MU

adjectif

[T-L : mu1 ; GD : mu ; AND : mu1 ; DECT : mu1 ; FEW (VI-3, 311b) : mutus ; TLF (XI, 1197b) : mue2]

A. -Qui est privé par nature de l'usage de la parole.

1.[Des idoles des païens]

En Jhesus nous voulons fïer, Car il l'a [l. Car ill a] planiere puissance De procurer nou delivrance Plus que non [l. que n'on[t]] pas voustre ydolles, Que adorés comme gens foulles, Qui n'oyent goute et sont mues Comme pierres parmi les rues. (Myst. st Sébast. M., c.1450-1500, 82)

2.[D'un animal] Beste mue. Voir besteBête naturellement incapable de parler et de raisonner (p. oppos. à l'homme).

De bien d'autrui [Envie] est si dolente Qu'adès s'en complaint et demente ; Soi mesme het et deshonneure ; Toudis rechigne ; toudis pleure. Elle a ses elles estendues, Si que dedens les bestes mues Qui n'ont raison n'entendement La voit on tout appertement. Et vous pouez apparcevoir, Se je men, ou se je di voir. (Mach., D. Lyon, 1342, 225)

Nuls ne faisoit les chans arer, Les blez soier, ne vignes faire, Qui en donnast triple salaire, Non, certes, pour un denier vint, Tant estoient mort ; et s'avint Que par les champs les bestes mues Gisoient toutes esperdues, Es blez et es vignes paissoient, Tout partout ou elles voloient, N'avoient signeur, ne pastour, N'homme qui leur alast entour (Mach., J. R. Nav., 1349, 151)

Et sont pluseurs qui semblent du tout en tout bestials et qui eslisent vie de bestes mues. (Oresme, E.A., c.1370, 111)

Toy et les tiens decherront de terre, d'avoir, d'onnour et de heritaige, jusques a la IXe lignie ; et perdra par ta fole emprise le IXe de ta lignie le royaume que tu tiens. Et portera cellui roy nom de beste mue. Et t'en va, car cy ne pues tu plus demourer. (Arras, c.1392-1393, 305)

Par comparaison.

Mais je ne says quele chalour Qui s'est convertie en froidour M'a seurpris et me tient au cuer Si soudeinnement qu'a nul fuer Ne porroie dire en quel point Sui, ne comment elle me point, Car j'ay chaut et froit si ensamble Que tout a un cop sue et tramble, Et s'ay toute vigour perdue, Et aussi comme beste mue Sui estahis enmi ces chans (Mach., R. Fort., c.1341, 114)

Il n'a ne memoire n'assens Plus qu'aroit une mue beste (Mir. parr., 1356, 29)

Soies ordenez en ton vivre, Car mengier souvent et menu Ha fait que pluseur sont venu A leur mort, ne ce n'est pas vie De vivre en tel gourmanderie, Eins est vie de beste mue Qui toudis runge et toudis mue. Qui ne se couche a heure et lieve, C'est une chose qui tant grieve Qu'on en haste souvent sa mort. (Mach., C. ami, 1357, 127)

Je sui venue Aveques Venus qui m'enseigne A garir ce qui te mehaingne. Mais ne te chaut, dont je me seigne, De ma venue. Plus mus yes c'une beste mue. Or parle a moy et t'esvertue, Car je sui t'amie et ta drue Et ta compaingne. Je sui dolente et esperdue Dou grant desconfort qui te tue (Mach., F. am., c.1361, 231)

Car biauté, creüe De valour, m'arguë, Dont li scens me mue, Si que j'en tramble et tressue, N'en moi n'a raison ne droit, Einsois suis com beste mue. (Mach., Les lays, 1377, 303)

Il est plus fol que beste mue Qui point se fie a ton affaire (Coudrette, Mélus. R., c.1401-1402, 121)

L'oultrecuidence et grant orgueil d'icellui roy Dieux voult si durement pugnir qu'il le ramena en estat de beste mue (Chr. Piz., Paix W., 1412-1413, 147)

Ce n'est pas une beste mue, Il est saige, hardy et prudant. (Myst. siège Orléans H., c.1480-1500, 268)

Ho ! le povre mary a sa femme perdue. Plus beste il est que beste mue. Elle est allee rider par ville Pour monstrer son gent corps habile... (P. Jouh. D.R., a.1488, 30)

Car de toy il ne tiennent compte Ne plus que d'une beste mue (Oudin, St Genis M.S., c.1490, 54)

Bête sauvage.

Il [Polyphème] va hullant com beste mue, Il brait, il crie, il huche, il mue ; Mais assés puet braire pour voir, Car son oeil ne puet il ravoir. (Mach., Voir, 1364, 624)

B. -Qui s'abstient de parler, muet.

Quant il [l'amant] li vuet rouver merci, Et qu'elle [la dame] le voit si estreint Qu'Amours de li par force espreint La liqueur qui des yeus degoute Parmi sa face goute a goute, Et qu'il li couvient recoper Ses paroles et sincoper Par souspirs puisiez en parfont Qui mut et taisant le parfont, Et qu'il l'estuet par force taire Et de honte ensus de li traire, Et qu'elle voit qu'en petit d'eure Qu'Amours son visage couleure De trois ou de quatre couleurs (...) Saches que tantost a sa guise Congnoist qu'il aimme sans feintise De vrai cuer d'ami. (Mach., R. Fort., c.1341, 63)

Quant l'en parle, (...) Ne respont mot, ains devient mue Et esbahie. (Mir. Berthe, c.1373, 249)

Car on em pert toute joieuse vie Et devient on muz, chagrins et felons, On n'ose aler en bonne compaignie Et en pert on l'amour des compaignons. Si puis prouver, et par bonnes raisons, Qu'il n'est si grant doleur ne tel torment Com le meschief que d'avoir pou d'argent. (Mach., App., 1377, 646)

Ce me tient com faucon en mue, Merencolieuse, esperdue, Triste, mate, taisant et mue ; Ce ma joie en tristece mue, Ce confont mon cuer amoureus. (Mach., Les lays, 1377, 367)

Longuement me sui tenus De faire lais, Car d'amours estoie nus ; Mais dès or mais Feray chans et virelais : G'i sui tenus, Qu'en amours me sui rendus A tous jours mais. S'un petit ay esté mus, Je n'en puis mais, Car pris sui et retenus Et au cuer trais Tout en un lieu de .IJ. trais D'un yex fendus, Vairs, dous, poingnans, ses, agus, Rians et gais. (Mach., Les lays, 1377, 425)

S'elle voit qu'il tramble et souspire Et mue maniere et coulour Et qu'il soit mus et plains de plour, Comment puet on miex ses maus dire A dame qui congnoist honnour Et qu'on l'aimme de vraie amour ? (Mach., Rond., 1377, 573)

...et quant a la conclusion, pour cause de honneste en ce cas assez notoire, ma langue est mue (Songe verg. S., t.1, 1378, 589)

Lors Nature ses parolles fina, En souspirant de douleur qui fin n'a, Et demoura comme pasmée et mue (Robertet, Oeuvres Z., c.1450-1500, 170)

...soiez humble et courtois ou que vous soiez, sans vous venter ne trop parler, ne aussi estre muet, car le proverbe dist que pour trop parler, et estre mus, puet ou [l. on] bien estre fol tenus. (La Sale, J.S., 1456, 46)

Muet, timide.

Mais quant je vins ou estre desiroie, Je ne fui mie Mus, n'esbahis ; einsois a chiere lie Ay salué toute la compaingnie, Si com faire le sos de ma partie. (Mach., J. R. Beh., c.1340, 103)

Estre mu de + inf. S'abstenir de.

Puis de grosses pierres cornues Rompés leur boiches, que non mues Ont esté de parler a nous, Car nous avons tresgrant corroux Des paroles qu'i nous ont ditz, Rompans imperiaulx editz, Par quoy sommes pires que folz. (Myst. st Adr. P., c.1450-1485, 80)

C. -Par analogie. Rage mue. Rage où le chien ne veut pas manger et tient la gueule ouverte, bave et meurt.

L'autre rage s'apelle rage mue, et ne courent ne mordent, mais ilz ne veulent mengier et ont un petit la guele ouverte, comme s'ilz avoient un os en la guele, et se debavent, et einsi muerent (Gast. Phébus, Livre chasse T., 1387-1389, 114)