MELANCOLIEUX

adjectif et substantif

[T-L : melancolïos ; GD : melancolieus ; AND : malencolious ; FEW (VI-1, 655b) : melancholia ; TLF (XI, 592b) : mélancolieux]

I. -Adjectif.

A. -MÉDECINE [Synon. plus fréquent : melancolique] Caractérisé par un excès de bile noire, par une abondance de bile noire.

Celle couleur violee est mauvaise es corps des gens et des bestes, car elle est signe de trop grant froidure qui estaint la chaleur naturelle et commence a mortifier nature ; ou elle signifie trop grant habondance de sanc melencolieux qui honnist la couleur de la pel (Corbechon, Couleurs S., 1372, 380)

Toutes maladies es quartenaires ['malade atteint de la fièvre quarte'] sont salvables et le quartenaire a moult de dignités, car a peine est il maniaque ne melencolieux ne ladre ne spamat de replection, car toute la matiere se mundifie et purge en checun peroxime ['à chaque poussée de cette fièvre'] . (Gordon, Prat., c.1450-1500, I, 6)

B. -[D'une pers.] Dont la complexion est dominée par un excès de bile noire (et qui est souvent d'humeur chagrine, triste, soucieuse, de mauvaise humeur).

Cils papes ne leur estoit mies pourfitables ne ossi à l'Eglise, car il estoit trop feumeus et trop merancolieus. (Froiss., Chron. R., IX, c.1375-1400, 144)

...qant il quideroit estre le mieuls d'euls, uns rumours et uns debas s'esmouveroit a Bruges ou a Gant ou a Ippre de ses gens as Flamens, selonc ce que Flamenc sont chaut et merancolieus (Froiss., Chron. D., p.1400, 451)

[De l'apparence]

Il charge a l'un, quoy que soit, qu'il la voye - Et qui y est, qui la sert ou convoie, S'el est songeuse Ou se sa chiere est melencolïeuse, A qui el parle ou s'el est bien joieuse. (Chart., D. Fort., 1412-1413, 183)

[D'un animal]

Li sires de Fagnuelles estoit montés sus .I. coursier trop merancolieus et mal afrenet ; si s'esfrea en cevauchant, et prist son mors a dens (Froiss., Chron. D., p.1400, 331)

Remarque : Forme melenconiex : GAST. PHÉBUS, Livre chasse T., 1387-1389, 116 (c'est pour ce qu'ilz [les chiens] sont melenconiex qu'il leur avient voulentiers roigne).

C. -[D'une pers., dans une situation donnée] D'humeur chagrine, triste, soucieuse, de mauvaise humeur.

Einsi laissai ma dame chiere, Et m'en parti a simple chiere, Tristes, pensis et souspirans, Merancolieus, desirans De venir en aucun destour Ou finer peüsse mon plour, Tant qu'a moy fusse revenus. (Mach., R. Fort., c.1341, 29)

...de quoy ledit messire Henry fut moult mirancolieux et ne voulut puis aprez venir au conseil du conte (Le Bel, Chron. V.D., t.1, 1358, 269)

...elle en aloit hors de son estre Le droit jour quë y devoie estre, Et la belle bien le savoit : Nonpourquant partir se devoit ! Si devins melancolieus, Tristes, pensis et anuieus (Mach., Voir, 1364, 276)

Ainsi ma dame s'en ala Et la journee je vins la Dont elle s'estoit departie. S'os des griés pensers ma partie, Car j'atendi .II. jours ou trois, Melancolieus et destrois, Pour ce que riens ne me plaisoit (Mach., Voir, 1364, 286)

Sachiez pour ma fille sui touz Pensis et melencolieux : S'elle est assaillie des leux, Elle est de sa vie en doubtance. C'est de quoy j'ay plus grant doubtance (Mir. st J. Paulu, c.1372, 104)

Adonc se retraisent li Englès tout merancolieus de ce que li contes de Kenfort estoit pris. (Froiss., Chron. L., III, c.1375-1400, 59)

Et quant li contes passa parmi iaulx, il s'ouvrirent, mais fellement le regardèrent, che li sambla, et ne le daignèrent onques encliner, dont il fu mout merancolieus. (Froiss., Chron. R., IX, c.1375-1400, 217)

Ce me tient com faucon en mue, Merencolieuse, esperdue, Triste, mate, taisant et mue ; Ce ma joie en tristece mue, Ce confont mon cuer amoureus. (Mach., Les lays, 1377, 367)

Comment puet estre vrais amis Amans tristez et desconfis, Merencolieus et pensis, Qui dist que demeure toudis En doleur et en rage ! (Mach., Les lays, 1377, 454)

...ains sont aussy comme tout alteré et tout ravy pour la forte pensee excessive et nouvelle qui ainsy les distrait et les estrange de toutes autres choses que de penser sans plus a lors amours, tant ont en ce grant soing et grant solicitude. Et ja a il esté dit par devant que par ainsy penser trop curieusement a leurs amours, aucuns en ont esté faiz melencolieux et tout aliené. (Evr. Conty, Eschez amour. mor. G.-T.R., c.1400, 762)

Chil signeur s'ordonnoient tout par grant loisir, et ne se delivroient point, ensi que li rois d'Engleterre vosist (...) Et de ces detriances li rois d'Engleterre estoit tous merancolieus, et convenoit que il portast ce dangier. (Froiss., Chron. D., p.1400, 298)

...li François aussi estoient grandement merancolieus pour le signeur de Cliçon et mesire Hervi de Lion que li Englois tenoient a prisonniers. (Froiss., Chron. D., p.1400, 586)

Qant la roine vei que Jehans de Qopelant n'amenoit point le roi d'Escoce, si fu toute merancolieuse et se contenta mal de li. (Froiss., Chron. D., p.1400, 783)

Se ce n'estoit cest espoir, je mourroye, Povre, pensif et melencolieux, Sans avoir bien, mais a toujours auroye Aspre doulceur, reconfort ennuyeux. (Régn., F.A., 1432-c.1465, 155)

...le dit suppliant (...) n'avoit lors cousteau, dague, espée ne baston, et fut triste et merencolieux de ce que le dit Pontenier l'avoit desmenti et appellé ribaut, et avoit tiré l'espée nue sur lui (Doc. Poitou G., t.8, 1445, 227)

Quand le jour fut venu, nostre gouge, toute melencolieuse, pensive et despiteuse, car point n'avoit trouvé ce qu'elle cuidoit, appella sa chambriere [Elle a attendu, en vain, que son hôte lui prouve son éclatante virilité] (C.n.n., c.1456-1467, 410)

...le duc estoit bien triste et bien melancholieux d'avoir perdu celle journée, où ses riches bagues furent pillées et son armée rompue. (La Marche, Mém., III, c.1470, 210-211)

Je suis la mere maleureuse ; Plus non ay enfant ne marit. Tout temps serey malencoigneuse ! (Pass. Auv., 1477, 130)

[D'une chose] Triste, sombre, qui suscite la tristesse.

...l'esperit seuffre peine en songiant choses merencolieuses et desplaisans (Bouciquaut L., 1409, 434)

Merencolïeuses pensees Me fault getter du tout au vent. (Myst. jeune fille L., c.1413-1445 [c.1530], 11)

Discorde hayneuse Fait vie attayneuse Et soupeçonneuse, Tousjours angoisseuse, Melencolïeuse, Plaine de douleur et d'ire (Chart., L. Paix, a.1426, 413)

Sur lac de dueil, sur riviere ennuyeuse Plaine de cris, de regretz et de clains, Sur pesant source et merancolieuse... (Taillev., Rég. fort. D., c.1445, 235)

Et se tu me demandes par quoy ilz se tendront en hault et ne cherront point en ceste tristesse melancolieuse, ie tay respondu deuant que ce sera par leesse spirituelle par laquelle ilz se soustendront. (Cib., p.1451, 219)

II. -Substantif. MÉDECINE Celui dont la complexion est dominée par un excès de bile noire (et dont l'humeur a les propriétés de la terre).

Melancolieux [var. merancolieux] de nature Ymagine toute figure... (Dupin, Mélanc. L., c.1324-1340, 129)

Et, pour tant, nous veons conmunement que lez coloriques se courroucent de ligier, lez sanguyns sont begnins et lyes, lez melencolieux sont envyeus, lez fleumatiques sont lains, et toutes conplexions sont causees dez corps celestes (Songe verg. S., t.1, 1378, 378)

Le Deable est philosophe : il scet l'estat et la maniere d'omme et sa complexion, et en quel vice il est plus enclin, ou par nature ou par acoustumance, et d'icelle partie il assault plus fort: le colorique de ire et discorde, le sanguin de joliveté et de luxure, le fleumatique de gloutonnie et de paresce, le melencolieux d'envie et de tristresse (Ménagier Paris B.F., c.1392-1394, 41)

Le melancolique a les condicions et qualitez de la terre qui sont froideur et secheur. Et est auaricieux et conuoiteux, triste, morne et sommilleux. Et sont telz melancolieux souuent degectez de vne meschante tristesse et ont paour sans cause et sont souuent si tristes que se tu leur demandes pour quoy ilz sont tristes et de quoy ilz se deulent, ou de quoy ilz ont paour, ou de quoy ilz ont desplaisance, ilz ne sceuent que respondre et ne sceuent quilz ont. (Cib., p.1451, 219)