MOYEN

substantif masculin

[T-L : moiien ; GD : moien2 ; AND : mene1 ; FEW (VI-1, 585a) : medianus ; TLF (XI, 1187a) : moyen2]

A. -Milieu.

Item ou moien du corps de leglise [l. l'eglise] a vn compas ou quel Ioseph darimathie [l. d'arimathie] posa le corps nostre seigneur, quant il lot [l. lot] roste [l. rosté] de la crois, et la mesmes li lauoit il ses plaies. (Mandeville, Voy. L., p.1360, 271)

Selon Marcien et Macrobe, le soleil est le moyen entre les planettes et a a parfaire la melodie du ciel. (Corbechon, Soleil Lune S., 1372, 347)

...car nous veons que toutes les lignes du cercle se ressamblent en ung ou centre, c'est a dire ou point indivisible qui est ou moyen du cercle, et toutevoies en departant et eslongant dudit centre, ilz se divisent l'un de l'aultre. (Somme abr., c.1477-1481, 158)

Moyen du monde. Milieu du monde, centre du monde.

Qui vuet muer les tables a 1 autre lieu qu'au moiien dou monde li qués est distans ingaument entre orient et occident et du pole meridian et du pol septentrionel par 90 degrés... (Compil. sc. étoiles C., a.1324, 85)

Fenestre à moyen. Fenêtre qui s'ouvre par le milieu.

...rompuz les verrieres de quatre fenestres à croisiez, quatre verrieres de quatre fenestres à moyen, ars quatre estrier, ung ban, quatre vaisselz à mectre vin (Ecorch. Ch. VII, T., 1444, 321)

B. -Ce qui se tient entre deux termes ou entre des extrêmes.

1.[Entre deux termes]

a)[Entre deux personnes]

Personne située entre deux autres dans une liste hiérarchique.

...le seigneur de Hemeries, sans moyen entredeux, sievoit cely de Rossimbos, par quoy il estoit raisonnable qu'il en eust l'absence. (Chastell., Chron. IV, D., c.1461-1472, 108)

Sans moyen et sans pair. Sans second et sans pair.

Car vous estes sans moiien et sans per Ceste qui est toute dame de moi. (Froiss., Orl., 1368, 109)

[De deux personnes enterrées] Sans moyen. Côte à côte.

Voulons et ordenons que en nostre dite chappelle de Saint-Denys soit enterrée, se il li plaist, nostre treschiere et tres amée compaigne la Royne, avecques nous et sanz moien. (Test. Ch. V, D., 1374, 186)

b)Élément intermédiaire.

...la maison du curé tenoit a la sienne sans moyen. (C.n.n., c.1456-1467, 493)

Stade intermédiaire (ici entre santé et maladie).

...de eulz tu recevras les causes et natures de toutes choses, car ilz sont determineurs de santé, de maladie et du moien ; tel qu'il peut estre par leur seule parole, il donnent santé et la gardent et commendent le moien, qui est neutre entre santé et maladie (Foul., Policrat. B., II, 1372, 203)

MÉDECINE Corps intermédiaire.

...ilz sont sept pareil de nerfz qui sans moyen naissent du cervel et trente par le moyen de la nuque et ung sans compaignon qui naist par la fin ossarii (Panis, Guidon, 1478, tr.I, doct.1, chap.3)

LOGIQUE Mineure (d'un syllogisme).

...Car de ce qui par Barat vient, En la fin nul bien n'en avient. Il n'est pas bon logicien : Belle entrée a et beau moyen, Mais tousjours fait conclusion A honte et à confusion (Jacques Bruyant, Voie pauvreté richesse P., 1342, 28)

Et dois savoir que le mot ou la diction qui se recorde deux foiz es premices et appellé moien, car il moienne entre les autres deux moz, desquelz est la conclusion formee ; (Legrand, Archil. Sophie B., c.1400, 75)

2.Entre des extrêmes.

La partie intermédiaire d'un développement, d'un cursus.

Or commencerai ma matere En suppliant Dieu nostre pere Qu'il soit a mon commancement, Au moien et au finement. (Mach., C. ami, 1357, 3)

Nous disons que chascune chose est parfaite parce que elle a commencement et moien et fin ou acomplissement. (Oresme, C.M., c.1377, 48)

...et, beaulx seigneurs, sachiez que qui jamais rien n'encommenceroit, jamais ne seroit nulle chose achevee. Il fault avoir a la chose commencement et moyen ains que la fin. (Arras, c.1392-1393, 247)

Par plus forte raison, cellui qui a bon commencement et bon moyen peut legièrement parvenir à la fin et perfection de la chose où il tent. (Bueil, II, 1461-1466, 188)

ARITHMÉTIQUE Intermédiaire.

Les moyens sont ceulx qui sont entre les extremes comme entre nombres et secondz ya premiers (Nic. Chuquet, Triparty M., 1484, II, 748)

Moyen proportional. Moyenne proportionnelle.

Aussi entre deux cubicz prochains ou non prochains il y a deux moyens proporcionalz cest assavoir le maieur moyen et le mineur moyen (Nic. Chuquet, Triparty M., 1484, II, 700)

[D'un âge] Estre au moyen. Être à un état intermédiaire.

Pour ce le dy qu'aucuns faintis Qui cuident estre moult soubtis, Pour complaire a ma voulenté, Sont venu moult entalenté De mon bien et de mon honour, Ce me dient, et pour l'amour Qu'ilz ont a moy de bon courage M'ont admonnesté mariage, Disans : 'Tu es uns riches homs, Et si as diverses maisons : Ton eage est encor ou moyen...' (Desch., M.M., c.1385-1403, 6)

3.Au figuré.

a)Solution intermédiaire, compromis.

Ce sont deus opositez que la loi Jhesu Crist et la loi Antecrist, ou nul moien ne peut estre trouvé (Henri Ferr., Modus et Ratio, Livre deduis T., c.1354-1377, 148)

Et se par vois pleinne de plour, En grant paour, Me fait clamour De son labour, Sagement li responderay, Ne grant durté ne grant douçour, Et sans demour ; C'iert le millour, Et à ce moien me tenray. (Mach., Les lays, 1377, 383)

...et pria (...) que l'en ne passast pas à extremitez, mais s'arrestast l'en à bon moien. (Baye, II, 1411-1417, 182)

...n'y avoit de la part du roy sage homme aussy qui icy ne conseillast plustost moyen et appointement que venir et laisser aller la chose à l'extrémité du péril (Chastell., Chron. K., t.5, c.1456-1471, 428)

b)[Dans le domaine de la morale] Mesure.

Si que tantost, sans plus attendre, Pour justice et vengence prendre, Fist la mort issir de sa cage, Pleinne de forsen et de rage, Sans frein, sans bride, sans loien, Sans foy, sans amour, sans moien, Si trés fiere et si orguilleuse, Si gloute et si familleuse, Que ne se pooit saouler Pour riens que peüst engouler. (Mach., J. R. Nav., 1349, 149)

...mais cestes vertuz sont sauvees par le moien. (Oresme, E.A., c.1370, 150)

...mais les choses qui sont amesurees et ont moien senz excés et senz deffaute font, causent et acroissent, gardent et sauvent les vertuz corporeles dessus dictes. (Oresme, E.A., c.1370, 150)

c)Juste milieu, état médiocre.

N'on ne doit pas si haut monter Qu'on ait honte dou desvaler, Eins doit on le moien eslire, Car meintes fois ay oï dire, Qui plus haut monte qu'il ne doit De plus haut chiet qu'il ne vorroit. (Mach., R. Fort., c.1341, 139)

Mais qui vuet vivre a seürté, Le moien est, je t'asseür, Le milleur et le plus seür, Mais qu'on y prengne souffissance. (Mach., C. ami, 1357, 71)

Princes, qui est par raison gouverné Fors le moien ne doit a Dieu requerre. (Desch., Oeuvres Q., t.1, c.1370-1407, 92)

Tenir (le) moyen. Garder le juste milieu, observer une juste mesure.

Mais qui en l'amoureus loien Est loiez, s'il tient le moien, Il ouevre bien et sagement. (Mach., J. R. Nav., 1349, 237)

...telz haulz estas sont de foible mortier : Benoist de Dieu est qui tient le moyen. (Desch., Oeuvres Q., t.1, c.1370-1407, 185)

Nous devons oultre aussi secondement savoir que des mouvemens de courage dessusdiz, ceulx sont bons qui tiennent le moien entre trop et trop peu, et ceulx qui nous esmeuvent a trop ou a peu faire, contre les circonstances de raison, sont malvaiz et dampnables. (Evr. Conty, Eschez amour. mor. G.-T.R., c.1400, 567)

Vrai est que en chastiant les enfans on doit tenir moien, car grant aspresse n'est pas tousjours convenable, singulierement quant les enfans sont de bonne condicion. (Legrand, Bonnes meurs B., 1410, 376)

[À propos d'une feme qui porte une robe qui n'est 'selon son estat'] ...et n'estoit tel que tenir en habit le moyen pour obvier aux langaiges des gens qui y pourroient penser cen qui n'est pas et en parler à la volée (MART. D'AUV., Arrêts Am. R., c.1460-1466, 144)

Tenir mauvais moyen. Avoir une conduite répréhensible.

Herode tient mauvais moyen, Le tretrarche de Gallillee, Dont sa seigneurie est foullee : Et nous qui sommes ses subgetz, En sommes pirement regis. (Gréban, Pass. J., c.1450, 145)

Proverbe. Qui tient le moyen, il va le seur chemin. Qui évite les extrêmes, arrive sûrement.

'...Beau Filz,' dist la royne, 'les grans levees de boucler et toutes extremitez sont deffendues en noz precieuses forges, vaine gloire et jactance et desiree apparance sont contraires a la vertu de magnanimite, et souverainement en un roy, a laquelle il souffit son operacion sans la doubler d'une palliacion. Qui tient le moien, il va le seur chemin ...' (Mézières, Songe vieil pèl. C., t.2, c.1386-1389, 343)

[Dans la hiérarchie sociale] Personne qui se situe entre les deux extrêmes (les grans-les petits, les riches-les pauvres).

...il luy convenoit avoir la somme de IIc. mille flourins, et vouloit que une taille s'en fesist ; et monstra comment le riche seroit à dix frans pour taille, le moyen à chinc frans, et les petis à ung franc. (Froiss., Chron. M., XIV, c.1375-1400, 185)

4.[Dans le temps] Sans (nul) (quelque) moyen/sans nuls moyens. Sans intervalle de temps, immédiatement.

[Jésus] ... atoucha a la frenge de sa robe ; et tantost sans moien elle fu delivre et guerie (Vignay, Théod. Paléol. K., c.1333-1350, 60)

Ainsi sera tu, sanz moyen, Vray et parfait theologien Et instruit en toutes sciences. (Chr. Piz., M.F., II, 1400-1403, 112)

...noyez Et mors furent [les Romains] , sanz nulz moyens, Tout par les Lucitanïens (Chr. Piz., M.F., III, 1400-1403, 243)

JHESU. Mon amy, approuche de moy ; J'ay grant compassion de toy, Du coup qui t'a esté donné ; Et, pour ce, tu seras sané Maintenant sans quelque moyen. (Gréban, Pass. J., c.1450, 254)

Dont, seulement la nuit passee, nostre Saint Pere envoia l'evesque d'Espolette au duc de Cleves lui offrir que, se bien n'estoit logiéz, il lui presentoit la moitié de son palais, lui mandant avec ce que, se aulcune chose lui failloit, il la lui feroit avoir et delivrer sans nul moyen (Chastell., Chron. IV, D., c.1461-1472, 248)

C. -[Idée de lien, de communication entre deux termes]

1.Action de s'entremettre.

a)Médiation, arbitrage, conciliation.

On ne requerroit pas de ung roy mortel une telle chose, que sans moyen des autres, qui sont ses subgets, il publiast ses loys et ses decrés (Gers., P. Paul, a.1394, 497)

Si firent le duc de Cleves, le conte d'Estampes et tous les aultres, qui moult labourerent a y trouver moien jusques a faire demourer hors du chappitre [de l'ordre de la Toison d'or] souvent ledit de Croy et son frere pour tant y besongier mieulx (Chastell., Chron. IV, D., c.1461-1472, 284)

...comme tesmoigne le Psalmiste : 'Celi enarrant gloriam Dei' et laquelle matiere, quant là viendroit, requeroit bien l'advis et deliberacion de toutes les universitez de chrestienté et generalle congregacion de toute l'Eglise millitante, mais, d'avoir raison de telz gens ignorans, je ne voy moyen que le vostre, mesmement sur leur fumier, qui veullent estre juges et parties en chose qui riens ne leur touche, et juges de la science dont ilz sont ignorans et formellement ennemis (Simon De Phares, Astrol., c.1494-1498, f° 6 v°)

Rentrer en moyen. Ouvrir des négociations.

...et durant ce temps les Gantois, qui se veoient fort serrez en leur ville, destruictz par le plat pays, et chargez du peuple fugitifz, femmes et enfans, si requirent licence de renvoyer devers les embassadeurs du Roy pour rentrer en moyen pour la pacificacion de ceste guerre. (La Marche, Mém., II, c.1470, 280)

Par le moyen de qqn. Par l'intermédiaire de qqn, par l'entremise, l'intervention, l'action de qqn.

...vous savez que nous sommes en traittiez ensamble, par le moien du conte d'Ermignac. (Froiss., Chron. M., XIV, c.1375-1400, 209)

...par le moyen et acointance de Jehennete, fille de Jaquemart Le Guiterneur, demourant en la rue du Bourc-l'Abbé, assez près de l'ostel d'elle qui parle, elle s'en ala en la compaign[i]e d'icelle Jehennette veoir les jeux que les menesterelz fesoyent ès hales. (Reg. crim. Chât., I, 1389-1392, 265)

...à lui qui parle elle n'eust baillié denier ne maille, parce que elle n'avoit aucune congnoissance à lui qui parle, sinon par le moyen dudit Robinet (Reg. crim. Chât., I, 1389-1392, 490)

Mais ilz traictierent ensemble, tant par le moyen des freres que par eulx, qu'ilz promistrent a restablir au roy d'Ausaiz sa perte. (Arras, c.1392-1393, 287)

...et laquele cedule, avec partie d'icelle somme par lui tournée et convertie par le moïen dudit changeur, est en son coffre en son hostel à Paris. (Reg. crim. Chât., II, 1389-1392, 490)

...les seigneurs de ceans (...) avoient esté commiz à mettre par escript les reformations à faire et poursuir devers le Pape, par le moien du cardinal de Pise (Baye, II, 1411-1417, 205)

...et fut Saintré tellement en la grant grace du roy et de la royne qu'il n'y avoit nul escuier qui y fust tant, et tout ce par le bon conseil et moien de Madame qui par l'espace de VIJ ans l'avoit amé. (La Sale, J.S., 1456, 78)

Elle fist tant, par le moyen d'une femme qui la gardoit, que vers elle vindrent deux hommes (C.n.n., c.1456-1467, 327)

...[il] fist tant par le moien d'aucuns crestians gentilz hommes et marchans qu'il fut delivré (C.n.n., c.1456-1467, 424)

Et estoit ceste damoiselle femme d'un advocat (...). Si pleut moult a ceste dame son accointance et en fit grant feste, et par le moien d'elle vint en l'accointance encoires d'aultres beaucop, les plus femmes de fachon de la ville (Chastell., Chron. IV, D., c.1461-1472, 237)

Cestui conduisit, par bons advertissemens, les faiz de sa seur et aussi de Lampeto qui orent moult de contrarietés ensemble, dont ilz vindrent par son moïen au dessus. (Simon De Phares, Astrol., c.1494-1498, f° 25 v°)

À ceste cause, Marcus Curtius, aymant la chose publique, se voulut exposer pour icelle, sachant que par le moïen d'un homme la grieve playe cesseroit, si se gecta dedans tout armé et cessa la maledicion. (Simon De Phares, Astrol., c.1494-1498, f° 50 r°)

Aucuns dient qu'il fut famillier de l'empereur Justinien et que par son moïen, après celui du Saint Esprit, il ediffia le chef d'euvre du monde à Constantinoble, c'est Sainte Sophie. (Simon De Phares, Astrol., c.1494-1498, f° 82 r°)

Au pluriel.

JUDAS. ...Helas, il [Jésus] t'avoit fait de biens Autant ou plus qu'a tous les sciens ! Comment n'as tu eu souffisance ? Tout ce passoit par tes moyens Se n'estoit par ton ordonnace. (Gréban, Pass. J., c.1450, 289)

Au moyen de qqn

...s'avisa maistre mary, pour estre de l'estat de sa femme asseuré (...) que d'elle orroit la devote confession, ce qu'il fist au moien du curé, qui son fait conduisit. (C.n.n., c.1456-1467, 464)

LE CRESTIEN. Si nous fault trouver quelque aïde. (...) Nous l'aurons, ainsi que je cuide, Au moyen de sainct Nicolas. (Mir. st Nic. juif, c.1480-1500, 77)

J'estoye ladre, mais, au moyen De Jesus, mon mal ancien A esté netement curé. (Michel, Myst. Pass. J., 1486, 124)

Cestui reffraignit icelle royne de sa grande luxure par belles exemples, regna à son moïen XXXII ans, fist de moult belles conquestes et ala jusques aux paludeux desers d'Ynde et plus avant où onques homme n'avoit esté (Simon De Phares, Astrol., c.1494-1498, f° 17 v°)

Cestui prenostica la miserable destruction des Juifz et la dirrupcion du mont Bibien et de la combustion des lieux circumvoysins faictes à son moyen. (Simon De Phares, Astrol., c.1494-1498, f° 75 r°)

Lequel couraigeusement et chevaleureusement se deffendit comme preux et hardi tant que au moyen de luy et de ceulx qui estoyent autour de luy, jamais ne frapperent coup plus avant ceulx qui s'estoyent par leur oultrecuidance tant avancez. (La Vigne, V.N., p.1495, 287)

[À propos du lien de dépendance féodale]

Par moyen. D'une façon médiate, indirectement.

Et en tant que touche le procureur du Roy pour les crimes, deliz, felonies et excès dessusdiz, la Court declare ledit duc et ses complices defaillans avoir commiz envers le Roy nostre Sire et à son proufit tous leurs fiefs et arrierfiefs qu'il ont ou royaume tenus du Roy par moien ou sans moien, et si les bannist du royaume, et confisque au Roy le demourant de tous leurs biens. (Baye, II, 1411-1417, 78)

Sans moyen. Sans intermédiaire, directement.

Tout li gentil homme de Flandres li jurèrent à estre bon et loial, enssi que on doit estre à son signeur sans nul moiien. (Froiss., Chron. R., IX, c.1375-1400, 186)

...les Bretons (...) vouldrent avoir duc et ne vouldrent pas sans moyen estre au roy de France comme est la duchié de Normendie (Chron. Valois L., c.1377-1397, 283)

Par lez choses cy devant dittes il appiert que le royaume de France si laissa a estre royaume aprés la mort de saint Charlemaigne, et que lez terres qui estoient, sanz moyen, subjectes a Charlemaigne, cellez de l'Empyre et du royaume de France, furent divisees en plusieurs manieres. (Songe verg. S., t.1, 1378, 152)

Et en tant que touche le procureur du Roy pour les crimes, deliz, felonies et excès dessusdiz, la Court declare ledit duc et ses complices defaillans avoir commiz envers le Roy nostre Sire et à son proufit tous leurs fiefs et arrierfiefs qu'il ont ou royaume tenus du Roy par moien ou sans moien, et si les bannist du royaume, et confisque au Roy le demourant de tous leurs biens. (Baye, II, 1411-1417, 78)

...attendu l'estat de la Court dessusdicte, qui est souverainne et capital et representans le Roy sans moien (Baye, II, 1411-1417, 100)

...car il cherroit plus grant pris de admortir terres et heritages tenuz sans moien du Roy que d'autres (Fauq., III, 1431-1435, 113)

Et furent tous les vassaulx qui avoient fait hommage deschargiés, absoulz et quittés des foys et hommages que ilz avoient fais ausdis Edouart et prince, et demourerent et furent vassaulx et subgés du roy sans moyen (Juv. Urs., Aud. celi, 1435, 214)

...sans charité, qui sans moyen procede de Dieu, ne se peut entretenir la communité des hommes ne la chose publique. (Fillastre, Traité Conseil H., c.1472-1473, 218)

[À propos de la querelle entre le pouvoir spirituel et le pouvoir séculier]

...ceste raison ne preuve pas que le prestre doie estre souverain du Roy ; mez preuve assez que Diex soit souverain du Roy, et sanz moyen. (Songe verg. S., t.1, 1378, 169)

Le Pape a eu sa puissance de Jhesuchrist sanz aultre moyen, et non mie de l'Inpereur ne d'aultre honme humain (Songe verg. S., t.2, 1378, 12)

b)Compromis, arrangement (comme résultat d'une médiation, d'un arbitrage).

Voir/trouver moyen (à qqc.). Trouver une solution (à qqc.), un compromis, un arragement.

Il ne les euissent ja en riens espargniés pour cose que li legal fuissent là, qui toutdis aloient de l'un à l'autre, pour veoir se il trouveroient nul moiien. (Froiss., Chron. R., VIII, c.1375-1400, 170)

Chil parlement durèrent quinse jours que à painnes i pooit on trouver nul moiien, car li Flament voloient avoir Audenarde abatue, et li dus et ses consaulx ne s'i pooit assentir. (Froiss., Chron. R., IX, c.1375-1400, 202)

...il les trouvoient si durs et si hausters et si mal entendans a lors remonstrances et volentés que il n'i veoient moiien ne conclusion. (Froiss., Chron. D., p.1400, 591)

Si firent le duc de Cleves, le conte d'Estampes et tous les aultres, qui moult labourerent a y trouver moien jusques a faire demourer hors du chappitre [de l'ordre de la Toison d'or] souvent ledit de Croy et son frere pour tant y besongier mieulx (Chastell., Chron. IV, D., c.1461-1472, 284)

Mettre moyen entre deux personnes

Durant l'assemblement des chevaliers de l'ordre en ceste ville de Saint Omer fut mise grant peine entre eulx en chappitre de mettre moien et appaisement entre le conte de Charolois et le seigneur de Croy (Chastell., Chron. IV, D., c.1461-1472, 284)

[Idée de condition]

Par/parmi le moyen que + sub. Sur la base d'un arragement tel que....

Li rois de France (...) ne volt mies là commenchier à monstrer son mautalent, mais les rechut doucement parmi un moiien que il eut, que cil de Ippre paieroient au roi quarante mille frans. (Froiss., Chron. R., XI, c.1375-1400, 31)

Toutesfois, finablement (...) la bonne ville de Gand est venue à paix et a acordé envers nostre signeur le conte par un moien que deus cent hommes, desquels il nous envoiera les noms dedens quinse jours par escript, iront en sa prisson ens ou castiel à Lille et se metteront en sa pure volenté. (Froiss., Chron. R., X, c.1375-1400, 150)

LE CRESTIEN. Nous secour[r]ez vous ? LE JUIF. Je l'acorde Et par le moyen qu'en ce cas, Dessus l'hostel sainct Nycolas Jurerés loyaulment me rendre Mon argent. (Mir. st Nic. juif, c.1480-1500, 89)

Sans moyen. Sans condition, absolument.

Li douse bourgois, qui furent esleu par conseil de toute la ville (...) vinrent sus le mont d'Ippre et s'engenoullèrent devant le roi et representèrent la ville d'Ippre au roi à estre en son obeïssance à tousjours mais, sans nul moien ne reservacion. (Froiss., Chron. R., XI, c.1375-1400, 31)

2.[À propos d'une pers.] Médiateur, intermédiaire, négociateur.

Mès li dessus dis messires Tallerans de Pieregorch, par moiiens que il acquist, le signeur de Chaumont, le signeur de Montferrant et le captal de Beus, ses cousins, fist moustrer tant de bonnes raisons au dit prince, que il eut voie et accès de parler à lui. (Froiss., Chron. L., V, c.1375-1400, 69)

Mais luy remonstra doulcement touttes ses besoingnes, en luy suppliant qu'il voulsist estre bon moyen envers son cousin le roy de France pour luy, et il en seroit grant gré. (Froiss., Chron. M., XIV, c.1375-1400, 125)

...je vous requier doncques que veillez estre mon moien ceans ou aultre part que je face dame [par amours] (C.n.n., c.1456-1467, 178)

...je vous requier que vous soyez mon moyen vers ce cardinal que je le serve (C.n.n., c.1456-1467, 284)

[Maistre Jehan de Clugny, ambassadeur du duc de Bourgogne, au roi de France :] ...il [le dauphin] vous signifia son allee par devers mondit seigneur le duc pour deux causes : l'une pour savoir son intention touchant le voyaige de Turquie (...) ; et l'aultre cause si estoit pour requerir mondit seigneur le duc qu'il veulle estre moyen et intercesseur par devers vous affin qu'il puist estre et demorer en vostre bonne grace. (Chastell., Chron. IV, D., c.1461-1472, 39)

Intermédiaire, truchement.

Et s'il advient qu'elle [l'âme] le voye [la vérité] , ce n'est pas clerement ne nuement, mais la voit par aulcun moyen (La Sale, Sale D., 1451, 231)

Estre moyen de + inf. Être la fois médiateur et artisan (pour réaliser qqc.).

C'est que tu soies entre eulx tousjours moien de conduire voies de paix par si grant doulceur, non pas sans plus un moys ou deux maiz à tousjours (Chr. Piz., Paix W., 1412-1413, 63)

Semblablement, devant et aprés ensuivant, de toutes conquestes et seignouries et toutes estranges choses mettre a effait, a l'aventure par propos deliberé, ay esté moien et principe. (Chr. Piz., Avision R.D., 1405, 80)

...et fut grant famillier de Perre l'Ermite, qui fut moïen de assembler ladite croisée, comme est recité en la Postille sur l'Apocalipse et en la Cronique de Guillaume. (Simon De Phares, Astrol., c.1494-1498, f° 111 r°)

Cestui fut l'un des moyens de gecter de prison du Louvre le conte de Flandres, qui y avoit esté l'espasse de XII ans et demy en une chappe de plon, et lui fist aver sa composition par argent grande somme, environ la feste des Roys. (Simon De Phares, Astrol., c.1494-1498, f° 124 r°)

Josserand, cardinal à Romme, homme subtil et meslé en toutes sciences, medicin et souverain astrologien en ce temps, vint en France envoyé par le pappe pour le differand de Flandres et fut moïen de fere la paix entre les Flamens et le roy Philippe (Simon De Phares, Astrol., c.1494-1498, f° 133 r°)

Estre moyen que + subj.. Intercéder auprès de qqn (Jésus) en lui demandant de.

Oudit mois de fevrier, le roy escripvit lettres à tous les estatz de Paris, par lesquelles il les prioit très instamment qu'ilz se voulsissent transporter en l'eglise mons. Sainct-Denis luy faire priere qu'il [vueille] estre intercesseur et moien envers Nostre Saulveur Jhesu Crist qu'il voulsist permettre que le vent de bise ne courust point, pour ce que par le rapport de tous medecins avoyent esté d'oppinion que ledit vent de bise, quant il venteroit, feroit moult de maulx, tant à la santé des corps humains que des biens de la terre. (Roye, Chron. scand., II, 1460-1483, 129)

Moyen de qqc. Personne qui joue le rôle d'intermédiaire dans qqc..

Le duc Aubert et son frere (...) qui moiens estoient de ces choses, se traierent devers l'empereur et son conseil, et luy remonstrerent comment le duc de Jullers (...) se vouloit mettre purement, sans reservation aulcune, en son obeissance (Froiss., Chron. M., XIV, c.1375-1400, 169)

Et si vous estiez mariée, dit il, et j'en estoie le moien et la cause, en ariez vous après cognoissance (C.n.n., c.1456-1467, 294)

Si fuz accusé avec les aultres, mes compaignons, d'avoir esté cause et moyen de la sedicion (C.n.n., c.1456-1467, 575)

...la devant dite veufve de feu messire Pierre de Bresé (...) fut gestée hors dudit chastel, et (...) elle fut detenue et gardée pour estre baliée et livrée au roy, pource que elle estoit moien de la traïson faicte à Rouhen contre le roy. (Maupoint, Journ. paris. F., p.1466, 99)

[Au masc. et au fém.]

...il m'est advis que le duc de Bretaigne fist tant par prieres au roy et aux seigneurs, et par bons moiens et moiennes (,) que il amena en sa compaignie, que son cousin, messire Pierre de Craon (...) se atermina à paier à termes la roynne de Naples (Froiss., Chron. [Livre IV] V., c.1400, 606)

D. -Par extension. Ce qui permet d'atteindre un but, ce qui concourt à créer tel ou tel effet.

1.Procédé, méthode, façon, manière.

a)Emploi substantival.

DIEU. Or entendez : vostre requeste, Mére, et vous, Prist, acompliray Par le moien que je diray. (Mir. prev., 1352, 258)

Et enquiert l'en par conseil par quelz instrumens ou moiens la chose peut estre faite (Oresme, E.A., c.1370, 192)

Si comme qui poursivroit ou procureroit pour soy le honeur qui est deü a autre ou qui poursuivroit quelconques honeur par mauvais moiens. (Oresme, E.A.C., c.1370, 379)

...tu veulz, [c]e samble, que on ne croye a Dieu ou a sa loy (que) par la predicacion d'autre homme ou par quelconque moyen fors que par nouvel miracle a une chascune foys, et par ainsy toute compaignie et societé des hommes ensamble periroit. (Gers., P. Paul, a.1394, 497)

Encore ne voient moyen Comment ilz ayent la cité (Chr. Piz., M.F., III, 1400-1403, 131)

...et si avoient tant fait que par certains moiens de femmes ou autres ilz avoient eu certains enfans mors nez, et estoit grant et vraissamblable presumption qu'ilz ne fussent gens crimineux et sorciers (Baye, I, 1400-1410, 221)

...car, par ce moyen, la guerre et division ne cesseroit point, mais acroistroit et seroit plus perilleuse à la ville de Paris et à tout ce royaume que de present. (Fauq., I, 1417-1420, 255)

Et qu'est ce la, dist il, maistre cyrurgien ? m'avez vous fait jouer a la cligne musse pour me faire ce desplaisir ? Doit estre mon oeil gary par ce moien ? (C.n.n., c.1456-1467, 505)

...d'aultre chose ne tenoient leurs devises que de pourpenser et adviser moien par lequel leur souverain desir pourroit estre accomply (C.n.n., c.1456-1467, 546)

...par laquelle predicion les habitans osterent leurs biens et bestailh et, par ce moyen, plusieurs en furent preservez. (Simon De Phares, Astrol., c.1494-1498, f° 62 r°)

[Formule elliptique] Le moyen pour + inf. ? Comment faire pour ?.

LE CRESTIEN. J'entends bien qu'il fault besongner Qui veult vivre, mais le moyen Pour parvenir d'avoir du bien ? N'est que l'estat de marchandise Et nous n'avons rien. (Mir. st Nic. juif, c.1480-1500, 83)

[Empl. conjoint avec d'autres termes]

Car je n'i sçay moien, voie ne tour, Ne riens n'i puet valoir n'aidier aussi Fors li qu'aim miex cent mille fois que mi. (Mach., Bal., 1377, 552)

... [les deux amants] pensoient, et jour et nuyt, par quelle façon et moien ilz se pourroient rencontrer (C.n.n., c.1456-1467, 306)

Si pensa le chevalier par quel train et moien il perviendroit a la joissance de son hostesse (C.n.n., c.1456-1467, 432)

...[il] ne cessoit de penser et subtilier voies et moiens pour pervenir a ses attainctes (C.n.n., c.1456-1467, 534)

Pour nostre besoigne parfaire, Dictes nous la voye et moyen De ce que nous avons a faire ; Nous ne vous desdirons de rien. (Myst. siège Orléans H., c.1480-1500, 524)

Avantage, ce qui aide.

...il fault tout faire par point et par raison, et tant attendre que les choses viennent à leur tour. En luy trop fourhaster n'a point de bon moyen (Froiss., Chron. M., XIV, c.1375-1400, 45)

'...comsiderés le bon moiien que vous avés en vostre querelle : c'est que madame la roine d'Escoce est serour germainne de nostre signeur le roi d'Engleterre.' (Froiss., Chron. D., p.1400, 785)

Ce qui aide à comprendre, sens de qqc..

UN ROI MAGE (à Hérode) Or nous monstrent et signifient Les moyens du signe donné Qu'il fault que celuy roy soit né, Veu que l'estoille monstree S'est par toute nostre contree. (Gréban, Pass. J., c.1450, 85)

NICHODEMUS (à Jésus) Chier maistre, je ne sçay entendre Le moien de vostre argument. Est il bien possible ? (Gréban, Pass. J., c.1450, 155)

Avoir des moyens de qqc. Être aidé, favorisé par qqc., grâce à qqc..

LE .II. SERGENT. Labourons tandis qu'il est temps, Querons de l'ame le repas, Car nous avons de grans moyens Des merites sainct Nicolas. (Mir. st Nic. juif, c.1480-1500, 159)

Au moyen/par le moyen de qqc./qqn. Grâce à, à l'aide de qqc./qqn.

Quant premièrement les hommes commencèrent à marchander et achapter marchandises et richesses, par le moïen de monnoie (Oresme, Monnoies W., c.1365, XVII)

... [il] se parti dudit chastel à l'ayde d'icellui Sohier et de la corde du puys dudit chastel, par le moyen de laquelle il qui parle, ledit Sohier, et autres qui prisonniers estoient oudit chastel, descendirent ès fossez dudit chastel par-dessus les murs (Reg. crim. Chât., I, 1389-1392, 390)

Laquele saliere il qui parle, afin que elle ne feust cogneue, il despeça ou jour d'ier par le moyen et aide d'une pierre (Reg. crim. Chât., II, 1389-1392, 136)

[Ce dont on se sert est une science, un savoir]

...car par le moïen de ceste science de astrologie et principallement en ses dictes parties, plusieurs choses secrectes sont souvent descouvertes et precongneues (Simon De Phares, Astrol., c.1494-1498, f° 5 v°)

Cestui fist au moïen des ellections de astrologie et incredibles conquestes et fonda la grande cité que l'on dit Nysybin, de trois journées de long. (Simon De Phares, Astrol., c.1494-1498, f° 17 v°)

...et ot puis charge de Nynias, son filz, lequel au moïen de ses loables enseignemens regna XXXIX ans. (Simon De Phares, Astrol., c.1494-1498, f° 17 v°)

Sur la base de qqc..

...par le moyen des rappors qu'il fesoit, ont esté prins, à diversez foiz, pluseurs François, comme XXIIIJ hommes, plus et moins (Reg. crim. Chât., I, 1389-1392, 124)

En raison de qqc, à l'occasion de qqc..

...et comment, derrenement, par le moien du mariage et aliance dudit feu roy d'Angleterre et de la fille de France, royne d'Angleterre, on avoit fait traictié de paix entre lesdis royaumes (Fauq., II, 1421-1430, 73)

...delaissons l'ostel ou maison (...) à nous venue et escheue comme confisquée par le moien de la rebellion et desobeissance commise (...) envers nostre dit feu ayeul (Paris domin. angl. L., 1423, 75)

Sous prétexte de qqc..

...depuis lequel siege les Anglois ont occupé la duchié de Normendie avec pluiseurs villes et forteresses, soubz umbre et par le moyen des debas et divisions qui ont esté entre les seigneurs et peuple de ce royaume (Fauq., I, 1417-1420, 311)

Du fait de qqn/qqc., à cause de qqn/qqc..

Helas, je suis nee en mal an ! Traïstre roy sabbyen, C'est par toy et par ton moyen Que je suis icy maintenant, Car par toy j'ay fait trop de mal (Pac. Job M., c.1448-1478, 317)

...au moien de ceste adventure, fut, comme encores est, appellé sire Baudin Casier. [L'homme a été enfermé dans un casier] (C.n.n., c.1456-1467, 446)

Ainsi fut le pouvre amoureux curé salarié du service qu'il feist a amours, par le moien de la faulse et traistresse jalousie du varlet (C.n.n., c.1456-1467, 495)

LE CRESTIEN. Chanter nous fault ce contrepoint : Force n'est droit. LA FEMME. Je l'entens bien, Mais tout vient par vostre moyen. LE CRESTIEN. Nous sommes tous desprins et mis, Mocqué de grans et de petis. On nous monstre au doit. (Mir. st Nic. juif, c.1480-1500, 75)

...au moyen de la dicte apostume, il entra en une fievre chaulde de laquelle il mourut inremediablement. (Tardif, Apologues R., c.1493-1498, 88)

Au moyen/parmi le moyen de ce que. Par le fait que.

Encores demoroient gens assés au roi d'Engleterre pour furnir et tenir son siege, parmi le moiien de ce que nuls ne pooit venir sus euls, tant estoient il bien fortefiiet. (Froiss., Chron. D., p.1400, 770)

Et, ce jour aussi, fut fait et creé secretaire Jehan Prevost, clerc de maistre Jehan de Valengelier, greffier des requestes de l'Ostel du roy, au moien de ce qu'il espousa une jeune femme nommée Mariete, qui avoit servy monseigneur le bastard d'Armignac, conte de Comminge ; à cause de quoy ledit Prevost a eu de grans biens, et y print le bien qu'il a. (Roye, Chron. scand., I, 1460-1483, 32)

En aucun moyen. En aucune façon.

...CAŸPHE. ...Vous ne monstrez pas en venue Que vous ayez bien retenue Sa doctrine [d'Aristote] en moyen aucun. Dist il pas que le bien commun Precede le particulier (...) ? (Gréban, Pass. J., c.1450, 209)

En tels moyens que. De telle façon que.

...Je vous dis que Dieu pourroit prendre Les Publicains et les payens Et les vertir en telz moyens Qu'ilz seront mieulx ydoines tous D'estre filz d'Abraham que vous. (Gréban, Pass. J., c.1450, 137)

Par bon moyen. De bonne façon.

MARELLIER. (...) Chascun de vous preigne une corde Et veillez tous dedens donner. PREMIER CLERC (qui sonne les cloches.) Tresvolentiers je m'y acorde ; Or sonnons donc par bon moyen ! (La Vigne, S.M., 1496, 544)

À ces moyens. Avec de telles façons d'agir, avec de telles conditions (comme celles qui sont évoquées).

Et lors monseigneur du Maine, monseigneur l'admiral de Montauban, le seigneur de la Barde et autres cappitaines qui bien avoient de VII à VIIIc lances, se retrahirent et s'en alerent et habandonnerent ainsi le roy, et, à ladicte journée, nul des dessusdiz n'y frapa un seul cop ; et, à ces moiens, le champ demoura ausdiz Bourguignons. (Roye, Chron. scand., I, 1460-1483, 67)

Par moyen(s). En ayant recours au comportement adéquat.

Sainct Pol fut grant persecuteur Durant le temps qu'il fut payen,Et fut moult grant executeur Dessus le peuple chrestien, Depuis il congneut son erreur En soy repentant par moyen, Tant quë il fut noble docteur Et fit après beaucoup de bien. (Régn., F.A., 1432-c.1465, 108)

Combien que, pour son meschef advenu, elle ne se monstra encores gueres a ce temps, si trouverent façon ces deux chevaliers, par moyens, qu'ils vindrent ou lieu ou elle estoit. (C.n.n., c.1456-1467, 345)

SATHAN. (...) Mais, en despit de Nicolas, Ung crestien si bien tempteray Et par moyens tant je feray Qu'i fera ung tour de ma main. (Mir. st Nic. juif, c.1480-1500, 107)

Par (adj.) moyens. Par tels procédés.

LUCIFER. Tant mieulx vault. Il t'en fault an aler, Toy et Berich, par bons moyens, Par devers ces Pharisïens Qui l'ont tousjours persecuté Afin qu'il soit executé Et mis a mort sans plus sonner (Gréban, Pass. J., c.1450, 230)

...ce courroux (...) ne dura gueres, car, a ce qu'on me dist, tantost après par bons moyens la paix entre eulx si fut trouvée (C.n.n., c.1456-1467, 162)

Nostre curé (...) se fist, par gracieux et subtilz moyens, accoincté de celuy dont il vouloit estre compaignon ou lieutenant (C.n.n., c.1456-1467, 439)

Par moyens de qqc. En utilisant qqc..

Ce maistre chaperon fourré fist tant, par moyens et d'argent et aultrement, qu'il parla a la belle cordoanniere dessoubz sa robe (C.n.n., c.1456-1467, 414)

Faire son moyen pour + inf. Faire des efforts pour.

Or estoit le comte de Saint-Pol adjourné devant le roy sur les peines devant dites ; et avoit esté contraint et mené à celle nécessité comme par le seigneur de Croy, lequel il héoyt. Il fit son moyen vers le roy pour avoir un prolongement, lequel à grand peine il obtint (Chastell., Chron. K., t.4, c.1456-1471, 432)

Moyen de + inf.

Avoir moyen de + inf. Avoir la possibilité de.

Et combien que je me repute bien maleureux que une fois en ma vie ne puis avoir moien, ne achoison honneste et selon mon fait, d'aler veoir vostre tant triumphante court, toutesfois quant il me souvient ainçoires des grans biens qui y sont et que je y croy estre pour ce que m'en avez dit, et dont le bruit n'est mie si grant que l'effect, esperant que une fois vous y voie, je me repose de mes ennuis sur la souvenance que je en ay. (Robertet, Oeuvres Z., c.1450-1500, 114)

En celluy temps le bastard de Bourgoingne, luy estant à Teremonde, eust moyen de parlementer secretement à ung qui estoit chief desditz Angloix et se nommoit Jehan Fallot, moult subtil homme de guerre et avantaigeux. (La Marche, Mém., II, c.1470, 292)

... et, encores qu'ilz s'en ennuyassent, disans que on n'y renvoyast plus, si y vouldroys-je renvoyer quant j'en auroye opportunité et le moyen. (Comm., I, 1489-1491, 220)

Trouver (le) moyen de + inf.

Et depuis trouverent moyen de entrer a Paris, après ce que par aucun temps ilz en eurent esté hors, auquel temps on traittoit de bonne paix, et crierent la paix en entrant (Juv. Urs., Aud. celi, 1435, 226)

Et donnez alaine a vostre peuple, et trouvez moyen d'avoir argent aultre part, et reprenez de ceulx auxquelz vous en avez trop baillé (Juv. Urs., Verba, 1452, 405)

Puisque nous ne savons trouver moien de payer nostre escot par ce qui est mis en termes, je [vous] diray que nous ferons (C.n.n., c.1456-1467, 376)

...monseigneur le curé trouva le moien d'excuser sa simplesse et ignorance. (C.n.n., c.1456-1467, 514)

En icelluy temps, le roy fist faire grant assemblée de prelatz, gens d'eglise, de grans clers, tant des universitez de Paris, Montpelier que d'autres lieux, pour eulx trouver et assembler en la ville d'Orleans pour subtillier et trouver moyen de ravoir la Pragmatique, et que l'argent des vaccans des benefices ne feust plus porté à Romme ne tyré hors de ce royaume. (Roye, Chron. scand., II, 1460-1483, 77)

Ettant [l. et tant] soubtivarent qu'ilz trouvarent moien de congnoistre leur guect et d'entrer en la ville de Lucembourg par leurs eschelemens. (La Marche, Mém., II, c.1470, 36)

Et monsr de Havart commança à dire au roy en l'oreille que, s'il vouloit, qu'il trouveroit bien moyen de faire venir le roy son maistre jusques à Amyens, par adventure jusques à Paris, à faire bonne chère avecques le roy. (Comm., II, 1489-1491, 69)

Trouver moyen + sub. interr. indir.

...les duc de Clocestre et contes de Arondel, mareschal, Waruich et l'arcevesque de Cantorbie parlerent de plusieurs choses, especialment de trouver moyen comme ilz pourroyent prendre le roy Richard et les ducz de Lenclastre et d'Yort et mettre et tenir en prison (Juv. Urs., T. crest., c.1446, 149)

b)[Employé comme prép.] Moyen qqn/qqc.

Moyennant qqc..

Leomedon, voulant edifier Troye, fist marchié a Phebus et a Neptune, que estoient en guise d'ommes, pour faire les murs de Troye moien certain pris d'or (Legrand, Archil. Sophie B., c.1400, 196)

Et puis ordonna que chescun ostel d'Espaigne et de Gallice donnast a l'eglise de Saint Jacques quatre deniers de la monnoye courant et annuel tribut, et moyen celluy tribut ilz estoient francs et liberés de servitude. (Bagnyon, Hist. Charlem. K., c.1465-1470, 199)

Grâce à qqc..

Et quant tu auras ceste creance moyen le saint sacrement de baptisme, qui est sur ce estably, tu pourras parvenir a gloire eternelle. (Bagnyon, Hist. Charlem. K., c.1465-1470, 40)

Et moyen ces engins ilz conquisterent la premiere garde de la tour. (Bagnyon, Hist. Charlem. K., c.1465-1470, 119)

Les payens perserverans en l'assault devant dit, l'enchanteur vint devant l'admiral et luy dist : 'Treschier sire, j'ay fait mes engins tous apprester, moyen lesqueulx, sur ma vie, je vous rendray les François...' (Bagnyon, Hist. Charlem. K., c.1465-1470, 119)

Comme saint Jacques apparut a Charles et comme moyen la conduyte des estoilles il alla en Gallice et quelles cités il subjuga le premier chappitre. (Bagnyon, Hist. Charlem. K., c.1465-1470, 175)

Par l'intermédiaire de qqc., d'un animal.

Et lors Jupiter pour garder sa promesse ainsi le fist, et ardi Semelles de feu et de tonnoirre : car Jupiter s'acompagnoit a Juno moien le feu : Jupiter signifie le hault air et Juno le bas, entre lesquelz se font tonnoirres et esclers. (Legrand, Archil. Sophie B., c.1400, 163)

Tous fruitz leur habandonnastes a mengier fors seulement d'ung, du quel Eve moyen le serpent en fit mengier a Adam, dont ilz en perdirent paradix. (Bagnyon, Hist. Charlem. K., c.1465-1470, 51)

Par l'intermédiare de qqn, grâce à qqn.

Je te requier de rechief que je soye baptisé, et se j'estoye de mes playes guerys, je exaulceray de mon pouvoir la foy crestienne, et seroit faitz pluseurs payens crestiens moyen moy. (Bagnyon, Hist. Charlem. K., c.1465-1470, 68)

À cause de qqc..

Je sçay que elle t'ayme plus que homme vivant, et moyen ses amours j'ay perdu pluseurs de mes hommes de grant façon et sy suis mys hors de ma tour, le chief de force de tout mon païs. (Bagnyon, Hist. Charlem. K., c.1465-1470, 110)

Moyen de qqc. Moyennant qqc..

MATHATIEL. On dit qu'il fault ou pendre ou rendre. Je ne sçay lequel ce sera, Mais le juge en appointera, Moyen 'beati garniti' [Compl. de nom lat. 'moyennant de l'argent'] . (Mir. st Nic. juif, c.1480-1500, 127)

...Touchant Pluto, lieux tresparfonds et ysmes A desiray, pour sa porcion avoir, Moyen duquel luy ont les [grans] abismes Esté donnez et la fait son movoir. (Rapp., c.1480, 57)

2.Argument.

Atant me fina Repertoire De mariaige et de memoire Son epistre qu'il m'envoya, Par laquelle il me ravoya A la saincte et la bonne voye, A laquelle Dieux me ravoye, S'il lui plaist, par s'umble pité, Tant que je soie respité Du tourment de ce mariage Temporel, qui n'est fors que rage, Doleur de cuer, du corps exil Et de l'ame trop grant peril, Si comme je voy par le tiltre Et les moiens de son epistre ; (Desch., M.M., c.1385-1403, 273)

DROIT Raisons que l'on apporte pour établir les conclusions que l'on a prises.

...parce que le Roy y a et puet avoir droit et interest en partie d'iceulz biens à cause de certains lais escrips oudit testament, et autrement par certains moiens à declarer plus à plain. (Fauq., III, 1431-1435, 151)

[Après énumération de témoignages en faveur de qqn] ... et par certains moyens à declarer plus à plain, se mestier est. (Chartes communes Bourg. G., t.2, 1435-1436, 247)

[En conclusion de la présentation de certains arguments] Sy concluoit par ses moyens affin d'asolution et des despens. (MART. D'AUV., Arrêts Am. R., c.1460-1466, 40)