MATINEE

substantif féminin

[T-L : matinee ; GDC : matinee ; AND : matinee ; DECT : matinee ; FEW (VI-1, 537a) : matutinus ; TLF (XI, 507b) : matinée]

A. -Partie de la journée comprise entre le lever du soleil et midi, matinée.

1.Au propre.

Ore te proveray comme veneurs vivent en cest monde plus joyeusement que autre gent, quar, quant le veneur se lieve au matin, il voit la tres doulce et belle matinee et le temps cler et seri et le chant de ces oyselez, qui chantent doulcement, melodieusement et amoureusement, chascun en son langage, du mieulz qu'il peut, selon ce que nature li aprent. (Gast. Phébus, Livre chasse T., 1387-1389, 55)

La matinee fu belle et clere, et le soleil resplendissoit sur les bacinez et faisoit resplendir l'or, l'argent et l'azur et les couleurs des bannieres et des pennons. (Arras, c.1392-1393, 161)

Pour ceste cause attendirent la matinée à venir. (Bueil, I, 1461-1466, 92)

2.Par métonymie.

a)Première des heures canoniales, matines, et ici p. anal. chant matinal des oiseaux.

Et au matin, quant l'aube fut esclairie, que les oyseaulx chantent la matinee, le Chevalier du Papegau c'est vestu (Chev. papegau H., c.1400-1500, 23)

Et lors si s'est endormi malgré sien, tant que le jour apparut cler et que les oyseaulx acommencerent a chanter la matinee. (Chev. papegau H., c.1400-1500, 64)

b)Représentation théâtrale qui a lieu avant midi.

PREMIER MESSAGIER. Seigneurs, qui jouer avez veu Ceste presente matinee, SECOND. De quoy nous remercions Dieu, Aussi la Vierge couronnee ; PREMIER. Sur ce, pause sera donnee (La Vigne, S.M., 1496, 217)

On commança ceste matinee entre sept et huit heures du matin et finist on entre unze et douze. (Procès-verbal de la représentation. In : LA VIGNE, S.M., 1496, 121)

B. -Locution adverbiale.

1.[Pour marquer une durée]

Jusqu'à grande matinee. Jusque tard dans la matinée.

Par le palais, tout fut retraict et se reposerent, ceste nuyt, jusques à grant matinee qu'il n'y eut noise ne effroy au palays ne en la ville aussi, que tout ne fust coy et sery. (Cleriadus Z., c.1440-1444, 657)

Toute la matinee

...ainsi comme il avoit porté toute la matinée de la buche ès greniers de l'ostel de la Limace dessus dit, il, par temptacion de l'ennemi, entra en une des chambres dudit hostel (Reg. crim. Chât., I, 1389-1392, 399)

Charles monta a cheval (...) et chevauche toute matinee jucques a nonne (Charles de Hongrie C., c.1495-1498, 25)

Dormir la grasse matinee/longues matinees/gesir grande matinee. Faire la grasse matinée, dormir toute la matinée.

Charnalité si est quant l'en quiert le desir de la char, comme dormir en bons litz, reposer longuement, gesir grandes matinees (Ménagier Paris B.F., c.1392-1394, 29)

...il ne te fault ne mais querir tes ayses, gesir grant matinee, puis aprés disner te reposer, visiter les coffres a tes joyaulx et a tes parements : ce doit estre ton ouvrage. (Chr. Piz., Trois vertus W.H., c.1405, 17)

Mais ce bien vivre ne s'entend pas seullement pour mangier bonnes viandes, boire bons vins, dormir longues matinees et en bons liz (La Sale, J.S., 1456, 20)

Ung ouvrier lache et negligent, Qui dort la grasse matinee, Vouldroit gaignier beaucoup d'argent Et trouver tout prest sa disnee. (Prov. rimes F.M., c.1485-1490, 83)

Prendre le gras de la matinee

Il a bien pris a son delit Le cras de ceste matinée. Va l'appeler, (...) Di qu'il se liéve. (Mir. femme, 1368, 191)

Proverbe. L'homme qui a grace de bien matin lever Peut bien grande matinee dormir

Li preudons cui grace est tres bien alleuee Qu'il se lieve a matin enchois l'aube crevee, Il poet hardiement dormir grant matinee. (Bât. Bouillon C., c.1350, 50)

Pour ce dit ung proverbe (...) Que l'homme qui a grace de bien matin lever Poeut bien grant matinee dormir et repposer. (Cip. Vignevaux W., p.1400, 85)

Par x matinees

Pour garir fievres continues, il faut escripre les trois premiers mos de la paternoster sur une fueille de sauge nostree et icelle mengier par trois matineez, et il garira. (Ev. Quen. I, c.1466-1474, 113)

2.[Pour exprimer un moment précis]

La matinee/ celle/ceste matinee/une matinee

Il avint une matinée, Un po plus près de la levée Dou soleil que dou point dou jour, Que je fu la a grant sejour, Aussi comme jusques vers tierce Que li jours enterins se tierce, Qui en vuet faire ..III.. parties. (Mach., D. Aler., a.1349, 256)

Celle matinee, la damoiselle s'en ala oïr messe en la chapelle, entre lui et une chamberiere seulement. (Bérinus, II, c.1350-1370, 64)

Mais j'ay perdue ma saison De tous poins ceste matinee, Car le prestre sy a chantee Hui au matin trop longue messe. Ne prise le cry d'une asnesse Tout quanqu'il pourroit sermonner. Il ne pensse qu'a organer Pour traire nostre argent de boursse. (Vie st Fiacre B.C.P., c.1380-1400, 29)

Et [le soudant] se voit a la corniere du bois prez de son ost, ou propre lieu ou Gieffroy avoit assise l'embusche la matinee. (Arras, c.1392-1393, 231)

Et sachiez que payens perdirent celle matinee plus de XXVm. Sarrasins qui furent mors par armes (Arras, c.1392-1393, 233)

PREMIER VENEUR. (...) Sire, saichiez que je trouvees Ay les erres et les fumees Du cerf, et tost le trouverons, Si croy que beau deduit avrons Se Dieu plaist, celle matinee. (Gris., 1395, 24)

Car, une matinée, il vit le/ curé venir tantost après que l'orfevre fut widé de sa/ chambre, et y entrer, puis fermer l'huys. (C.n.n., c.1456-1467, 493)

Faictes tant ceste matinee Par voz armes et par vous sault, Que François boutez a l'espee, Et que ayez Orleans d'assault. (Myst. Siège Orléans H., c.1480-1500, 401)

(Par) une matinee. Un matin.

Il a bien neuf ans et demy Que je m'aloie esbatre enmy Ce bois, par une matinée. (Mir. Berthe, c.1373, 237)

..une matinée, il vit le curé venir tantost après que l'orfevre fut widé de sa chambre (C.n.n., c.1456-1467, 493)