MONDAIN

adjectif

[T-L : mondain ; GD : mondain ; GDC : mondain ; AND : mundain ; FEW (VI-3, 213b) : mundanus ; TLF (XI, 992b) : mondain]

I. -Relatif à l'univers ou à la terre en tant que planète.

A. -Relatif à l'univers.

Musique mondaine. Harmonie des sphères.

Et peut estre que ce entendirent Augustin et Boëce et autres qui parlent de musique mondaine laquelle il appellassent celestiele, ne fust ce que elle se estent aus corps de cibas en la maniere desus dite. Et donques par ce que dit est et par ce que s'ensuit, nous povons raisonnablement dire que de musique sont .III. manieres : une est humaine, autre mondaine et la tierce est divine. (Oresme, C.M., c.1377, 482)

Et pour ce qu'il est troiz manieres de musique, c'est assavoir la musique mondaine, qui est entre les elemens es mouvemens du ciel et des estoilles, et la musique humaine, qui est trouvee entre les quatre humeurs, entre les puissances de l'ame et entre l'ame aussi et le corps joins ensamble esmerveillablement, et la tierce est l'instrumental musique, qui est en mélodies et en chans de voix humaines ou autres (Evr. Conty, Eschez amour. mor. G.-T.R., c.1400, 537)

Et pour ce dit Macrobes que de ces .IIJ. manieres les deux ne sont point en usage, la maniere de armonique pour la difficulté et l'autre cromatique aussy pour sa molesce. Et pour ce dit il oultre que Platon en parlant de la musique mondaine use de la maniere dyatonique, qui en celle musique a proprement son lieu. (Evr. Conty, Harm. sphères H.P.-H., c.1400, 55)

La musique mondaine a son lieu ou grant monde et entre les parties dont il est composé et par especial ou ciel et es estoilles et es elemens. (Evr. Conty, Harm. sphères H.P.-H., c.1400, 62)

Description mondaine. Description de l'univers.

...cosmagraphia [sic] (...) : escripture du monde ou description mondaine. (Lagadeuc, Catholicon G., 1499, 20)

Mondain fabrique. Monde créé, fabriqué par Dieu.

...aras tu hardement d'envayr le plus grant du monde, l'hiretier du mondain fabricque, l'ymage du celeste gubernateur...? (Molinet, Chron. D.J., t.1, 1474-1506, 93)

...comme il est (...) ung seul Dieu imperateur eternel, à qui touttes choses crées obeissent (...) nous avons semblablement en ce bas empire terrestre ung seul empereur temporel, à qui le monde est tributaire, qui (...) regit la rote orbiculaire, la terre et ce mondain fabricque où sont rois, ducz, marquis et comtes (Molinet, Chron. D.J., t.1, 1474-1506, 224)

B. -Relatif à la terre en tant que planète.

1.[D'une chose ; avec une valeur neutre] De ce monde, terrestre.

[D'un élément géographique]

...toute region mondaine Si est subgiecte au hault demaine Du cours du ciel, qui la gouverne Par autel fait et autel terme Com le corps de l'omme, qu'on nomme, Pour sa diverseté de forme, Droicte ymage de petit monde, Ou toute estrangeté habonde (Chr. Piz., M.F., II, 1400-1403, 84)

[D'un élément humain]

...Fors tant que n'a mois ne semainne, Jour prefix, ne heure certeinne, Eins est sa venjance soudeinne [de Fortune] ; Chose est commune, Car quant la personne est plus pleinne D'onneur, de richesse mondeinne, De son tour a niant la meinne. Tele est Fortune. (Mach., R. Fort., c.1341, 35)

...car vertu morale ne vertu intellectuele ne sont pas en ce qui est estre puissant de puissance mondaine, desquelles vertus viennent et sont causees bonnes operacions et vertueuses. (Oresme, E.A., c.1370, 516)

De ma dame ne de son bel acueil, De mes .IJ. yex, d'amours ne de ma peinne Ne me plain pas, car par eulz en l'escueil Suis mis d'avoir toute joie mondeinne. (Mach., L. dames, 1377, 204)

Tant est d'affaire Bon, loyal et parfait. Qu'à sa bonté, qui toutes enlumine, N'est mondeinne bonté qui se compere, Et sa biauté, qui son gent atour pere, Plus que biauté est belle et enterine. (Mach., Les lays, 1377, 324)

LA MARQUISE. (...) Sy m'agree Retourner en la maisoncelle Dont je yssy povre pucelle, Nue de trestous bien mundains (Gris., 1395, 83)

Plus grant beauté n'a en ce mond, Ne de biens mondains si plentive. (Chr. Piz., M.F., I, 1400-1403, 108)

Vous savez, et chose est certaine, Que de seignourie mondaine, Par la posseder longuement, Vint noblece premierement, Qui oncques puis ne fu descreue, Mais, Dieu merci, si acreue Que par le monde en toutes pars Sont nobles gens par tout espars. (Chr. Piz., Chem. estude P., 1402-1403, 150)

...monsigneur Loiz de France, ainsné filz du roy nostre sire (...) moult grant plaisir avoit à sons d'orgues, lesquelx entre les autres oblectations ['divertissements'] mondains hantoit diligemment. (Baye, II, 1411-1417, 231)

LE CHASTELLAIN [à Notre-Dame] . Tresoriere de resconfort, Ou est plenitude de grace, De prompte lyesse, et renfort Contre tout vïolant effort Quant te plaist de monstrer ta face, Du cours mondain vraye preface, Dire on peult par auctorité, Tous maulx sourdent en povreté. (Myst. jeune fille L., c.1413-1445 [c.1530], 82)

Je sçay par cueur ce mestier bien a plain, Et m'a longtemps esté si agreable Qu'il me sembloit qu'il n'estoit bien mondain Fors en Amours, ne riens si honnorable. (CH. D'ORLÉANS, Songe compl. C., 1437, 104)

Alors il respondit qu'il estoit ung chevalier des parties de Allemaignes, et que la estoit il venus pour veoir les choses merveilleuses de ce monde (...) pour acquerir honneur et mondaine gloire. (La Sale, Salade, c.1442-1444, 91)

Se tu ne congnois la dignite de la condicion humaine tu ne peulx sauoir comme Dieu a mis soubz tes piez toute gloire mondaine et les creatures qui sont soubz toy. (Cib., p.1451, 197)

Creature mondaine. Tout ce qui vit sur terre.

Et ainsi est tout ce pourtraict En la sale, dont j'ay retrait, Et aprés y a vivement Comment Dieu volt premierement Homme du limon de la terre, Sanz nul autre ayde querre, Former et faire a son ymage, Si le fist virtueux et sage Plus que nulle autre creature Mondaine et de meilleur nature (Chr. Piz., M.F., II, 1400-1403, 135)

Université mondaine. Monde entier.

Or est vray que honme est la plus noble partie de toute l'université mondaine et pour lui toutes lez aultres choses natureles sont faittes et crees (Songe verg. S., t.1, 1378, 350)

2.[D'une pers.] Qui vit sur la terre.

Qui appartient au genre humain.

Mais il ne me fu mie avis, Quant je l'esgardai vis a vis, Que ce fust creature humeinne De li, ne qu'elle fust mondeinne, Dont j'avoie moult grant merveille. (Mach., R. Fort., c.1341, 55)

[Périphrase] Les voyageurs mondains. Les hommes ; les pèlerins de la vie humaine (Gloss. éd.).

...ilz [Boccace et G. Chastellain] descripvent des choses terriennes : Les grans malheurs et les azars soubdains Que percevons, par voyes cothidiennes Tomber sur mains des voyageurs mondains. (Antitus, Poés. P., c.1500, 53)

Emploi substantival.

Être humain (en général).

Car le venin et l'infection de civille discorde fut ordonné de Dieu pour reprimer l'orgueil dez haultesses mondaines, et affin que ceulx qui surmontoient lez autres si esleveement que nul autre mondain ne les peult humilier, fussent par eulx mesme reprimés en humilité soubz Dieu, et ramenés a congnoissance de leur fraelle puissance. (Chart., L. Esp., c.1429-1430, 80)

[Au plur.] Les habitants du monde, les humains.

SATHAN [à Lucifer] . Roy d'enfer, je vous dis et presche Que es parties de Gallilee, Est ne sçay quel femme appellee Marie, assez jeune pucelle, La plus courtoise, la plus belle, La plus doulce, la plus benigne, La plus vertueuse et plus digne Qui soit es mondains au jour d'uy. (Gréban, Pass. J., c.1450, 100)

[Attropos à la Mort] Fay que tout meure, Plus ne demeure A faire plus Noire que meure, Sans demeure, Verte ou meure, Lachesis que plus ne sequeure Les mondains qu'elle [la Vie] va secourant. (Cene dieux, c.1492, 132)

CURÉ. Celuy qui ès haulx [cieulx] domine Et qui les mondains enlumyne, Vous en doint pardon par sa grace ! (La Vigne, Munyer T., 1496, 237)

Tous les mondains qui, par compas, Sont formez de Dame Nature, Tous les jours, le trop ou le pas, Approchent leur desconfiture. (La Vigne, S.M., 1496, 557)

II. -[Dans une perspective chrétienne] Relatif au siècle, au monde terrestre (p. oppos. au monde spirituel ou à l'au-delà), à la société profane (p. oppos. à la société ecclésiastique).

A. -Relatif au monde terrestre, aux biens matériels (p. oppos. au monde spirituel).

1.[D'une pers.] Qui appartient au monde.

...prestre ne doit pas amie Mondaine avoir. (Mir. st J. Cris., c.1344, 270)

Attaché aux vanités du monde.

Mais de ce ne m'est il a riens, Tresdoulx Dieux, mais que t'amour aie. T'amour ? Las ! le cuer trop m'esmaie Conment je la pourray avoir, Car trop mondain ay esté, voir. (Mir. Pierre Changeur, c.1378, 279)

Attaché aux biens de ce monde.

Anselme : - Et que diroies tu de aucunes personnes qui souvent aimeroient mielx souffrir en leurs propres personnes ung tres grief mal et grant moleste - pour eviter une griefveté en leurs biens - que de voir perir leurs biens, et le mal qu'i souffriroient en leurs personnes plus paciaument le soustienent que celui de leurs biens et chouses temporelles ? Boso : - Je dis que telle gent sont trop mondaines. (Crap., Cur Deus, De arrha B.H., c.1450-1460, 231)

2.[D'une chose]

Qui appartient au monde terrestre, profane ; qui témoigne d'un attachement aux biens de ce monde.

GABRIEL. Anthure, saches Dieu te veult Oster de ce siecle mondain (Mir. st J. Cris., c.1344, 304)

...M'a dit que se tost sanz demour Ne laisse la mondaine amour Et que d'elle [la mére Dieu] servir me paine, Jugie sui a le grief paine D'enfer sanz fin. (Mir. nonne, 1345, 346)

Theodore, de ceste vie Mondaine ennuit trespasseras Et en gloire sanz fin venras. (Mir. Theod., 1357, 118)

Aucuns pour echever le parler des gens, et afin que on ne les juge devos, se abandonnent a paroles et vie mondaine, et a boire et a mengier, et souvant trebuchent en pis. (Gers., Pent., p.1389, 82)

L'ystoire nous certiffie, et aussi la vraye cronique, que cil conte Aymery fu grant pere de l'ayeul saint Guillaume, qui relenqui toute possession mondaine pour servir Dieu Nostre Createur, et se mist en l'ordre et religion des Blans Manteaulx. (Arras, c.1392-1393, 16)

A la parfin je regarde que la charnalité mondaine d'aucuns est si parfonde et rude, et la foy tant estainte, que il[z] osent blasmer saint Pierre et saint Pol a cause de la mort laquelle ilz receurent honteusement a leur advis ; de quoy ilz dient que l'amour de Dieu n'est pas trop a eslire s'il livre ainsy a honte tous ceulz qu'il ayme (Gers., P. Paul, a.1394, 490)

...neantmoins en ce est la condicion [de l'amour] de Dieu divisee [de] l'amour mondaine ou charnelle, car l'amour de Dieu recoit et croit conseil, et est ployant et doulce a l'exemple de fer ardent, mais l'autre non. (Gers., P. Paul, a.1394, 501)

En faisant fin et en vous enhortant, je toucheray briefment les deux autres raisons ensemble pour lesquelles cuer doloreux par repentance est bieneureux, et plaisir mondain [est] a refuser (Gers., Déf., 1400, 240)

...elle [la jeunesse] veult faire pas a pas Grans amas De biens mondains pour s'enrechir. (Pass. Auv., 1477, 119)

Or laissés ces plaintes mondaines, Ma bonne seur ; pensés es cieulx, Ou Jhesus a joyes aultaines, Et nous farés le cuer joyeux. (Pass. Auv., 1477, 254)

ADAM. (...) Je n'ay nulle mondaine envye De passer son commandement [de Dieu] , Car j'ay ma voulenté unye Avec la sienne entierement. (Myst. Pass. Troyes B., a.1482, 50)

Adieu, temps joyeux et doulx ! Adieu, plaisance mondaine ! Adieu, mes soulas trestous ! (Pass. Auv., 1477, 278)

Cestui de Saint Mesmyn fut bien souffisant astrologien et composa de beaux traictez, mais en ses vielz jours, laissa la felicité mondaine et se rendit reclus à Orleans. (Simon De Phares, Astrol., c.1494-1498, f° 142 v°)

Proverbe. Joie mondaine est peu durable

...Quant tu es dessus ton coursier Chascun voelt devant toy fremir ; Toy, qui fais les aultrez cremir, Tu devenras abhominable : Joye mondaine est peu durable (Chastell., Miroir mort V.H., c.1436-1450, 72)

Emploi substantival. Celui qui vit dans le siècle et qui est attaché aux choses du monde.

C'est possession de richesce Que li mondain a grant labour Assemblent de nuit et de jour (Mir. Barl. Josaph., c.1363, 269)

D'autre part dit saint theume et glose Que ce seroit aussi fort chose Passer par le tro d'une aguille Un chamel, texte est d'euvangille, Com d'un riche mondain seroit Qui en paradis entreroit: Comment pourroit il proufiter, Puis qu'il se vourroit delitter Au monde en tous mondains delices, Aux luxures, aux avarices, Aux viandes et aux delis De la char ? (Desch., M.M., c.1385-1403, 353)

'Beau Filz,' dist la royne, 'ce n'est pas trop grant merveille aux hommes qui sont mondains pour l'onneur de leurs personnes, de leurs amis, ou de leur heritage garder et deffendre, de mectre la personne en l'adventure de la bataille, mais c'est trop grant oultrecuidance perilleuse et fiance supersticieuse de abandonner et le corps et l'ame et estre deshonnoure...' (Mézières, Songe vieil pèl. C., t.2, c.1386-1389, 278)

Je parle de nous, mondains, qui ne scavons que c'est fors d'amour mondaine, de quoy advient que nous jugons les autres amoureux de Dieu estre folz amoureux. Veons le en saint Pol qui estoit batus, huez et de[cra]chié en mil manieres par les mondains comme ung fol (...) et tellement l'apella ung de ses juges en disant qu'il estoit fol de clergie. (...) Les mondains n'ont cure que de l'amour mondaine plus que le porcel ne quiert que boe, si se moquent de ceulz qui n'en tiennent compte. (Gers., P. Paul, a.1394, 515)

ABBÉ. Ce n'est pas son entencion [de frère Martin qu'on veut élire archevêque] De jamais les mondains hanter Et, pour toute resolucion, Garde n'a de vous escouter. (La Vigne, S.M., 1496, 404)

[P. oppos. à spirituel] Temporel, terrestre, matériel.

Et dient les gens que telz sages philosophes estudient choses inutiles pour ce que il ne quierent pas biens humains ou mondains. (Oresme, E.A., c.1370, 343)

...il contempna les biens mondains et ainsi qu'il advint que le pays fut saysi par les adversaires et les hommes en fuite et lui eschappast nud, fut interrogié par autres s'il avoit tout perdu, respondit qu'il portoit ses biens, disant : 'Je porte ma science que larrons ne me sauroient oster'. (Simon De Phares, Astrol., c.1494-1498, f° 62 r°)

B. -Relatif à la société profane (p. oppos. à la société ecclésiastique).

1.Qui appartient à la société profane.

a)[D'une pers.]

[P. oppos. à religieux] Juge mondain

Soit riche, moien, povre ou nu, Est de droit et raison tenu A vivre selon ces deux poins Nettement, que hors près ne loings Ne face a nulle creature Dommaige, deshonneur, injure, Ne qu'il ne mefface a autruy Ne qu'il vouldroit qu'om feist a luy, Et fuie tout criminel vice Tant qu'il ne soit nulle justice Ne juge mondain ne d'eglise Qui le puist en aucune guise Condempner de corps ne d'avoir Par raison, et si dois sçavoir Qu'il doit Dieu amer et servir Et soy par sa rente chevir Ou son labour, et qu'il labeure. (Desch., M.M., c.1385-1403, 138)

Entre les mondains et en cloistre. Dans le monde profane et chez les religieux.

Car autant en fait elle a ceuls Qui demeurent en paiennime, Sans resgarder raison ne rime, Ne pour toy seul ne fu pas faite, Ne pour toy ne sera deffaite Sa roe qui se fait congnoistre Entre les mondeins et en cloistre. (Mach., R. Fort., c.1341, 93)

...Qu'Amours et Desir, ce me semble, D'une laisse courent ensemble ; Et quant li desirs amenrit, Cuers qui faussement aime en rit, Et cuers qui aime loyalment En pleure, car (aussi) certainement L'un a l'autre couvient accroistre Entre les mondains et en cloistre, Et de tel pié et de tel danse Com li uns va li autres danse. (Mach., Voir, 1364, 580)

Car [le roi] faire vuet le saint voiage. Là vuet il mettre corps et mise, Tout en l'onneur de sainte Eglise, A la gloire et protection De la foy, car s'entention N'est que de la toudis accroistre, Entre les mondains et en cloistre. (Mach., P. Alex., p.1369, 219)

b)[D'une chose]

[Par oppos. à l'état/à l'habit monastique]

Habit mondain

Puisqu'en ce cas vous vous trouvez duysant, L'abbit mondain vous convient despoiller Et de cestuy je vous feray present Duquel vous fault desormais habiller. (La Vigne, S.M., 1496, 372)

Estat mondain. Situation, place dans le monde.

Et quant il [l'enfant dont les parents se sont tant occupés] est jusqu'a la bude ['terme'] D'avoir bien et estat mondain, Voy le la mort d'ui a demain (Desch., M.M., c.1385-1403, 71)

...Dieux dist : Tu lairas pere et mere pour mon nom, - que je me peusse du tout disposer a ce et laissier mary, enfans, estat mondain, et toutes occupacions terriennes pour entendre du tout a servir Dieu en la vie contemplative, si comme ont fait les plus perfaictes creatures. (Chr. Piz., Trois vertus W.H., c.1405, 26)

Et pour mieulx ad ce m'asservir D'umble cueur et fervent couraige Sans plus l'estat mondain suivir, Je m'en voys en ung hermytage. (La Vigne, S.M., 1496, 285)

2.Qui, par ses qualités, a une position dans la société profane ; qui a des qualités sociales.

Et lors Paris, qui estoit homme Mondain et de grant vaselage, Visa qu'il [le don que lui promet Venus] estoit assez sage Et que la deesse Pallas Ne ly prommetoit nul sollas Ne plaisance qui li pleusist. (Livre amour. all. F., c.1398-1430, 16)

Quant elle vit l'enfant par dessus l'erbe plaine Et elle va sentir de lui la doulce alaine, 'Mere Dieu !' dist la dame, 'roÿne souveraine, Comme vostre doulz fils a la vïe mondaine !' (Galien D.B., c.1400-1500, 10)

De Belsabee, de Judith ou Lison, Griselidis qui tant endura paine, La royne Hester, de sy grande maison, Melusine, ses biens et sa fontaine, Oriabel, sur toutes plus mondaine (...) Je tiens plus belle sur toutes Anthoinette. (Au grey d'amours F.-H., c.1400-1500, 282)

...dont entre les aultres en trouva une qui avoit ung frere demorant a l'hostel du duc, ung bien gentil escuier nommé Mombleru, le plus nouvel homme de la terre, comme ailleurs est assez oÿ de sa faculté. Et estoit ceste damoiselle femme d'un advocat nommé..., toute de tele condition et langaige comme estoit son frere, la plus mondaine et novelle des aultres. Si pleut moult a ceste dame son accointance et en fit grant feste, et par le moien d'elle vint en l'accointance encoires d'aultres beaucop, les plus femmes de fachon de la ville, comme de la prevoste de la ville (Chastell., Chron. IV, D., c.1461-1472, 237)

[D'un aspect de la pers.]

[Honneur Femenin] ...c'est ung bien pour tous biens coullourer, Ung cuer mondain, ung joyel precieux, Rendant par fleurs odeur delicieux. (Michault, Procès honn. F., p.1461, 49)

Qui a des goûts de luxe, qui aime à paraître.

Toutes foys ceste femme estoit fort mondaine, desiroit estre fort bien vestue et parée et si aymoit le desduit d'amours. (Tardif, Facéties Pogge M., c.1490, 199)

Emploi substantival.

Personne pourvue de nombreuses qualités.

Cestuy [Pierre de Brezé] , l'aigle de tous les mondains du monde, avecques merveilles de vaillance, estoit le plus bel parlier de son temps (Chastell., Chron. K., t.3, c.1456-1471, 347)

Personne qui se livre aux mondanités.

Se sont de ses fringans mondains Qui portent ces beaux brodequins Dessoubz la chausse dessirée, Puis les pantouffles, quelz badins ! (S. fol, c.1480-1490, 7)

Personne qui a une position dans le monde.

POVRE PEUPLE. (...) Hé ! povre gens ! Il en est qui ont tant de biens Et les autres en ont disette. Qui a ceste ordonnance faicte ? Il me semble que n'est point bien. BON RENON. De tous mondains ce n'est rïens ; Je n'en conte pas une prune. Il ne fault que tant que Fortune Destorne sa roue ung seul pas, Vesla ung homme mis au bas. Pourtant est il fol qui s'y fye. (Pouvre peuple H., c.1450-1492, 178)

Ung grant mondain ou bien homme de court, Remply d'orgueil, sur ung beau cheval court, Qui a jeunesse et d'or toute une mine, Diroit tantost que mort n'a sur luy court. (Meschin., Lun. princes M.-G., c.1461-1465, 4)

Les fortunez et les mondains eureux Sont maintesfois premiers en mes greniers, Et meurent matz, doulans, craintifz, peureux Et desplaisans d'eslongnier leurs deniers (Michault, Danse aveugles F., 1464, 118)