INCONVENIENT

adjectif et substantif masculin

[T-L : inconvenïent ; GD : inconvenient1 ; GDC : inconvenient ; DEAF, I 182) : inconvenient ; AND : enconvenient ; FEW (II-2, 1128b) : convenire ; TLF (X, 48b) : inconvénient]

I. -Adjectif.

A. -Qui ne convient pas, qui est inconvenant.

La chose dont nous sommes acoustumés doit on au corage appliquier, che qui est au dehors est inconvenient (Daudin, De la erudition H., c.1360-1380, 22)

...la disgestive vertu qui boute hors ce qui lui est nuisible et inconvenient (Saint-gille, Comment. A.Y. L., 1362-1365, 292)

...c'est I. pechié tres detestable et bestialité, et tres inconvenient (Oresme, Pol. Arist. M., c.1372-1374, 106)

Incompetens (...) : inconveniens (Aalma R., c.1380, 200)

Ainsi fu pugniz Thobie, afin qu'il donnast aux aultres exemple de pacience. Par ceste maniere sont pugnis les innocens et enfans, afin qu'il ne samble inconvenient aux pecheurs, se aucune fois sont tribuléz par le juste jugement de Dieu, et jugiéz ou ceulz qui abusent des choses consedees et prestees de Dieu, ou ceulz qui s'enforcent de ravir les choses non ottroyees. (Somme abr., c.1477-1481, 178)

B. -Inadmissible.

Et que tel opinion soit du tout inconvenient il appert encore autrement. (Oresme, E.A., c.1370, 131)

Item, ce que il dient est inconvenient se il est ainsi que par nature un homme est despotizant ou seigneur et franc, et un autre est non despotizant et serf par nature. (Oresme, Pol. Arist. M., c.1372-1374, 281)

Absurde.

...de prime face il semble inconvenient avoir tristece pour delectacion. (Oresme, E.A., c.1370, 225)

Et ce est inconvenient et impossible. (Oresme, C.M., c.1377, 112)

[D'une idée, d'une hypothèse au cours d'un raisonnement]

Et telle circulacion n'est pas inconveniente, aussi comme l'en diroit que l'en scet que le cuer est chaut parce que le poulz est hastif comme par signe, et ce que le cuer est chaut est cause de ce que le peuls est hastif. (Oresme, C.M., c.1377, 410)

II. -Substantif.

A. -Ce qui ne convient pas, qui est inconvenant.

...avenu m'est que cheoite Sui en tel inconvenient Que moy, (...) Oultrageuse fole enragée, De valeur acomparagée Me sui a l'umble vierge mére (Mir. mère pape, c.1355, 369)

Doncques par plus forte raison seroit ce grant inconvenient et grant abusion que le prince, a qui il appartient, fust en tel cas remis ou negligent de pratiquer par le salut ou bien commun, et curieux d'estudier en speculacion. (Oresme, Divin. C., c.1366, 104)

Par quoy il s'ensuit que ce est inconvenient et chose denaturele ou hors nature que un homme soit roy d'un royalme et qu'il soit de estrange païs et principalment d'autre gent, d'autre nation et d'autre lignage. (Oresme, Pol. Arist. M., c.1372-1374, 72)

Et quant tu dis que tout ce qu'il [Dieu] veult est juste et ce qu'il ne veult est injuste, il ne soit ne se doit pas ainsi entendre que, se Dieu vouloit aucuns inconveniens, que ce fut juste ce qu'il veult ; car il ne s'ensuit point, se Dieu vouloit mentir, que chouse juste fut de mentir, mais s'ensieuroit que il ne seroit point Dieu (Crap., Cur Deus, De arrha B.H., c.1450-1460, 183)

...lesquelles deux chouses seroient de monlt grant inconvenient ne point ne le devons dire. (Crap., Cur Deus, De arrha B.H., c.1450-1460, 215)

Il est inconvenient de. Il ne convient pas de.

Le quart chappitre declaire comment grant inconvenient est es infeaulx de ce que nous disons les humiliacions de humainne nature convenir a Dieu selon qu'il est homme, non obstant qu'i ne luy convenoit mye selon sa deité (Crap., Cur Deus, De arrha B.H., c.1450-1460, 163)

Boso : - Je veulx dire tres singullierement que grant inconvenient estoit a ung tel Pere de permettre ainsi traittier ung tel et sy solennel Filz. Anselme : - Et je te respons que a tel Filz bien estoit il convenant. Boso : - Je demande dont briefment pourquoy Dieu aultrement ne peust saulver l'omme et, s'il le pouoit, pourquoy ne le voult il faire, car monlt grant inconvenient est de saulver l'omme en celle dure maniere. (Crap., Cur Deus, De arrha B.H., c.1450-1460, 179)

Faire un inconvenient. Faire qqc. qui ne convient pas, qui est inconvenant.

Nature donne bien couleur A ami d'un plaisant cuidier Qui li fait folement cuidier Acomplir ce qu'Amours desprise. Et par si faite fole emprise Sont fait maint incouvenient Qui valent trop meins que niënt. (Mach., J. R. Nav., 1349, 212)

Souvent vit joune homme en desroy (...) Et fait plus d'inconveniens Qu'un autres homs et hors et ens. Savez pour quoy ? qu'en verité Jonesce euvre de voulenté Et de fait plus que de raison (Mir. ste Bauth., c.1376, 82)

B. -Ce qui fait obstacle, qui fait difficulté.

...voyant qu'il estoit oiseulx a cause de l'inconvenient de sa longue maladie (Percef. III, R., t.1, c.1450 [c.1340], 221)

Sy y advint un cas d'inconvénient qui grandement les retarda et qui leur estoit matière aussi de perplexité et devoit bien estre ; car vinrent nouvelles au roy certaines, que... (Chastell., Chron. K., t.3, c.1456-1471, 306)

...se ledit messire Jaques eust eu inconveniant de maladie ou aultrement, il entendoit de mectre en son lieu ledit messire Pietre (La Marche, Mém., II, c.1470, 144)

Pour quoy Saint Anselme dist que ung inconvenient, combien tres petit soit, est impossible a Dieu ou envers Dieu. (Somme abr., c.1477-1481, 161)

...affin de plus paisiblement et glorieusement sçavoir regir, gouverner et conduire leurs subjectz et affaires et obvier aux inconveniens qui pevent survenir (Simon De Phares, Astrol., c.1494-1498, f° 3 v°)

En particulier. [Dans un raisonnement] Difficulté (logique), absurdité.

Donques, se nous disons que la felicité de celui qui est bien mort est variee ou muee par teles transmutacions, il s'ensuit inconvenient, car il seroit aucune fois beneuré et aprés autre fois maleureus et mescheant. (Oresme, E.A., c.1370, 131)

Et pour ce donques les operacions de homme qui sont faites de yre ou de concupiscence sont humaines et donques est ce inconvenient de mectre que telles choses soient involuntaires. (Oresme, E.A., c.1370, 183)

Mes aveques ce, c'est inconvenient que les corps qui n'ont quelcunque sens et ne oiient [sic] rien ne eussent a souffrir de ce, car nous voions que les sons excellenz destruissent les corpulences des corps meismes qui sont sans vie, si comme le son du tonnerre dissipe les pierres et les plus durs corps qui soient. (Oresme, C.M., c.1377, 470)

Mais il s'ensuient difficultés et inconveniens aus uns et aus autres, car il se mettent, comme si font, que le premier corps ou element est de parties indivisibles, les raisons qui ont esté devant mises sont contre eulz (Oresme, C.M., c.1377, 628)

Et povons respondre a celluy inconvenient, quant vous dittes que il s'ensievret que lez evesques pourroient tous ordener et ainssi la juridiction seculiere seret come enervee et estaincte (Songe verg. S., t.2, 1378, 86)

Ramener qqc. à l'inconvénient. Prouver l'absurdité de qqc..

Le Chevalier respont que l'argument du Clerc est bien cornu et le ramaine a inconvenient, et met en quelx cas l'Yglise puet cognoistre dez choses temporeles. (Songe verg. S., t.1, 1378, 28)

Le Clerc ramene a un tres grant inconvenient se mendycité estoit, en la Sainte Escripture, reprovee. (Songe verg. S., t.2, 1378, 238)

C. -Ce qui est fâcheux, événement fâcheux, dommageable, ou conséquence fâcheuse, dommageable.

1.Événement fâcheux, situation fâcheuse, dommageable, dommage, embarras, désagrément, malheur.

...parquoy s'ensuit hainne ou pugnicion ou aucun grant inconvenient (Oresme, Divin. C., c.1366, 96)

...obvier aussi as perils, maus et inconveniens qui... (Hist. dr. munic. E., t.3, 1393, 54)

Estre hors des dangiers de fain, de soif, de froit, de povreté, de maladie, d'avoir sa vie de tout courroux, d'inconvenient, des tours de Fortune, estre aseur de jamais ne morir, et de toutes choses qui pevent troubler et nuire, et avoir certaineté de perpetuelment demourer en gloire, sans jamais partir ! O ! quelz dons ! (Chr. Piz., P.V.H., 1416-1418, 47)

Par lesquelx trois inconvéniens [famine, mortalité et guerre] pluiseurs nobles hommes, et générallement tout le peuple dudit royaume et des pays à l'environ, furent en grande et doloreuse perplexité, et fort amatis. (Monstrelet, Chron. D.-A., t.5, c.1444-1453, 339)

Durant lequel debat, Jehan Berlant, l'ainsné, pere des diz freres, voulant eschever l'inconvenient, couru illec sans aucun baston, en cryant... (Doc. Poitou G., t.8, 1446, 403)

Ha ! mon Dieu Souverain (...), garandissez moy de cest inconvenient ! (Percef. III, R., t.1, c.1450 [c.1340], 14)

Les sept vaillans compaignons furent moult doulans de l'inconvenient de leur compaignon que Bruiant avoit mis en peril de mort par sa subtive traÿson (Percef. IV, R., c.1450 [c.1340], 229)

Quant les quatre chevaliers furent chus comme mors, leurs ennemis, qui les regardoient et quy avoient pitié de leur inconvenient... (Percef. IV, R., c.1450 [c.1340], 643)

...le couvent par nous vous fait a savoir que se aucune malveillance ne nouvelle en advient qui au couvent porte prejudice ne inconveniant quel qu'il soit, il s'en excusera et s'en deschargera du tout sur vous. (La Sale, J.S., 1456, 285)

Hellas ! ou estoit mon coeur de souffrir ung tel inconvenient ? (La Sale, J.S. E., 1456, 395)

...ne dura pas ceste maniere ung moys ou deux seullement, mais si treslonguement que pas ne le vouldroye escripre, pour l'inconvenient qui sourdre en pourroit si la folie de ce grant ouvrier venoit a la cognoissance de pluseurs femmes. [À propos d'un amant insatiable] (C.n.n., c.1456-1467, 87)

...par deffortune et inconvenient (MART. D'AUV., Arrêts Am. R., c.1460-1466, 95)

Nous sommes cy venus trestous Pour nous garder d'inconvenient. (Pass. Auv., 1477, 272)

Ha ! pouvrez folz, vous ne sçavés pas pour quoy je fuys, car, se vous sçaviés l'inconvenient, vous ne vous en mocqueriés point [un bouc fuit par peur du loup] . (Macho, Esope R., c.1480, 143)

...mais si bon conseil et si bonne diligence fu faicte que tout y passa, tant l'artillerie, pouldres, boulles de fer, de plomb que toutes choses servans a la dicte artillerie, voyre sans mort ne inconvenient de personne. (La Vigne, V.N., p.1495, 278)

Un inconvenient advient / s'ensuit / vient / survient

...dont pluiseurs maulz et inconveniens s'en ensuioient (Hist. dr. munic. E., t.1, 1379, , , 396)

'Qui considere bien en esperit', dist la royne, 'les grans haynes, dissencions et questions publiques et latentes, qui sont aujourdui en la nef francoise, entre la juridicion seculiere et la juridicion de l'eglise, et les innoveniens [mss B et C : inconveniens] et horribles maulx qui souvent en adviennent touchans a la foy, a bonnes meurs et sainte pollicie, il se puet dire que c'est une latente et publique guerre spirituelle et temporelle...' (Mézières, Songe vieil pèl. C., t.2, c.1386-1389, 298)

...plusieurs dommages et inconvéniens s'en pourroient ensuir (Ch. VI, D., t.1, 1388, 96)

...dont ilz disoient que grant inconvenient feust avenu en leurs pays et es pays voisins, se ilz n'y eussent remedié (Baye, II, 1411-1417, 120)

Et il en venoit donmage ou inconveniant (Juv. Urs., Aud. illos, 1432, 40)

...pour obvier aux grans et inumérables maulx, dommaiges et inconvéniens qui sont advenus et que sont en adventure d'advenir en nostre royaume (Monstrelet, Chron. D.-A., t.6, c.1444-1453, 145)

S'il nous sourvient des inconveniens... (Myst. Viel test. R., t.5, c.1450, 2)

Et vous prions que (...) vous veuillez donner si bien garde de nostredict pays que aucun inconvenient n'y puisse advenir (Lettres Ch. VIII, P.M., t.5, 1487, 211)

Proverbe.

On dit que un inconvénient advenu, mille en ensieuvent. (Chastell., Chron. K., t.5, c.1456-1471, 72)

Choir en (l') inconvénient

...et ne procedent pas saigement et atrait en faisant grief a leur ymaginatiue qui se doit conduire tout en paix, car de soy elle na point darrest, telles gens cheent souuent en inconuenient. (Cib., p.1451, 213)

...madame de Charrolois (...) peut cheoir en l'inconvenient de perdre son fruit et elle-mesme. (Chastell., Chron. K., t.3, c.1456-1471, 282)

Commettre un inconvenient. Causer un malheur.

Trop grandement l'ay offencé Par le vice que j'ay commis, D'avoir Abel a la mort mis. (...) J'ay commis l'inconvenient, Qui jamais remys ne sera. (Myst. Viel test. R., t.1, c.1450, 118)

Faire un inconvenient à qqn. Causer un préjudice à qqn.

...aians compacion et regars as persecutions et inconveniens que les tisserans et ceuls de le draperie de nostre ville d'Yppre ont par pluseurs fois fais à nos boines gens de la draperie de Longhemarke, en destruisant yceulz, leurs ostilles, rames (Hist. industr. drapière Flandre E.P., t.3, 1348, 14)

Mauvais inconvenient. Situation fâcheuse.

...de mauvais inconvenient ilz estoient venus a bonne fin (Percef. IV, R., c.1450 [c.1340], 252)

2.En particulier. Conséquence fâcheuse, dommageable.

Salemons (...) ainsi disoit : 'De povreté et de richesse, Sire, ne me donne largesse, Mais administre moy mon vivre Si qu'onnestement puisse vivre, Que je ne vomisse et parjure Ton nom, qu'a toy feroie injure'. Ne le disoit pas pour niant, Eins doubtoit l'inconveniant Qui vient d'estre povres ou riches : Car trop y a baras et triches, N'il n'est chose que povre gent Ne consentissent pour argent ; Et li riche font encor pis (Mach., C. ami, 1357, 71)

En oultre et qui encores est de plus grant inconvénient, l'on n'a regard aux deniers du Roy qui sont rongniez et desrobez de leur premier poix, et si les alouent les possessans au mesme pris de la course des bons qui ont leur vray poix. (Oresme, Monnoies W., c.1365, XXII)

...pour laquelle cause il avoit esté en grant inconvenient de proces (Commerce marit. Rouen F., Pièces justif., 1452-1453, 338)

...je vous ay advertye (...) du remede necessaire pour obvier aux inconveniens qui sourdre pourroient a l'occasion de vostre cas (C.n.n., c.1456-1467, 40)

...en temps d'yver sourdent pluseurs foiz les inconveniens plus de legier qu'en aultre temps a poursuivir la queste loing (C.n.n., c.1456-1467, 365)

La tierce doctrine est que l'omme doit estre sobre en boire et en mengier, car boire et mengier excessivement fait l'omme pesant, endormy et paresseux, et rent les membres et l'estomac debilités. Et comme dit Avicenne au chapitre de l'eaue et du vin, plusieurs aultres inconveniens sourviennent par excesse de boire et de menger, comme plus aprés sera declairé. La quatriesme doctrine est que l'omme doit petitement souper, car trop menger au soir engendre douleur de ventre, c'est adire torsions et empeschement de repos ou angoisse, comme nous veons par experience, et sera aprés declairé. (Rég. santé corps C., 1480, 2)

Exemple: ce aulcun use tousjours d'une viande acoustumee ou d'un breuvaige, ou totalement s'en abstienne, ou de se dormir, ou d'avoir compagnie a femme, il est totalement acoustumé, et a ce grandement est constraint ; tresgrant inconvenient en viendra se aulcunefois il est contraind de s'en abstenir (Rég. santé corps C., 1480, 105)

3.Par inconvenient. Par malheur ; par accident, accidentellement.

...vostre cousin germain, qui est droit hoir de la Grant Bretaigne, qui, par inconvenient, a emprins ce champ mortel a l'encontre du Chevalier Doré... (Percef. III, R., t.2, c.1450 [c.1340], 301)

Et non obstant toutesvoyes que ce luy soit et ait esté longuement matere de desespoir, sy persevere il toudis en hault, animeux courage et en fiance de vaincre une fois soubz divine prestance. Dont, posé que fortune luy soit escharse en luy acomplir ses desirs, luy est avancheresse aussy d'ung tiltre par inconvenient dont gloire luy vault couronne (Chastell., Temple Boc. B., 1463-1464, 139)

...et que jamais ne fut convaincu ne actaint d'aucun villain cas digne de reproche fors cestuy qui est advenu par inconveniant (Lettres rémission René II P.D.H., 1499, 332)

Remarque : Cf. aussi CHASTELL., Chron. K., t.4, c.1456-1471, 54.

Par inconvenient (de). Par les conséquences fâcheuses (de).

Douloureuse doncques la mort et douloureuse l'alliance, par inconvénient de qui le mariage sortit si douloureux ; car douleur, calamité, misère et désolation en partirent et naquirent à tous lez en un endroit. (Chastell., Chron. K., t.1, c.1456-1471, 137)

...dont la querelle ne compétoit en rien au duc de Bourgongne, sinon par inconvénient (Chastell., Chron. K., t.4, c.1456-1471, 92)

La pluspart des livres de cestui Abraham, par inconveniant de feu, avecques IIIIc mil volumes de autres livres, feurent bruslez oudict Egipte, dont fut grant et inestimable dommage (Simon De Phares, Astrol., c.1494-1498, f° 18 v°)