MENACE

substantif féminin

[T-L : menace ; GDC : menace ; AND : manace ; DECT : menace ; FEW (VI-2, 98b) : minacia ; TLF (XI, 626b) : menace]

A. -Action d'intimider, de faire peur à qqn, intimidation (par une attitude, par la parole, par le geste...).

Et se resgardés yes de l'autre, Garde toy ; car lance seur fautre, Se vient encontre toy combatre, Pour toy de toute honneur abatre, Sans menasse et sans deffier ; Si que tu ne t'i dois fier, Ne qu'en baston d'un champion. (Mach., R. Fort., c.1341, 88)

Mais se tu pues, soies bien d'eus, Au meins ou de l'un ou des deus, Par quoy, se li tiers te menasse, Que petit doubtes sa menasse, Car se riches, puissans et fors Sont, ce te sera grans effors. (Mach., C. ami, 1357, 122)

Je ne prise vostre menace De riens, Oston. (Mir. Oton, c.1370, 378)

Et toutesvoies, verité est que nul ne s'efforse de persuader, admonester et enduire nous par painne, menace ou promesse ne autrement as operacions qui ne sont en nostre posté et qui ne sont voluntaires, aussi comme se il n'en fust mestier et que pour neent feroit l'en teles choses pour ce qu'il n'est pas en nostre posté. (Oresme, E.A., c.1370, 197)

Las ! si ne say que je face ; Car sa bele face Tout mon bien efface, Quant envers moy seul est fiere, Et Dangiers qui me manace Vuet que sa manace De fait me defface Cuer, corps, pouoir et maniere. (Mach., Les lays, 1377, 323)

...pour luy, ne sa menace Ne laira il mie la place. (Chr. Piz., M.F., IV, 1400-1403, 51)

Le jenne chevallier fut moult esmerveillé quant il oÿ celle terrible manesse (Percef. III, R., t.1, c.1450 [c.1340], 14)

Le filz, oye ceste menace, si sault sus, et s'en picque par derriere et se sauve. (C.n.n., c.1456-1467, 325)

Olivier respont : 'Firebras d'Alixandrie, ne soyes sy hatif ne disant tel lengaige, car je ne crains point ta menace...' (Bagnyon, Hist. Charlem. K., c.1465-1470, 60)

Sans menace et sans defiance/sans defier. Sans ultimatum et sans défi/sans prévenir.

...car lance seur fautre, Se vient encontre toy combatre, Pour toy de toute honneur abatre, Sans menasse et sans deffier (Mach., R. Fort., c.1341, 88)

Et ainsi fu domptez li las Par femme ou il avoit fiance. Sanz menace et sanz deffiance, Le menerent en leur cité, Ou il ot assez de vilté. (Desch., M.M., c.1385-1403, 88)

Faire menace

Si lui direz de par moy que je ne doubte lui ne les siens fors que de raison et que, se ainsi estoit que Dieux me voulsist donner l'eür que je peüsse venir a l'onneur et a la seignourie du royaume de Blandie, je ne le lairoie ja, pour menace que vous ne autre peüst ne sceüst faire, que je ne receüsse liement la dignité de roy et que je ne soye roy, se je puis'. (Bérinus, I, c.1350-1370, 157)

Toutes ces choses je vy et oÿ, et lorsque la voix ot faitte la menace, je n'y vous plus attendre, ains m'en parti, si que je ne sçay qu'il en advint depuis. (Bérinus, I, c.1350-1370, 235)

Quelque maniere ou menace qu'elle face, il ne veult laisser son emprinse, mais de plus en plus la pourchasse (C.n.n., c.1456-1467, 73)

Et est ja celluy cappitaine entré en mon payz et fait grant menace (Bueil, II, 1461-1466, 241)

Attitude qui fait craindre des représailles.

Mais les désarroyés appercevans leur maistre ainsi venir vers eux [à cheval, lance brandie] en telle menace (...) montèrent à cheval, comme si l'ennemi les eust chassés (Chastell., Chron. K., t.1, c.1456-1471, 248)

B. -Au pluriel.

Intimidations principalement verbales.

Mais saches que plus droit juge as. Einsi avez vous fait des filles D'Israhel, par voies soutilles, Que par cremeur et par manasses Les honnissiés. Helas ! les lasses Se metoient a vos cordelles Par cremeur, non par l'acort d'elles. (Mach., C. ami, 1357, 14)

Lors respondirent sans attendre : 'Rois, nous volons bien que tu saches Que nous ne doubtons tes menaces, Toy ne tes dieus ne ta fournaise Ardant une seule framboise, Et que tes dieus n'aourons mie, Car nous avons dieu qui la vie, L'ame et le corps nous gardera...' (Mach., C. ami, 1357, 21)

Onques riens tant ne me greva Com les menaces qu'il me dit, De quoy plourer forment me fist. (Mir. Amis, c.1365, 41)

Par mon chief, damp roy, dist le chevalier, qui fu moult courroucié, se vous ne faictes promptement ce que messeigneurs vous mandent, la truffe vous sera monstree au fer et a l'acier dedens trois jours. Sire chevalier, dist le roy, menassier povez vous assez, car autre chose n'emporterez vous de moy, car voz maistres ne voz menaces ne prise je pas un festu. Damp roy, dist le chevalier, je vous deffie de par les deux damoisiaux de Lusignen et tous leurs aidans. (Arras, c.1392-1393, 158)

Qant li dus de Braibant oi ces manaces, si se conmença a doubter (Froiss., Chron. D., p.1400, 199)

...[li rois de France] les euist volentiers ratrais par douces et amiables paroles, se ils peuist, non par rigeur ne par manaces. (Froiss., Chron. D., p.1400, 366)

...il envoiierent dire (...) que il se vosissent rendre, ou il averoient l'asaut. Il respondirent orguilleusement que il ne faisoient compte de lors manaces . Qant les Englois entendirent ce, si furent tout courechiet (Froiss., Chron. D., p.1400, 765)

S'il est ainssy, com nous creons, Que vous soyez vrays dieux, et force Hayez de vengier chose torse, Je vous pri que mon filz Pharnaces Puist encor oyr telz menaces De ses enfens, com j'oz de luy, Sanz confort avoir de nulluy. (Chr. Piz., M.F., IV, 1400-1403, 22)

...car soudainement il se frappa en la cité assise, ainssy comme se il craingnist les menaces, les injures et les bactemens de son pere (La Sale, Salade, c.1442-1444, 37)

Et disoient encores que monsr d'Orleans, qui estoit demouré en Ast, faisoit craincte au duc de Millan et que ses serviteurs disoient de grans menaces (Comm., III, 1495-1498, 122)

BURGIBUS. Tu l'assauldras Au premier par doulces parolles, Puis apprés tu le surprendras Par menaces et parabolles. (La Vigne, S.M., 1496, 538)

Menaces de feu et de sang. Propos destinés à faire craindre (à qqn) toutes les horreurs, toutes les destructions possibles.

...certaines lettres patentes envoyées de Rouen (...) seellées du petit seel du duc de Bourgongne et signées de sa main, comme l'en dist, contenans menasses de feu et de sang contre ceulx qui gouvernent à present par deça et entour le Roy (Fauq., I, 1417-1420, 18)

Signe de menaces. Geste menaçant.

Florippes ouÿt les paroulles et prist ung baston et fist signe de menaces a son pere. (Bagnyon, Hist. Charlem. K., c.1465-1470, 156)

Faire (et dire) menaces à/de qqn

Et quant aus menaces que l'en dist par elle avoir esté faites et dites d'iceulx Hainselin et Agnesot, dit par son serement qu'il n'en est riens (Reg. crim. Chât., I, 1389-1392, 332)

...par contrainte et menaces que leur a fait et fait faire messire Simon Morhier, prevost de Paris (Fauq., II, 1421-1430, 355)

Et, le premier jour d'octobre ensuivant, maistre Jehan Balue, fut et ala en la sale du Palais royal à Paris, la court de Parlement vacant, pour ilec aussi faire publier lesdictes lettres, où il trouva maistre Jehan de Saint-Rommain, procureur general du roy nostre sire, qui formellement s'opposa à l'effect et execution desdictes lettres, dont ledit Balue fut fort desplaisant, et pour ceste cause fist audit de Saint-Rommain plusieurs menaces, en lui disant que le roy n'en seroit point content et qu'il le desappoincteroit de son office. (Roye, Chron. scand., I, 1460-1483, 185)

User de menaces

...ung gentilhomme nommé Horiolle, natif du pays de Gascongne, qui auparavant avoit eue la charge et conduicte de par le roy de cent lances de son ordonnance, laquelle charge et ordonnance le roy avoit nouvellement fait casser avecques autres, laquelle chose il prinst à desplaisance, et à ceste cause fut rapporté que ledit Horiolle parloit mal et usoit de menasses, et que avecques ce aussi qu'il mist en deliberacion avecques le lieutenant de sadicte compaignie de delaissier le roy et son service et aler servir en guerre son adverssaire le duc en Autriche ; en quoy faisant, commettoit crisme de leze magesté envers son souverain seigneur. (Roye, Chron. scand., II, 1460-1483, 84)

Proverbe. [Au sing. ou au plur.]

Menace n'est pas lance. Intimidation n'est pas mortelle.

Om dist : 'Menace n'est pas lance' : Mais au coard parmy la pance Luy semble avoir esté feru D'un mot del autry malvuillance. (Gower, Miroir homme M., c.1376-1379, 67)

De menaces vit on moult longuement

...il estoit manechiés de païens durement ! Si dist que de manèches vit-on moult longement. (Baud. Sebourc B., t.2, c.1350, 283)