OFFRANT

substantif masculin

[GDC : offrant ; FEW (VII, 332b) : offerre ; TLF (XII, 447b) : offrant]

Celui qui offre.

Vous voïés, donques, que le roy Joas est loué, en la Sainte Escripture, de ce que il mist poine et diligence que lez oblacions du pueple fussent converties ez usages esquelles ilz devoient estre converties selon la volanté dez offrans. (Songe verg. S., t.1, 1378, 36)

[Dans une enchère] Le plus offrant. Celui qui fait l'offre la meilleure.

...ycellez hale, les deux maisons d'en costé (...) furent mises à fuer, remontéez et rencheryees par plusieurs fois, et tant que elles demourerent audit Symon Le Long, comme au plus offrent et derrenier encherisseur (Trés. Reth. S.L., t.2, 1365, 172)

Si ne voldra nullement que ses prevostéz soyent baillees pour argent aux plus offrans et derreniers encherissans, si comme on fait communement maintenant en France, et pour ce a eu telz sieges en assés de lieux de tres mauvaise ribaudaille, mengeurs de gens et pires que larrons, car il n'est mauvaistié qu'ilz ne facent pour tirer argent. (Chr. Piz., Trois vertus W.H., c.1405, 86)

Ce jour, Geffroy des Molins, huissier de ceans, a esté commis à vendre au plus offrant certaine quantité de vins vielz de Bourgongne, estans en nature, contencieus entre Audry Viart et Jehan Bazin, et sera mis en la main du Roy et de la Court l'argent qui ystera de la vente des vins dessusdis (Fauq., II, 1421-1430, 13)

[Cont. métaph.] Aux bons marchans qui ont de quoy (...) Au plus offrant bailliez la foy, Mais que le cueur vostre demeure. (Martin Le Franc, Champion dames III, F., 1440-1442, 173)

...certains draps de laine appartenans audit suppliant, lesquelz furent venduz au plus offrant et derrenier encherisseur (Doc. Poitou G., t.9, 1448, 65)

Et lesdiz biens meubles vendre ou faire vendre et adenerer en gardant les solempnitez sur ce acoustumées ès lieux où lesdiz biens sont ; et de délivrer lesdiz biens aux plus offrans et derreniers enchérisseurs (Aff. Jacques Coeur M., 1453-1457, 15)

...Or soit doncques la robe au premier cop Mise a pris au plus offrant Et au derrenier encherissant. Je commance ja a jouer (Myst. Pass. Amb. R., c.1474-1500, 63)

Remarque : PHIL. VI VALOIS, Doc. paris. V., t.1, 1332, 158 ; Rég. jur. Belg. B., 1406, 401 ; doc.1422 ds Bibl. Éc. Chartes 48, 1887, 425...

Voir aussi offrir