LIÉ

adjectif

[T-L : lié1 ; GD : lié, lieux2 ; GDC : lié ; AND : lé2 ; DECT : lié1 ; FEW (V, 130a) : laetus]

A. -[D'une personne., d'un aspect de la personne ; le fém. se présente sous les formes liée et lie (forme d'origine picarde)]

1.[D'une personne] Content, joyeux, heureux.

Einsi souvent avoie pour amer Joie et tourment. Si demouray en ce point longuement, Une heure liez et l'autre heure dolent, Qu'onques n'osay requerre aligement De ma dolour. (Mach., J. R. Beh., c.1340, 75)

Belle, bonne, lie, loyaux, loée Par droit nommée est la vierge plaisans, (...) Qui belle et bonne u monde conversans Lie et loyaux se voult toute a Dieu rendre (Mir. nat. N.S.J.C., c.1343, 246)

Aussi s'une dame jolie, Gaie, rians, jouans et lie, S'embat en lieu ou il ait feste De gens qui mainnent vie honneste, Elle y puet bien tant dire et faire De son faitis courtois affaire, Qu'elle est tout par grace montée En l'air de bonne renommée. (Mach., D. Aler., a.1349, 334)

LE BOURGOIS. (...) de ces nouvelles j'ay Tresgrant joie, (...) Or ne fui je pieça si liez. (Mir. enf. ress., 1353, 11)

Mais je ne vi onques mais homme Si lié ne si conforté comme Il estoit, quant il fu aus champs. Il disoit des dis et des chans De lais, de dances et de notes, Faites a cornes et a rotes, Tant que tous nous esbaudissoit (Mach., F. am., c.1361, 242)

Mais plus ne vueil einsi ma vie user, Einsois me vueil dou tout reconforter Et estre liés, chantans et pleins de joie, Qu'Amours le vuet et ma dame m'en proie. (Mach., L. dames, 1377, 87)

Et quant je verray Ton faitis corps gay, Jolie seray, Lie chanteray Cest amoureus lay. (Mach., Les lays, 1377, 448)

Et errerent tant par leurs journees que ilz vindrent, a un soir, logier es prez dessoubz Lucembourc. La duchesse Crestienne fu moult lie quant elle scot la venue du duc Anthoine, son mary, et yssy de la ville a belle compaignie de dames et de damoiselles et de nobles du pays. (Arras, c.1392-1393, 194)

Et Gieffroy, quant il scot ceste nouvelle, si fu moult liez, et tantost le fist chevalier, et lui bailla cent hommes d'armes (Arras, c.1392-1393, 204)

LE MESSAGIER [au marquis] . (...) Vers vostre bonne suer m'en voiz, Maiz je loy que boive ainçoiz, S'en seray plus liez en chemin. (Gris., 1395, 77)

Si m'est advis que vous devez estre lyé et joyeux. (C.n.n., c.1456-1467, 138)

Je vous affie ; Tantost l'arés, Et lors, m'amie, - lie serés ! (Pass. Auv., 1477, 242)

Item en Dieu n'est nulle alteration, c'est a dire qu'il n'est pas aultre, aucune fois liet, aucune fois triste, aucune fois doulz, aucune fois amer, car tousjours est ung sans changier. (Somme abr., c.1477-1481, 143)

Mal lié. Triste, mécontent.

Bernard, a la conclussion, Je veult que soyés marié Tantost, ou mal lié me feyrés. (Myst. st Bern. Menth. L., c.1450, 3)

Ne doye bien estre mal lié, Qui ay fait venir mes amys Es nopces, et le dyable a mys Des empêche ! j'en suis honis. (Myst. st Bern. Menth. L., c.1450, 95)

Estre lié à qqn. Se montrer souriant, aimable avec qqn.

Or entrai en merancolie De ce qu'elle estoit aussi lie As aultres gens qu'elle iert a moi. (Froiss., Espin. amour. F., c.1369, 80)

(Estre) lié de qqc.

Apriés ung pau de temps que la dame engrossa, Ly rois en fu moult liés quant il le supposa. (Chev. cygne P., c.1356, 9)

Et quant le tricoplier venra, Se nous les avons desconfis, Liés en sera, j'en suis tous fis. (Mach., P. Alex., p.1369, 161)

Et finablement, icelle Lucete dist à elle qui parle que (...) avoit une divine (...) et qu'elle yroit par devers elle savoir la cause pourquoy son filz estoit malades, qui ce lui povoit avoir fait et de quelle maladie il estoit entechiez, dont elle qui parle fu moult lyée et desirrant savoir la verité. (Reg. crim. Chât., II, 1389-1392, 318)

Et lors le chevalier se party et exploicta tant qu'il vint au Cruq, et fist son messaige et son present bien et saigement, et leur compta la desconfiture et le vaillant gouvernement de Guyon. Par foy, dist le roy, vous soiez ly bien venus, et grans mercis au damoisel. Et la pucelle fut tant lie de ces nouvelles qu'elle n'ot oncques mais si grant joye. Et saichiez qu'elle amoit tant Guyon qu'elle povoit plus. (Arras, c.1392-1393, 130)

Aiglentine, la pucelle, fu moult liee de la desconfiture des Sarrasins et aussi de la victoire et venue de son oncle. (Arras, c.1392-1393, 185)

JANICOLA. (...) Car je say bien qu'en ta pensee N'a se bien non, dont moult suis liez. (Gris., 1395, 34)

Le maistre, lyé et joyeux de la nouvelle garde de sa femme, laisse l'ostel et en la ville a ses afaires va entendre. (C.n.n., c.1456-1467, 96)

Estre lié de qqn

Liés estoit de sa fille, qui le viaire ot cler (Flor. Rome W., c.1330-1400, 136)

Et sachiez qu'il fu moult liez des gens que le cappitaine lui avoit admenez. (Arras, c.1392-1393, 108)

Lié de + inf. Joyeux de.

LE MARQUIS [à Griseldis] . (...) Liez seroye De vous voir faire chiere lie. (Gris., 1395, 58)

...[il] s'en va son chemin, lyé et joieux d'estre ainsi eschappé. (C.n.n., c.1456-1467, 114)

Estre lié que + sub.

Liés suy que je vous voy en yceste partie (Flor. Rome W., c.1330-1400, 156)

Emploi substantival.

...Amours le fait nuit et jour enflamer, N'il ne vorroit, ne porroit oublier Son anemie. Savez pourquoy ? Pour ce que Compaingnie, Amour, Biauté et Juenesse la lie, Et Loiauté, qu'oublier ne vueil mie, En grant folie, En rage, en dueil et en forcenerie Le font languir, et en grant jalousie, Et en peril de l'ame et de la vie. (Mach., J. R. Beh., c.1340, 122)

J'aim mieux languir en estrange contrée Et ma dolour complaindre et dolouser Que près de vous, douce dame honnourée, Entre les liez, triste vie mener ; Car se loing souspir et plour, On ne sara la cause de mon plour, Mais on puet ci veoir legierement Que je langui pour amer loyaument. (Mach., L. dames, 1377, 231)

2.[D'un aspect de la personne]

a)[D'une disposition de l'esprit] Pensee/volonté lie

Dont, quant vos cuers est par desir destrois, Il vous souvient de la belle aus crins blois, Dont vous avez des pensers plus de trois. Si ne puet estre Que vous n'aiez aucun penser qui nestre Aucune joie face en vous, qui remestre Fait la dolour qui si vous tient a mestre, Si qu'a la fie Par souvenir avez pensée lie Qui vo dolour espart et entroublie. (Mach., J. R. Beh., c.1340, 91)

Se compaingnay les damoiseaus Qui amoient gentils oiseaus, Pour mettre jus merencolie Et reprendre volenté lie. (Mach., D. Aler., a.1349, 343)

...merencolie Esteint toute pensée lie (Mach., J. R. Nav., 1349, 141)

Par vous se font maint bon moiien Au dieu d'Amours, vostre chier mestre, Car sans vous ne puet nuls coers estre En pensee lie et joieuse Et d'afection amoureuse. (Froiss., Par. am., c.1361-1362, 49)

On doit amer et prisier Joieuse merancolie Qui tient le pensee lie Et le tamps fait oubliier Sans soussi et sans envie (Froiss., Rond. B., c.1365-1394, 53)

Einsi feray leur deport Muer en grant desconfort Et s'ay de m'aïe Bonne volenté et lie Et loyauté dont garnie Sui jusqu'à la mort. Se mesdisans. (Mach., Ch. bal., 1377, 598)

Merencolie, Me tendrés vous longuement Es maulx dont j'ay plus de cent, Sans pensee lie ? (CH. D'ORLÉANS, Car. C., c.1415-1440, 287)

D'entention/de pensee lie/de volonté lie

Je feray de voulenté lie, Dame, vostre conmandement. (Mir. nat. N.S.J.C., c.1343, 226)

Saint Pére, de voulenté lie Avecques vous iray: c'est drois (Mir. pape, 1346, 366)

Or voiiés, elle vous regarde Et a tres grant affection Que vous venés d'entention Lie et humainne jusqu'a li. (Froiss., Dits Débats F., 1363-1393, 121)

Anges, faites moy compagnie Et chantez de voulenté lie Moy convoiant. (Mir. st Alexis, 1382, 338)

LE MARQUIS. O Griseldis, es temps passez En ta loyale compaignie Assez et de pensee lye Com vray espoux me delitoie (Gris., 1395, 80)

LA MARQUISE [au marquis] . (...) Trestout ce que je penseray Qui soit a ton plaisir, feray De voulenté tresbonne et lye (Gris., 1395, 90)

b)[Du coeur]

Et sa colour vive, fresche et vermeille, Et son trés dous regart qui me traveille, M'ont eslongié, Et qu'elle m'a dou tout donné congié Et de tous biens privé et estrangié. Helas ! comment aroie je cuer lié ? (Mach., J. R. Beh., c.1340, 84)

Dame, pieça n'oy nouvelle Dont j'eusse le cuer si lié. (Mir. Berthe, c.1373, 202)

Car, pour moy plus mettre à desconfiture, Il plaist à li que je languisse vis En desconfort et en langueur obscure, Sans cuers, sans joie, et que je soie fis Que ja de li n'arai aligement, Ne riens qui lié face mon cuer dolent ; Et sans espoir veut que tous jours mandie De tous les biens qu'amis reçoit d'amie. (Mach., L. dames, 1377, 62)

Et pour ce dient les aucuns que musique est de telle proprieté que quant elle treuve le cuer joyeux et lié, elle le fait plus lié, et quant elle le treuve triste, elle le fait aussy plus triste que devant. (Evr. Conty, Harm. sphères H.P.-H., c.1400, 87)

De/en coeur lié/de courage lié

Sire, je feray de cuer lié Les services que je vous doiz (Mir. ev. arced., c.1341, 129)

Adonc ot Orchas si grant joie que a ce point il ne voulsist pas estre en paradiz, si lui a dit en soubzriant de lié cuer... (Bérinus, II, c.1350-1370, 70)

Aucune gent m'ont demandé que j'ay Que je ne chant et que je n'ay cuer gay, Si com je sueil chanter de lié corage ; Et je leur di, certes, que je ne sçay. Mais j'ay menti, car dedens le cuer ay .J. trop grief dueil qui onques n'assouage. (Mach., Motés, 1377, 491)

- Chier sire, respondy Brandus, vous me faittes plus d'honneur que je n'ay desservy, et je rechoy le don en lyé cuer - (Percef. III, R., t.1, c.1450 [c.1340], 265)

c)[De la voix]

Or avant : prenons, Gabriel, Ensemble et disons de voiz lie. (Mir. parr., 1356, 40)

Or soit ensi que jamais merci n'aie, Si voel je dire a tous a lie vois : Bien me souffist [ce que j'ai, et c'est drois]. (Froiss., Ball. B., c.1362-1377, 28)

d)En particulier. [Du visage]

Chere lie/lie face. Visage qui exprime la joie, la gaieté.

Las ! or sui en grant freour Par paour Qu'elle ailleurs s'amour n'ottrie ; Et s'il avient, en langour, Par tristour, Convendra qu'elle m'ocie, Car toute joieuse vie M'iert faillie Ne ja mais n'arai bon jour, Cuer joiant ne chiere lie, Et ma vie Sera de merencolie Et de plour. (Mach., Ch. bal., 1377, 609)

Je fui, ma dame de pris, Sanz mespris, En qui tout bien est compris, Par vo tres douce maniere De vous bien amer espris Et souspris, Si qu'encore sui tout pris, Quant je voy vo lie chiere. (Mach., Les lays, 1377, 467)

Combien qu'aye lie face Devant gent, et que je face Semblant qu'il ne me souviengne De doulour, quoy qu'il aviengne. (Chr. Piz., Chem. estude P., 1402-1403, 6)

Qui croiroit vostre chiere lie Tantost seroit pris en voz las : Encore ne m'avez vous mie, Encore ne m'avez vous pas ! (CH. D'ORLÉANS, Ball. C., c.1415-1457, 137)

Combatez, d'estoc et de taille, Vostre dure merencolie, Et reprenez, commant qu'il aille, Espoir, confort et chiere lie. (CH. D'ORLÉANS, Compl. C., 1433-p.1451, 274)

À/de chere lie/à lie face/à lié visage. En exprimant son contentement, avec le sourire, joyeusement.

Si que tant fis qu'elle me tint pour sien En tel maniere Que de bon cuer riant, a lie chiere, Me dist : 'Amis, vesci t'amie chiere Qui plus ne vuet envers toy estre fiere ; Qu'Amours le vuet, Qui de bon cuer ad ce faire m'esmuet...' (Mach., J. R. Beh., c.1340, 80)

Mais quant je vins ou estre desiroie, Je ne fui mie Mus, n'esbahis ; einsois a chiere lie Ay salué toute la compaingnie, Si com faire le sos de ma partie. (Mach., J. R. Beh., c.1340, 103)

Et certes, je le doi bien faire, Quant tu me donnes tel espoir Qu'adès mieus recevoir espoir, Et que ma douce dame chiere De bon cuer et a lie chiere Verra ce dit qu'ai mis en rime, Comment qu'assez nicement rime. (Mach., R. Fort., c.1341, 157)

Celle part couri sans demeure, Car ja vëoir ne cuidai l'eure Que je fusse outre la riviere, S'entray dedens a lie chiere. Mais je n'i trouvay creature Fors moy seul ; si pris l'aventure. (Mach., D. Lyon, 1342, 164)

...et a l'entrer ens, il parla moult hault et a lie chiere et dist : 'Bien soit venuz Berinus, mon hoste, filz Agea, ma bonne dame, qui moult de bien et d'onneur m'a fait'. (Bérinus, I, c.1350-1370, 42)

Mais ains que je fuisse levés, Uns vallés vint tous abrievés Qui fort hurté a ma porte ha Et une lettre m'aporta De ma tresdouce dame chiere. Je la receus a lie chiere, Et puis je la lui sans attendre (Mach., Voir, 1364, 504)

Il appartient bien, ce me semble, Que nous chantons a chiére lie, Quant celle est de nous compagnie Qui nous est gloire. (Mir. Oton, c.1370, 357)

Grant merveille ont de ce que plus ne chant Cil qui m'ont veu chanter de lie chiere, Et dient que je vois en empirant. Mais il ont tort ; car je n'ay pas matiere De mener baudour, Eins vueil et doy ma vie user en plour, Sans nul reconfort, Quant mes cuers meint en grief doleur à tort. (Mach., L. dames, 1377, 56)

Si vivez a lié visage, Sans tant en plour vous fouler (Chr. Piz., Cent ball. amant dame C., c.1409-1410, 128)

Quant tout est fait, il fault passer sa vie Le plus aise qu'on peut, en chiere lie. (CH. D'ORLÉANS, Rond. C., 1443-1460, 490)

...il respondi incontinent au messagier a lie face en disant... (Percef. III, R., t.1, c.1450 [c.1340], 370)

Et quant ilz furent assemblé, aprés leurs amoreux devisiers, a chiere tres lye Madame lui dist... (La Sale, J.S., 1456, 79)

Faire chere lie. Exprimer sa joie, son bonheur.

LE COUSIN. Biau cousin, faites lie chiere ! Vostre femme ne mourra mie (Mir. enf. ress., 1353, 72)

Et tout ce vint par une perte Qui fu pour moy trop mal aperte, Car depuis que je la perdi Leesce a moy ne s'aherdi, N'onques puis ne fis chiere lie (Fors puis que ma dame jolie, Qui de tous maulz garit et cure, Me prinst de sa grace en sa cure). (Mach., Voir, 1364, 106)

Car cilz qui aimme par amours (...). Or est malades, en santé, Or ha paix, or fait chiere lie, Or est en grant merancolie. C'est des amoureus la coustume : Qui bien aime a ce s'acoustume. (Mach., Voir, 1364, 180)

Si fui bleciés en l'esperit, Si qu'en mon cuer joie en perit, Et prins si grant merancolie Qu'onques puis ne fis chiere lie. (Mach., Voir, 1364, 660)

Et après ce qu'elles orent parlé à part ensemble et secretement bonne piece, ladite jeune femme envoïa querir une pinte de vin par ladite Margot, en faisant bonne chiere et liée, donc il qui parle se emerveilla (Reg. crim. Chât., I, 1389-1392, 348)

LE MARQUIS [à Griseldis] . (...) Liez seroye De vous voir faire chiere lie. (Gris., 1395, 58)

Faire chere lie à qqn. Se montrer accueillant envers qqn.

On doit faire lie chiere Par raison as dolereus, (J'en prise bien le maniere) Et l'aumosne as amoureus, Car on perchoit bien entre eus Li quel sont liet en parler, Les quels il faut arester Souvent en un pas de voie, Ou il n'ont solas ne joie. (Froiss., Ball. B., c.1362-1377, 10)

Dame, faites nous chiére lie : Je vous amaine compagnie, Regardez quelle. (Mir. fille roy Hongrie, c.1371, 66)

B. -[D'une chose]

Marqué par la gaieté, la joie, plaisant, agréable.

Amis, avoir ne puis lie journée, Quant ne vous voy ; mais sachiez vraiement Que long et près tres amoureusement, De loial cuer, sans penser tricherie, Vous ameray tous les jours de ma vie. (Mach., L. dames, 1377, 198)

Biauté, douceur et maniere jolie Tristece osté ont de moy liement. Mener me faut vie joieuse et lie. Biauté, douceur et maniere jolie. Et vraie amour qui mon cuer point et lie Me fait chanter de cuer joliement. Biauté, douceur et maniere jolie Tristece osté ont de moy liement. (Mach., L. dames, 1377, 213)

Atant es vous venus les deux chevaliers qu'il avoit envoiez devers son pere, qui le saluent moult honnourablement de par son pere et de par sa mere, et lui comptent la bonne et lie recueillette et les beaulx dons qu'ilz ont euz. (Arras, c.1392-1393, 250)

Qui est source de gaieté, de joie.

Au temps pascour que toute riens s'esgaie, Que la terre de mainte colour gaie Se cointoie, dont pointure sans plaie Sous la mamelle Fait Bonne Amour a mainte dame belle, A maint amant et a mainte pucelle, Dont il ont puis mainte lie nouvelle Et maint esmay, A ce dous temps, contre le mois de may, Par un matin cointement m'acesmay, Com cils qui trés parfaitement amay D'amour seüre. (Mach., J. R. Beh., c.1340, 57)

Amis, je t'aporte nouvelle Qui est douce, plaisant et lie, C'est le cuer et l'amour de celle Que tu avras en ta baillie, Par honneur, je n'en doubte mie, S'à toy ne tient ; or te conseille, Qu'en ce monde n'a sa pareille. (Mach., L. dames, 1377, 190)

Je ne me tien pas a celi, Qu'il a tant de dueil et de rage Que c'est merveille qu'il n'enrage, Ou qu'il ne se tue ou se pent, Ou que d'amer ne se repent ; Si qu'il ne porroit nullement Riens faire si joliement De sa matiere dolereuse Com li joieus de sa joieuse, Pour ce qu'il n'a riens qui l'esgaie Ne matiere lie ne gaie, Et s'a desir et povre espoir Qui sa doleur empire, espoir. (Mach., Prol., c.1377, 8)