NOTABLE

adjectif et substantif masculin

[T-L : notable ; GD : notable ; GDC : notable ; FEW (VII, 197b) : notabilis ; TLF (XII, 244b) : notable]

I. -Adjectif.

A. -[D'une chose]

1.Digne d'être noté, d'être remarqué, remarquable, important (par ses conséquences, son influence, sa qualité, sa quantité...).

Si que dont, quant je la vëoie Vis a vis et que remiroie Son port, son maintieng, sa maniere, Qui plus est estable et entiere Que nulle qu'onques mais veïsse, Bien estoit drois qu'en retenisse Aucun notable enseingnement, Quant dou souvenir seulement Meintes fois par Douce Pensée Ma maniere estoit amendée. (Mach., R. Fort., c.1341, 8)

Or escoute chose notable : Nous trois seiens a une table Pour nossoier et pour mengier. Mais Discorde se vint vangier, Car par despit, c'en est la somme, Getta devant nous ceste pomme, Et pour la court troubler dist qu'elle Fust donneë a la plus belle. (Mach., F. am., c.1361, 215)

Car il n'a en trestout le monde, Tant comme il tient à la reonde, Place qui soit si honnourable, Ne reputée si notable, Comme est ceste place où nous sommes. Je ne donroie pas IJ. pommes De cuer où honneur est si morte, Qui dou tenir ne se conforte. (Mach., P. Alex., p.1369, 105)

L'un venist par devotion Au sepulchre en pelerinage Et fust quittes de tout servage ; L'autre venist pour marchander, Et li autres pour demander Le demi commerque dou roy ; Et encor plus certes, je croy, Qu'en toutes les notables villes Qui sont pour marchandise abilles Li roys y heüst de ses gens, Chevaliers, bourgeois ou sergens, Pour lever et pour recevoir La rente qu'il y doit avoir (Mach., P. Alex., p.1369, 184)

Car celui qui s'en esloingne trop, il est a blasmer pour ce que la distance est notable et apparissant et que il ne le deüst pas ignorer. (Oresme, E.A., c.1370, 174)

'Par ensi, poriés vous perdre vos drois et le hommage de Bretagne qui est une moult grosse et notable cose en vostre royaume' (Froiss., Chron. L., VI, c.1375-1400, 178)

...il vous convendroit avoir d'accort toutes les plus notables citez et bonnes villes d'Angleterre (Froiss., Chron. M., XIV, c.1375-1400, 25)

...ce n'est pas possible par nature ne par art que quantité notable d'aucun tel corps soit perfetment polie ne du tout onnie sanz aucune inequalité ou asperité et supereminence, posé que tel corps soit de figure droite et plainne ou de figure sperique ou autre. (Oresme, C.M., c.1377, 398)

...que, à trompes cornans, il soit menez tant ès hales de Paris comme aillieurs, aus notables portes de la ville de Paris (Reg. crim. Chât., II, 1389-1392, 208)

...que illec, à la pourcession que feroit le curé d'icelle ville, ilz feussent menez tous nus piez, et sanz chapperon et chemise (...) et, en après ce, eulx revestuz, feussent tous mis à l'eschiele ou carrefour et le lieu plus notable d'icelle ville de Rungy (Reg. crim. Chât., II, 1389-1392, 246)

Le prophete Ysaïe dit une parole au roy Ezechias, laquele touche a chascun, c'est asavoir : 'Ordene et dispose de ta maison, car tu morras'. Pour laquele disposicion le philosofe naturien dit une notable parole (Mézières, Test. G., 1392, 299)

Et celle nuit commenca la feste grant et notable. (Arras, c.1392-1393, 191)

Aussi dist on qu'il [le marquis] appareille Une feste trop honnourable Qui sera assez plus notable Que nulle qu'il fëist pieça. (Gris., 1395, 80)

C'est un jardin trop delitable, Il n'a ou monde si notable (Chr. Piz., M.F., I, 1400-1403, 118)

Un ymage d'or moult notable Chut adont tout devant la table (Chr. Piz., M.F., IV, 1400-1403, 44)

...pour ce que la matiere est grande, grosse et notable, et est expediens que chacun l'oie et entende (Baye, I, 1400-1410, 158)

'Comment, dit il, seroit ung homme feable a moy qui ne le est a son Dieu, son pere et droiturier seigneur ?' ; et c'est ung notable exemple pour les princes. (Gers., Concept., 1401, 410)

...et aussi ou regard de la monnoie, en quoy les notables anciennes ordonnances n'estoient point observéez ne gardéez (Fauq., I, 1417-1420, 275)

L'an de l'Incarnacion courant Mil .IIIIc. IIIIxx. et huit, Des jours il estoit dix huit De ce beaul joly mois de may, Ung dimanche aprés dimay, Ceste notable Passïon Fust par grande devocïon Achevee du tout d'escripre (Pass. Semur D.M., c.1420 [1488], 269)

...et pour autres certaines causes et consideracions notables qui ont meu ledit Cotin à surseoir de l'acceptacion d'icelle prebende (Fauq., II, 1421-1430, 23)

...ladicte ville de Gand estoit notable ville (Fauq., II, 1421-1430, 297)

...quant il a veue la grant et notable assemblée qui desjà estoit oudit saint concil (Fauq., III, 1431-1435, 46)

Et meismement, adfin qu'il ne se peuyst loger autour d'ycelle lui et ses gens à leur aise, ne eulx fortifier, yceulx d'Orliens avoient fait abbatre et démolir à tous costés en leurs faulxbourgs bons et notables édifices. Entre lesquelz furent destruis et abatus jusques à douze églises et au dessus, esquelles estoient les quatre ordonnées des Mendians, et avec ce moult d'autres belles et sollempneles maisons de plaisance que avoient les bourgois d'ycelle ville. (Monstrelet, Chron. D.-A., t.4, c.1444-1453, 298)

Vous vouldrés, en conclusion, En lyeu notable marié Mon fillieurs : il faut adviser En quel lieu aura myeulx de quoy (Myst. st Bern. Menth. L., c.1450, 13)

Mon seignieur, vostre parlemant Est notable et [bien] gracieulx ; Mès il me semble que coiteux Vous este de moy marié. (Myst. st Bern. Menth. L., c.1450, 66)

...elle eschappa de mort a cause d'avoir senty des biens de ce monde. Qui est notable et veritable exemple a pluseurs jeunes filles de point refuser ung bien quand il leur vient. (C.n.n., c.1456-1467, 351)

ASTR. Estoile notable. Étoile remarquable.

Et pour ce que celle grant ourse contient en lui .VIJ. estoilles notables, et aussy fait mesmes la petite, et qu'elles tournent tousjours entour le pole dessus dit, pour ce est celle partie appellee septemtrion. (Evr. Conty, Harm. sphères H.P.-H., c.1400, 8)

...et sur les significacions et desmonstrances de la pluspart des commectes et autres espesses de notables estoilles et des esclipses (Simon De Phares, Astrol., c.1494-1498, f° 10 r°)

Armes notables et invasibles. Voir arme

[En tournure superlative]

Amis, ci vueil mon dit finer Et mon ouvrage terminer. Je te pri qu'en bon gré le pregnes Et que le milleur en reteingnes. Laisse ce qui n'est pourfitable Et si retien le plus notable. Aussi te vueil je supplier, Les deffaus vueilles supplier ; Car je say po et petit vail, Si n'est merveille, se je fail. (Mach., C. ami, 1357, 140)

2.Bien connu.

...en la maniere que on devise et partit le monocorde dessus dit pour avoir les consonancies et les notables sons qui neccessaires sont ou procés de musique, si comme il semble que Ptholomee vueille dire. (Evr. Conty, Harm. sphères H.P.-H., c.1400, 78)

3.[Cont. nég.] Grave.

Si croy que c'est sans mesprison, Car attrais n'iès pas de nature Que faire doies mespresure, Au mains tele ne si notable Com pour estre en lieu si grevable, Ja soit ce que nature enseingne Qu'homme ne soit qui ne mesprengne. (Mach., C. ami, 1357, 59)

Si qu'à Paris vous en irez, Et là pourveance ferez Pour nos chevaliers et no gent, Et n'i espargniez n'or n'argent, Mais faites là si grandement Et si très honnourablement, Qu'il ne soit chose qui y faille, Car trop seroit notable faille S'il y avoit aucun deffaut ; Et vous savez tout ce qu'il faut À tel fait. Pour ce vous en charge De tous poins et si m'en descharge. (Mach., P. Alex., p.1369, 235)

...pour ce que ilz avoient trouvé defauz notables en ses comptes (Baye, I, 1400-1410, 47)

B. -[D'une pers.] Qui occupe un rang important ; éminent, renommé.

Ci endroit vueil dou roy finer, Pour moustrer et determiner Ne say quans mos en cas semblable Qui sont aus dis dou roy notable. (Mach., D. Aler., a.1349, 360)

Li roy hucha son connestable, Qui estoit personne notable, Et aussi ses IJ. mareschaus. Si commanda que li assaus Fust commenciez sans plus atendre ; Qu'il vuet, s'il puet, la porte prendre. (Mach., P. Alex., p.1369, 85)

Il avoit de bons chevaliers Et de notables escuiers, Riches gens et de grant arroy En la compaingnie dou roy (Mach., P. Alex., p.1369, 177)

Si que li papes sagement, Dou gré dou roy, ordena là, Que de chascune ville ala Vers le soudan une personne Notable, diligent et bonne, Qu'estre doivent embassadeurs De la pais et mediateurs Entre le soudan et le roy, Qui se combat pour nostre foy. (Mach., P. Alex., p.1369, 221)

...et se les gens notables sunt institués es princeys, ce est chose aristocratique. (Oresme, Pol. Arist. M., c.1372-1374, 228)

'Messire Symon, vous avez esté tousjours ung chevalier moult notable ens ou royaulme d'Angleterre, et grandement vous ama monseigneur le prince' (Froiss., Chron. M., XIV, c.1375-1400, 34)

...bourgeois et autres gens notables de la province de Rouen (Ch. VI, D., t.1, 1381, 10)

Lequel jugement cy-dessus conseillié et prononcié fu, par ledit maistre Gieffroy Le Goibe, fait mettre à excecution en la ville de Rungy, assez près de l'eglise d'icelle ville, en la presence de plusieurs personnes notables, tant officiers du roy comme autres (Reg. crim. Chât., II, 1389-1392, 247)

Et lors appella son frere Alain et aucuns des plus notables de leur lignaige, et leur compta cest affaire. (Arras, c.1392-1393, 70)

...et [ceux de Couloingne] envoierent par devers le duc Anthoine quatre des plus notables bourgois de la cité, qui moult humblement lui firent la reverence, et furent moult esbahiz de sa fiere contenance. (Arras, c.1392-1393, 175)

Car [la nouvelle épouse] trop plus grant est de noblece, De beauté et de jeune aage Que ne soit Griseldiz (...). Acompaignie est grandement De honnestes et notables gens. (Gris., 1395, 92)

Et vinrent li plus notable honme et li plus autentiqe des bonnes villes de Flandres (Froiss., Chron. D., p.1400, 803)

Castor, chevalier moult notable (Chr. Piz., M.F., IV, 1400-1403, 20)

...il est expedient d'avoir en nostre dicte ville une notable personne, comme est nostredit Chancellier, à qui l'en puist avoir recours (Baye, I, 1400-1410, 249)

...si requeroit que la Court voulsist adviser sur ce et eslire ou nommer aucun notable homme ydoine et souffisant pour exercer le fait de ladicte lieutenance. (Fauq., I, 1417-1420, 121)

...et pluiseurs autres clers et bourgois notables de la ville et Université de Paris (Fauq., I, 1417-1420, 210)

...par la main de un notable homme du pais (Chancell. Henri VI, L., t.2, 1429, 147)

Tous cieulx sont notable barons (Myst. st Bern. Menth. L., c.1450, 13)

Et quant Madame fut venue et descendue a la porte du moustier, la furent les officiers, les plus notables religieux de l'église qui de par damp Abbés a genoulz ly offrirent tous les biens de leans avec leurs services (La Sale, J.S., 1456, 245)

J'ay cogneu en mon temps une notable et vaillant femme, digne et de memoire et de recommendacion (C.n.n., c.1456-1467, 241)

...les dictes parties ne s'estoient voulu laisser appoincter et appaiser par tant de notables personnes (C.n.n., c.1456-1467, 394)

...advint une assez bonne histoire qui n'est mains vraye que [l'euvangile], comme il a esté et est cogneu de pluseurs notables gens, dignes de foy et de croire. (C.n.n., c.1456-1467, 431)

...gens nottables et dignes de foy (Doc. Poitou G., t.10, 1460, 273)

L'aultre diffinition est selon ung notable docteur apellé Richard de Saint Victor, et est tele : personne est chose subsistente, c'est a dire qui d'elle a estre pour surporter aultre chose et soustenir sans ayde d'aultre chose selon et par une maniere singulere. (Somme abr., c.1477-1481, 130)

En soctie, il se monstre notable (Sots, c.1480-1500, 270)

Plutarque, notable philozophe, fut en ce temps moult bien estimé pour la science des estoilles et aussi pour philozophie (Simon De Phares, Astrol., c.1494-1498, f° 76 r°)

Pas n'y faillit la notable princesse, Dame d'onneur avecques sa noblesse, Bien acoustree d'un fin drap d'or frizé, Et en joyaulx portant une richesse Si tres exquise que mieulx sembloit deesse Que femme humaine, le tout bien advisé. (La Vigne, V.N., p.1495, 159)

[En tournure superlative]

Adont manda IJ. amiraus, Les plus notables de sa court ; Si leur dist : 'Signeurs, brief et court Il couvient qu'en Chypre en alez...' (Mach., P. Alex., p.1369, 123)

Il a seans un chevalier Qu'on appelle le Tricoplier, Le plus sage et le plus notable Qui soit en ce païs, sans fable. (Mach., P. Alex., p.1369, 176)

...il convint que la paix et traictié en fussent refaiz par les plus notables de la ville [Après une sévère dispute de famille] (C.n.n., c.1456-1467, 384)

II. -Substantif masculin.

A. -Ce qui mérite d'être noté, chose importante.

Lors li roys en haut respondi, Se fu sages, qui l'entendi ; Car il leur bailla un notable D'une parole espouentable Et dist : 'Foy que doy mes amis Et quanque Dieus en moy a mis, Je vorroie que trés tuit cil Fussent livré a tel essil Qui pourchassent a leur signeur Son damage et sa deshonneur, Einsi com cils oiseaus a mort Son signeur et livré a mort...' (Mach., D. Aler., a.1349, 358)

Et ne est pas mestier de faire table des notables de si petit livre et souffist signer les en marge. (Oresme, Ycon. Arist. M., 1374, 847)

Cestui fut bien instruit en la science des estoilles et escripvit de beaux notables sur la science d'icelles (Simon De Phares, Astrol., c.1494-1498, f° 68 v°)

En particulier. Sentence, proverbe.

Vesta l'enfançon baptisa Et nom li mist que moult prisa. Vez ci comment, se bien querez, Son nom et le mien trouverez. Prenez ce plus prochain notable : Si les y trouverez, san fable, En IJ. vers d'une grosse fourme. Dont le darrenier vous enfourme. Que .h. seule y ajousterés Et dou premier mar osterés. (Mach., P. Alex., p.1369, 8)

Avant-hier vy escript sanz fable En ung prologue ung beau notable Qui disoit... (Saint-andré, Livre Jean de Bret. C., c.1400, 427)

Dieux scet s'ilz parlent de pluseurs A leurs disners et a leurs tables ! Vous y orriez de beaulx notables Descliquer la, en maint endroit ! (Chr. Piz., M.F., II, 1400-1403, 63)

Comme dit le commun notable, Aucuneffois peut prouffiter Ce qui de soy est invallable. (Paraboles Maistre Alain H., 1493, 83)

Remarque : Renart contref. R.L., 1328-1342, gloss. ; DESCH., Oeuvres Q., t.3, c.1370-1407, 299 ; Myst. process. Lille K., t.1, a.1485, 12/473...

B. -Personne éminente, renommée.

Ce clerc (...) avoit mis hors et mettoit pluseurs auctoritez et grans notables (Froiss., Chron. M., XII, c.1375-1400, 229)

Vous avez trop de foiz oy dire et retraire ung notable que, quant on a la maladie ou chief que tous les membres s'en sentent (Froiss., Chron. M., XIV, c.1375-1400, 40)

Personne qui, par sa situation sociale, jouit d'une grande autorité.

Là n'avoient li rice homme et li notable de le ville nulle poissance. (Froiss., Chron. R., IX, c.1375-1400, 192)

...il avoit parlé à plusieurs sages hommes, notables et conseillers, qui sur ce lui avoient dit leurs advis et oppinions (Reg. crim. Chât., I, 1389-1392, 238)

...et envoya l'Université devers le roy Charles pour ceste cause, aucuns notables, desquieulx estoit chef icelui maistre Philippe de Montoire et dient aucuns que depuis il fut l'un des XXX cardinaulx. (Simon De Phares, Astrol., c.1494-1498, f° 148 r°)