LIER

verbe

[T-L : liier3 ; GD : lier2 ; GDC : lier ; AND : lier1 ; DECT : liier3 ; FEW (V, 319a) : ligare ; TLF (X, 1195a) : lier]

I. -Emploi transitif.

A. -Au propre.

1.Lier qqn

a)Attacher, ligoter qqn (un prisonnier, un forcené...).

SECOND DYABLE. (...) Tien la, lie le conme un fol Et par les mains et par le col. (Mir. prev., 1352, 247)

Pour ce que Manassès erra, Nostres sires si l'enferra En Babiloine ou enserrez Fu, si loiez et enferrez, Que ci li sambloit uns enfers, Tant estoit liëz et en fers. (Mach., C. ami, 1357, 57)

Je conmans, seigneurs, c'on le lie, Et que vous deux l'en amenez A Romme (Mir. st Ign., 1366, 76)

...on le fait com fo loier (Desch., Oeuvres Q., t.5, c.1370-1407, 139)

Car puisque descomfis estoit L'adversaire, cils qui vaincoit Loioit de fer ses prisonniers (Le Petit, Champ d'or L., c.1388-1392, 87)

...et, ce fait, print les draps dudit lit, et, de l'un d'iceulx, lya ou seigni ledit Andry au travers du corps, de l'aultre drap il noa à cellui dont il avoit ainsi lié ledit Andry (Reg. crim. Chât., I, 1389-1392, 128)

...et ilz trouvoient aucunes gens françois qu'ilz prenoient prisonniers, quant ilz n'avoient de quoy païer leurs raençons, ilz lioient les aucuns en leurs maisons, ne leur donnoient que boire ne que mengier, et les autres ilz batoient moult durement et apprement (Reg. crim. Chât., II, 1389-1392, 98)

...combien qu'il ne faisoit point aspre punicion sans tres grande compassion, et sans mesler doulceur ensemble en pleurs et en aimables paroles, a l'exemple du piteux pere qui son enfant fol et hors du sens combien que le lie et bate, neantmoins tout est par amour et compassion (Gers., P. Paul, a.1394, 507)

Si je suis lié, mis en ostage, O filhes de Jherusalem, Par verité vous dy 'Amen', Q'ung temps sera que vous arés Tant de maulx que vous mauldirés Vostre naiscence et vostre vie. (Pass. Auv., 1477, 190)

A Rome comme fol parjure Loiet te feray presenter. (Molinet, Myst. st Quentin C., c.1482, 208)

[Les mains, les pieds, les jambes...]

[La juive] Devoit estre jus graventee, Les mains sur les cuisses lïee ['la juive est liée, les mains sur les cuisses'] . (Tomb. Chartr. W., c.1337-1339, 129)

...les poins leur loya on (Tristan Nant. S., c.1350, 551)

Des plus tres fors hommes qu'il ot Manda li rois et en mi l'ost Commanda les trois Juïs prendre Pour ardoir et bruïr en cendre, Et si leur fist sans detrier Les piez et les jambes lier Et eaus geter dedens le fu (Mach., C. ami, 1357, 22)

... [ils] delibererent et furent d'oppinion que icellui Thomassin feust pugniz comme homicide et larron, c'est assavoir les mains liées devant, et pendus comme larron. (Reg. crim. Chât., I, 1389-1392, 149)

Il fault qu'ilz soyent ensemble lié [les pieds] D'une corde pour le mieulx joindre. (Pass. Auv., 1477, 198)

Locution figurée. Lier pieds et mains à qqn. Réduire qqn à l'inaction.

Et j'ai tout ceo si lessee affaire par cele peresce qe me lie si pieez et mayns, qe jeo ne puisse faire mon bien, mon sen, ne mon preu (Henri Lanc., Seyntz medicines A., 1354, 79)

Lier qqn (qq. part)

Car a ung abre ou bois a loyé l'Esclavon (Tristan Nant. S., c.1350, 499)

Enmy le pré ara une atache fichie, Et la seront loyé ceste gent baptisie (Tristan Nant. S., c.1350, 549)

D'une corde par la poitrine Et d'une autre par my l'eschine Sera lié a ceste estache, Et afin qu'il ne se destache Lui lierons les mains en croiz Par derriére (...) Et les piez a l'estache aussi. (Mir. st Panth., 1364, 350)

Li quars poins fu moult glorieus, Moult dignes et moult precieus. Ce fu de la sainte columpne, Où Jhesu Cris, o sa couronne, Fu batus, ferus et lyez, Einsois qu'il fust crucefiez, Qui est moult petitement mise De Jherusalem en l'eglise Où miracles faisoit jadis. (Mach., P. Alex., p.1369, 174)

Li roys la fist, sans detrier, Devant chascun, penre et lier, Seur une eschiele, et puis estendre. Et la dame avoit la char tendre ; Si souffroit mervilleus martyre ; Des yeux pleure, dou cuer souspire. (Mach., P. Alex., p.1369, 260)

Atant fut loiiet a une estache et escorchiéz par le dos de IIII couroiez (JEAN D'OUTREM., Myr. histors G., a.1400, 62)

...a un arbre le lïerent (Chr. Piz., M.F., II, 1400-1403, 220)

...affin d'estre plus seur, le lierent trop bien [On attache un prêtre sur une table] (C.n.n., c.1456-1467, 405)

...lesquieulx [prélats] à crocez et mitre et revestuz comme pour aller au devant de plusieurs corps sains en procession, chantant 'Te Deum laudamus', alerent à l'encontre du present que envoya à ceulx de Londres ledit Henry de Lenclastre, c'est assavoir XII gentilz hommes, liez à la queue des chevaulx, que conduisoient aucuns villains (Simon De Phares, Astrol., c.1494-1498, f° 150 v°)

[Dans la procédure judiciaire de la question]

En enterinant lequel jugement, ledit prisonnier fu fait despouillier tout nu, mis, lié et estendu à la question sur le petit tresteau (Reg. crim. Chât., II, 1389-1392, 135)

...et, pour ce, fu despouillié tout nu, mis, lyé et estendu à la question de la coustepointe sur le petit tresteau (Reg. crim. Chât., II, 1389-1392, 203)

...par l'advis et deliberacion d'iceulx conseilliers ladite Marion fu faite despouillier toute nue, mise, liée et estendue à question sur le petit tresteau (Reg. crim. Chât., II, 1389-1392, 432)

[Cont. métaph.]

Mais on dit - et c'est veritez - Qu'adès les deus extermitez, C'est trop et po. Einsi l'enten ge : Ne doivent recevoir loange ; Mais qui en l'amoureus loien Est loiez, s'il tient le moien, Il ouevre bien et sagement. Et li sages dist qui ne ment Qu'adès li bonneüreus tiennent Le moien partout ou il viennent. (Mach., J. R. Nav., 1349, 237)

Et pour ce que plus entechiés Sui de vices et de pechiés Qu'il n'a dedens la mer d'areinne, Ma grant iniquité me mainne, Qui monteplie sans sejour, Ad ce que de nuit et de jour Sui loiez et enchaainnez, Pris, conclus, destruis et minez, Si que je n'enten respirer, N'a peinne puis je souspirer. (Mach., C. ami, 1357, 54)

Car avon trouvé un moyen Qui lie de plus fort lien Grace, Pitié, Misericorde Que se il yert de fer ne de corde. (La Buigne, Rom. deduis B., 1359-1377, 148)

b)Lier qqn de qqc. Attacher qqc. (un ornement, une coiffure...) à qqn.

Vestue estoit, sachiés de voir, D'une grant cote mal taillie, Et d'un gros coevrechief loiie (Jean De Le Mote, Voie d'enfer P., 1340, 40)

c)Par analogie. Étreindre.

...et quant messire Enguerrant se vist sans haiche, comme desesperé tout a cop s'avança et vint Saintré par le corps lyer, et Saintré lui, d'un bras, car de l'autre sa haiche tenoit. (La Sale, J.S., 1456, 127)

2.Lier un animal

a)[Idée de contrainte]

Ligoter.

Se fist son chien par force prendre, Loier, bersillier et estendre Et sa langue sachier a plain, Tant qu'on vit le ver tout a plain. Lors fu li vers fors esrachiez (Mach., J. R. Nav., 1349, 229)

...les chasses faictes ou parc riens n'estoyent au regard de cestes, car c'estoient comme si l'en chassast bestes loyees (Vasque De Lucène, Cyropédie G.-G., 1470, 199)

Lier un animal qq. part. Attacher.

Mais s'il avient qu'il [mon cheval] se desferre, .X. hommes faut, quant on le ferre : Li uns sache, li autres boute. Chascuns le fuit, chascuns le doubte ; Et loiez est à .IIIJ. estaches Dou travail ; et vueil que tu saches Qu'on n'i fait riens, s'on ne le pent. En Ynde n'a si mal serpent Qu'on ne ferrast plus de legier. (Mach., Compl., 1340-1377, 265)

Son cheval loie a .I. aubiel (Froiss., Méliad. L., t.1, 1373-1388, 107)

...puis lya son cheval a l'entree, puis entra en la court. (Percef. IV, R., c.1450 [c.1340], 878)

Attraper (avec un lacet, des lacs...).

Par métaphore.

Et s'ay si noble signourie Qu'au monde n'a prince ne roy, Tant soit ses cuers de grant desroy, Durs ou hauteins ou pleins d'orgueil, Que ne le face, se je vueil, De fin cuer loial sans amer Cent fois mendre de lui amer, Sans ce qu'il en ait ja solas ; Eins sera loiez en ses las, Ne ja pour scens ne pour avoir Ne porra de li joie avoir, Se de moy ne vient proprement. (Mach., D. verg., a.1340, 22)

Mais si dui oueil Qui de mon cuer vorrent passer le sueil Par leur rigour et par leur bel accueil, Pour moy donner le mal dont je me dueil, Furent riant, Nom pas moult vair, pour estre plus poingnant Et plus agu, dous, humble et attraiant, Tous pleins de las pour loier un amant En amour pure (Mach., J. R. Beh., c.1340, 69)

...si avés fait pechié de moi si loier en vos las que jamais n'en serai desliés, et vous le savés bien ; et je m'i suis folement embatus ; mais, mon doulz cuer, je cuidoie bien faire. (Mach., Voir, 1364, 514)

[De l'oiseau de proie] Saisir (la proie).

Mais Diligence fu bien pres, Qui tost le hairon fist lever, Si le vint le faucon lier (La Buigne, Rom. deduis B., 1359-1377, 169)

...l'autre faucon (...) ot lïé Le heron (La Buigne, Rom. deduis B., 1359-1377, 433)

...l'esprevier a lyee et abatue la perdriz (Ménagier Paris B.F., c.1392-1394, 144)

[Du chien]

...quant ilz [les lévriers] ataignent la beste, ilz la lient et tienent coy. (Gast. Phébus, Livre chasse T., 1387-1389, 126)

Serrer.

...se vostre esprevier vous lie et estraint fort... (Ménagier Paris B.F., c.1392-1394, 149)

b)[Idée d'union] Attacher (des boeufs) au joug, atteler.

Et pour ce faire, se transporta d'aventure chiés ung nommé Jehan Richer, laboureur, demourant audit lieu, où il y avoit des beufz, auquel il demanda qu'il lui baillast ou prestast des beufz. À quoy ledit Richer respondit que il n'en avoit point et que, posé ores qu'il en eust, que il ne les sauroit lier. (Doc. Poitou G., t.11, 1473, 366)

3.Lier qqc.

a)Entourer qqc. d'un lien (pour réunir à autre chose, pour attacher, pour maintenir...).

Un fagot ens ou boys esgarde De boys et d'un loyen loyé ['lié d'un lien'] (Renart contref. R.L., t.1, 1328-1342, 76)

Cogneut, avec ce, avoir mal prins et emblé (...) plusieurs osiers à lyer vignes, sans le sceu des gens dudit hostel (Reg. crim. Chât., II, 1389-1392, 161)

...et portent leurs cheveulx liez darriere auxi que en maniere d'une trece (Gadifer De La Salle, Canarien, c.1404-1406. In : Chrestom. R., 63)

...il demanda une bonne longue corde, et en lya et adouba son casier (C.n.n., c.1456-1467, 445)

[De Dieu] Assembler, joindre (les choses).

Car c'est celle que la sainte escripture Dit des humains estre vraie esperance, (...) Suer, fille et mére au juge qui tout lie (Mir. chan., c.1361, 184)

Lier qqc. qq. part Attacher qqc. qq. part.

Et avoit Blanchandin par euvre bien ouvree Ung bras et une main de fer bien asoudee, Et l'avoit a l'espaule loiee et acouplee (Tristan Nant. S., c.1350, 717)

Et, s'il y a os rompu, on le doit retourner au plus droit que on pourra, l'un os au droit de l'autre, et les lier o les estoupes sus dites et quatre astelles bien liees, l'unne dessus, l'autre dessoubz, et les deux aux costez, affin que les os ne se desjoignent (Gast. Phébus, Livre chasse T., 1387-1389, 120)

Et dit, sur ce requis, que à chascun noët qu'il jettoit esdiz puis, il lioit une tieule ou une petite pierre, pour enfoncer, ainsy comme celui qui les lui avoit baillées lui avoit dit. (Reg. crim. Chât., I, 1389-1392, 449)

Lors prinrent les mariniers (...) les cordes et les getterent hors et loierent les cordes au mast (Chev. papegau H., c.1400-1500, 88)

Lier qqc. de / entour / environ qqc. Entourer qqc. de.

Pour ses plaies loier et fere retraintie, A fait entour loier une grande cuirie, Par quoy n'en peut yssir ceur ne poumon ne fye (Tristan Nant. S., c.1350, 490)

Les lettres pris et les ploiai, D'un fil de soie les loiai (Froiss., Pris. am. F., 1372-1373, 83)

... [elle] cueilly un petit d'erbe nouvelle apellée aumosniere, laquelle elle lya et entorteilla environ icellui chappel, qui estoit fait de vieilles herbes (Reg. crim. Chât., I, 1389-1392, 328)

...les consulz ou le dictateur, qui avoient ces manieres de bandes liees entour le chief (Jean De Rouvroy, Stratag., c.1425. In : Chrestom. R., 104)

Lier qqc. à l'entour de qqc.

...elle monta jusques a la cheminée, a l'entour de laquelle elle lya tres bien une moyenne corde (C.n.n., c.1456-1467, 275)

[Dans la cérémonie d'imposition de la tonsure] Lier la teste de. Entourer la tête de.

...et dist que par l'evesque de Picardie que l'en dit de Beauvaiz lui fu jà pieççà donné couronne en la ville de Bruicelles, en la grant eglise, lui fist dire le vers de Dominus pars, lui donna une buffve, et le fist lier la teste d'un bendeau de toille. (Reg. crim. Chât., I, 1389-1392, 294)

DRAPERIE [Des draps] Mettre en paquet.

...nuls loiieres de dras ne puist nul drap loiier pour conmandement d'oste ne d'autrui, jusques a dont que il ait demandet a l'hoste u a personne de par lui souffissanment se li drap sont paiiet, et qu'il aient response qu'il sont paiiet, u que li hoste en soient nanstit des markans souffissanment (Drap. Valenc. E., 1344, 310)

...ossi en a-on trouvet a l'ostelerie ou on les devoit loyer [aucuns draps] en gibe et la, les a fallit pour copper, liquelle coze est contre l'ordenance dou brief de le halle (Drap. Valenc. E., 1379, 37)

[D'une chose] Entourer qqc., s'attacher à qqc..

...ly jardiniers planta au pié du datilier une courge, laquelle dedens pou de jours monta au plus hault du datillier, et avec ses filés commença a lyer toutes les branches (Bouvet, Appar. Meun A., 1398, 64)

b)Panser (une plaie), l'entourer d'un bandage.

Pour ses plaies loier... (Tristan Nant. S., c.1350, 490)

Celle plaie lya la royne sa mere pour le conforter (Percef. IV, R., c.1450 [c.1340], 825)

Par métonymie. [Un blessé]

...les unez deschiroient leurs chemises et leurs vestures pour loyer et bender les povres navrés (Percef. IV, R., c.1450 [c.1340], 626)

Langer (un enfant).

Si pris l'enfant et, cependant que je le lioie... (Chev. papegau H., c.1400-1500, 84)

c)En particulier. Maintenir par des liens.

[Une partie du corps]

Quant un petit [l'oiseau] fu revenus Ses povres cuers las et menus, En mon sein prist a fretillier. Je qui la senti resvillier, La repris amiablement Et li loiay moult belement L'un des piez d'un filet de soie. (Mach., D. Aler., a.1349, 394)

...loiier Le bras brisiet et asteler (Froiss., Méliad. L., t.1, 1373-1388, 101)

Lier en echarpe

...messire Enguerrant (...) lequel portoit sa main lyee en escharpe. (La Sale, J.S., 1456, 116)

[Un tonneau] Entourer de cerceaux.

Et de rechief, pour la tonne lÿer, Convient avoir souldain le tonnelyer, Ouvrier parfaict qui soubz et sus la lye Affin que mieulx le bon vin sur la lye Bien seurement si se puisse garder. (La Vigne, S.M., 1496, 333)

[Une pierre précieuse] Sertir.

...un grant bassin d'argent ou avoit mains dyamans et rubis liez en or meslez ensemble (La Sale, J.S., 1456, 171)

d)Unir, relier.

Le seigneur de Jenville, d'azur a trois braies d'or enfaissié, liees d'argent en saultoir, a un chief d'ermines et demi lyon de gueules coronné d'or, et crie 'Jenville !' (La Sale, J.S., 1456, 191)

[Deux choses]

...Dido achapta de la terre oudict lieu de Libe, autant que pourroit enclore le cuir d'un beuf, ce qu'elle obtint, si le fist trencher menu et lier l'un à l'autre, si contint assez de pays devers la mer, où elle fonda sa cité denommée Cartage. (Simon De Phares, Astrol., c.1494-1498, f° 40 r°)

Qqc. est lié à qqc. Relié.

...la marix est liee aux rains (Saint-gille, Comment. A.Y. L., 1362-1365, 297)

e)Par analogie.

Lier une sauce, un potage... Donner du liant, du moelleux à.

Lait de vasche lyé (Ménagier Paris B.F., c.1392-1394, 224)

[De la sauce elle-même]

...en toutes saulses et potages lyans en quoy on broye espices et pain... (Ménagier Paris B.F., c.1392-1394, 172)

Rendre ferme, solide (avec du ciment).

...La closture (...) bastie estoit de precieuse estoffe, liee de vertueux, indefallible chiment (Chastell., Temple Boc. B., 1463-1464, 15)

Remarque : Doc. 1396 ds GDC X, 814a.

B. -Au figuré.

1.[Idée de contrainte, d'obligation]

a)Soumettre qqn à sa domination, mettre qqn sous dépendance.

J'ay trop long temps ci folié : Li Sathan m'avoit bien lié, Orendroit m'en apperçoy bien. (Mir. march. larr., c.1349, 117)

[D'une entité personnifiée] Pour ce mesprendroie, S'en mon lay disoie Que j'oie De joie, Ou se de samblant joieus Faire le voloie, Qu'Amours qui me loie Desvoie La voie Des biens dont sui familleus. (Mach., Lays, 1377, 322)

Placer qqn dans une obligation.

Car mes sires est trespassez, Sy sui mieux que devant loÿe ['j'en suis plus tenue encore'] (Dit prunier B., c.1330-1350, 85)

Si pri aux seigneurs terriens Qu'il les lient de deux liens, L'un, quant on yra en riviere, Que l'ostrucier voise darriere, Et l'autre, que... (La Buigne, Rom. deduis B., 1359-1377, 122)

Par serment lier Vous vueil (Chr. Piz., M.F., III, 1400-1403, 41)

[La volonté]

Garde ton cuer ne recroie Ne s'ennoie De Proesce desirer, Mais dedens lui mouteploie, Noe et loie Voulloyr ['accroître, nouer et lier la volonté dans l'engagement de...'] d'en haut pris monter, Et de nom de preux porter (Cent ball. R., c.1388-1396, 29)

DROIT Mettre qqn sous sa juridiction.

Touteffoiz pour certaines causes pevent ilz [les clers] estre prins et lier par les seculiers, comme s'ilz estoient scismatiques en faisant tourbes et sedicions contre toute l'Eglese (Cout. instit. Anjou Maine B.-B., t.4, 1426, 45)

b)Lier qqn à qqc. Assujettir, soumettre qqn à qqc..

Et que les persones, qui vienent pour atriever, ne puissent à icelles trieves liier aucunes persones, fors celles duquel costé li fais muet pour quoi li trieves est prinse. (Hist. dr. munic. E., t.2, 1334, 88)

Lier qqn que + complét. Obliger qqn à croire que.

Sire, nous sommes tout certain Que tu n'es Moÿse ne Elye, Mais plus, car ta vertu nous lye Que tu es Cristus proprement. (Gréban, Pass. J., c.1450, 176)

c)RELIGION Refuser l'absolution à qqn, lui imposer des peines en raison de ses péchés.

Selon le procés ordinaire De Saincte Eglise les lïa Et touz les excommunïa (Tomb. Chartr. Dix-huit contes K., c.1337-1339, 183)

L'ERMITE. Biaux amis, soit ou ne soit voir, Je ne te lie ne deslie, Ne ne t'absolz n'esconmenie (Mir. st Guill., c.1347, 23)

...je confesse que, de coustume, le[z] Sains Peres de Ronme ont obtenu ceste puissance de instituer et destituer, et generaulment d'ordener de touz benefices de Sainte Eglise ; derechief, avoir puissance de lier et de absoudre touz Crestians quant a l'ame (Songe verg. S., t.1, 1378, 100)

d)Lier qqc. S'obliger à qqc., conclure qqc..

J'ay loiiet II estours : l'ung d'Ogier contre moy et l'aultre du filz le roy contre le roy de Sadoyne. (JEAN D'OUTREM., Myr. histors G., a.1400, 50)

Lier une emprise. Engager à fond une affaire.

...s'il avoit bonne volunté de combatre et faire armes, elle n'avoit pas mains de desir de luy de lyer son emprinse et le fournir de tout ce qu'il la vouldra requerre. (C.n.n., c.1456-1467, 146)

e)[D'une chose (en partic. d'une pensée, d'un sentiment, de l'amour, du péché...)] Exercer une contrainte, une action sur qqn, dominer qqn.

...ceulx que nulz pechiez ne lient (Tomb. Chartr. Trois contes S., c.1337-1339, 97)

Mais charité tant le lïa Qu'il receut le fes humblement (Tomb. Chartr. Trois contes S., c.1337-1339, 105)

Et quant tu la pues vis a vis Regarder tout a ton devis, Tu ne scez qu'il t'est avenu Pour la biauté qui t'a feru, Ne tu ne scez quel part tu iés Pour l'amour dont tu iés loiés. (Mach., D. verg., a.1340, 52)

L'ENNEMI. (...) Par mes vertus c'on doit bien craindre, Briefment te feray si contraindre D'aversité et si lier Que je te feray renier Ton crucefiz. (Mir. Theod., 1357, 94)

...Que nous emprenon la bataille Contre Orguiel et ses aliez, Qui sont tous de pechiés lïez. (La Buigne, Rom. deduis B., 1359-1377, 226)

Pour ce que concupiscence charnel lie et enlace les personnes par maniere de decepcion subtile et comme par agueit. (Oresme, E.A.C., c.1370, 384)

La grant ardeur de mon plaisant desir Ne m'entrelaist force, pouoir ne joie ; Par grans soupirs me fait teindre et palir La grant ardeur de mon plaisant desir. Et si me fait le cuer si fort fremir Que tous li corps m'en tramble ; einsi me loie. La grant ardeur de mon plaisant desir Ne m'entrelaist force, pouoir ne joie. (Mach., L. dames, 1377, 103)

Et vo maniere jolie, De douceur garnie, M'assaut et tarie ; Vostre amours me lie Par sa seignourie, Si qu'en regardant m'oublie Vo gent corps parfait, a droit. (Mach., Lays, 1377, 302)

Sa maniere coie Si me tient et loie Que riens ne m'anoie Qu'Amours me face n'envoie. (Mach., Lays, 1377, 332)

Juges qui est assis en jugement ne doit estre liéz de nulz liens quelconques ; c'est assavoir qu'il ne doit estre liéz de pechiéz comme d'orgueil, car par orgueil est toute droiture empeschée. (Cout. bourg. glosé P.M., c.1380-1400, 100)

...ta belle personne Me contraint a dire follie, Et ce fait amours, qui me lie En t'amour (Chr. Piz., M.F., III, 1400-1403, 38)

[La pensée, les sentiments...]

Et tel sillogisme fait doubter, et est la pensee d'un homme par ce liee (Oresme, E.A., c.1370, 368)

Car yres ou courrous et concupiscences charnels et quelconques teles choses tiennent la pensee liee (Oresme, E.A., c.1370, 372)

Car la concupiscence entre celeement et couvertement et lie subtilement le courage et embrase aucunes fois de tous les plus sages. (Oresme, E.A.C., c.1370, 385)

Ce faisant, je m'entroubliay, Non pas par force de vin boire, Mon esperit comme lÿé [comme entravé dans un demi-sommeil] . (Villon, Lais R.H., c.1456-1457, 28)

Emploi absolu. Avoir une valeur contraignante.

Repliquent l'Université et Arnoul et dient qu'il dirent au rebelle que les sentences du Pape ne lioient point, comme portoient par instrument et par ordonnance de l'eglise de France (Baye, I, 1400-1410, 200)

Lier qqn à + inf. Entraîner, amener, contraindre qqn à.

Encore pourroit aucun dire que ce n'est pas semblable du marié et du juge es deux cas dessus diz, pour ce que le marié est personne privee et le juge est personne publique, et par ce il est plus lié et obligié a jugier selon droit que le marié n'est obligié a tenir la sentence de droit. (Oresme, E.A.C., c.1370, 318)

Moult est cilz folz qui dit que c'est folie, Douce dame, cointe, apperte et jolie, Quant vo douceur à ce faire me lie Pour vivre en joie et plus joliement. (Mach., L. dames, 1377, 203)

2.[Idée d'union]

a)[D'une pers.] Épouser.

...chaste femme ne loya Onques nulz homs ['aucun homme n'épousa jamais une femme chaste'] (Desch., M.M., c.1385-1403, 338)

b)[D'une pers.] Enchaîner (un argument à un autre).

Entendez ce point si lier : Filius meus es tu, ego hodie genui te. Or venons a avoir preuvé Le pouoir du saint esperit. (Mir. st Sev., 1362, 226)

ARITHMÉTIQUE Relier.

Telles racines de nombres composez se pevent lyer dune ligne et noter en ceste maniere comme la racine seconde de .14. plus R2.180. se peult ainsi mettre R2.14.plus R2.180. (Nic. Chuquet, Triparty M., 1484, I, 655)

c)[D'une chose, de l'amour...] Unir (des pers.).

Ou se Desirs par sa maistrie Te pique et boute, Resgarde l'image jolie Que tu as en ta compaingnie, Et jamais l'amour qui nous lie Ne sera route. (Mach., F. am., c.1361, 225)

Lier en

Dame, et, pour vous servir plus loyaument, Mes loyaus cuers ha fait une alience A Loyauté qui meint loial amant Lie en amours et fait meinte aligence. (Mach., L. dames, 1377, 109)

Loyauté, que point ne delay, Vuet sans delay Que face un lay ; Et pour ce l'ay Commencié seur ce qu'il me lie En amours, dont si me navray Que mon vivre ay, Tant com vivray, Mis, sans oster, en sa baillie. (Mach., Lays, 1377, 279)

[Du mariage] Unir.

...Mariage conseille les ennemis, le heritier procede de mariage. Il loye l'homme et la femme. Il signifie sainctes choses. (Sacr. mar., c.1477-1481, 46)

Estre lié. Être uni par le mariage.

Coeurs et corps, desir et penser, Ne vuelent mie abandonner As estragnes bacheleries U elles ne sont pas loÿes. (Dit prunier B., c.1330-1350, 43)

II. -Emploi pronominal.

A. -[D'une pers.]

1.Se lier avec qqn. Étreindre qqn.

...comme chevalier hardy et preux tint sa haiche fort en sa main senestre, ouvrant ses bras pour soy lier avec Saintré. (La Sale, J.S., 1456, 127)

[De bêtes] Se lier ensemble. S'accoupler.

Quant ilz [les lièvres] sont en leur amour, ilz font einsi comme chiens, mais que ilz ne se lient pas ensemble (Gast. Phébus, Livre chasse T., 1387-1389, 81)

2.Au figuré. Se lier. Se donner des attaches (en partic. conjugales).

...après la mort de sa tresbonne femme et sage (...) ne sceut passer son temps sans soy lyer comme il fut par avant. (C.n.n., c.1456-1467, 278)

Se lier en / par mariage / à l'église. Voir mariage

En la conté d'Artoys nagueres vivoit ung gentil chevalier, riche et puissant, lyé par mariage avecques une tresbelle dame (C.n.n., c.1456-1467, 109)

Elle, cuidant qu'il fust lyé a l'eglise (...), ne parla plus de ce mariage (C.n.n., c.1456-1467, 416)

DROIT Se lier en la juridiction de. Se trouver sous la juridiction de.

...se ensi estoit que aucuns des hommes et fenmes doudit conte fust priz en ladite maison et pourpriz desdis religieux, pour caz criminel, se il n'estoit pris à cas present, ou il ne s'estoit liez en la jurisdiction desdis religieux soffisant, et les gens doudit conte le requeroient auxdis religieux, lidit religieux seroient tenu dou rendre chargie dou fait, pourquoi priz l'averoient. (Trés. Reth. S.L., t.2, 1335, 20)

Se lier à qqc. S'unir à qqc..

La fleur d'umilité polie Liement ses amis pourvoit, Et voit qui a s'amour se lie (Mir. parr., 1356, 37)

S'obliger, s'engager à qqc..

De tant m'i voel je bien loiier. (Froiss., Pris. am. F., 1372-1373, 121)

Se lier à faire qqc.

...s'il devoit vaincre, il soy combattoit, et s'il devoit estre vaincus, il ne se loiioit pas a combattre. (JEAN D'OUTREM., Myr. histors G., a.1400, 187)

Estre lié

Ce seroit moult fort a savoir De trouver le plus preu qui soit (...) Espoir ['peut-être'] est il loiiés aillours. (Froiss., Méliad. L., t.1, 1373-1388, 55)

Se mon cusin at renoiiet Mahon, je ne suys pas loiiet de tel loiien. (JEAN D'OUTREM., Myr. histors G., a.1400, 112)

B. -[D'une chose] Se lier avec. S'unir à.

Einsois faisoie la dorveille, Com cils qui dort et encor veille, Car j'aloie de dor en dor, Pour ce qu'assez envis m'endor, Quant aucune merencolie Avec ma pensee se lie. (Mach., F. am., c.1361, 145)