JEUN

adjectif

[T-L : jëun ; GD : jeun ; GDC : jeun ; DEAF, J 353) : jeün ; AND : jun1 ; FEW (V, 34a) : jejunus ; TLF (X, 705a) : jeun]

Qui n'a pas mangé depuis le commencement de la journée (ou depuis le début d'une diète), qui est à jeun.

Toutes fois se doit contregarder le prestre qui veult pluseurs foiz celebrer qu'il ne prengne l'ablucion aprés la communion, car en tel cas il ne seroit mie jeun et seroit empeschié de celebrer la seconde messe (Jean Golein, Rational B.D., c.1370-1372, 269)

Et après le dit evesque brisa l'oiste, et en voult faire user à chascun des diz regent et roy ; mais le dit roy dist que il n'estoit pas jeun (Chron. Jean II Ch. V, D., t.1, c.1375, 192)

...dist et pria amiablement le dit Symon qu'il luy pleust la laissier reposer, quar elle en avoit mestier, pour ce qu'elle estoit malade et jeune. (Doc. Poitou G., t.5, 1384, 227)

Ilz [des lions] estoient a icelle heure, comme dit l'istoire, jeuns et avoit yceluy officier oublié par aventure a leur donner a manger. (Hist. Berthe Pépin T., c.1400-1500, 124)

...toute jeune et morte de fain la mena et conduist en sa maison (Hist. Berthe Pépin T., c.1400-1500, 161)

Remarque : Consol. Boèce C., c.1350, gloss. ; DESCH., Oeuvres Q., t.3, c.1370-1407, 375 ; t.4, 84 ; t.6, 100...

Jeün de (une nourriture)

[Dans un cont. métaph.]

De desconfort, de martyre amoureus, De griés soupirs, d'une crueuse ardure, De pleins, de plours, d'un mal tres dolereus Pleins et peüs de triste nourriture, Vuis et geüns d'amoureuse pasture, Vit en morant, dame, li cuers de mi En desirant vostre douce merci. (Mach., Bal., 1377, 542)

Ne pas estre jeun de + inf. Ne pas être rassasié de.

Un pourri coing Ne prise chose qu'elle [Fortune] fonde, Qui vuet que ses ouvrages fonde, En ce n'a pareil ne seconde. Ce nom li doing : 'Lorde, borgne, fausse et enfrune.' De mal faire onques n'est geüne. Tout le mont ne prise une prune, Eins le demeinne A la samblance de la lune Qui ore est pleinne, clere et brune, Et fourme ne clarté nesune... (Mach., R. Fort., c.1341, 35)

À jeun. À jeun.

Li sires de Lesparre dit Qu'il [le roi] fait mal qu'il li contredit D'aler nostre Signeur servir ; Et qu'il l'en devroit requerir, Puisqu'il en a devotion ; Et que c'est grant confusion, Et que Dieu courresce et offent Quant son service li deffent, Car à saoul et à geun Son digne service est commun, En tous cas, à tous et à toutes ; De ce ne fait il nulles doubtes. (Mach., P. Alex., p.1369, 226)

Ces oroisons pouez vous dire a matines ou a vostre esveilier du matin, ou a l'un et a l'autre, ou en vous levant et vestant, et aprez vostre vestir, tout est bien, et que ce soit a jeun et avant toute autre besoingne. (Ménagier Paris B.F., c.1392-1394, 9)

Remarque : Renart contref. R.L., 1328-1342, gloss. (ajung).

Sans avoir bu.

POLET. (...) bien miex en irons S'avons beu. LE MARCHANT. Polet amis, (...) Un petit devant t'en iras Et je tantost te suiveray, Car un po de chose a dire ay Qu'a jeun vueil dire. (Mir. march. larr., c.1349, 102)

En jeun. À jeun.

On demanda au conte Derby se il vouloit seoir et mengier : il respondy que nennil, et qu'il n'estoit pas en jun (Froiss., Chron. [Livre IV] V., c.1400, 813)

'...Je suis encore en jeun et en jeun entreray en la forest.' Lors sault hors de la table et s'en coeurt armer (Percef. I, R., t.1, c.1450 [c.1340], 173)