INIQUITÉ

substantif féminin

[T-L : iniquité ; GD : iniquité ; GDC : iniquité ; DEAF, I 274) : iniquité ; AND : iniquité ; FEW (IV, 695a) : iniquitas ; TLF (X, 240b) : iniquité]

A. -Au propre. Situation défavorable d'un lieu.

...et que par semblable folie celle gent, ardant et covoiteuse a experir les derriens perilz [qui] estoient, s'en estoit entree dedens les saulx sanz voie ou elle estoit avironnee, non pas seulement des armez de leurs ennemis mes avecques ce de l'iniquité des lieus. (Bers., I, 9, c.1354-1359, 38.5, 70)

B. -Au figuré.

1.[Point de vue de la justice, de l'équité]

a)Injustice, iniquité.

Mes ce souffrirent les dieux, afin que pour haine des roys venist plus ysnelement la liberté du peuple et que le royaume de cesti Tarquin acquis [par] iniquité fust le derrier. (Bers., I, 1, c.1354-1359, 46.3, 77)

A che s'acorde aussi l'Apostre en la seconde Epistre aux Corinthiens ou .VIe. chapitre disant : 'Quel participation ou convenienche de justiche avec iniquité, ou quel compaignie de lumiere a tenebres, quel convention de Jhesu Christ au Dyable ?' (Daudin, De la erudition H., c.1360-1380, 263)

Selon les philosophes stoïques iniquité et injustice est un habit de cuer et de pensee qui destruit et gette du tout hors de la region et habitacion de bones meurs et banist justice et equité. (Foul., Policrat., IV, 1372, 82)

Se par vostre valeur vous faites aucune bonne oeuvre, le labeur passe et le benefice vous demeure tant comme vous vivrés, et se par mauvaise voulenté vous faites aucune iniquité, le delit passe et l'iniquité demeure. (Chr. Piz., Faits meurs Ch. V, S., I, 1404, 197)

...de tant que tu m'as monstré clerement l'equitté divine et l'iniquité de nos humaines offences, et cil ne doit indignement soustenir la paine, qui arrogaument a commis la deserte. (Chart., L. Esp., c.1429-1430, 86)

...nostre roy est juste, et en luy n'a aucune iniquité. (Juv. Urs., T. rever., 1433, 82)

Et, se il a en son courage quelque mouvement,ou contre le maulvais pour le iniquité qu'il presuppose estre en luy, ou de pité pour le povre et juste qu'il tient estre indeuement opprimé, il doit demourer neantmoins si constant que, ne de parolle ne de signe ne meysme de la face ne de son regart, il ne se monstre ne tourblé ne esmeu. (Fillastre, Traité Conseil H., c.1472-1473, 254)

Comportement contraire à la justice, à l'équité, pratique de l'injustice.

Et certes la succession des filz si a longue duree par les vertus des parens, et la beneurté des filz si est trenchiee par le deffaut et l'iniquité des parens et de leurs predecesseurs. (Foul., Policrat., IV, 1372, 75)

Certes, comme en gettant ses rez sur la terre le beau soleil abat et depart les broullas, et rent le jour cler, ainsi le roy droicturier confont et deprime toute iniquité par l'esgart de sa prudence, et radresse toutez choses a honnesteté par l'onneur de ses justes faitz et renommee. (Chart., L. Esp., c.1429-1430, 45)

Car l'iniquité descent dez grans aux menuz, et le peuple suyt la fortune et vit au patron de ses souverains. (Chart., L. Esp., c.1429-1430, 45)

Entendent yci les roys, et se ilz congnoissent que en leur iniquité pent le pechié de tous, ilz garderont leur dignité entiere sur tous et vertueuse pour tous. (Chart., L. Esp., c.1429-1430, 45)

...or sont les prelats possesseurs et saisis de leur temporel, et toutevoye on les veult dessaisir sans les ouyr ne appeller, qui est, soubz correction, grant iniquité, et ay esperance que vous y adviserez, et pourverrez. (Juv. Urs., Verba, 1452, 376)

Monsieur, il est bien verité C'un usurier vray et parfait, Par sa mauldite iniquité, A la court adjourner m'a fait, Qui dit, reaulment et de fait, Que mon mary, le temps passé, Lequel pieça Mort a deffait Et est du monde trespassé, Qu'il luy [ a ] ung contract passé Sur une vigne et heritaige Que puis sa mort il m'a laissé, Dont a peu prés que je n'enraige. (La Vigne, S.M., 1496, 524)

Par iniquité. Injustement, au mépris du droit.

Et ceulx li distrent qu'il estoient, Com oï avez en l'istoire, De la mesgnie au roy de gloire Qui la les avoit envoiez De toutes armes arroiez Pour le duc de Cezile prendre, S'il ne se veult prestement rendre En la main du duc de Sardaine Et faire amende large et plaine Pour l'injure de la cité Qu'il avoit par iniquité Soubz le poair Dieu envaÿe, Quar Dieu ne li pardonroit mie. (Tomb. Chartr. Trois contes S., c.1337-1339, 82)

b)Action injuste, injustice.

Helas ! biaux seigneurs, vous savez Bien la tresgrant iniquité, Le meschief et la cruauté, Que nous doit faire l'empereur. (Mir. emp. Julien, 1351, 182)

Li roys Le Viconte manda Et, present tous, li demanda Tesmongnage de verité De la très grant iniquité Et de la mortel traïson Qu'on li pourchassoit sans raison. Messires Jehans la tesmongna, Qu'onques homme n'i ressongna. (Mach., P. Alex., p.1369, 251)

Se par vostre valeur vous faites aucune bonne oeuvre, le labeur passe et le benefice vous demeure tant comme vous vivrés, et se par mauvaise voulenté vous faites aucune iniquité, le delit passe et l'iniquité demeure. (Chr. Piz., Faits meurs Ch. V, S., I, 1404, 197)

Mil quatre cens et quatre vings et treze, Le roy Charles huytiesme de ce nom, Pour repulser l'iniquité mauvaise Du roy Alphons qui tenoit a malaise En son pays plusieurs nobles de nom ; Aussi pour los, gloire, bruyt et renom, A main armee en brief temps conquester, Il entreprist de Napples conquester. (La Vigne, V.N., p.1495, 130)

Au pluriel. Actions injustes, injustices.

Dont je vous di que, depuis toutes tels coses et apertises d'armes, furent parmi le roiaulme de France, escoles de toutes iniquités et mauvestés ; car trop fort se moutepliierent par le laisseur et amplece que il orent de conmencement (Froiss., Chron. D., p.1400, 857)

...les gouverneurs, (...) et plusieurs autres ont esté principaulx promoteurs et conducteurs desdictes iniquitez, à la perturbacion de paix qui est en ce royaume, et d'autres grans excès et crimes (Doc. 1417. In : MONSTRELET, Chron. D.-A., t.3, c.1425-1440, 201)

Entendement, se tu congnoissoies tous yceulx qui si longctemps ont dissimulé lez iniquités dont ceste corruption espydimieuse est advenue, et quelz hommez ont honnouré la vaine gloire dez mauvaiz eslevez, et quis l'ombre et le port soubz l'orgueil dez auctorisez par iniquité, tu dyroies que peu en y a qui se puissent laver de telle tache. (Chart., L. Esp., c.1429-1430, 52)

[À propos d'un document] Vice de ce qui n'est pas conforme à la justice.

...en debatant lesdictes lettres de falseté, surreption et iniquité, contre l'onneur mesme des presidens (Baye, I, 1400-1410, 151)

2.[Point de vue moral et religieux]

a)Mal, corruption, perversion.

Lors en son vergier s'esbatoit Susannë avec ces pucelles Qui estoient gentes et belles ; Si la vëoient ombroier Tous les jours et esbanoier Li vieillart plein d'iniquité, Si qu'en ordure et en vilté, En ardeur, en concupiscence, Par desir, par fole plaisence Furent puis pour l'amour de li, Tant lor pleü et abelly. (Mach., C. ami, 1357, 5)

Mais Susanne, de Juda fille, Vostre iniquité orde et ville Ne volt soustenir ne vëoir, Car mieus ama estre et chëoir En vos mains et la mort attendre Que Dieu son createur offendre. (Mach., C. ami, 1357, 15)

Mais, se leurs filz laissent ma loy et ne cheminent en mes jugemens et par despit degettent et villainent mes justices et pas ne gardent mes tesmoinages, je visiterai leurs mauvestiéz et leur iniquité en forte verge et transporterai leur royaume de gent en autre gent et deffaceray les hoirs de leur semence selon la char, et la succession sera transportee a ceus qui seront trouvéz hoirs de foy et de justice. (Foul., Policrat., IV, 1372, 77)

Mais vray est que l'iniquité Qui les grans clers et vieilars dampne, Si comme il est leu de Suzanne, Vint des vieilz juges ordonnez, Dont li peuples fut gouvernez En Babiloine long temps a (Desch., M.M., c.1385-1403, 145)

Elle ot le Seigneur avecquez soy, et sa benediction, ce qui ne se fait fors aux humbles et obeissans, contre orgueilleuse iniquité (Gers., Annonc., a.1400, 233)

Et répliquier mesmes osèrent Que Humain Lignage en vérité Est tout rempli d'iniquité, D'orgueil, envie, ire et tristesse, D'orde luxure et grant peresce (La Haye, P. peste, 1426, 35)

...veant l'iniquité et male vie d'iceulx ennemis (Chancell. Henri VI, L., t.2, 1431, 166)

...vanité est norrice de tous mauls, la fontaine de tous vices, la voie de iniquité, qui met l'omme hors de la grace de Dieu. (La Sale, J.S., 1456, 27)

Pour le premier declairer, qui est quant noblesse commença, devez savoir, ainsi que lisons ou livre de Genesis: Dieu, voyant la terre pleine d'iniquité, entre les autres trouva Noé juste, pour quoy luy commanda qu'il fit l'arche, en laquelle il fut sauvé et ses trois enfans, nommez Sem, Cham et Japhet, et leurs femmes, et eurent de Dieu la benediction (Bueil, II, 1461-1466, 69)

Reprobation ou reprouvement, comme dist Saint Augustin, est prescience de l'iniquité d'aucuns et preparation de leur dampnation. Et pour tant notez que en reprouvement sont trois choses. L'un est le reprouvement depuis l'eternité de l'iniquité, c'est a dire que Dieu eternelement a prevue l'iniquité de ceulz qui doivent estre dampnéz. (Somme abr., c.1477-1481, 170)

Immoralité.

Malachias le prophete t'en donra la solution, par la bouche duquel Dieu getta sa maledition sur l'iniquité dez pervers hommes d'Eglise, en leur disant : 'La bouche des prestres est une espargne de science et de doctrine, qui doit rendre compte de la bonne observance de la loy, car le prestre est comme ung angle messagier du Dieu victorieux.' (Chart., L. Esp., c.1429-1430, 54)

Car l'iniquité dez vicieux prestres n'encoulpe en riens l'immunité des saintz temples. (Chart., L. Esp., c.1429-1430, 59)

Impiété.

Et certes la science de astronomie est noble science et glorieuse se elle restraint sa sergenterie dedenz les termes de actrempance, et, se elle excde par licence et congié de vanité, elle est mieulx dicte et clamee ratiere et decepcion de cruauté et iniquité que espece de philosophie. (Foul., Policrat. B., II, 1372, 162)

Méchanceté.

Et encore dit Salemon Qu'o le serpent et le dragon Demourer a milleur pratique Qu'avec male femme et inique: L'iniquité de femme male Son visaige fronce et avale, Comme l'ours et la lyonesse (Desch., M.M., c.1385-1403, 197)

Mauldicte soit l'iniquité De ceulx que ce grant mal ont fait ! (Pass. Auv., 1477, 259)

Cruauté.

Cestuy premier, Gondobondus, remply de grant iniquité, mit a mort de glaive son frere Hilpericus et puis fist prendre sa femme et metre une pesant pierre au col et la fist noyer. (Bagnyon, Hist. Charlem. K., c.1465-1470, 4)

Iniquité contre qqn. Hostilité violente contre qqn.

Se tu avoyes aulcune iniquité contre une personne, devoyes tu consentir a la mort des innocens ? (Bagnyon, Hist. Charlem. K., c.1465-1470, 203)

Le roi d'iniquité/beste d'iniquité. Le Diable.

Jhesus la bataille (...) (vint) faire au Roy d'iniquité (Jour Jug. R., c.1380-1400, 216)

Je te conjur de Dieu le pére, De Dieu le filz et de sa mére, Et de toute la trinité, Que tu, beste d'iniquité, De ci t'en voyses. (Mir. st J. Cris., c.1344, 278)

b)Par métonymie. Faute, péché, manquement, mauvaise action.

Mais c'est chose reprouchable que cheulx qui commandent chasteté y commectent le plus d'iniquité. (Daudin, De la erudition H., c.1360-1380, 311)

Conte, jamais ne seray liez, Et j'ay bien cause en verité: J'ay fait trop grant iniquité Contre Dieu, si m'aviseray Conment a Dieu m'apaiseray De mon meffait. (Mir. fille roy Hongrie, c.1371, 23)

Vierge digne, pure et sacree, confort des desoléz et esperance des bien creans, tens moy la main de ta saincte misericorde, si me tire hors du palu de pechié et d'iniquité. (Chr. Piz., Trois vertus W.H., c.1405, 22)

Mais de toy vueil je sçavoir la cause de ceste alternative punition, qui semble derroguer a la divine justice, et desmentir le texte qui dit que le filz ne portera point l'iniquité de son pere, maiz que chacun soustendra le poix de son fardel. (Chart., L. Esp., c.1429-1430, 44)

Au pluriel.

Dame, je vous pri (...) Que pour moy priez au vray juge Vostre filz que pas ne me juge Selon mes grans iniquitez. (Mir. mère pape, c.1355, 395)

[Manassé] Or les deus genous de mon cuer Fleche vers toy, sire, et te pri Qu'oie ta bonté mon depri. J'ay pechié, sire, j'ay pechié Et bien recongnois mon pechié, Mes deffaus, mes iniquités Et de mes pechiés les viltez, Si te suppli tres humblement Et te requier devotement : Pardonne moy, sire, pardonne ! Ne per m'ame avec ma personne Et avec mes iniquitez. (Mach., C. ami, 1357, 54)

...la cité de sodome Et les autres .IIII. citez Plaines de grans iniquitez Fondirent (Chr. Piz., M.F., I, 1400-1403, 152)

...desquelz deux parle le Psalmiste quant au premier dist : 'Dieu est propice en apaisant et secourant a toutes noz iniquitéz' et 'garist toutes noz maladies' quant au second. (Somme abr., c.1477-1481, 179)