154)

Lors tous de tres bon cuer l'acompaignerent devers le roy, et furent pluseurs qui a le servir au voiaige se offrirent. (La Sale, J.S., 1456, 85)

Pluseurs christiens (...) se offrirent a servir en sa court (Fillastre, Traité Conseil H., c.1472-1473, 154)

Heloy, heloy lama Sabatam ! Pour quoy tant souffrir, Mon Dieu, me laisses tu sans t'offrir A moy ayder ne tant ne quant ? (Pass. Auv., 1477, 222)

Le Filz pour nous la mort souffrit, Luy estant en ce mortel monde, Pour ce qu'Adam trop tost s'offrit A gourmender la pomme ronde. (La Vigne, S.M., 1496, 298)

Remarque : Constr. dir. ds l'ex. suiv. ? C'est dû au compl. a luy qui précède l'inf.

Je m'offre a luy le combatre a oultrance Pour soustenir le nom d'Anne de France. (Brézé, Louanges Anne France T., c.1488-1490, 63)

S'offrir de + inf.

...et soit encores prest et s'offre de le faire ainsi... (Mand. Ch. V, D., 1367, 211)

...à quoy la Court se offry de faire tout ce qu'il appartendroit selon raison et bonne justice. (Fauq., I, 1417-1420, 172)

Et en tant que touchoit monsegneur de Bourgongne, il s'estoit offert de soy emploier et exposer corps, amis et chevance pour secourir ladicte ville de Paris (Fauq., I, 1417-1420, 238)

...si ne fust pour la grand vertu que Dieu en elle n'avoit pas oblyé de mectre largement et a comble, elle se fust offerte de luy faire compaignie en son voyage (C.n.n., c.1456-1467, 167)

L'aultre print ce present (...) et s'offrit de faire le mieulx qu'il pourroit (C.n.n., c.1456-1467, 237)

L'EMPEREUR. (...) Noz ennemys nous requierent d'avoir Treves et paix : pour ce, faisons debvoir De sur ce cy prandre conseil vaillable. Ilz s'offrent tous de laisser leur avoir (La Vigne, S.M., 1496, 252)

C. -Participe présent en emploi substantival. Celui qui fait une offre.

DROIT Le plus offrant. Celui qui fait l'offre la meilleure (dans une vente, en partic. une vente aux enchères).

...ycelle terre tu bailles et delivrez à nostre dit cousin, ou à ses gens, et non à autres, pour autel pris come le plus offrant en vouldra donner (Doc. Poitou G., t.3, 1351, 96)

Remarque : Doc. 1365 (Runk) ds FEW VII, 332b.

Le plus haut offrant

...le plus halt offrant (Terre Jauche D., 1444, 178)

Au plus offrant. À celui qui propose le prix le plus élevé.

Et est nostre entention que lesdictes assises soient censiés par cry et au plus offrant au plus grant prouffit de nous et de nostre dicte ville, appellé à ce ou nom de nous nostre bailli de Lille. (Hist. Lille T., t.2, 1388, 433)

...que icelle nostre Monnoye soit baillée à la chandelle fermée pour ung an, au plus offrant. (Ordonn. rois Fr. V.B., t.11, 1419, 9)

Ce jour, Geffroy des Molins, huissier de ceans, a esté commis à vendre au plus offrant certaine quantité de vins vielz de Bourgongne (Fauq., II, 1421-1430, 193)

L'eritaige demouré par le decès d'autre non recuilly par les heritiers, peut par le seigneur en qui fief il est assis estre saisi en sa main, et mis en bennye de huitaine, XVe et XLe, et baillé au plus offrant (Cout. instit. Anjou Maine B.-B., t.4, 1426, 244)

(Au) plus offrant et (au) dernier encherissant / encherisseur

...pour le pris que le plus offrant et derrenier enchierissant en vouldra donner (Doc. Poitou G., t.3, 1351, 98)

...consentant que le decret des diz fief et [et] heritaiges feust adjugié et delivré au dit maistre Robert Bigant ou autre plus offrant et derrenier encherisseur, au prouffit du dit maistre Robert. (Doc. Poitou G., t.7, 1404, 23)

...ou plus offrant et derrenier renchierisseur (Comptes Etat bourg. M.F., t.3, 1416-1418, 101)

...octroyons que il puisse lever et mettre sur le dit aide ou impost dessus declairé, ou icellui baille a ferme au plus offrant et derrain encherisseur (Chron. Mt-St-Mich. L., t.1, Pièces div., 1419, 95)

...pour iceluy encherisseur ou ceux plus offrant et dernier encherisseur tenir ledict moulin et usine hereditablement a luy ou a ses hoirs perpetuellement (Trés. Reth. L., t.3, 1441, 201)

Or soit doncques [la robe] au premier cop Mise a pris au plus offrant Et au derrenier encherissant. Je commance ja a jouer. (Myst. Pass. Amb. R., c.1474-1500, 63)

II. -[Idée d'offrande]

A. -Donner, présenter (qqc., un animal, qqn) en offrande (à une divinité, à Dieu).

J'ay tout prest ce que j'offerray Sur cest autel. (Mir. nat. N.S.J.C., c.1343, 230)

...et ferés tant que elle en offerra une et vous l'autre [des chandelles] (Henri Ferr., Modus et Ratio, Songe pest. T., c.1354-1377, 56)

Pour la dolour qu'elle ot de son mari Qui dedens mer par fortune peri, Si qu'en plourant Dist a Juno pluseurs fois : 'Je te pri, Riche deesse, oy mon dolent depri.' Maint sacrefice et maint don li offri Pour son amant, Et pour savoir, ou, et pourquoy, et quant Il fu peris. (Mach., F. am., c.1361, 163)

Mais se faire li vues despit, A jointes mains Prie Venus qui regne et vit, Et li offrez ce que j'ay dit [offrande de cire, d'encens...] , Et lors d'avoir joie et delit Seras certains. (Mach., F. am., c.1361, 229)

...conment pour li elle offri Deux coulombiaux. (Mir. femme, 1368, 224)

Car les sacrifices anciennement ordenés et teles assemblees estoient faites aprés ce que les fruis sont cueilliz, et adonques ilz [ceuls qui font sacrifices] offrent les premices de leur fruis. (Oresme, E.A., c.1370, 433)

...pourveu qu'il yra en l'eglise de Nostre-Dame de Paris, et devant l'image Nostre-Dame en ladite eglise, ... l'entrée du cuer d' icelle eglise, [et] offerra une torche de deux livres de cire. (Paris domin. angl. L., 1422, 58)

...il institua plusieurs supersticions en Grece, par especial en ce qu'il sacriffia premier à Jupiter ung beuf. Lequel beuf en son temps yssit d'un fleuve et monta en l'air le jour de la feste Serapis et après descendit oudit fleuve et depuis ne apparut, pour laquelle chose icelui Cicrops ordonna que on offrist le beuf plus tost que autres bestes. (Simon De Phares, Astrol., c.1494-1498, f° 24 v°)

Offrir son coeur à Dieu

Mais la balance juste et fine Clerement moustre et determine Que tu es cils qui meins y a Pour l'orgueil qui te conchia Et conchie de jour en jour, Quant en toy fait si lonc sejour, Qui ne puet nullement souffrir Que tu ailles ton cuer offrir Au vray dieu qui fist tout le monde ; Si en morras de mort seconde, Car l'ame et le cors perderas Et l'avoir : einsi fineras. (Mach., C. ami, 1357, 33)

[À propos de la présentation de Jésus au temple]

NOSTRE DAME. (...) Tenez, sire, je le vous offre [l'enfant] : Après vous feray j'une autre offre, Pour li ravoir. (Mir. nat. N.S.J.C., c.1343, 225)

[Au diable]

...d'un paillard jaloux qui (...) fist offrir une chandelle au deable (C.n.n., c.1456-1467, 3)

B. -Emploi pronominal. S'offrir. Se sacrifier.

DEUS. (...) Pour ce me suis volu offrir En la croix et pour mort souffrir (Pass. Semur D.M., c.1420 [1488], 217)

C. -Emploi absolu. Faire une offrande.

Et Jhesu, nostre enfant, menons Avec nous : s'offerrons ensemble. (Mir. nat. N.S.J.C., c.1343, 228)

Sire, je l'accors bonnement : Or offrez donques sanz delay. (Mir. nat. N.S.J.C., c.1343, 230)

Certes toute lassée suy D'aller offrir par ces eglises (Desch., M.M., c.1385-1403, 103)

'... Certes, l'en me tendroit pour yvre Et aussi bien sote seroye, S'en nul lieu devant vous offroye ['si je vous précédais à l'offrande'] .' La se tiennent lieue et demie : 'Offrez. -- Certes nel feray mie.' Et au derrain va la plus grande Devant les aultres a l'offrande, Disans : ' J'y vois pour delivrer [pour mettre un terme à cet assaut de politesse] .' (Desch., M.M., c.1385-1403, 110)

Comment après la maniere d'offrir et après la paix prandre, il faut faire les honeurs au partir du moustier. (Desch., M.M., c.1385-1403, 111)

...en l'eglise de Paris, en laquelle ilz offreront et laisseront chascun son cierge ardant devant l'image Nostre Dame (Fauq., I, 1417-1420, 377)

...il n'estoit pas chose convenable que a deux dieux fust fait ung soeul temple (...) et que ainsi il n'estoit pas acoustumé de offrir ['de faire offrande'] ne adourer deux dieux ensamble. (La Sale, Sale D., 1451, 62)

...icellui duc se leva de son siége, et ala offrir à l'autel (Escouchy, Chron. B., t.1, c.1453-1460, 351)

...Thoison d'or, roy d'armes, avoit appellé les chevaliers par leurs tiltres et chascun selong son ordre pour aller offrir [au cours d'un service pour les chevaliers trépassés de l'ordre de la Toison d'or] (Chastell., Chron. IV, D., c.1461-1472, 281)

III. -[Idée de présentation, d'exposition]

A. -Emploi transitif. Présenter, exposer, mettre en place (qqn ou qqc.).

Et faictes que soient foré Dedans la croix Jhesus III treux La ou on frappera les cleux, Vueilliez le ainçois dessus offrir Affin que ne puissiez faillir (Marcadé, Myst. Pass. Arras R., a.1440, 187)

Offrir qqn à qqn. Présenter qqn à qqn.

Et le jour ensuyvant Aristides de Academie offri au dit Socrates un sien petit enfant appelé Platon pour entroduyre en bonnes meurs et science. (Foul., Policrat. B., II, 1372, 154)

B. -Emploi pronominal. Se présenter.

1.[D'une pers.]

S'offrir (par) devant qqn. Se présenter devant qqn.

PIERON. (...) Devant le duc nous fault offrir Et presenter. HUCHON. C'est voir, pour lui dire et conter Ce qu'avons en son filz trouvé (Mir. Rob. Dyable, c.1375, 19)

Les deux filz du roy voy la estre : Je me vois devant eulx offrir. (Mir. ste Bauth., c.1376, 131)

Participe passé.

Tout droit au pape t'en iras Et toy par devant li offert, Di li conment tu as souffert En purgatoire (Mir. prev., 1352, 264)

S'offrir de + inf. Se présenter pour.

Tousjours Anglois, incessamment, Mais onques ne se sont offers De nous faire nul desplaisir Par passaiges, ports et travers (Myst. siège Orléans H., c.1480-1500, 373)

2.[D'une chose] S'offrir à la vue. Se présenter à la vue.

Exemple nous avons en la mer lequel se offre et presente selon sa grandeur totale a nostre veue (Somme abr., c.1477-1481, 134)

IV. -[Idée d'exposition à, d'abandon à]

A. -Emploi transitif. Offrir qqn / qqc. à qqc. Abandonner, livrer, exposer qqn ou qqc. à qqc..

Il avoient trop de meschié ; Trop avoient de dures fins, De durs lis, de mauvais coussins ; Souvent estoient mal peü. Nulz ne scet, s'il ne l'a veü, Ce qu'il leur couvenoit souffrir. Et toudis voloient offrir Le corps a peinne pour honneur, N'il ne pensassent deshonneur Envers leurs dames nullement, Eins les amoient loyalment (Mach., D. Lyon, 1342, 210)

Dieus li peres ne voloit mie Oublier sa serve et s'amie Endurer, voloir, ne souffrir Son corps a tel martyre offrir Sans raison nulle et sans desserte, Eins fist pour li miracle aperte, Et de fait oy sa priere, De cuer faite et d'amour entiere. (Mach., C. ami, 1357, 11)

[En parlant du roi de Chypre assassiné] Mais d'une chose me merveille, Comment Ihesu Cris pot souffrir Tel homme à tele mort offrir ? Car onques mais certeinnement De si très bon commencement Je ne vi si piteuse fin. Or prions à Dieu de cuer fin Qu'il le preingne et mette en sa gloire, S'ara noble et digne victoire. (Mach., P. Alex., p.1369, 274)

Nous avrons assez a souffrir, Nos corps convient a mort offrir, Et puis avront parfaite gloire. (Jour Jug. R., c.1380-1400, 223)

Le Tout Puissant, prenant nostre foiblesse, Laissa les cieulx et nous vint secourir, Offrit a mort sa tres clere jeunesse. (Villon, Test. R.H., 1461-1462, 80)

B. -Emploi pronominal. S'offrir à qqc. S'exposer, s'abandonner, se livrer à qqc..

Li bons Lancelos et Tristans Eurent plus de peinne dis tans Que femme ne porroit souffrir, Tant se peüst a peinne offrir, Et cent fois furent plus loiaus Que Jason ne fu desloiaus, Ne Theseüs qui trop mesprist D'Adriane, quant Phedra prist. (Mach., J. R. Nav., 1349, 234)

Et s'on te dit parole dure Ou fait de fait aucune injure, Souveingne toy que Dieus souffri Pour nous, et comment il s'offri A peinne, a dueil et a martyre. (Mach., C. ami, 1357, 62)

Mais pour ce que tu as souffert Pacienment et toy offert A plaine ma voulenté toute, Grace te feray (Mir. Theod., 1357, 116)

Après [les messagers égyptiens] li feïrent requestes, Qui n'estoient justes ne honnestes. Et vraiement il demandoient Choses qu'à faire n'afferoient ; Dont li gentils roys amast mieux Qu'on li eüst crevé les yeux, Et que mais n'afulast heaume, Ou avoir perdu son royaume, Ou tantost mourir vraiement Qu'il leur acordast telement, Et qu'a toute peinne s'offrist Qu'en son royaume les souffrist. (Mach., P. Alex., p.1369, 204)

S'offrir à la mort. S'exposer à la mort.

...Et pour ce tu ne te dois mie Einsi mettre a desconfiture, Car Pitez est dessus droiture, Qui jamais ne porroit souffrir Toy vëoir a la mort offrir Pour amer, c'est chose certeinne, Ne Franchise qui moult procheinne Est de Charité et d'Umblesse. (Mach., R. Fort., c.1341, 61)

Quant Amours si fort enlassoit Leandus, que la mer passoit A no, sans batel n'aviron, A la minuit ou environ, Li fols qui tant y trespassa Que d'amer en mer trespassa, Il fist trop plus et plus souffri Que Hero qui a mort s'offri, Considerés les grans peris, Ou il fu en la fin peris, Que ne fist Hero pour s'amour, Non contrestant mort ne clamour. (Mach., J. R. Nav., 1349, 252)

Il [le sultan] a pris les Veniciens Et tous les autres Crestiens Qui estoient en son païs, Dont forment sommes esbahis. N'est Crestien, tant ait vasselage, S'il va en saint pelerinage Dou sepulcre, qu'il ne rençonne Ou occie, s'il ne li donne. Dont li vient ceste auctorité, Qu'il nous tient en si grant vilté ? Doit il avoir seur nous maistrie, Avantage ne signourie ? En tous cas nostre foy despite, Eu monde n'a si bon hermite Qui ne se deüst mieus offrir À mort que tel chose souffrir. À tous Crestiens fait injure, Contre Dieu et contre droiture. (Mach., P. Alex., p.1369, 125)

... [Dieu veuille] le mettre [le mari] ou nombre des glorieux martirs qui pour le reboutement des infideles et l'exaltacion de [la] saincte foy catholicque se sont voluntairement offers et habandonnez a la mort temporelle. (C.n.n., c.1456-1467, 423)

S'offrir en otage pour qqn

Amilles n'a ci nul parage ; Je m'offre pour li en hostage Et ma fille ; or nous recevez (Mir. Amis, c.1365, 29)