MOYENNEMENT

adverbe

[T-L : moiienmoiienement ; GD : moienement2 ; AND : menement1 ; FEW (VI-1, 578b) : medianus ; TLF (XI, 1187a) : moyen1moyennement]

A. -Dans une position intermédiaire, à mi-distance.

Tout aussi com des elemens Est assis li ordonnemens, Que le plus pur est au dessus Et le mains pur est assis jus Et li autre moiennement... (Guill. Digull., Pèler. âme S., c.1355-1358, 10)

Et entre ces .II. poins il [le solail] est moiennement, une foiz plus pres, autre moins, selon ce que il se trait vers un point ou vers l'autre. (Oresme, Pol. Arist. M., c.1372-1374, 298)

Si s'avisa li gentilz sires de Couci, qui s'appelloit Engherans, que il se dissimuleroit moiiennement de l'un roy et de l'autre, et s'en iroit oubliier le temps, où que fust. (Froiss., Chron. L., VII, c.1375-1400, 208)

...ainsi que la division de l'eschelle qui apparut a Jacob le figura jadis, de laquelle aucuns eschelons passoient lez cieulx, les autres touchoient a la terre, et les tiers moyennement entre deulx. (Chart., L. Esp., c.1429-1430, 27)

[Dans le temps]

Elephancie vient plus tard a augmentacion, come dit est, et est plus tard curee, mais tyrie se tient moyennement (Gordon, Prat., c.1450-1500, I, 21)

Dans l'intervalle.

Si envoiia moiiennement et secretement lettres closes, douces et gracieusses deviers chiaulx de Nantes, qui est la clef et li chiefs de toutes les villes de Bretaigne. (Froiss., Chron. R., IX, c.1375-1400, 268)

B. -Dans une proportion moyenne (c'est-à-dire située entre les extrêmes).

Car point n'ont les membres sante, S'en soi n'est le ventre atrempe, Que mene soit ruileement, Sens trop ou pou, moyennement (Guill. Digull., Pèler. âme S., c.1355-1358, 261)

Et donques quant les cultiveurs des terres et quicunques autres generalment qui ont des possessions moiennement ont la domination de la policie, adonques il politizent et gouvernent la policie selon lays (Oresme, Pol. Arist. M., c.1372-1374, 176)

Li rois moiienement s'enclinoit assés à euls, et n'en faissoit enssi que nul compte. (Froiss., Chron. R., IX, c.1375-1400, 231)

Mais la terre qui fait tres petit circuite si l'a tantost fait par mouvement journal, et les autres corps moiens entre le plus haut et le plus bas font leurs revolucions moiennement, combien que ce ne soit pas proporcionelment. (Oresme, C.M., c.1377, 534)

Le .Ve. article de la premiere distinction dit que vous devez estre tresamoureuse et tresprivé de vostre mary par dessus toutes autres creatures vivans, moyennement amoureuse et privee de voz bons et parfaiz prochains parans charnelz et les charnelz de vostre mary, et tresestrangement privee de tous autres homme (Ménagier Paris B.F., c.1392-1394, 57)

Et soit le pain levé et cuit Moyennement, autrement nuist, Nompas trop vielx, n'aussi trop froiz (La Haye, P. peste, 1426, 89)

Item note que viandes grosses ne competent point en rompure, car elles sont indigestibles et feroyent ventosité ne viandes subtilles, car elles ne font point bonne consolidacion, mais viandes moyennement grosse valent a l'ung et a l'autre (Gordon, Prat., c.1450-1500, VII, 7)

...avoit ung aultre jeune chevalier, preux, vaillant et riche moyennement, non pas tant de beaucop comme l'autre ancien (C.n.n., c.1456-1467, 546)

Sans excès, modérément.

Quant le maistre entre es escoles pour lire, en moustrant rigueur par dehors, doit commencier a bouche ronde en montant moiennement (Daudin, De la erudition H., c.1360-1380, 21)

Et se en telles choses nous nous avons moiennement nous faisons bien et par bon habit et semblablement des autres passions. (Oresme, E.A., c.1370, 158)

Mais celui qui est actrempé, il se a et contient en delectacions et tristeces moiennement (Oresme, E.A., c.1370, 226)

...car il cuidoit et mectoit que ceuls qui ont des biens dehors ou des richesces modereement et moiennement, ilz font tres bonnes operacions et vivent actrempeement. (Oresme, E.A., c.1370, 528)

Et ne veulx pas dire que il n'y ait plusieurs prelats qui sont gens de bien et qui font grandement et notablement leur devoir, tant en predicacions que aultrement, en ediffiant leur peuple pour le salut de leurs ames et par bonne maniere, sans faire chose digne de reprehension, ont de quoy humblement tenir leur estat moyennement, sans superfluite, et mesmes bonnes oeuvres precedent et en fait et en parolles (Juv. Urs., Verba, 1452, 396)

[Par litote]

...nostre musnier ne fut pas moyennement joyeux. (C.n.n., c.1456-1467, 43)

...ce serviteur n'estoit pas moyennement mal content de ceste longue attente (C.n.n., c.1456-1467, 182)

La gouge n'avoit pas moyennement a penser pour trouver soudaine et suffisante excuse (C.n.n., c.1456-1467, 235)

[À propos du temps qu'il fait]

...or faisoit le jour moyennement bel et clair (Chastell., Chron. K., t.3, c.1456-1471, 297)

Or vint le jour de la bataille par ung jeusdi que le temps se monstroit moyennement ['Ni beau, ni mauvais' ; note de l'éd., p. 160 : 'Le mot résulte de plusieurs corrections et semble avoir posé des problèmes au copiste'] (Chastell., Chron. IV, D., c.1461-1472, 160)