LAS

adjectif

[T-L : las ; GD : las ; GDC : las ; AND : las1 ; DECT : las ; FEW (V, 195a) : lassus ; TLF (X, 1018b) : las]

I. -Adjectif.

A. -Fatigué, harassé, épuisé.

1.Las

[À la suite d'une action ponctuelle]

...fut ce bon chevalier tant las que merveilles de soutenir ce dur assault. (C.n.n., c.1456-1467, 429)

...nostre chevalier, qui pour ce jour avoit chevauché XV ou XVJ grosses lieues, estoit tant las qu'il ne povoit les rains traynner (C.n.n., c.1456-1467, 436)

Et, vers la nuit, les Escossois de la garde du roy, voians et considerans le grant danger où le roy estoit et la grant perte de leurs gens, aussi que lesdiz Bourguignons poursuivoient fort et asprement, prindrent le roy, qui moult estoit las et afflict, et qui n'avoit cessé de combatre et faire grans armes toute la journée sans boire et sans menger, et le menerent dedens le chastel dudit Montlehery. (Roye, Chron. scand., I, 1460-1483, 67)

Mon filz, monstrés moy vostre face. Actendés moy, car fort suis lasse. Mon filz, o mon filz, mon enfant, Ce n'est pas luy certainement. (Pass. Auv., 1477, 190)

Pour ce je veul Que luy aydes, Maliferas, Et tu, Sirus ! Jhesus est las Et pour ce menés le tout beau ! (Pass. Auv., 1477, 193)

LE SERGENT. (...) Je vous cry a tous deux mercy. LE SAVETIER. La char bieu, vous serés fourby Tout vostre soul, frappe Thomasse. LA LAITIERE. Ne te chault, je ne suis pas lasse Puis que je suis en bau fumee, Nous luy donrons une bourree Pour (luy) eschauffer son pelisson. LE SERGENT. Las, vecy bien dure lesson... (Sav. serg. D.L., c.1480-1490, 35)

Ledict seigneur de Humbercourt disoit : 'Si nous les povons amuser jusques à mynuyt, nous sommes eschappéz, car ilz seront las et leur prendra envye de dormir, et ceulx qui sont mauvais contre nous prendront la fuytte, voyant qu'ilz auront failly à leur entreprinse.' (Comm., I, 1489-1491, 111)

Et alors celluy qui avoit apporté lesdites lettres dist au roy : 'Sire, le champ vous est demouré.' Et le roy luy dist : 'Allés dire à mes lieutenants, puisqu'ilz ont gaigné le champ pour moy, qu'ilz y facent planter des fevez ; car je sçay bien que la nuit du combat ilz estoient : trop las et n'avoient pas loisir de ce faire.' (Le Clerc, Interp. Roye, c.1502, 393)

[D'un animal]

Lors la boutay [une verdière] moult doucement Dedens mon sein un bien petit, Pour reprendre son appetit De joie, car pour la froidure Peüst morir en la verdure. Quant un petit fu revenus Ses povres cuers las et menus, En mon sein prist a fretillier. Je qui la senti resvillier, La repris amiablement Et li loiay moult belement L'un des piez d'un filet de soie. (Mach., D. Aler., a.1349, 394)

Mais moult en y ot de bleciez De trais, de lances et d'espiez, Et de leurs chevaus affolez, Qui estoient las et foulez ; Et li Sarrazin en perdirent Pluseurs que li nostres ocirent. (Mach., P. Alex., p.1369, 94)

[À la suite d'une accumulation d'efforts]

Mais pour voir bien dire vous os Qu'en son corps n'a que cuir et os, Tant par est las. (Mir. abbeesse, 1340, 94)

Hé ! mére Dieu, com le corps m'est Devenu povre, feible et las. A paines puis j'aler mais pas Tant sui traveillie et conquise. (Mir. mère pape, c.1355, 390)

O chetif homme, plus que tous aultres recreant et las, par les veilles, peines, labours et ententes que tu as prins (...) ! (C.n.n., c.1456-1467, 555)

Aussi le sire de Guitry, Avecq le sire de Couras, Monstrez la puissance aujourd'uy, La force qui est en voz bras, Et que de guerre n'estes las ; Mes prenez coraige et vigueur, Que les Anglois soient mis au bas (Myst. siège Orléans H., c.1480-1500, 403)

Vous savez qu'i sont mas et las, N'y n'ont plus force ne puissance ; Delesser ne les devez pas, Mes les assaillir a oultrance. (Myst. siège Orléans H., c.1480-1500, 472)

...et lui fut forcé laisser tout et s'en venir par Venize et par Itallie, où il mourut plusieurs de ses gens de pouvreté et si très noble chevallerie qu'il avoit menée, pouvre et lasse fut contrainte s'en venir, ung baston blanc en la main, et mourir par les chemins et hospitaulx. (Simon De Phares, Astrol., c.1494-1498, f° 150 v°)

[D'une partie du corps] Marqué par la lassitude.

Helas, que vous advés les yeulx Las et piteux, Moult fort lipeux ; - vous ne l'advés pas de nature. (Pass. Auv., 1477, 255)

[Du corps] Éreinté, à bout de force.

Dentart. Vilain, vous arez tant de honte Avant que ceste nuyt se passe S'arez la charoigne tant lasse Que vous ne vous sçarez bouger. (Gréban, Pass. J., c.1450, 263)

[D'un animal] Épuisé.

J'avoye ung cheval extrèmement las, vieil cheval. (Comm., I, 1489-1491, 37)

2.Las de qqc. Lassé de qqc..

Ce point te vueil je commander, Qu'il soit mis en ton souvenir, Pour si justement retenir Qu'il ne soit mis en nonchaloir, Car il te porra bien valoir, Se bonne Amour ne t'en voit las, Pour toy de grieté en solas Faire passer le port tout outre. (Mach., D. Aler., a.1349, 389)

Et li bon levrier que j'avoie Renforçoient si mon solas Que je n'en peüsse estre las, Quant je les os mis en conroy, Et je les vi de bel arroy De courir a point sus les chans (Mach., J. R. Nav., 1349, 155)

...tuit mi solas, Mi ris et mi plour, Mi bien, mi mal, ma vigour, Tout ce me vient, se Diex me gart, Par vostre dous plaisant regart. Dont je sui si en vos las Qu'adès par savour Reçoy dont uns autres las Seroit en un jour. Las ! et vos cuers n'a tenrour De l'ardure qui le mien art Par vostre dous plaisant regart. (Mach., L. dames, 1377, 26)

Si n'en peüst on estre las [D'un fête] ! (Chr. Piz., M.F., II, 1400-1403, 261)

Las de + inf. Fatigué, lassé, dégoûté de.

...je vous vueil aidier, Car de travail vous voy moult lasse (Mir. st J. Cris., c.1344, 288)

Pour quoy dont en fusse je las De si faite peinne endurer, Combien qu'elle peüst durer ? (Mach., D. Aler., a.1349, 278)

Hé ! mére Dieu, conme est ja las Mon povre corps d'aler par terre ! (Mir. mère pape, c.1355, 378)

Qui li deïst que mes cuers en ses las Gist et demeure Et que jamais d'amer ne sera las. (Mach., F. am., c.1361, 160)

Si que très bien les sermonna Et moustré en son sermon a Comment messires saint Thomas De bien faire onques ne fu las, Mais fu en Ynde la majour, Pour l'amour de Nostre Signour, Et y mourut piteusement Pour bien faire et non autrement. (Mach., P. Alex., p.1369, 106)

Dont il me convient dire : 'helas', Sans nul solas ; Mais ne sui las D'estre en vos las, Qu'Amours de plus en plus m'i lasse, Sans garder raison ne compas. (Mach., Les lays, 1377, 286)

...il estoient tous las de venir a piet de Abbeville jusques a la, ou il i a siis lieues (Froiss., Chron. D., p.1400, 727)

...ou soient las Ou non de boire, il leur faut faire, Pour la compaignie parfaire (Chr. Piz., M.F., II, 1400-1403, 32)

...si ne pensasse Plus en douleur, et mieulx osasse Lui dire le mal qui me lasse, Quoy que ja las Je ne seray d'estre en ses las, Pour plaindre ne pour dire 'halas'. (Chart., L. Dames, 1416, 205)

LE JUIF. Mathatiel ! MATHATIEL. Je suis tout las De regarder cy les passans. LE JUIF. Vient il riens ? MATHATIEL. J'employe mes cinq sens De faire du tout le possible, Mais il est a vous impossible D'estre payé de voz debteurs. (Mir. st Nic. juif, c.1480-1500, 104)

Emploi substantival. Celui qui est fatigué.

L'ame selon la moralité a parler par moult de manieres est en Dieu, c'est a scavoir comme la branche en l'arbre, la nef ou rivage, le las en sa chambre ou dortoir, le tresor ou champ (Somme abr., c.1477-1481, 159)

B. -Malheureux, misérable.

Si ne te dois pas desconfire Einsi, ne toy mettre a martyre, Car c'est grant honte et grans deffaus, Puis que tu n'ies mauvais ne faus Envers ta dame que tu aimmes, Quant pour li amer las te claimmes. (Mach., R. Fort., c.1341, 58)

Hé ! tresdoulx glorieux Jhesu, (...) Ce pecheur, ce las dolereux, Jugiez a vostre voulenté. (Mir. ev. arced., c.1341, 139)

Quant elle en a un bon a main, Elle le laist pour un meneur, Dont elle chiet en deshonneur. Et cils qui de loial cuer l'aimme, Las, chetis et dolans se claimme Pour la grieté qu'en son cuer sent ; Et pour ce qu'elle se descent De s'onneur. (Mach., D. Aler., a.1349, 380)

Mais vers li mesprist si forment Qu'Adriane laissa dormant Seulette en estrange contrée, Lasse, dolente et esgarée, Et en mena la juene touse, Phedra sa suer, s'en fist s'espouse. Ci a trop mortel traïson. (Mach., J. R. Nav., 1349, 232)

...com le plus chestif las Pecherre c'on saroit trouver (Mir. parr., 1356, 27)

GUILLEMETTE. Helas ! tant tormentez cest homme ! Je voy bien a vostre visaige, Certes, que vous n'estes pas saige. Par ceste pecheresse lasse ['Par la foi d'une pauvre pécheresse' (Ed.)], Se j'eusse aide, je vous lïasse : Vous estes trestout forcené ! (Path. D., c.1456-1469, 124)

Item, a maistre Andry Courault Les Contreditz Franc Gontier mande ; Quant du tirant seant en hault, A cestuy la riens ne demande : Le Saige ne veult que contende Contre puissant povre homme las, Affin que ses filletz ne tende Et qu'il ne trebuche en ses las. (Villon, Test. R.H., 1461-1462, 116)

...et lui fut forcé laisser tout et s'en venir par Venize et par Itallie, où il mourut plusieurs de ses gens de pouvreté et si très noble chevallerie qu'il avoit menée, pouvre et lasse fut contrainte s'en venir, ung baston blanc en la main, et mourir par les chemins et hospitaulx. (Simon De Phares, Astrol., c.1494-1498, f° 150 v°)

[Du coeur] Triste, abattu, malheureux.

[En position d'attribut]

Helas ! einsi tous seuls me debatoie. Mais quant mes maus retraire li cuidoie, Si paoureus, Si veins, si mas, si las, si engoisseus, Si desconfis, si tramblans, si honteus Estoit mes cuers et dou mal amoureus Si fort espris, Qu'en li n'avoit scens, maniere, n'avis, Einsois estoit com transis et ravis (Mach., J. R. Beh., c.1340, 75)

...hellas ! Desconfit, morne, mat et las Present sens mon povre cueur estre ; Quant je voy que Mort en ses las Tient mon seigneur et mon bon maistre (La Vigne, S.M., 1496, 568)

Coeur las

Car sans faillir Teindre, trambler, muer et tressaillir, Pleindre, plourer, souspirer et gemir, Et en paour de desespoir fremir Me couvendra ; N'a mon las cuer jamais bien ne vendra, N'a nul confort n'a joie n'ateindra, Jusques atant que la mort me prendra (Mach., J. R. Beh., c.1340, 64)

Et quant je suis saoulé de plourer, Souvenirs vient mon las cuer acorer ; Car il n'est biens ne joie qu'il m'aporte, Einsois toudis me grieve et desconforte, Dont j'ay souvent estranglé maint souspir, Pour ce que trop parfondement souspir. (Mach., Compl., 1340-1377, 255)

On verroit maint amant desesperer De la doleur que mes las cuers endure, Et bonne Amour fuïr et eschuer, Einsi con gens qui n'ont de joie cure. Mais ja pour ce n'en penseray laidure, Einsois en vueil tres humblement loer Loyal Amour et ma dame sans per. (Mach., L. dames, 1377, 52)

Hui ha .J. moys que je me departi De celle en qui j'ai mis toute ma cure, Mais onques mais mes las cuers ne senti Nulle dolour à endurer si dure Com fu le departement (Mach., L. dames, 1377, 147)

Maiz moy lassete, Vif ou mort, mon las cuer regrete, Dont puet estre j'aime seulete Et si n'est droit qu'ailleurs le mecte. (Chart., L. Dames, 1416, 292)

[D'un aspect de la pers.]

Et se pensée Par souvenir est en moy engendrée, Quelle est elle ? Elle est desconfortée, Triste, mourne, lasse et desesperée. Et, par ma foy, Je n'ay penser qui ne soit contre moy ; Et si le pren au pis. Savez pour quoy ? Pour ce qu'aler ma dame en change voy. (Mach., J. R. Beh., c.1340, 97)

[Las qualifie, de façon compatissante, le subst.] Las de + subst.

Lasse ! bien doit estre effraez Mon las de cuer, quant j'ay meffait Contre Dieu si vilain meffait... (Mir. nonne, 1345, 344)

Icy convient ma lasse d'ame Souffrir l'ardeur de ceste flame. (Mir. prev., 1352, 248)

Dame des cielx, quoyque po vaille Mon povre las chetif de corps, Recevez en gré les recors... (Mir. parr., 1356, 51)

Emploi substantival.

Si dist : 'Juenesse, Belle dame, vous estes grant maistresse Qui cest amant tenez en grant destresse, En povreté, en misere, en tristesse, Vous et Amours. Vez que li las a perdu tout secours, Ne ses cuers n'a refuge, ne recours, Fors a la mort qui a li vient le cours. Car travillier Le volez trop, et dou tout essillier...' (Mach., J. R. Beh., c.1340, 129)

Car il estoit si forsenez, Si dolereus, si mal menez, Li las, qu'il se desesperoit Et parmi le pourpris queroit Yaue, feu ou fosse parfonde, Pour finer sa vie en ce monde. (Mach., D. Lyon, 1342, 180)

Qu'Amours li enjoint et commande Et ses cuers, qu'a passer entende, Et la plus belle de ce mont Voit d'autre part qui l'en semont ; Si que li las ne sot que faire, N'il ne voit goute en son affaire. Car il voit la mer si orrible Que de passer est impossible ; Et de sa tempeste et son bruit Toute la region en bruit. (Mach., J. R. Nav., 1349, 249)

Dame, confortez ceste lasse Qui de cuer devost vous appelle. (Mir. marq. Gaudine, 1350, 129)

LE MARI. (...) Si te pri que de t'amistié Monstre aucun petit a ce las, Que toute joie et touz soulas Ont eslongié. (Mir. enf. ress., 1353, 60)

Einsi avez vous [les juges] fait des filles D'Israhel, par voies soutilles, Que par cremeur et par manasses Les honnissiés. Helas ! les lasses Se metoient a vos cordelles Par cremeur, non par l'acort d'elles. Mais Susanne, de Juda fille, Vostre iniquité orde et ville Ne volt soustenir ne vëoir (Mach., C. ami, 1357, 14)

D'Ysion la roe repose, Qui est si dolereuse chose, Qu'entour sont roes tous ardans Et li las est dessous adans. (Mach., C. ami, 1357, 90)

Ce conmant trespassa li las, Qu'il crut au conseil de sa femme, Dont il chey en tel diffame... (Mir. Barl. Josaph., c.1363, 266)

Helas ! li las ne se puet conforter Pour riens qui soit, car il n'a nul pouoir De la dolour souffrir ne endurer, Qu'amour li fait sentir et main et soir. (Mach., L. dames, 1377, 135)

Einsi li las se duet, Mais souffrir li estuet, Pour ce qu'Amours le vuet Qui l'ocist et tourmente (Mach., Les lays, 1377, 301)

Et pour ce nous convient entendre A doubler la poinne a ces las. (Jour Jug. R., c.1380-1400, 255)

C. -Battu, vaincu.

De nulle rien tant ne s'envoise Con de combatre et faire noise ; Les uns fiert et fait clamer las Et les autres desrobe, helas ! (Mir. st Guill., c.1347, 6)

Vaincre qqn mat et las. Avoir raison de qqn, triompher de qqn .

Alixandres, a moult grant conrois, Ala vers Nicholas, pour paix Pourchacier ; aultrement li fais Avint, car villenïe dure Luy dist Nicholas et laydure, Et tant s'entrecontrarïerent Qu'a bataille se deffïerent ; En l'estour vainqui mat et las Alixandre roy Nicholas (Chr. Piz., M.F., IV, 1400-1403, 32)

II. -Emploi interjectif.

A. -[Exprime la douleur, le regret, l'apitoiement sur soi-même]

Las/lasse ! Malheureux/malheureuse ! Misérable ! Hélas.

LA DAME. Lasse ! bien me doy destourber, Quant ensement me suis forfaite. (Mir. enf. diable, c.1339, 10)

J'ay oï recorder a meint Que quant uns malades se pleint, Que sa doleur fait de son pleint Un po remeindre. Las ! et c'est ce qui mon cuer teint ; C'est ce qui plus griefment l'ateint ; C'est ce qui tout mon bien esteint, Sans joie ateindre, Pour ce que riens de ma pensée Ne scet ma dame desirée (Mach., R. Fort., c.1341, 52)

LA DAME. (...) Mon vray compaignon et ami Se voua a aler pour my Nostre Dame du Puy requerre. Lasse ! Pour lui le cuer me serre De douleur et je n'en puis mais. (Mir. enf. ress., 1353, 46)

LE MARI. (...) Las ! Quelle part pourray aler ? Las ! Qui me reconfortera ? Las ! Conment sanz mort portera Mon povre cuer le dueil que j'ay ? (Mir. enf. ress., 1353, 58)

Las ! si n'est riens qui ne me soit contraire Et si ne voy mais goute en mon affaire, Si me couvient mes maus souffrir et taire. (Mach., F. am., c.1361, 157)

Trop m'est grief à consirrer De vous veoir et oïr, Quant vos dous viaire cler Soloit mon cuer resjoïr. Las ! or ay tant de contraire Qu'en plourant chant de cuer noir : 'Hé ! tres douce, debonnaire, Quant vous porray je veoir ?' (Mach., L. dames, 1377, 46)

...en desir qui me court seure Truis trop mortel anemy, Dont souvent souspire et pleure Parfondement et gemy Pour mon doulz loyal amy. Lasse ! en tel langour Ay mout longuement langui, Et tout pour s'amour. (Mach., L. dames, 1377, 165)

Las ! Mal vy oncques ton gent corps, ta facon, ne ta belle figure, mal convoitay ta beauté, quant tu m'as si faussement trahie. (...) Las ! Mon amy, or sont noz amours tournees en hayne, noz doulceurs en durté (Arras, c.1392-1393, 256)

Las ! toutesfoiz mon mal present et celuy de lors ne sont pas a comparer, car je soustiens tres plus angoisseuse peine que celle du monde. (Gers., Déf., 1400, 228)

Las ! plus de cent foys helas ! Comme dure mutacion, de comme grant bien en [comme] grant mal ! (Gers., Concept., 1401, 398)

Faulx ennemis, par ta decepcion Tu l'as retrait, lasse ! je le voix bien. Sy vous supplie, hault roy celestien, Que, s'ainsi est, rebaillez luy moyen De tout laissier ce ciecle terrien Pour meriter sienne salvacion. (Myst. st Adr. P., c.1450-1485, 117)

Mieulx vault vivre soubz groz bureau Pouvre (...) Qu'avoir esté seigneur... Que dis [tu, toi, mon coeur] ? Seigneur, lasse ! ne l'est il mais ? Selon les davitiques diz Son lieu ne congnoistra jamaiz. Quant du seurplus, je m'en desmez : Il n'appartient a moy, pecheur ; Aux theologiens le remectz, Car c'est office de prescheur. (Villon, Test. R.H., 1461-1462, 41)

Item, morbieu, je me confesse Du cinquiesme [commandement] sequentement : Deffend il pas expressement, Que nul(si) ne soit point meurtrier ? Las, mon seigneur l'arbalestrier, Gardez bien ce commandement ! (Fr. arch. B., c.1468-1480, 43)

Hee, mes seigneurs, que doy je faire ? Las, rumprey je mon jurement ? En riens ne vous vouldroye desplaire. (Pass. Auv., 1477, 96)

Ha, las

Ha, las, je suis ung grant pecheur, Indigne de ta companie. (Pass. Auv., 1477, 127)

Moi las(se)/las(se) moi ! Que je suis misérable, malheureux, malheureuse ; quel malheur, malheur de moi !.

Et moy las, qui suy tant de fois retourné a pechié, comme chien qui remenge ce qu'il vomist (Gast. Phébus, Livre oraisons T., c.1380-1383, 41)

Ma suer, plus ne me puis porter ; Lasse doulante, lasse moy ! (Jour Jug. R., c.1380-1400, 221)

Lequel feray je, las emy ? (Desch., M.M., c.1385-1403, 340)

Hé, lassemy ! Quelle tristesse Avra le roy quant le sera ! (Myst. st Adr. P., c.1450-1485, 21)

GUILLEMETTE. (...) Il est en tel parti, Le povre homme, qu'il ne partit Du lit y a unze sepmaines. Nous baillez vous de voz trudaines ? Maintenant en esse rayson ? Vous vuiderez de ma maison. Par les angoisses Dieu, moy lasse ! (Path. D., c.1456-1469, 102)

GUILLEMETTE. Par les angoisses Dieu, moy lasse ! Vous estes ung bien divers homme ! Que voulez-vous ? Je ne sçay comme Vous estes si fort obstiné. (Path. D., c.1456-1469, 130)

A lasse moy, pouvre doulente ! Hely nous veulhe consouler ! (Pass. Auv., 1477, 157)

[Forme féminine appliquée au masc.]

'Lasse moy' dist il, 'lasse moy chetif, tant ay este [l. esté] orguilleux et meschant en lescherie que jay [l. j'ay] tout perdu.' (Miélot, Mir. N.D. W., 1456, 57)

[Suivi d'un adj.]

Lasse, dolente ! Or est bien a rebours ; Car mes douceurs sont dolereus labours, Et mes joies sont ameres dolours (Mach., J. R. Beh., c.1340, 64)

Las ! dolens ! or ne m'ose attendre Qu'envers moy fust jamais si tendre Qu'elle seur moy deingnast descendre Son dous regart (Mach., R. Fort., c.1341, 48)

PREMIER ESCUIER. Las ! dolent ! las ! je ne li voy Pié ne main ne corps remuer. (Mir. st Guill., c.1347, 20)

'Ha ! las ! chetis', ce dist le chevalier, 'En quel pays est, u le porai trouver ?' (Dame Lycorne G., c.1349-1350, 138)

Lasse ! dolente, or ne te puis veoir ; Pour ce m'estuet, dont je souspir et pleure, Haïr mes jours pour ta longue demeure. (Mach., L. dames, 1377, 205)

Lasse ! chetive, dolente, Bien haïr ma vie doy, Quant je voy Que tous ces maus nous presente Bonne foy. (Mach., Les lays, 1377, 354)

Ma suer, plus ne me puis porter ; Lasse doulante, lasse moy ! (Jour Jug. R., c.1380-1400, 221)

Je ne te requier chose que tu ne puisses. Las, dolente ! et se mon enfant que j'ay conceu, porté et enfanté, me refuse et m'est dur et me oublie, qui me aydera ? (Gers., Déf., 1400, 228)

Las, doulente, Mon nepveu pers que tant amoys ! (Pass. Auv., 1477, 182)

B. -[Exprime une supplication]

Par pitié !.

LA MERE. Vous n'estes pas bien ordonné, Monsieur ; las, ne le batez poinct ! LE PERE. (Il prent une espee nue et fait semblant de vouloir tuer en le serchant.) Est il vray ? En suis je en ce poinct ? (La Vigne, S.M., 1496, 293)