NEANT

substantif masculin, adverbe et pronom indéfini

[T-L : nïent ; GD : noiant ; DECT : nïent ; FEW (VII, 85a) : *ne gentem ; TLF (XII, 40b) : néant]

I. -Substantif masculin.

A. -Ce qui n'a pas d'existence, néant.

1.[À propos de la création du monde et des êtres par Dieu]

Creer (qqc.) de neant

Tout ce est a entendre selonc le cours de nature et non pas que il ne puisse estre autrement par la puissance divine qui crea le monde de nient. (Oresme, C.M., c.1377, 80)

Au commencement, car toutes choses crea de neent. En la moyenne du temps depuis la creation, pour ce que les choses de nature se retourneroient en neent, se n'estoient soustenues par sa puissance. (Somme abr., c.1477-1481, 161)

Compasser (qqc.) de neant

Royne des cieulx, mére au roy, Qui de niant tout compassa... (Mir. march. larr., c.1349, 97)

Faire (qqc./qqn) de neant

Sire, tu m'as fait de nient, et, se tu ne me gouvernes, je retourneray a nient. (Gast. Phébus, Livre oraisons T., c.1380-1383, 48)

Il convient que celuy qui m'a fait de neant, estre tant belle et merveilleuse creature entre les autres soit tres puissant (Gers., Trin., 1402, 168)

Celle chose seulement se puet convertir en neent qui est faite de neent. Il [Dieu] est incommutable, pour ce que ouvrant en riens se moeut. (Somme abr., c.1477-1481, 143)

Par celuy Dieu qu'onque mal ne fit Et de neant toute chouse fit : Que le temple Dieu destruyra Et en troys jours le reffera. (Pass. Autun Biard F., 1470-1471, 83)

Former (qqc.) de neant

Dient les docteurs, et ce est verité, que c'est plus grant merveille et fait de plus grande puissance, convertir et justifier ung pecheur que de former ung monde de neant, car en creant ung monde n'y a quelconque resistence, mais le pecheur est contraire a sa justificacion (Gers., P. Paul, a.1394, 495)

2.Locution adverbiale.

De neant. Si peu que ce soit.

'Et je me mettray en ta mesnie par maniere que, se je t'aide, tu feras pour moy et, se de noiant te sui contraire, je vueil que tu m'ocies'. (Bérinus, I, c.1350-1370, 58)

Il respondirent que il mesist sus une grosse et grant carge de gens d'armes, et les envoiast en Bretagne, et se hastast dou plus tost que il peuist, ançois que li Englès y fuissent de noient pus fort. (Froiss., Chron. R., VIII, c.1375-1400, 124)

Ne... de neant. Ne... en rien, ne... aucunement.

Se me respondez sanz delay, Mais que ne me mentez de nient, Dont ceste science me vient Tantost sarez. (Mir. nat. N.S.J.C., c.1343, 233)

Quant messires Perducas de Labreth entendi ce, si n'en fu de noient effraés (Froiss., Chron. L., VI, c.1375-1400, 223)

Pour neant

Pour rien.

Et dist en tirant hors une dague : 'Faulx traitre, as-tu dit ce mot de non faire ? Par ceste teste, tu ne l'a pas dit pour neant.' Adont fery-il de sa dague sur le chevalier. (Froiss., Chron. M., XII, c.1375-1400, 62)

Je veuil bien que vous sachiez que puisque vous estes mal de moy, vous ne le serez pas pour neant et sanz cause. (Reg. crim. Chât., II, 1389-1392, 63)

Messeigneurs, c'est grant simplece a vous de ainsi faire traveillier voz gens d'armes pour neant. (Arras, c.1392-1393, 156)

...apres ce qu'il en ot longuement joue [du cornet] , et qu'il ot dit audit suppliant que se il ne lui vendoit pour un blanc il le prendroit pour neant (Berger Fr. K.-G., 1393, 164)

...li signeur d'Engleterre fissent a savoir que casquns se retraisist as logeis, car bien veoient que il estoient la pour noient. (Froiss., Chron. D., p.1400, 145)

...'On fait bien le roi nostre sire despendre et aleuer son argent pour noient et perdre le temps' (Froiss., Chron. D., p.1400, 336)

Pour aucune raison (quelle qu'elle soit).

Sy commanda que les chasteaulx par ou ilz devoient passer fussent garny de tresbonnes gens, affin de les traveillier et dommagier tant qu'ilz porroient ; mais que pour neant ne se laissassent assiegier (La Sale, Salade, c.1442-1444, 51)

À tort.

Estes vous malade ? Et quant Remond oït qu'elle ne lui parle de rien, si cuide qu'elle [Mélusine] ne sache rien de ce fait. Mais pour neant le cuide, car elle scet bien tout. Mais pour ce qu'il ne l'ot descouvert a nullui, elle s'en souffry et n'en monstra semblant. (Arras, c.1392-1393, 244)

En vain.

Car nous avons monstré devant que les estoilles ne sont pas nees ou habiles a estre meues par elles meismes, car nature ne fait rien desraisonnablement ne pour nient. (Oresme, C.M., c.1377, 492)

Enfans, montez a cheval et alez au devant de ces estrangiers, et les recevez tres honnourablement, et les faictes tres bien logier, car on me dit qu'ilz sont bien de VJc. à VIJc. chevaulx. Mais pour neant en parole, car ly anciens chevaliers Melusigne estoit ja venus, et avoit bien advisié qu'ilz ne pourroient pas bien tous logier en la ville, et avoit fait tendre en la pree sur la riviere grant foison de tentes et de paveillons (Arras, c.1392-1393, 52)

SECONT BERGIER. Tu l'as bien pour nient attendue, Car elle ne vendra maizhuit (Gris., 1395, 98)

Proverbe.

Pour neant list cil qui riens n'entent. (Miélot, Prov. U., 1456, 197)

C'est pour neant. Cela ne sert à rien, c'est inutile.

Mais c'est pour nient que mon cuer bée (Mir. abbeesse, 1340, 66)

Puis vint au conte, et le cuide lever, mais ce fu pour neant, car il estoit mort. (Arras, c.1392-1393, 22)

...et se repentoit fort des paroles qu'il avoit dictes, mais c'est pour neant, car c'est trop tart. (Arras, c.1392-1393, 256)

Du demourer [le chevalier] fut moult prié et requis, mais pour neant estoit ; car le retour estoit a lui sy desirant que ne se porroit. (La Sale, Salade, c.1442-1444, 98)

Le filz, oye ceste menace (...) se sauve. Son pere le suyt, mais c'est pour neant : il n'estoit pas si radde du pyé comme luy. (C.n.n., c.1456-1467, 325)

...[elle] fist mettre sus beaucop d'ambaxadeurs pour ravoir ses bagues et habillemens de corps ; mais ce fut pour neant. Car son mary, obstiné et endurcy en son propos, n'en voult oncques oyr parler (C.n.n., c.1456-1467, 420)

3.Locution verbale.

Aller à neant. Être anéanti, détruit.

Si se degasta ceste ordenance et ala toute a noient, qant on vei que li papes et li rois de France lor estoit contraires et rebelles (Froiss., Chron. D., p.1400, 895)

[D'une pers.] Aller à neant. Être près de mourir.

Las ; maintenant Vous voy a neant - aler pour ces crüelz travaulx. (Pass. Auv., 1477, 210)

Se convertir en neant. Être anéanti.

Celle chose seulement se puet convertir en neent qui est faite de neent. Il [Dieu] est incommutable, pour ce que ouvrant en riens se moeut. (Somme abr., c.1477-1481, 143)

Enerver comme du tout au neant. Affaiblir totalement.

Et soubz umbre de debitis et sauvegarde, que baillent sans congnoissance les baillis et seneschaulx ou aultres officiers royaulx, sont du tout empeschés les jurisdictions temporelles et spirituelles des gens d'esglise, et tellement que par voyes obliques et exquises lesdis officiers se efforcent de enerver comme du tout au neant leur jurisdiction temporelle et spirituelle. (Juv. Urs., Verba, 1452, 384)

Mettre qqc. au neant. Détruire, réduire à néant.

Haro ! je croy que le pouoir De Dieu est du tout mis au nient Quant celle que j'atens ne vient (Mir. nonne, 1345, 326)

PREMIER DYABLE. Haro ! haro ! touz mes effors Sont bien venuz et mis au neant. (Mir. mère pape, c.1355, 377)

Et semblablement, se par les parties proporcionnelles d'une heure une matiere estoit en la premiere rarefiee ou estendue au double, et en l'autre apres au quadruple et puis a l'octuple et ainsi ensuianment, il appert que en la fin de l'eure ou apres elle seroit du tout sanz matiere et mise au noient. (Oresme, C.M., c.1377, 252)

Mes la Pucelle soy voyant, Ainsi comme on m'a rapporté, Son fait estoit mis au neant Et comme ell'avoit tout gasté, Si luy fut de necessité Les ralyer a sa cordelle, Que plus riens d'elle n'eust esté Emplus que d'une patorelle. (Myst. siège Orléans H., c.1480-1500, 575)

Mettre au neant. Considérer comme inexistant.

...et que tous les actemptas, tant d'ung costé que d'autre, fussent réparez et mis au néant. (Chart. J., Chron. Ch. VII, V., t.2, c.1437-1464, 76)

DROIT Mettre au neant. Annuler.

Si requeroit à grant instance que les dites lettres, renunciations et acort fussent rappelleez et mises au nyant, et que certain adjournement baillié et octroyé à la dite dame, par lequel la cause venoit en parlement, qui rappellez avoit esté par une impetracion torçonniere et subreptice faite de par le dit conte, leur fust bailliez et octroyez, et la lettre empetrée de par lui anullée. (Doc. Poitou G., t.2, 1347, 376)

La Court, du consentement du procureur general du Roy notre sire et des diz prevost et sergens et aussy du procureur de la dicte conté et des diz eschevins, a mis les diz explois au nient, tout aussy que se il ne feussent et onques advenuz (Hist. dr. munic. E., t.1, 1354, , , 345)

'Et avoech ce volons et consentons que (...) toutes pactions, confederations, alliances et couvenances (...) qui pourront estre prejudiciales ou obviier par quelque voie à la ditte pais (...) soient quassées, irritées et mises au noient.' (Froiss., Chron. L., VI, c.1375-1400, 44)

Et pour ce dient lez decrés et lez loys que, quant un privili[e]ge est, ou comance a estre, prejudiciable au salut de la chose publique, il doit estre rapellé et mis au nient. (Songe verg. S., t.1, 1378, 46)

Après ce que un deffaut que portoit Colin Mauny a l'encontre de Yon Rogier, attourné de Guillemette, fame de Jehan Le Pelletier, eut esté mis au neant (...) ledict attourné pour la dicte fame, emporta delay de son conseil vers ledit Mauny (Mémor. Echiq. Archev. S., 1381, 11)

Ce jour, la Court a mis au neant certeinne appellation entrejectée par la femme de maistre J. G. Caudel (Baye, II, 1411-1417, 87)

Mettre du tout à/au neant

...et renunça ledit Gilet audit heritage à vicairie de lui et de sadite femme, et mist du tout au neant le brief qui fais estoit par devant les tabellions de nostredit seigneur (Trés. Reth. S.L., t.2, 1387, 348)

...et toutes autres procedures quelzconques, irrictées, classées et adnullées, irrictons, classons, annullons et mectons du tout au neant et voullons et nous plaist qu'il ne soit obtemperé ne obey à l'execution d'icelles. (Hist. dr. munic. E., t.1, 1481, , , 483)

Mettre à neant. Annuler, considérer comme nul.

Tous ces fais devantdiz de pardurable perdicion que chascun scet, estoient tous mis à nyant, quant à la justice corporelle (Journal bourgeois Paris T., 1419, 129)

Mettre à neant. Diminuer, affaiblir.

Car reposer selon mesure Est moult nécessaire à nature, Et qui longuement veilleroit, Et point ne se reposeroit, Mettroit son corps tost à néant, Tant fust-il fort ou cler voiant (La Haye, P. peste, 1426, 104)

Mettre qqn au neant. Vaincre, défaire.

Les Anglois venuz d'Engleterre N'ont nul droit en icelle terre De France, n'a eulx n'appartient. Or voy, par fortune de guerre, Le veullent avoir et acquerre Et mectre le roy au neant, Qui est vray roy des crestiens Et sur tous les roys parmanant, Esleu par la vostre clemence. (Myst. siège Orléans H., c.1480-1500, 286)

Ramener à neant. Réduire à néant.

...afin que par le delay l'effect desdictes lettres et ordonnances, consultacions et deliberacions ne fust ramené à neant par telles voies obliques (Fauq., I, 1417-1420, 114)

Retourner à neant. Être anéanti.

[Et l'une et l'aultre chose faire ne se puet, c'est assavoir et que il soustenist punicion et que Dieu eust misericorde de lui], se il fut retournés a neant par son pechié. (Crap., Cur Deus, De arrha B.H., c.1450-1460, 235)

Se retourner en neant. Être anéanti.

Au commencement, car toutes choses crea de neent. En la moyenne du temps depuis la creation, pour ce que les choses de nature se retourneroient en neent, se n'estoient soustenues par sa puissance. (Somme abr., c.1477-1481, 161)

Tenir halle de neant. Disputer pour une chose qui n'en vaut pas la peine.

...affin que vous cognoissez ma volunté, sans tenir cy halle de neant, je vous conseille que me baillez ma part justement de la moitié, ou vous arez incontinent hutin. [Deux femmes se disputent un cadeau] (C.n.n., c.1456-1467, 523)

Nous tenons halle de nëant. (Myst. Pass. Troyes B., a.1482, 898)

Tourner à neant

...peu esploitièrent, car toutes leurs coses tournoient à noient (Froiss., Chron. R., VIII, c.1375-1400, 225)

Car, se ainsi estoit, vous seriés aisé à desconfire et tourneroit à la fin vostre fait à neant. (Bueil, I, 1461-1466, 129)

Venir à neant. Être anéanti, détruit.

Comment la puissance inique des trois estas declina et vint à neant. (Chron. Jean II Ch. V, D., t.1, 1350-1364, 5)

Les elemens deussent perir, A neant venir, Sentent la mort de leur createur. (Pass. Auv., 1477, 247)

Diminuer jusqu'à la disparition totale.

...[les grands oiseaux] cressoient comme la Lune croissoit, puis decreurent et vindrent à neant (Simon De Phares, Astrol., c.1494-1498, f° 31 v°)

Venir sur neant. Être anéanti, détruit.

Mes amys, gardez vous en bien, N'ayez ymaginacion A leur mauvaise elacion : Tout viendra sur nëant en fin. (Myst. Pass. Troyes B., a.1482, 589)

B. -Chose ou être sans valeur.

...moy, fiens, ordure et nient, Oultrageuse fole enragée, De valeur acomparagée Me sui a l'umble vierge mére (Mir. mère pape, c.1355, 369)

[Polyphème à Galatée] Mais trop hai desdaing et pesance Que tu desprises moi, gaiant, Pour amer un chetif noiant, Accin, de cui tu te solaces, Si le baises et si l'embraces, Et moi ne daignes embracier Ne deduire ne solacier. (Mach., Voir, 1364, 642)

Et pour ce que il seuffrent moult de painnes et de tristeces et si grandes, la delectacion que il ont en esperance de celle fin leur semble comme neent ou regart des poinnes que il endurent. (Oresme, E.A., c.1370, 217)

N'avons nous pas de nostre Dame qui se reputoit petite ancelle et ung neant a son jugement, laquelle neantmoins fut de telle manificence que elle s'accorda a estre mere de Dieu ? (Gers., P. Paul, a.1394, 502)

Sy me juge bien estre ung neant au regart de vostre haultesse, estre une chose nice et fole au regart de vostre saigesse sans nombre, estre une chose vaine et vile au regart de vostre bonté. (Gers., Trin., 1402, 164)

Regarder quel mains, quel neant, Qu'il est gentil deça dela. (P. Jouh. D.R., a.1488, 34)

Un neant. Peu de chose' (Éd.).

LE JUIF. Cent escus n'est pas ung nÿant. On va bien pour moins a l'offrande. (Mir. st Nic. juif, c.1480-1500, 120)

Un beau neant

...des choses qui sont ça jus Envers celles qui sont la sus C'est un biau nient. (Mir. ev. N.D., c.1348, 82)

PREMIER POVRE. Seigneurs, et que me dites vous De l'ostel Pierre le changeur (...) ? Y avez vous nulz avantages N'aumosnes, dites ? DEUXIESME POVRE. D'un biau nient dire t'aquittes. (...) du plus merde et plus aver Homme que l'en puisse savoir Parles (Mir. Pierre Changeur, c.1378, 234)

Pour un beau neant. Pour une chose sans importance.

...ne a ses maignees ne sera male, maudisant ne disant villennie, ne toute jour rioter pour un beau neant : ains les reprendra voirement quant mesprendront, et menacera de mettre hors se ilz ne s'amendent, mais ce sera sans tonner ne mener grant harou (Chr. Piz., Trois vertus W.H., c.1405, 177)

Sur un neant. Pour une chose sans importance.

...et mesmement devez penser que puis que sur ung neant il vous treuve obeissant a son vouloir, et que vous en tenez grant compte, croira il que sur ung gros cas vous trouveroit il encores en cent doubles plus obeissant. (Ménagier Paris B.F., c.1392-1394, 97)

Homme de neant. Homme de rien.

De laquele parolle ledit Charlot desmenti ledit Loys, en disant : Tu mens, car mons. de Thouraine n'est que homme de neant et que un putier. (Reg. crim. Chât., II, 1389-1392, 24)

...l'estat et personne dudit prisonnier, qui samble estre homme de neant et vacabond (Reg. crim. Chât., II, 1389-1392, 277)

Gens de neant

...jamais autre ne seras ne ne mectras en toy amendement puis que tu as esté nourri entre gens de neant et qui ne scevent nul bien. (Legrand, Archil. Sophie B., c.1400, 114)

...leur jugement contraire à vraye cognoiscence souventes fois leur dit que bien fait soit si comme folie, folie honneur, deshonneur chose belle et doulcereuse, si comme par experience le veons avenir en yceulx jeunes, qui sont desvoiez, faire desrision de leurs compaignons, se ilz les voient retrais par grace de Dieu des folies susdittes ou que autres jeunes ne soient vaguans en la voie de dissolucion comme eulx, ilz les reputent folz et chetifs et dient que ce ne sont que commeres et gent de neant (Chr. Piz., Faits meurs Ch. V, S., I, 1404, 26)

Chose de neant. Chose sans valeur, sans importance.

Seigneur, je suis acertainee Que Baudricourt n'en fera riens, Et le tient a folle pensee, Ainsi que une chose de neant. (Myst. siège Orléans H., c.1480-1500, 350)

SAINCT MARTIN. De quoy sert si grant pavillon A une chose de nyant ? PREBSTRE. De Mahon, plus doulx c'un colon Va tu les haulx faiz desnyant ? (La Vigne, S.M., 1496, 434)

II. -Pronom indéfini.

A. -[Sans négation]

1.Rien.

Si se logièrent li pluiseur de fueillies, et li aultre de nient fors au nu chiel (Froiss., Chron. R., VIII, c.1375-1400, 244)

[Dans un compte]

Du verre de Biervliet, qui souloit valoir 10 livres l'an : on ne trouve aucun qui prenre le vueille, et à ferme, et pour ce... neant (Comptes Etat bourg. M.F., t.3, 1416-1420, 69)

De deux autres petites maisons ensuivans, plus prochaines de la porte Saint Denis, neant de ces trois parties accolées, pour ce que icelles maisons sont de nulle valeur et n'y a point de demourance (Comptes Paris V.L.D., t.1, 1440-1441, 195)

Item une gibecière de veloux noir sans ferrure, qui gaires ne vault, où il y a environ une aulne de ruban rouge et la montance de demi colet de prepoint cramoisi en deux pièces, usé et porté, néant. (Aff. Jacques Coeur M., 1453-1457, 93)

Somme neant

La povre chair si est ensevelie, Mangee de vers et en terre pourrie, Et somme neant a la fin de mon compte. (Régn., F.A., 1432-c.1465, 178)

Remarque : Peut-être s'agit-il ici du verbe sommer : 'Je somme néant'.

Estre neant. N'être rien, n'avoir aucune valeur.

Beaux Sire Dieux, conseille moy et me inspires que je doy faire pour me sauver, car quoy que je sache bien que aultre chose ne fait a amer ne desirer que toy seul et que toute aultre joye est neant, je n'ay force en moy que je puisse du tout le monde relenquir, si suis moult espouentee que je feray (Chr. Piz., Trois vertus W.H., c.1405, 27)

C'est neant. Cela ne vaut rien, cela ne compte pas.

PREMIER CHANOINE. (...) Je n'y en say nul si valable Conme lui (...) Ne si bon clerc parfaittement, Se ce n'i est messer Climent, Le hault galoys. SECOND CLERC. C'est nient : il ne scet que des loys, Ne si n'est en droit point lettrez (Mir. ev. arced., c.1341, 125)

[Avec nuance de dépit] Tant pis, c'est dommage.

E ! doulx amis, vous muserez, Vostre amie huimais pas n'arez, Dont moult forment au cuer me poise. C'est nient, il fault que je me voise En mon dortoir. (Mir. nonne, 1345, 326)

Estre moins que neant

Sire, sans toy toutes mes euvres sont moins que nient. (Gast. Phébus, Livre oraisons T., c.1380-1383, 51)

C'est moins que neant

Ne vous esbayssez de riens, Que nous avons bonne deffence Des Tourelles, c'est mains que neant, Ne n'en ayez nulle desplaisance ; Mais faictes mectre a puissance Artillerie au bouloart Pour les batre, comme je pence, Incessamment et toust et tart. (Myst. siège Orléans H., c.1480-1500, 178)

Neant est de qqc. Qqc. est anéanti.

...si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. Ilz reclament Jhesucrist et le prient devotement qu'il ait mercy des ames d'eulx, car des corps est doresenavant neant. (Arras, c.1392-1393, 251)

Devenir neant. Périr.

Au second parle le Psalmiste : 'Ilz, c'est a dire toutes creatures, periront et devendront neent, mais tu demeures.' (Somme abr., c.1477-1481, 104)

Faire neant. Ne rien faire.

Et dites tout, riens n'y laissez, Qu'autrement vous feriez neent, S'un tout seul [meffait] a vostre escient Laissiez a dire. (Mir. emper. Romme, 1369, 294)

Valoir neant. Ne rien valoir.

Sans faille elle n'est point tenue, meisement selon Dieu se elle ne veult, de donner tout aux povres, mais en puet garder licitement pour ses neccessaires, pour son estat, et pour payer ses servans, faire dons quant il est expedient, et payer ce que est pris pour elle et ses debtes : car devant toutes aumosnes debtes doivent estre payéz, car neant vauldroit faire aumosne de l'autrui (Chr. Piz., Trois vertus W.H., c.1405, 39)

Valoir moins que neant. Ne rien valoir.

Et par si faite fole emprise Sont fait maint incouvenient Qui valent trop meins que niënt. (Mach., J. R. Nav., 1349, 212)

Valoir mieux que neant

Si se regarderent les deux compaignons et virent ung glaive apuyé de coste la porte, qui avoit esté apporté pour la garde de ladicte porte. Si s'avança le Cuer et le prist, car il avoit [brisé] le sien (...). Si l'esbranla et le trouva assez flesve, mais il dit a soy meismes que encores lui vault il mieulx que neant. (RENÉ D'ANJOU, Cuer am. espris W., 1457, 59)

2.[Exprimant une valeur minimale] Une petite quantité.

Peu ou neant de qqc. Toute petite quantité de qqc..

...ledit Guillaume de Bruc, prisonnier, fu fait despoiller, lié à la question sur le petit tresteau, avant ce que l'en lui eust donné comme pou ou neant d'eaue à boire, requist instanment que d'icelle gehine l'en le voulsist faire mettre hors (Reg. crim. Chât., I, 1389-1392, 22)

...et avant ce que l'en eust jetté sur lui comme pou ou neant d'eaue, requist instanment qu'il feust mis hors d'icelle question, et il diroit verité des larrecins que fais avoit, dont il en y avoit plusieurs. (Reg. crim. Chât., II, 1389-1392, 383)

...et avant ce qu'il eust eu sur lui pou ou neant de eaue jetté, par sa peticion et requeste, fu mis hors de ladite question (Reg. crim. Chât., II, 1389-1392, 451)

Et desdictes liquides les unes sont consonans, les autres demi voyeux, et les autres mutes, qui donnent pou ou neant de son. (Desch., Art dictier R., 1392, 273)

B. -Ne... neant. Ne... rien.

A ceulx qui sont en leur accez, l'en ne doit neant donner, ne les doit l'en pas contraindre a prendre, mais on leur doit hoster la viande et les choses c'on leur donne, especialment devant l'eure determinee. (Saint-gille, A.Y., 1362-1365, 57)

Quant la crise est en voye de faire, et quant elle est faicte parfaictement, le medecin ne doit neant faire, ne innover, ne user de laxative [ne] d'autres provocacions, maiz laissier nature faire son operacion. (Saint-gille, A.Y., 1362-1365, 57)

...chil qui envoiiet y avoient esté, n'avoient nient esploitiet (Froiss., Chron. R., IX, c.1375-1400, 6)

Messires Archebaux (...) prist (...) une longhe espée qui avoit d'alemielle bien deux aulnes. A paines le peust uns aultres homs lever ensus de terre ; mais elle ne lui coustoit nient au masnier. (Froiss., Chron. R., IX, c.1375-1400, 43)

Bien pensoient que (...) il y aroit bataille, et que pas pour noiant faire il ne venoient ou païs (Froiss., Chron. R., IX, c.1375-1400, 87)

...en la nuit, ycelli Berthaut se bouta en l'ostel de Jehan Bertram, près de ladite chappelle de la Roe, ferma l'uis sur lui au corail, et tantost la femme dudit Bertram, cuidant que ce feust son mary, elle hucha icellui Bertram, lequel ne respondi neant (Reg. crim. Chât., I, 1389-1392, 502)

En nom Dieu, j'ay aussi cher que je ne face neant que je face. (C.n.n., c.1456-1467, 483)

Ne... peu ou neant. Ne... presque rien.

...maiz pou ou neant n'avoit voulu respondre par devant lui, pour ce qu'il estoit nobles homs et de noble lignée (Reg. crim. Chât., I, 1389-1392, 5)

Et aussi pour ce que pluseurs prannent bourses de notaire sur l'emolument dudit seel, auroient dit que pour tel interest n'en venroit po ou neant au profit du Roy (Baye, II, 1411-1417, 199)

Ne peu ou neant de qqc.

...comme il et plusieurs autres compaignons soupoyent ensamble, des noms desquelz il n'est record, ne n'avoit aussi à eulx que pou ou neant de cognoissance, vint à eulx un varlet d'icelle ville de Villeblovain (Reg. crim. Chât., I, 1389-1392, 318)

Il n'y a qu'un peu ou neant de gens. Il n'y a presque personne.

...on lui avoit rapporté qu'il n'y avoit que ung pou ou neant de gens oudit concil (Fauq., III, 1431-1435, 46)

Ne... ainsi que neant. Ne... presque rien.

...chil signeur avoient la souverainne ordenance de la chité ; et n'en songnoient les prevos et les jurés et les honmes de la ville ensi que noient, car la aministration de toutes coses estoit reservee a ceuls desus dis. (Froiss., Chron. D., p.1400, 449)

[P. ell., en réponse à une question] Rien.

SECOND CARDINAL. (...) Qu'atendons nous ? PREMIER CARDINAL. Nient ; alons, monseigneur doulx. (Mir. pape, 1346, 372)

Locution verbale.

Avoir tout ou n'avoir neant. Connaître une issue nette et sans contestation à la fin d'un combat : victoire totale ou défaite complète.

Comment y penseriez vous tous seulx resister a sa puissance [du géant] ? Or ne ne m'en parlez plus, dist Gieffroy, car saichiez qu'il aura tout ou il n'aura neant. (Arras, c.1392-1393, 244)

Ne valoir neant. Ne rien valoir, ne servir à rien.

Sy la prist Aigres a reconforter, comme cilz qui estoit bien apris, et dist: 'Ma suer laissiez vostre dueil a demener, car li plorer ne vous vault neant'. (Bérinus, I, c.1350-1370, 207)

Et en verité, tels ydees considerer, ne approuver, ne reprover quant a ceste science, ne vault que trop peu ou neent. (Oresme, E.A.C., c.1370, 109)

Mais finablement leur deffense ne vali noient, car gens d'armes frès et nouviaus croissoient toutdis sus yaus. (Froiss., Chron. L., II, c.1375-1400, 7)

...la ville, sans le chastiel, ne lor valloit noient a tenir. (Froiss., Chron. D., p.1400, 304)

Ne valoir neant que... ne + subj. Ne pouvoir empêcher que....

Li contes de Flandres rescripsi au roi et se escusa au plus bellement qu'il peut et bien le sceut faire. Ceste escusance ne valli noient que li rois de France ne li renvoiiast plus dures lettres. (Froiss., Chron. R., IX, c.1375-1400, 132)

Ce ne vaut neant. Cela ne sert à rien.

...mais toutesfoiz la greigneur perte tourne sur le roy d'Ausay et sur sa gent, lequel en fu moult doulent, et s'esvertue fort et fait de moult beaulx vassellages. Mais ce n'y vault neant, car Poittevins sont fors et durs, aspres et fiers comme lyon, et leurs deux seigneurs si puissans que nulz ne les ose actendre. (Arras, c.1392-1393, 161)

III. -Adverbe.

A. -[Sans négation]

1.Pas.

Peu ou neant. Très peu.

Mais tele repentance leur proffite peu ou neent (Oresme, E.A.C., c.1370, 468)

2.[Dans une phrase interr. ou hypothétique, exprimant une valeur minimale (cf. T-L VI, 656, 4 ; R. Martin, M. Wilmet, Synt. du m. fr., 1980, § 27)] Si peu que ce soit.

Tellement les navra et si villainement Qu'il n'y eust si hardy qu'il l'aprouchast neant (Hern. Beaul. D.B., c.1350-1400, 63)

Si ne fu mies mains pensieus que devant, non que ce li touchast noient, mais il se voloit acquitter (Froiss., Chron. R., VIII, c.1375-1400, 236)

Pour quelque motif que ce soit.

Est il sain ? Nous mande il neant ? Nous sommes bien a son plessir. (Pass. Semur D.M., c.1420 [1488], 104)

3.[Avec valeur quasi-préfixale : non-, in- (cf. T-L VI, 653, 48)] Nullement, non-.

[Devant un adj.]

...donne par ces presentes lettres les diz meubles par don neant rappelable fait entre vifs (Doc. Poitou G., t.2, 1334-1348, 233)

Car toutes choses qui sont de neccessité sont pardurables et teles choses sont senz commencement et neent corrumpables. (Oresme, E.A., c.1370, 335)

Humain Lignage en vérité Est tout rempli d'iniquité, D'orgueil, envie, ire et tristesse, D'orde luxure et grant peresce, De gloutonine, d'avarice Et tout autre desplaisant vice, Mescroiant chascun en sa Foy, Inutile à Dieu et à soy, Moult bestial, irraisonnable Néant piteux et variable, Tout ingrat à son Créateur Et des biens trop grant dégasteur (La Haye, P. peste, 1426, 35)

[Devant un subst.]

Semblablement en amisté il est convenable que l'en ne eslise pas estre non amy ou non avoir amy et aussi que l'en ne eslise pas estre neent amy et selon superhabondance en multitude d'amis. (Oresme, E.A., c.1370, 488)

B. -Ne... neant. Ne... pas , ne...aucunement.

Et toutdis avoient regart sour le duc de Braibant, qui n'en faisoit nient bien boine cière, par samblant. (Froiss., Chron. L., I, c.1375-1400, 140)

Messires Jakemes de Bourbon trespassa de ce siècle trois jours apriès ce que la bataille eut esté, et messires Pières ses filz ne vesqui nient longhement puissedi. (Froiss., Chron. L., VI, c.1375-1400, 70)

Bien est verités que li arcier traiirent de commencement ; mès leurs très ne grava noient as François, car il estoient trop bien armet et fort. (Froiss., Chron. L., VI, c.1375-1400, 162)

Li Englès, qui pour ce temps estoient adonc dedens Arde, n'en furent noient esbahi, mès se ordonnèrent et se apparillièrent pour deffendre, se on les assalloit. (Froiss., Chron. L., VII, c.1375-1400, 134)

Li Sarrazin, qui ne savoient ne cognissoient nient le pays, ne savoient où fuir : si leur couvenoit attendre l'aventure, si furent tout mort. (Froiss., Chron. R., VIII, c.1375-1400, 78)

Ceste contesse prist le frain a dens et ne fu noient esbahie (Froiss., Chron. D., p.1400, 502)

. Elle qui ot tout jours corage de honme et de lion, ne s'esbahi noient, mais ordonna et entendi a ses besongnes mettre en bon point. (Froiss., Chron. D., p.1400, 504)

...la bonne ville de Kem n'estoit noient fremee. (Froiss., Chron. D., p.1400, 698)

Ne... neant plus que. Ne... pas plus que.

Et semblablement le aer ne poise rien sus nous et nient plus ne le sent peser sus soy celui qui est bien bas que fait celui qui est sus une tres haute montaingne et qui a moins de aer sus soy. (Oresme, C.M., c.1377, 706)

Et ja soit ce que, au conmancement de l'Eglise, lez aultres evesques et Eglises dez Crestians ne fussent tenus par aucune Loy divine, canonique ou humaine, de obeïr au comendemens ou ordenances de l'evesque ou de l'Eglyse de Ronme, niant plus que l'evesque ou l'Eglyse de Ronme n'estoient obligés a obeïr ou a tenir lez comandemens dez aultres evesques ou singulieres Eglyses (Songe verg. S., t.1, 1378, 94)

...toutevoyes n'est il [l'Empereur] en rien subjet en la temporalité a l'Eglyse de Ronme ; nient plus que le roy de France, qui est le droit cha[m]pion et le droit bras et reffuge de l'Iglyse de Ronme, n'est mie subjet au Pape en la temporalité, non est l'Impereur. (Songe verg. S., t.1, 1378, 213)

Car ce mot cy nature, qui est de .IIJ. sillabes, dont la tierce se fine en e sonnant en la tierce maniere dessus dicte, ne tient lieu seulement que de deux ne ne fait point varier la mesure neant plus que se la tierce sillabe n'y estoit point, si comme il apparroit, qui tout le mot entier prononceroit sans elle. (Evr. Conty, Harm. sphères H.P.-H., c.1400, 76-77)

Dont, tout ce jour, a cause de ce partement n'y eust homme qui ouvrast ne bouticle n'y eust ouverte, neant plus que le jour de Pasques. (La Sale, J.S., 1456, 205)

...elle estoit celle qui ne le cognoissoit et pour qui elle ne feroit neant plus que le singe pour les mauvais. (C.n.n., c.1456-1467, 155)

...le desiré plaisir ne luy fut pas escondit neant plus que aultresfoiz (C.n.n., c.1456-1467, 290)

...elle ne tenoit serre, tant qu'elle peust veoir son coup, et qu'elle trouvast a qui, neant plus que une vieille arbaleste. [D'une femme lubrique] (C.n.n., c.1456-1467, 319)

...la loange et honneur de l'un ne peut estre sans la gloire de l'autre, neant plus que le deshonneur de l'un ne peut estre sans la honte de tous deux. [Philosophie du couple] (C.n.n., c.1456-1467, 562)

[Néant plus peut porter sur un autre adv.]

...il ne l'embrocheroit neant plus avant que le signe qu'elle mesme fist sur son instrument naturel (C.n.n., c.1456-1467, 482)