NATURELLEMENT

adverbe

[T-L : naturelnaturelment ; GDC : naturelment ; FEW (VII, 50b) : naturalis ; TLF (XII, 21b) : naturellement]

I. -[À propos d'un être vivant] Conformément à la nature d'un être.

A. -[À propos d'une caractéristique physique]

1.De naissance.

Ceulx qui ont naturelment les narines ou le nez moiste, et la semence, sont tantost enfermes (Saint-gille, A.Y., 1362-1365, 89)

2.Conformément à la nature mortelle de l'être humain.

Las ! Mon amy, se tu ne m'eusses faussee, je estoye gettee et exemptee de paine et de tourment, et eusse vescu le cours naturel comme femme naturelle, et feusse morte naturelement, et eu tous mes sacremens, et eusse esté ensevelie et enterree en l'eglise de Nostre Dame de Lusegnen, et eust on fait mon unniversaire bien et deuement. (Arras, c.1392-1393, 256)

...tous hommes humains naturellement sont morteulx ? (Crap., Cur Deus, De arrha B.H., c.1450-1460, 224)

Mourir naturellement. Subir la peine capitale.

Et certes, qui n'obeït au decret et a la sentence du juge doit morir naturelement ou civilement, selon la nature du cas. Et aussi, qui n'obeïst au conmandement du prestre doit morir espirituelment. (Songe verg. S., t.1, 1378, 188)

Remarque : À rapprocher de mort naturelle 'peine de mort', cf. FEW VII, 49a.

B. -[Domaine moral, psychique, affectif ...]

1.Par la nature, par l'essence de qqn.

Item notez que ce nom 'Dieu' s'entent et puet estre prins par trois manieres, c'est a scavoir naturelement, adoptivement par adoption et noncupativement par nomination. Selon la premiere maniere, Dieu est Dieu naturelement, car a lui compete divinité selon sa nature et non a aultre. (Somme abr., c.1477-1481, 105)

2.[À propos d'une qualité, d'un trait de caractère, d'une aptitude]

Enfans naturelment sont cremeteux, et pour che auchunefois on les peult esponter ou restraindre de leurs voluptéz par manache (Daudin, De la erudition H., c.1360-1380, 184)

Car quant au premier, il fu dit ou .XVIe. chapitre du sixte que unes gens sont enclins naturelement a unes vertuz et autres a autres. (Oresme, E.A.C., c.1370, 531)

... le conte de Foeis (...) estoit saige naturelment (Froiss., Chron. M., XII, c.1375-1400, 227)

Si estoit cil marquis Gautier (…) De bonnes meurs parfaictement, Enrichi naturelement Des biens de nature et de grace (Gris., 1395, 3)

Car pour ce que la premiere femme fut faite et cree en lieu hault et noble, plain de net et pur air, pour ce sont toutes femmes naturelement nobles, nettes, douces, courtoises et plaines d'esperit legier et inventif et si tres soubtil que, a bien pou d'ayde, elles scevent pluiseurs choses avenir. (Ev. Quen. I, c.1466-1474, 77)

[À propos de traits de caractère attribués à une nation]

...le Turc naturellement, et par l'expérience et l'usage qu'on en voit, n'attend point la guerre en aucune cité ou chastel, mais se tient continuellement aux champs, luy et toutes ses forces, parquoy il se diminuera et débilitera, luy et les siens. (Doc. 1453. In : CHART. J., Chron. Ch. VII, V., t.3, c.1437-1464, 34)

Car, naturellement, les Angloys qui ne sont jamais partyz d'Angleterre sont fort collericques: si sont toutes les nations de pays froid. (Comm., II, 1489-1491, 37)

[En partic., à propos des qualités propres à un seigneur, à un gouvernant]

Et lui qui si grant seigneur estoit et si puissant, et à qui naturelment, ou cas qu'il eust falu gouverneur à ce royaume, apartenoit le gouvernement, en si petit moment a finé ses jours moult horriblement et honteusement. (Baye, I, 1400-1410, 207)

Aussi, selon icelluy philozophe, les hommes de haulx et eslevez entendemens et vertueux sont naturellement inclinez et disposez à avoir povoir et seigneurie sur les autres. (Bueil, II, 1461-1466, 188)

3.[Avec un verbe de volonté]

Ches choses sont dittes de l'abilité de l'escolier, laquelle nature aide moult, comme dist Aristote ou commenchement de Methaphisique : «Tous hommes naturelment desirent scavoir». (Daudin, De la erudition H., c.1360-1380, 62)

Car le povre est trop plus reconforté et plus prent en gré la doulce parole, la visitacion, et le reconfort d'une grant et poissant personne que d'un autre : la cause si est que il lui est avis (...) que tout le monde le desprise, et il lui semble que quant personne poissant le daigne visiter ou l'araisonner, que il a recouvré aucun honneur, qui est chose que naturelement chascun desire. (Chr. Piz., Trois vertus W.H., c.1405, 38)

...chascun naturellement desire monter a honneur pour soy enrichir et estre prisié (La Sale, Salade, c.1442-1444, 18)

Naturellement toute creature fuit la mort et desire vivre. (LEFÈVRE (R.), Hist. Jason P., c.1460, 196)

4.[Avec un verbe de sentiment (aimer, haïr)]

...onques n'amèrent naturelment les Englès. (Froiss., Chron. R., VIII, c.1375-1400, 43)

La bonne dame, royne d'Engleterre (...) tant de biens avoit fais en son vivant... et (...) si naturelment avoit toutdis amé chiaus et celles de le nation de Haynau, le pays dont elle fu née (Froiss., Chron. R., VIII, c.1375-1400, 181)

Et, pour ce, nous veons que aucunes cytés et aucunes nacions s'entrehent naturelment et lez aultres s'entrement, et ne scevent cause de l'amour ne de la heyne. (Songe verg. S., t.1, 1378, 310)

Et toutesvoyes te promés je que a tout homme qui voulentiers mesdit de femme, vient de tres grant vilté de couraige, car il fait contre raison et contre nature. (...) Contre nature en ce que il n'est beste mue quelconques ne oysel qui naturellement n'aime chierement son per : c'est la femelle. (Chr. Piz., Cité dames C., c.1404-1407, 646)

...les princes ayment plus naturellement ceulx qui leur sont tenuz, qu'ils ne font ceulx ausquelz ilz sont tenuz (Comm., I, 1489-1491, 251)

Il y en avoit d'autres que nous appellons communement lansquenetz, qui vault autant à dire comme compaignons de païs, et ceulx-là hayent naturellement les Suysses, et les Suysses eulx. (Comm., III, 1495-1498, 266)

5.[Avec un verbe d'expression]

'Et veci mon compagnon le signeur de Cliçon, qui plus naturellement en poroit parler que je ne face, car il a esté avoech yaus nourris d'enfance'. (Froiss., Chron. R., VIII, c.1375-1400, 162)

Pour ces jours, estoit de tous poins alités li contes Guillaumes de Hainnau de la maladie des goutes, mais il avoit tous ses gens avoecques lui ; et aussi naturelment donnoit bon consel que onques fait il avoit en devant sa maladie. (Froiss., Chron. D., p.1400, 254)

Mais, à parler naturellement, comme homme qui n'a aucune litterature, fors seullement quelque peu d'experience, eust-il point myeulx valu à eulx et à tous autres princes et hommes de moyen estat, qui ont vescu soubz ces grandz et vivront soubz ceulx qui règnent, eslire le moyen chemin en ces choses ? (Comm., II, 1489-1491, 340)

6.[Avec un verbe d'action]

Et en propos presque semblable dit Saint Pol que aucunes gens qui n'ont point de loy font naturelment les oeuvres de la loy. (Oresme, E.A., c.1370, 99)

... une chienne pren toy garde Qui a un grand tas de chienneaulx ; Naturellement elle les garde Et les préserve de tous maulx Tu es donc pire que une lysse... ! (Myst. ste Barbe P., 1493, 49)

II. -[À propos de choses, de phénomènes naturels]

A. -Selon les lois de la nature.

Et sont telz corps plus pesans que legiers, et pour ce, il tendent en bas naturelment par simple mouvement, aussi comme feroit la terre qui seroit simple element. (Oresme, C.M., c.1377, 66)

Item, se toute la terre ensamble repose naturelement en eaue, donques chascune de ses petites parties devroit noer en l'eaue. (Oresme, C.M., c.1377, 542)

Et soit posé, si comme il est possible, que ce fust par un degré et que apres par grant laps de temps et par semblable maniere fust plus eslevé par un autre degré, et puis par un autre et ainsi en outre, je di que par moult de milliers de ans pourroit estre fait et naturelement selon ce procés que .b., le lieu de terre ou nous sommes, avroit fait demi-circuite (Oresme, C.M., c.1377, 570)

En particulier. Conformément aux lois de la nature et non miraculeusement.

Pour tremble-terre escheust le temple, Et c'est fait naturelement, Mes touchant le succistement Des mortz, ne sçaroys que respondre. (Pass. Auv., 1477, 274)

B. -Par la nature, par l'essence de qqc..

...l'en doit considerer lez moyens ou lez medycines par lezquelx, ou lezquelles, l'en veult avoir telle gueryson, c'est assavoir se elles puent naturelement avoir tel effect. (Songe verg. S., t.1, 1378, 389)

Pourquoy ne pourroit nostre Dame par son regart estaindre mauvais et charnel mouvement et esmouvoir a chasteté, comme le regart de ung savinier, secundum quosdam, ou comme nous veons es precieuses pierres que aucunes esmeuvent naturellement a leesce ? (Gers., Concept., 1401, 425)

La chose me vient tost au devant qui naturelement me delite ou qui par usage me plaist. Pour ce, diz tu, toy qui es Verité : Ou est ton tresor, la est ton cuer. (Internele consol. P., 1447, 213)