HUMANITÉ

substantif féminin

[T-L : umanité ; GD : humanité ; GDC : humanité ; AND : humanité ; FEW (IV, 508b) : humanus ; TLF (IX, 977b) : humanité]

I. -[Comme subst. marquant un état propre à l'homme]

A. -Nature humaine.

1.[Point de vue médical et autres]

[Médical]

Et l'eschine est la place publicque des artheres, des nerfz, des esperilz et des vertus et le lit des membres esperituaulx et contient la moelle de la nature d'umanité. (Panis, Guidon, 1478, tr.III, doct.1, chap.1)

[D'un point de vue chrétien] Nature humaine dans sa finitude, dans sa faiblesse, soumise aux appétits corporels.

De rechief voions comme sainte Eglise, catholique religion, honneure souveraine divinité, et pourvoit au regime de povre humanité. (Chart., L. Esp., c.1429-1430, 129)

Pressuposons que oreison fut introduite pour moienner entre grace divine et necessité humaine, et que les haultes richesses et graces de Dieu n'ont quelconquez proportions avecquez la chetive misere de povre humanité, se aucune sainte connexion n'y treuve l'abitude qui raprouche l'omme a la clemence divine, de la quelle jointure faire attribues l'office a oreison (Chart., L. Esp., c.1429-1430, 162)

Prenons en nous humilité Et laissons ce peciet d'orgoel ! Pensons à nostre humanité, Voyons biennostre povreté Et nostre ceur en ara doel (Chastell., Miroir mort V.H., c.1436-1450, 67)

Au pluriel. Choses du monde, biens profanes.

...En fuiant la decepcion Qui est es fausses vanitez Des temptables humanitez. (Mir. parr., 1356, 9)

[Comme participant à la fois des éléments naturels (minéraux, végétaux, animaux) et surnaturels]

N'as pas l'omme communication de son estre communicant avecquez les pierres, son vivre avecquez lez plantes, sentir avecquez lez bestes, et entendre avecquez lez anges ? Humanité print toutes ces mixtions et elemens corruptibles et passibles (Chart., L. Esp., c.1429-1430, 92)

[Comme ce qui s'oppose à l'esprit]

J'ay mon esprit fait subgiet Du tout à mon humanité, Et ne fais riens sans son congiet Et le mainne à sa volenté ; Encline ma fragilité A suivre du corps la plaisance, Aussi ma sensualité Domine sur ma conscience. (Prisonn. desconf. C., c.1488-1489, 44)

[Dans une compar.]

Alumés le chandaille, et fondre le vëés. Le chire est nostre char et nostre humanité, Le flambe est nostre esprit, de ce viengt la clarté (Huon Bordeaux B., c.1400-1450, 3)

2.En particulier. [À propos du Christ incarné]

Mais onques mais creature N'endura n'endure Dolour si tres dure Com vous, quant mors si obscure Ot pour nous l'umanité Dou vray Dieu, car toute injure Et toute laidure Ot contre droiture ; Mais sa mort crueuse et sure Nous ha tous ressuscité. (Mach., Les lays, 1377, 399)

Ainsi le nous tesmoigne saint Jehan euvangelistre qui dit qu'Il vendra et sera sur le trone et jugera ligniés d'Israel, et en qui sera Dieu le Pere, Dieu le Filz et Dieu le Saint Esperit, en la personne du Filz tant seulement, en la forme de la char humaine qu'Il prist ou ventre de la doulce Vierge Marie ; et parlera en la personne du Filz, combien que la divinité soit avec l'umanité (Cout. bourg. glosé P.M., c.1380-1400, 98)

Dont les VJ articles regardent la divinité de Dieu le pere, et les autres VJ la humanité de Jhesucrist (La Sale, J.S., 1456, 38)

En ce temple sacré, en ceste sale digne et honnoree de Nostre Dame furent celebrees les nopces de la Divinité avecquez nostre humanité. Vrayement ycy povreté riche mary a quant nostre humanité se marie et joint a la Divinité ! (Gers., Annonc., a.1400, 230)

Filz de Dieu est, en verité, En humanité pure et necte ! (Pass. Auv., 1477, 132)

Assomption d'humanité. Fait de prendre, de revêtir la condtion humaine.

O bon Jhesu, Dieu et homme, non mie deux personnes, mais un seul Crist, non par conversion de divinité en char, mais par assumpcion d'umanité en Dieu, rens moy leece espirituelle (Chr. Piz., Psaumes allég. R., 1409, 112)

...et ainsy tu fuys de la face de Dieu quy telement se veult de nous approuchier tant par assumption de nostre humanité comme par la communion de son precieux corps (Traité S. Sacr. B., c.1450-1500, 146)

Prendre (notre) humanité/recevoir/vestir humanité

...Quant Dieu (...) Fist son filz des haulx cieulx descendre En vous et humanité prendre Pour nous mener en paradis (Mir. nonne, 1345, 317)

Sire, vecy le corps en quoy Tu preis vraie humanité, Sanz corrompre virginité. (Mir. prev., 1352, 255)

...par douce pité, Par vraie humilité Nous ha tous respité, Quant en toy, douce rose, Prist nostre humanité Li Fils par amité. Ce nous ha tous getté, Dont Sathans ne repose. (Mach., Les lays, 1377, 409)

La sera veuz en sa beauté Li parfais en toute bontés (...), Li Sauveurs et li Souverains Sanz commencement premerains, Sanz fin, en eternalité, Cilz qui print nostre humanité Et qui tant nostre forme ama Depuis le jour qu'il nous forma (Desch., M.M., c.1385-1403, 242)

Et a peu que pour ceste execrable ordure le Filz de Dieu ne laissa a prendre nostre humanité. (Gers., Noël, p.1404, 297)

Humano (...) : vestir humanités, prendre humanités, devenir homme (Le Ver, Dict. M.E., c.1420-1440, 210)

Aprez que Dieu par charité Voult recevoir humanité, Trèze cens ans desjà passez Et quinze troiz foiz amassez (La Haye, P. peste, 1426, 24)

Il a voulu prendre humanité pour participer par compassion et secourir par grace a ton enfermeté. (Chart., L. Esp., c.1429-1430, 98)

Dieu se moeut au centre a parler par mistere, quant il fut incarné et prist nostre humanité (Somme abr., c.1477-1481, 146)

En humanité. Sous forme humaine.

...elle affermoit et juroit que Dieu s'apparoit souvant à elle en humanité (...) et que la darraine foys qu'elle l'avoit veu, il estoit long vestu de robe blanche, et avoit une hucque vermeille par dessoubz (Journal bourgeois Paris T., 1405-1449, 260)

B. -Par métonymie. [Désigne le corps, une partie du corps ou la pers. de qqn]

1.Corps humain, personne humaine.

Le Christ incarné lui-même.

Car la vierge prie l'umanité Qu'envers la deité paix li procure. Adonc la tendre humanité s'avance, Moustrant a Dieu la plaie de la lance Que sa char ot quant fu crucifiie. La est tantost deitez convertie (Mir. chan., c.1361, 184)

L'humanité de qqn. Le corps de qqn.

Hellas, je n'ay ne robe ne pourpoint Dont couvrir puisse ma povre humanité ! (La Vigne, S.M., 1496, 196)

Sus ! mes amis. N'y ait celuy Qui ne viengne au devant de luy, Car nous luy devons honneur faire, Quant il a plu au noble pere [le pape] Transporter son humanité En ce lieu. (Myst. st Laur. S.W., 1499, 162)

2.Sexe humain, parties sexuelles.

De ces feullez nous caicherons Pour certain nostre humanité ; Je me treuve tout effronté, Honte ay trop grant quant je voy. (Pass. Semur D.M., c.1420 [1488], 17)

...plusieurs se avancent à renoyer Dieu et la Vierge Marie, jurer la teste, le sang, les yeulx, les braz et autres humanitez d'iceulx, se donnent au deable en contempnant Dieu et nostre foy catholique (Très anc. cout. Bret. P., Textes divers, 1420, 383)

ADAM. ...Prenons des fueilles de figuier, Deux et deux les cousons ensemble : Tres bien serviront, ce me semble, A nostre humanité couvrir. (Gréban, Pass. J., c.1450, 19)

Si s'aresta et de loins l'appella la personne et dist a Zozimas : 'Je suis femme pecheresse ; tant sui nue que riens n'ay dont je puisse couvrir mon humanité. Dont de honte ne m'ose moustrer a toy...' (Vie ste Marie Eg., Y D., c.1450, 256)

Si se partirent cil message et s'en vinrent en l'ost tous nuds et ne faisoient semblant nul de leur humanité couvrir. (Wauquelin, Faits conq. Alexandre H., c.1450, 312)

Par analogie.

Remarque : [De la mandragore dont la racine a une forme anthropomorphe] : ...faites patez de coulons tubez, de male et femele, et metez poivre et gingambre a grant planté, et faites .j. baing et prenez du mendegloire, du male et de la femelle, de l'humanité, et destrempez en bon blanc vin fort... (Recettes méd. 1330-1350. In : Romania 18, 1889, 574)....les humanitez du mendegloire font reprendre et reclore les routures de la matrice, et li bons vins li donne volenté d'estre avec home (Recettes méd. 1330-1350. In : Romania 18, 1889, 574).

3.Vie humaine.

Aussi fut Minerve essaulcee a Athenes comme deesse pour la recongnoissance des ars qu'elle trouva ; et semblablement Apolo deifié pour son excellence, et pour les merveilles qu'il fist sur corps d'omme par art de medicine. Trop estoit celle multitude de gent indiscripte et decevable de demander aide divin aux mors, et de querir divinité ou humanité estoit fallie et corrumpue. (Chart., L. Esp., c.1429-1430, 114)

GUILLEMETTE. Par mon serment, il se mourra Tout parlant. Comment il escume ! Vëez vous pas comme il estime Haultement la divinité ? El s'en va, son humanité : Or demourray je povre et lasse. (Path. D., c.1456-1469, 136)

[À propos de Jésus]

Ensement cil par vraie obeissance, Qui desiroit l'umaine sauveté, Vint faire en croiz d'umains la delivrance Et pour ç'offrir a mort s'umanité. (Mir. chan., c.1361, 186)

C. -En particulier. [La nature humaine en tant que créatrice de valeurs morales, sociales]

1.Attitude de compréhension, de bienveillance, comportement qui exclut la cruauté, la dureté.

Je me recorde avoir leu ou livre Noctium acticarum que en lisant les noblesces des bonnes meurs de Phelippe le roy de Macedoine, il est escript que entre touz ses fais il laboura moult et s'estudia de embelir et colorer l'estude des clers et personnes lettrees aussi comme les fais de ses batailles et les honneurs de ses victoires et liberalité de sa table et office de humanité et toutes choses dittes ou faittes bel et plaisaument. (Foul., Policrat., IV, 1372, 66)

Justice se monstre principaument se tu ne nuis point et tu deffens de l'office de vraie humanité les innocens de ceulz qui veullent nuire. (Foul., Policrat., IV, 1372, 82)

Mais est, a dire verité, Qui ç'a fait sanz humanité, Plain de fausse et mauvaise envie, D'avoir ainsi tolu la vie A un si noble et vaillant corps. (Mir. st Lor., 1380, 145)

Le roy en chambre entre ses chevaliers, ou millieu de son peuple, et souverainement entre les pauvres et afflitz doit estre et doulx et debonnayre, et consoler chacun par vraye humanite. (Mézières, Songe vieil pèl. C., t.2, c.1386-1389, 162)

Humanitas (...) : doucheur, humanités, benignités (Le Ver, Dict. M.E., c.1420-1440, 210)

...quoy que a princes singulierement appartient clemence et debonnaireté, pour ce que puissance fait les seigneuries redoutables, mais clemence les fait estables et fermes, et de la clemence et humanité du prince naist confidence, de confidence sceurté, de sceurté hardement d'entreprendre et constance de conduire, mais du contraire de clemence naist souppeçon, de souppeçon vengence, de vengence rancune, separation et murmure. (Chart., Q. inv., 1422, 63)

Pour vostre excellente beaulté Je suis deffait en verité, Se vostre doulce humanité Ne s'accorde a moy conforter. (Narcissus, p.1426, 309)

...car doulceur, pitié et humanité partent de misericorde. (La Sale, Salade, c.1442-1444, 9)

Car au resgart de vous, mon souverain seigneur, vous n'estes pas simplement personne laye mais prelat ecclesiastique, le premier en vostre royaume qui soit aprez le pape, le bras dextre de l'esglise, et devez avoir humanité, es miseres des creatures pitié et misericorde. (Juv. Urs., Verba, 1452, 209)

Et ce fait, pour leur monstrer l'humanité et la bonté de Françoys, ilz furent menez et conduitz a Versay. (La Vigne, V.N., p.1495, 305)

En humanité. Avec bienveillance.

J'ay resplendy de ma divinité Le cueur des cieulx et, en humanyté, L'immunde monde ay fait solacïeux, Le souleil plain de toute amenyté (La Vigne, S.M., 1496, 208)

Acte de générosité, acte d'humanité.

Enfin, la verité de ceste pitié de fille envers sa mere congneue par le juge, il donna la mere a la fille en lui pardonnant son pechié et voult estre participant d'icelle pitoiable humanité (Colart Mans., Dial. créat. R., 1482, 231)

Au pluriel. Humanités de qqn. Amabilités, marques de bienveillance de qqn.

...pour XV jours ou III sepmaines que droit la sejourna, ne se trouva onques en lieu de tele chiere, car se trouva toute entreprise et honteuse des festiemens et des grandes humanitéz de ce duc. (Chastell., Chron. IV, D., c.1461-1472, 238)

En demonstrant leurs grans humilitez Parmy Thurin, grandes solempnitez Furent requises et mises en avant, Franches repeues, grosses urbanitez, Recueil joyeux, doulces humanitez, Sans les personnes qui furent au devant (La Vigne, V.N., p.1495, 160)

2.Ensemble de règles, de façons de vivre, de croyances propres à un pays, à une région.

Sur tous ceulx qui sont en Gaule, les Belges sont les plus fors pour raison de ce qu'ilz sont tres loingtains de la conduicte et humanité de nostre région et de Provence, et que les marchans vont peu souvent a eulx et ne leur portent point ce qui est pertinent a amollir et faire lasches leurs corages (Gaguin, Comment. César, 1485. In : Chrestom. R., 250)

II. -Genre humain, ensemble des hommes.

Pour ce pri la trinité Et la dame d'umilité Qu'ilz me vueillent tel sens donner Qu'un livre puisse composer Qui soit d'aucune utilité, Pourfitant a humanité, En l'onneur de Dieu et prouffit De celui qui ce livre fit : Lequel livre est appellé Le livre contre tout peché. (CH. D'ORLÉANS, L. péché C., 1404, 545)

Lors Jupiter, dolent de cuer, Avec Vénus, sa doulce seur, Chéuz en admiration De si dure conclusion, Commencèrent, par grant pité, à excuser Humanité Et à loer en leur langage Tout au contraire Humain Lignage (La Haye, P. peste, 1426, 37)

Et, en oultre, considérant Comme aloit le cas requérant Les grans défaulx et vanité Régnans lors en Humanité (La Haye, P. peste, 1426, 40)

Qui pourroit descripre, N'a compter souffire, Tout ce qui descire, Et a meschief tyre Nostre humanité ? (Chart., L. Esp., c.1429-1430, 10)

Sire Dieu, pour ta grant puissance Qui as creé toute substance, Le solois [et] estuelle et lune, Et as donné droit a chascune Sa viertu et sa clareté Pour servir a l'umanité, Tu es la plus haulte lumyere A cieulx qui ont creance entiere enti[e]re (Myst. st Bern. Menth. L., c.1450, 69)

Vient apprés Justice qui t'aministre son fruit et te met en front droit naturel auquel par premiere loy donnee a l'omme, toute nostre humanité doibt estre subjecte. (Chastell., Temple Boc. B., 1463-1464, 173)

...Parquoy concludz de irrevocable peste De humains pugnir l'offence manifeste Et la plupart d'humanité destruire. (Cene dieux, c.1492, 121)

Vostre sentence despreuvee Conclud encontre humanité Que Mort subite et aggravee L'occise ains son point limité. (Cene dieux, c.1492, 138)

Je croy en Dieu de trinité, Qui nous monstre tel exemplaire ; C'est nostre Dieu et nostre pere, Le consoleur d'humanité. (Myst. st Laur. S.W., 1499, 217)